TƏ́DA 11:16 - Bibəl ta Sar̄

¹⁶ Kɔ́ɔ̄ɓē tél əda Moijə na: Ī-ɓāŕ kum kɔɔ̄ gə̄ yā ngán Israel gə̄ kutə sīrí ādə̄ reēn̄ rɔ̄ḿ tə́, ngé gə̄ ń ī-ger̄də́ adə̄ nin̄ i kum kɔɔ̄ gə̄ ō, nin̄ i ngé ndóō de gə̄ ndū najə̄ gə̄ ō ní. Ādə̄ reē ran̄ seí ta kumḿ tə́, ta kújə kənge naā tə́.

Bible sar

¹⁶ Kɔ́ɔ̄ɓē tél əda Moijə na: Ī-ɓāŕ *kum kɔɔ̄ gə̄ yā ngán *Israel gə̄ kutə sīrí ādə̄ reēn̄ rɔ̄ḿ tə́, ngé gə̄ ń ī-ger̄də́ adə̄ nin̄ i *kum kɔɔ̄ gə̄ ō, nin̄ i ngé ndóō de gə̄ *ndū najə̄ gə̄ ō ní. Ādə̄ reē ran̄ seí ta kumḿ tə́, ta *kújə kənge naā tə́.

TƏ́DA 11:16 Referans Kwoze

Teē Ngán Israel gə̄ 24:1

Kɔ́ɔ̄ɓē əda Moijə na kə al̄ dɔɔ́ kə̄ rɔ̄n tə́ dɔ mbalá, kadə̄ Aaro̰ ō, Nadab ō, Abihu ō, nin̄ kə kum kɔɔ̄ kə́ kutə sīrí gə̄ yā ngán Israel gə̄, kə alə̄n̄ seneé ō. Kə ran̄ sa̰y kə ɔsən̄neé nodə́ nang tə́ non tə́.

Teē Ngán Israel gə̄ 24:9

Gō tə́ anī Moijə al̄ dɔ mbalá kə Aaro̰ ō, Nadab ō, Abihu ō, kum kɔɔ̄ kə́ kutə sīrí gə̄ yā ngán Israel gə̄ ō.

NDŪ NAJƏ̄ 16:18

Ɓē gə̄ malang ń Kɔ́ɔ̄ɓē Nə́ɓā yāí a adī ní, ā ī-tə́ndā ngār sarya gə̄ ō, ngé ndóō de gə̄ ndū najə̄ gə̄ ō, kemeé kadə̄ gāngə̄n̄ sarya yā de gə̄ kə́ gír ɓē yāí gə̄ tə́ kə gōó.

NDŪ NAJƏ̄ 1:15

Adə̄ m-ɔ́y ngār gə̄ kə́ dɔ gír ɓē yāsí gə̄ tə́ ń i de kə́ kumdə́ edə̄ gə̄ ō, kə́ ī-gerī háĺdə́ majə gə̄ ō ní m̄-tə́ndādə́ dɔsí tə́. M-ə̄ndā kə́rēý i ngār gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, kə́ dɔ de kə́ kutə mí gə̄ tə́ ō, kə́ dɔ de kə́ kutə kógə̄ḿ gə̄ tə́ ō. M-ə̄ndā kə́rēý gə̄ i ngé ndóō de gə̄ ndū najə̄ kə́ tām̄ yā gír ɓē yāsí gə̄ tə́.

TA KƏLA 46:27

Ngán Jəjep kə́ ojədə́ dɔ nang kə́ Ejiptə tə́ gə̄ i jōó. Kutə de gə̄ malang kə́ kem kojə yā Jakob tə́ ń reē ugə̄n̄ dɔ nang kə́ Ejiptə tə́ ní i deē kutə sīrí.

Najə̄ kə́ Majə yā Jeju ń Luk ndang ní 10:17

Ngé kə́ kutə sīrí gidə i jōó gə̄ ní tél reē ugə̄n̄. Rɔ̄də́ nel̄də́ ngá̰ý adə̄ ədan̄ Jeju na: Kɔ́ɔ̄ɓē, dan ń j-əda rīí anī, ndíĺ kə́ majaĺ gə̄ gə̄gē oōn̄ tají ba rāān̄ yá̰á̰ ń j-ədadə́ ní.

Najə̄ kə́ Majə yā Jeju ń Luk ndang ní 10:1

Gō yá̰a̰ gə̄ ń noō tə́ anī, Kɔ́ɔ̄ɓē gə̄rā de kə́ rang gə̄ kutə sīrí gidə i jōó, ba əladə́ jōó jōó kété non tə́ kem ɓē gə̄ malang ō, kə gō loo gə̄ ō ń nəkɔ́ a rāā yā kaw̄ tū tə́ ní.

EJEKIEL 8:11

Kum kɔɔ̄ gə̄ kutə sīrí yā ngán Israel gə̄ ran̄ kə njadə́ dɔɔ́ no nə́ɓā kə́ rɔ̄kum aĺ gə̄ ní tə́. Yajania kə́ ngōn̄ Sapan i dandə́ tə́. Nin̄ kógə̄ḿ kógə̄ḿ ní, ganáń róō ndujə̄ yá̰á̰ kə́ kotə majə i jīdə́ gə̄ tə́ kógə̄ḿ kógə̄ḿ ō, sa ndujə̄ yá̰á̰ kə́ kotə majə ḭḭ kum kə̄ dɔɔ́ dɔɔ́ ō.

Teē Ngán Israel gə̄ 4:29

Moijə nin̄ kə Aaro̰ ɓārə́n̄ kum kɔɔ̄ yā ngán Israel gə̄ malang.

NDŪ NAJƏ̄ 31:28

Kum kɔɔ̄ gə̄ kə́ dɔ gír ɓē yāsí gə̄ tə́ ō, ngé ndóō de gə̄ ndū najə̄ gə̄ ō ní, ī-reēī sedə́ rɔ̄ḿ tə́ malang. Dɔ rā̰ ō, dɔ nang ō, i kə́ kum tə́ yāḿ gə̄ kə̄ nodə́ tə́, kadə̄ m̄-tə́dań kum pā ń Nə́ɓā adə̄m̄ ní kadə̄ oōn̄.

Teē Ngán Israel gə̄ 18:25

Ni-gə̄rā de kə́ ngáā ngáā gə̄ dan ngán Israel gə̄ tə́ əndādə́ dɔ de gə̄ tə́. Əndādə́ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

TƏ́DA 11:24

Moijə teē aw̄ əda gír de gə̄ yá̰á̰ ń Kɔ́ɔ̄ɓē əda ní. Gō tə́ anī ni ɔy kum kɔɔ̄ gə̄ yā ngán Israel gə̄ kutə sīrí tə́ndādə́ kə gō gidə kújə kənge naāá.

JEREMI 19:1

Kɔ́ɔ̄ɓē ɔr̄ najə̄ i tītə̄ ń toō beé: Āw̄ ī-mang jóo man̄ jī kɔdə̄ jóó tə́, ba ī-gə̄rā kum kɔɔ̄ kə́rēý gə̄ dan ngáń Israel gə̄ tə́ ō, dan ngé tun̄ yá̰a̰ gə̄ tə́ ō ādə̄ aw̄n̄ seí.

TƏ́DA 16:25

Moijə aw̄ kənge Datan nin̄ kə Abiram tə́, anī kum kɔɔ̄ gə̄ yā ngán Israel gə̄ unən̄ gōn.