TƏ́DA 11:10 - Bibəl ta Sar̄

¹⁰ Moijə oō kōō ngán Israel gə̄ ń ndin̄ kə gō gír kojə yādə́ gēé a nōōn̄ kə̄ ta kújə yādə́ gə̄ tə́ ní. Wōn̄g rāā Kɔ́ɔ̄ɓē ngá̰ý. Rɔ̄ Moijə nelə̄n alé,

Bible sar

¹⁰ Moijə oō kōō ngán *Israel gə̄ ń ndin̄ kə gō gír kojə yādə́ gēé a nōōn̄ kə̄ ta kújə yādə́ gə̄ tə́ ní. Wōn̄g rāā Kɔ́ɔ̄ɓē ngá̰ý. Rɔ̄ Moijə nelə̄n alé,

TƏ́DA 11:10 Referans Kwoze

PĀ GƏ̄ 78:21

Dan ń Kɔ́ɔ̄ɓē oō najə̄ ń noō ní wōn̄g rāān, wōn̄g ḭḭ seneé kə ngán Israel gēé, tītə̄ hor kə́ kadə̄ o̰o̰ deē yān gə̄ beé.

MARK 10:14

Dan ń Jeju a̰ā̰ anī, nelə̄n alé, adə̄ ni-ədadə́ na: Əya̰ī ngáń kə́ dūú gə̄ ādī reēn̄ kə̄ rɔ̄ḿ tə́, ba ī-lōōī kɔgə̄də́ reē, tɔdɔ̄ i de kə́ tītə̄də́ beē gə̄ n Ɓē ko̰o̰ yā Nə́ɓā i tām̄ yādə́ tə́ ní.

MARK 3:5

Jeju a̰a̰də́ kə wōngōó. Tōrə̄n ngá̰ý kemən tə́ najə̄ kem ngan̄g yādə́ tə́, ba əda deē ní na kə ndájə̄ jīn, ni-ndájə̄ jīn anī jīn tél to karī kɔ̄ɔ́.

JEREMI 17:4

A ə́ya̰ ɓē ń m-ādī ní ba ā ɔ̄r̄ rɔ̄í yā ndi kə kérí sa̰y rɔ̄ tə́. M-ā m-ə́la dɔí gír tɔ́gə yā madə̄ ba̰ā̰í gə̄ tə́ kem ɓē kə́ ī-ger̄ aĺ tə́. Tɔdɔ̄ ī-rāāī ādə̄ wōn̄g yāḿ əɓa hor tə́ bup yā ko̰o̰sí kə́ njɔ́ḿ gə̄ tə́.

IJAI 5:25

I tām̄ najə̄ ń toō tə́ n wōn̄g rāā Kɔ́ɔ̄ɓē ngá̰ý kə gír deē yān gēé ní. Ni ɓir̄ jīn ba un kə̄ dɔɔ́ əndańdə́. Mbal̄ bo gə̄ ndewn̄, nīń de gə̄ to kə̄ kum róbə kɔsə gə̄ tə́ tītə̄ loo gə̄ kə́ kánə̄n̄ yá̰á̰ kə́ yḛr gə̄ tū tə́ beē. Yá̰a̰ malang ń noō rāā yá̰á̰ ɓá tā, banī wōn̄g yā Kɔ́ɔ̄ɓē tetə alé. Ni əhɔ jīn kə́ ɓir̄ dɔɔ́.

PĀ GƏ̄ 139:21

Kɔ́ɔ̄ɓē, ngé kimí gə̄ ní loo kadə̄ m-īm̄də́ aĺ i ba̰ý? ngé rɔ̄ɔ̄í gə̄ ní loo kadə̄ m̄-kídə̄də́ aĺ i ba̰ý?

PĀ GƏ̄ 106:25

Tāmə̄n̄ kə̄ kem kújə tandā yādə́ gə̄ tə́ ō, oōn̄ ta Kɔ́ɔ̄ɓē aĺ ō.

PĀ GƏ̄ 78:59

Dan ń Nə́ɓā a̰a̰ yá̰á̰ ní anī, wōn̄g rāān ngá̰ý, adə̄ əya̰ Israel gə̄ kɔ̄ɔ́.

NDŪ NAJƏ̄ 32:22

Rɔ̄kum, wōn̄g yāḿ ḭḭ seḿ, o̰o̰ loo tītə̄ hor bátə́ teē gō ngé ń ɓádá tə́. O̰o̰ dɔ nang ō, kan̄ yá̰a̰ gə̄ malang kə́ dɔ nang tə́ ō, o̰o̰ loo bátə́ teē ngəra mbal̄ gə̄ tə́ nang tə́.

TƏ́DA 21:5

adə̄ əlan̄ gíŕ tə́da najə̄ dɔ Nə́ɓā tə́ ō, dɔ Moijə tə́ ō, ədan̄ na: Ī-teēī sejí kɔ̄ɔ́ kem ɓē kə́ Ejiptə tə́ i tām̄ rí tə́? I kadə̄ j-oy kem dəla loo tə́ a? Mápa gətoó laā ō, man̄ gətóo laā ō, mána ń i yá̰a̰ kəsa kə́ ɓāl̄ ɓō tə́ ní nel̄ tají to̰ aĺ ō.

TƏ́DA 16:27

Anī de gə̄ ɔtən̄ kɔ̄ɔ́ kadə kújə yā Kore tə́ ō, Datan tə́ ō, Abiram tə́ ō aw̄n̄ sa̰y. Datan nin̄ kə Abiram teēn dan ta kújə yādə́ gə̄ tə́ kə nə̄yá̰də́ gē, ngáńdə́ gē, ngán kaadə́ gē.

TƏ́DA 12:3

Tá Moijə i de kə́ ndigə tél kə́ rɔ̄neé kə nang tə́ ngá̰ý. De kə́ dɔ nang tə́ kə́ ndigə tél kə rɔ̄neé kə̄ nang tə́ kə́ asə seneé gətóo.

TƏ́DA 11:1

Ndɔ̄ kə́rēý tə́ ngán Israel gə̄ tāmə̄n̄ kə Kɔ́ɔ̄ɓē, adə̄ Kɔ́ɔ̄ɓē oō ní nelə̄n alé. Wōn̄g rāān adə̄ ni-əla hor yān dɔdə́ tə́ adə̄ o̰o̰ loo ta ngóy ɓē tə́.

TƏ́DA 11:11

ba dəje Kɔ́ɔ̄ɓē najə̄ əda na: Kɔ́ɔ̄ɓē, i tām̄ rí tə́ á ī-rāā yá̰á̰ kə́ majaĺ beē seḿ ní? I tām̄ rí tə́ á ī-rāā kem majə seḿ alé ba əndā kəla ngɔ̄m̄ gír de gə̄ ń toō malang ń i yá̰á̰ kə́ ɔȳ ngá̰ý ní dɔḿ tə́ ní?

TƏ́DA 12:9

Kɔ́ɔ̄ɓē rāā wōn̄g dɔdə́ tə́ ngá̰ý ba ɔtə aw̄.