TƏ́DA 11:2 - Bibəl ta Sar̄

² Kósə de gə̄ əgan̄ kɔŕ kə̄ dɔ Moijə tə́, adə̄ Moijə rāā Kɔ́ɔ̄ɓē ɓɔ́ tām̄ yādə́ tə́, anī hor ní oy.

Bible sar

² Kósə de gə̄ əgan̄ kɔŕ kə̄ dɔ Moijə tə́, adə̄ Moijə rāā Kɔ́ɔ̄ɓē ɓɔ́ tām̄ yādə́ tə́, anī hor ní oy.

TƏ́DA 11:2 Referans Kwoze

TƏ́DA 21:7

Gír de gə̄ reē əngen̄ Moijə ba ədanən̄ na: Jə-rāā yá̰á̰ kə́ majaĺ tām̄ jə-tə́da najə̄ dɔ Kɔ́ɔ̄ɓē tə́ ō, dɔí tə́ ō. Ba ī-rāā Kɔ́ɔ̄ɓē ɓɔ́ ādə̄ tə̄ɓā lī gə̄ ń toō kɔ̄ɔ́ dɔjí tə́ ādə̄ aw̄n̄ sa̰y. Moijə rāā Kɔ́ɔ̄ɓē ɓɔ́ tām̄ yā gír de gə̄ tə́.

JAKƏ 5:16

Ədaī naā gír majaĺ yāsí gə̄ ō, ī-ndɔ̄yī tām̄ yā naā tə́ ō, yā kadə̄ rɔ̄sí ngáań. Ndɔ̄ȳ yā de kə́ gōtə́ ní tɔ́gən i ngá̰ý ō, a rāā kəla ō.

1 JA̰A̰ 5:16

Ré de kə́rēý a̰a̰ ngōkó̰o̰n loo rāā majaĺ kə́ a əla deē ta yo tə́ aĺ tə́ anī, ādə̄ ni-ndɔ̄ȳ Nə́ɓā tām̄ yān tə́, na Nə́ɓā a rāā kadə̄ a ndi kə kumneé. Majaĺ kógə̄ḿ kə́ a əla deē ta yo tə́ i noó. Ba i nge ń noō n m-ə́da najə̄ yā ndɔ̄ȳ tām̄ yā nge rāān tə́ ní alé.

HEBƏRO 7:26

Adə̄ ngol ngé tun̄ yá̰a̰ gə̄ kə́ majə tām̄ yājí tə́ i Jeju. Ni i de kə́ táĺ ō, najə̄ gətóo dɔn tə́ ō, yá̰á̰ kógə̄ḿ kə́ majaĺ tákə̄n aĺ ō. Ɔr̄nən̄ kɔ̄ɔ́ dan ngé rāā majaĺ gə̄ tə́ ō, un aw̄n̄ seneé dɔɔ́ dɔ rā̰ tə́ ō.

KƏLA RĀĀ 8:24

Simo̰ tél əda Piyer nin̄ kə Ja̰a̰ na: Sḭḭ̄ kɔ́ gə̄ ī-ndɔ̄yī Kɔ́ɔ̄ɓē tām̄ yāḿ tə́, ādə̄ yá̰á̰ kógə̄ḿ kə́ dan yá̰a̰ gə̄ ń ə́damī tə́ toō rāām̄ alé.

JEREMI 42:2

kə̄ rɔ̄ Jeremi nge koō ta tə́ ba ədanən̄ na: Jə-rāāī ɓɔ́ ba ī-nēl̄ mbīí ōoń najə̄ yājí. Ɔ̄r̄ najə̄ kə Kɔ́ɔ̄ɓē Nə́ɓā yāí tām̄ yājí jḭḭ gotə de kə́ séý beē gə̄ ń jə-na̰y tə́ toō. Rɔ̄kum, kété ní jḭḭ i de kə́ ngá̰ý gə̄ ba ń toō ɓáa jḭḭ ngé teē ta yo tə́ gə̄ i sḛ́ý beē, tītə̄ ń īkɔ́ á̰a̰ń kə kumií toō.

JEREMI 37:3

Mban̄g Sedekias əla Yehukal, kə́ ngōn̄ Selemia ō, Sepania nge tun̄ yá̰á̰ kə́ ngōn̄ Maseya ō, rɔ̄ Jeremi nge koō ta tə́ kadə̄ ədanən̄ na: m̄-rāāī ɓɔ́ ba ɔ̄r̄ najə̄ kə Kɔ́ɔ̄ɓē Nə́ɓā yājí tām̄ yājí tə́!

JEREMI 15:1

Kɔ́ɔ̄ɓē ədam̄ na: Ká ré Moijə nin̄ kə Samuel reē ran̄neé ta kumḿ tə́ gə̄gē anī, m-ā m-ōō ndɔ̄ȳ yādə́ kə́ tām̄ yā de gə̄ ń noō tə́ alé. Ī-tə́ɓādə́ kɔ̄ɔ́ ta kumḿ tə́, ādə̄ aw̄n̄.

IJAI 37:4

Mban̄g kə́ Asiri əla ngol áskar yān gə̄ kə́ dɔ madə̄ gə̄ tə́ adə̄ reē tájə̄ Nə́ɓā kə́ ndi kə kumneé. Nə́ngētə́ Kɔ́ɔ̄ɓē Nə́ɓā yāí asə i koō ndū ń ni tájə̄ ní ō, asə i kəndan tām̄ najə̄ kɔrə̄n tə́ ō anī! Ḭ̄ Ijai, ɔ̄r̄ najə̄ kə Kɔ́ɔ̄ɓēé tām̄ yā de gə̄ kə́ dan gír deē yān gə̄ tə́ ń ndin̄ kə kumdə́ ní.

PĀ GƏ̄ 106:23

Ni gḛy tɔ̄l̄də́ kɔ̄ɔ́ malang, banī Moijə ń ni gə̄rān kété ní ra non tə́ əhɔn dɔ tə́. Wōn̄g yān ń i wōn̄g kə́ a nujə loo ní, Moijə tūr̄ ta dɔ de gə̄ tə́ kɔ̄ɔ́.

Teē Ngán Israel gə̄ 34:9

Gō tə́ anī əda na, dan ń Kɔ́ɔ̄ɓē na rāā kem majə seneé ɓá ní, na n-rāān ɓɔ́ kadə̄ kə dān̄də́ kə aw̄ sedə́. Na n-ger̄ majə kadə̄ de gə̄ ń noō na i de gə̄ kə́ dɔdə́ na ngan̄g ngá̰ý ɓá tā ba kə mā̰ȳ rɔ̄n dɔ majaĺ yādə́ gə̄ tə́ ō, dɔ yá̰á̰ kə́ gōtə́ aĺ gə̄ ń rāān̄ tə́ ní ō, kə rāādə́ gír deē yān gə̄ kə́ rɔ̄kum tə́ ō.

TƏ́DA 12:11

Aaro̰ əda Moijə na: Sarya əhɔjí, banī m̄-rāāī ɓɔ́, ī-lōō kəndají najə̄ yá̰á̰ kə́ majaĺ ń jə-rāā loo ɓodə tə́ ní.

TƏ́DA 12:13

Tā anī Moijə rāā Kɔ́ɔ̄ɓē ɓɔ́ əda na: Nə́ɓā, m̄-rāāī ɓɔ́, ájən.

Teē Ngán Israel gə̄ 10:18

Moijə əya̰ Parao̰ ba teē láẃ aw̄ ndɔ̄ȳ Kɔ́ɔ̄ɓē.