Biblia Todo Logo
Bib sou entènèt

- Piblisite -




TƏ́DA 11:17 - Bibəl ta Sar̄

17 M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

Gade chapit la Kopi

Bible sar

17 M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

Gade chapit la Kopi




TƏ́DA 11:17
32 Referans Kwoze  

Loo ń noō tə́ Ndíl yā Kɔ́ɔ̄ɓē a reē dɔí tə́ kə tɔ́gɔ́ adə̄ ā ī-rāā yá̰á̰ kə́ de kə́ yá̰a̰ rāān tə́ tītə̄ yādə́ ō, ā ī-tél de kə́ rang ō.


Kɔ́ɔ̄ɓē risə dan kil̄ man̄ tə́ ɔr̄ najə̄ kə Moijə. Ni-kēgə̄ Ndíĺ ń ndi kem Moijə tə́ ní sḛ́ý adə̄ kum kɔɔ̄ gə̄ ní. Dan nəkɔ́ ń ndíl əhɔ loo dɔdə́ tə́ bang ɓá ní a, əlan gír kɔr̄ najə̄ kə́ ngé koō ta gə̄ tə́, banī nayn̄ kə̄ loo kɔr̄ tə́ alé.


Banī jḭḭ̄ j-əngeī i ndíĺ kə́ dɔ nang tə́ laā alé, ba i Ndíĺ kə́ ḭḭ rɔ̄ Nə́ɓā tə́, yā kadə̄ jə-gerīneé yá̰á̰ gə̄ ń Nə́ɓā adə̄jí kə gō kem ndaa yānneé ní.


Dan ń teēn̄ kə̄ gidə kə́rēý tə́ anī Eli əda Elije na: Ī-dəjem̄ yá̰á̰ ń kemií gḛy kadə̄ m̄-rāā m-ādī ní pá tá ādə̄ Kɔ́ɔ̄ɓē unəm̄ taí tə́ kɔ̄ɔ́ ɓáý. Anī Elije tél əda Eli na: m̄-rāāī ɓɔ́, ādə̄ ndílí ń a kegə̄n̄jí naā tə́ ní, m-ə́ngé núsən nja jōó.


Ɓūtə̄ ngé koō ta gə̄ kə́ Jeriko ń ran̄ sa̰y a a̰a̰n̄neé Elije ní ədan̄ na: Ndíl Eli reē dɔ Elije tə́. Nin̄ ɔjən̄ no Elije ō, ɔsə̄n̄ nodə́ nang tə́ non tə́ ō,


Ba ré ī-rāāī yá̰a̰ i kə gō kem ndigə yā dā̰ rɔ̄ɔ́ alé anī, ā ī-rāāī yá̰a̰ i kə gō kem ndigə yā Ndíĺ kə́ Táĺ, tām̄ Ndíl yā Nə́ɓā ndi kemsí tə́. Ré deē kógə̄ḿ ənge Ndíl Kərist aĺ anī, ni i deē yān alé.


Adə̄ deē ń mbātə́ yá̰a̰ ń j-ɔjəsí toō ní, mbātə́ i deē ndul alé, banī mbātə́ i Nə́ɓā kə́ nge kadə̄sí Ndíĺ kə́ Táĺ yān.


Ḭ̄ ādə̄də́ ndílí kə́ majə kadə̄ gern̄neé yá̰a̰ ō, ɔ̄gə̄də́ mána aĺ ō, ādə̄də́ man̄ adə̄ a̰ȳn̄ kadə̄ tɔ̄l̄ kəndā ń rāādə́ ní ō.


kadə̄ ndin̄ loo sarya tə́ kə dɔ ndɔ̄ gə̄ yā rāań sarya yā ngán Israel gə̄. Najə̄ kə́ bo gə̄ ɓáa kadə̄ kə reēn̄neé non tə́, ba ré i ngán najə̄ gə̄ ɓáa kadə̄ nin̄ kɔ́ gə̄ kə gāngə̄n̄ sarya kə́ dɔ tə́. Na majə kadə̄ kə rāā i tītə̄ ń noō tá kəla na a hɔɔ́lɔ̄ dɔn tə́, tɔdɔ̄ na a əhɔnən̄ ta tə́.


I nin̄ n i ngé rāā yá̰a̰ kadə̄ de gə̄ mbātə́n̄ naā ní. I háĺdə́ n o̰o̰ ɓē dɔdə́ tə́ ba i Ndíĺ Nə́ɓā alé.


Sḭḭ̄ ə́laī dɔsí gír najə̄ kə́ rɔ̄kum tə́ ī-tə́goīneé ngarān̄g kemsí adə̄ unjə̄ njáý njáý, i yā tárəń ngákó̰ó̰sí kə́ ngé taā kem gə̄ kə táŕ kə́ kanjə̄ gól̄ looó. I beé ní, ī-táriī naā kə kem kə́ ndaa tá táĺ, kanjə̄ kɔr ta tə́.


Kɔ́ɔ̄ɓē risə dan kil̄ man̄ tə́ reē ra ta kújə ní tə́, ba ɓāŕ Aaro̰ nin̄ kə Miriam. Anī nin̄ jōó mbak ndɔ́tə̄n̄ kə̄ kété.


Kɔ́ɔ̄ɓē risə dɔ mbal̄ Sinai tə́. Ni-ɓāŕ Moijə dɔ mbalá dɔɔ́ anī Moijə al̄ dɔ mbalá.


Kɔ́ɔ̄ɓē risə dɔ nang tə́ yā ka̰a̰ ɓē bo ō, kújə́ kə́ ngāl̄ ɓururu ń de gə̄ a rāān̄ ní ō.


Ni-əda najə̄ ń toō i tām̄ yā Ndíĺ kə́ Táĺ ń ngé taā kem gə̄ a əngen̄ ɓáý tə́ ní. Dan ngeé ń noō tə́ ní adə̄n̄ Ndíl reē aĺ ɓáý, i tɔdɔ̄ ɔsə gɔn Jeju aĺ ɓáý.


Deē kógə̄ḿ kə́ ḭḭ dɔ nang tə́ aw̄ dɔ rā̰ tə́ gətóo, ba i ngé ń ḭḭ dɔ rā̰ tə́ reē dɔ nang tə́ á i Ngōn̄ Deē ní tá ngóy.


Tām̄ mā m̄-rāā kadə̄ man̄ a nūgə́ dɔ nang kə́ kəndā man̄ a rāān tə́ ō, m-ā m̄-rāā kadə̄ ngán man̄ gə̄ a nūgə́n̄ dɔ nang kə́ tutə tə́ ō. M-ā m̄-ɓōkə́ ndílə́ḿ dɔ ngání gə̄ tə́ ō, m-ā m̄-tɔ́r̄ taḿ dɔ ngán kaaí gə̄ tə́ ō.


Kɔ́ɔ̄ɓē tél əda Moijə na: Jojue ngōn̄ Nun i de kə́ ndílə́ḿ rāā kəla kemən tə́. Ī-ɓārə́n ba ə̄ndā jīí dɔn tə́.


M-ɔ̄r̄ najə̄ seneé kadə̄ unjə̄ aĺ alé. Tají sɔɔ̄ ta naā ō, m̄-rāā kadə̄ ni a̰a̰m̄ ō, adə̄ ni-a̰a̰ yá̰á̰ ń i Kɔ́ɔ̄ɓē ní. Ba i tām̄ rí tə́ á sḭḭ̄ ī-ɓōlíī alé ba ī-tāmī kə nge kəla yāḿ Moijə ní?


Kɔ́ɔ̄ɓē risə dan kil̄ man̄ tə́ reē ra rɔ̄n tə́. Anī Moijə əda kə ndū boó na: Kɔ́ɔ̄ɓē.


Ādə̄ ndin̄ dɔ rɔ̄də́ tə́ tām̄ yā ndɔ̄ kə́ nge ko̰ mətá tə́, tɔdɔ̄ ndɔ̄ ń noō tə́ ní m-ā m̄-risə dɔ mbal̄ Sinai tə́ ta kum de gə̄ tə́ malang.


Dan ń Kɔ́ɔ̄ɓē ɔr̄ najə̄ kə Abəraham oy anī, ɔtə aw̄. Ba Abəraham tá tél aw̄ gogə́ ɓēé.


Dan ń Nə́ɓā ɔr̄ najə̄ kə Abərahamaá gír gān̄g anī, əya̰n ba aw̄.


Abəram ɔsə non nang tə́, anī Nə́ɓā ɔr̄ najə̄ seneé ɓáý to̰, əda na:


Na nəkɔ́ Moijə gə̄gē, de gə̄ ń seneé ní gə̄gē, na a ɔrən̄ malang. Kəla ń noō na i kəla kə́ al̄ dɔ tɔ́gən, adə̄ na a asə rāā kə kérneé alé.


Loo ń noō tə́ əga kem gír deē yān gə̄ dɔ yá̰á̰ kə́ mān̄ kɔ̄ɔ́ tə́, dɔ ɓāl̄ gə̄ ń Moijə i sedə́ tə́ ní: Nge ń teē kə gír deē yān gēé kum bā bo tə́ ní, kə ɓūtə̄ yá̰a̰ kul̄ yān gēé naā tə́ kə ngé ngɔ̄m̄ yá̰á̰ kul̄ yān gēé ní, ni i rá? Nge ń əndā ndílən dɔ dáńdə́ tə́ ní ni i rá?


Dan ń Moijə udə kem kújə kənge naā tə́ yā kɔr̄ najə̄ kə Kɔ́ɔ̄ɓēé anī, ni oō ndū Kɔ́ɔ̄ɓē loo kɔr̄ najə̄ tə́ seneé. Ndūn ní ɓār̄ i mbo̰ō̰ ngé ngɔ̄m̄ loo kə́ dɔ rā̰ tə́ gə̄ ń ran̄ dɔ ta sandúkə madə̄ naā tə́ ní. Loo ń noō tə́ ni-ɔr̄ najə̄ seneé.


Swiv nou:

Piblisite


Piblisite