TƏ́DA 10:29 - Bibəl ta Sar̄

²⁹ Moijə əda Hobab ngōn̄ umən kə́ dəngam kə́ Madian ń rīn na i Rewel ní na: J-a j-aw̄ i kə̄ ɓē ń Kɔ́ɔ̄ɓē ənī míndən dɔ tə́ yā kadə̄jí ní tə́. Ī-reē āw̄ sejí na j-a jə-rāā majə seí, tɔdɔ̄ Kɔ́ɔ̄ɓē ənī míndən yā rāā majə kə Israel.

Bible sar

²⁹ Moijə əda Hobab ngōn̄ umən kə́ dəngam kə́ Madian ń rīn na i Rewel ní na: J-a j-aw̄ i kə̄ ɓē ń Kɔ́ɔ̄ɓē ənī míndən dɔ tə́ yā kadə̄jí ní tə́. Ī-reē āw̄ sejí na j-a jə-rāā majə seí, tɔdɔ̄ Kɔ́ɔ̄ɓē ənī míndən yā rāā majə kə Israel.

TƏ́DA 10:29 Referans Kwoze

TA KƏLA 12:7

Kɔ́ɔ̄ɓē ndɔ̄bə̄ Abəram ədan na i nang ń toō n na n-a n-adə̄ ngán kaan gə̄ ní. Abəram ɔy kūbə̄rū mbal̄ gə̄ tə́ndā dɔ naā tə́, rāań loo tun̄ yá̰a̰ tām̄ yā Kɔ́ɔ̄ɓē tə́ loo ń ni ndɔ̄bə̄n tū tə́ ní.

NGÉ SARYA 4:11

Heber ń i Keni ní ndi i kadə ɓē kə́ Kedes tə́ ngɔr. Ni-ɔr̄ rɔ̄n kɔ̄ɔ́ rɔ̄ Keni madə̄n gə̄ ń i ngán Hobab sájə Moijə ní tə́ ba aw̄ udə kújə tandā yān kadə kāgə̄ sén kə́ Sananim tə́.

Teē Ngán Israel gə̄ 3:1

Moijə a ul̄ i batə̄ gə̄ kə bə̄yā̰ gə̄ yā umən Jetəro nge tun̄ yá̰á̰ kə́ Madian. Ndɔ̄ kə́rēý tə́ anī ni ənda dan dəla loo mān̄ kə yá̰a̰ kul̄ gēé, aw̄ ugə̄ kadə mbal̄ Horeb ń i mbal̄ yā Nə́ɓā ní tə́.

Teē Ngán Israel gə̄ 2:18

Ngáń kə́ dəyá̰ gə̄ ní tél aw̄n̄ rɔ̄ bɔbə̄də́ tə́ gogə́, anī bɔbə̄də́ dəjedə́ na ké i ba̰ý áké tél reēn̄ ɓēé ɓōólaā ɓatə beé wa.

TA KƏLA 32:12

m̄-rāāī ɓɔ́, ī-taām̄ jī ngōkó̰ó̰ḿ Esau tə́. Tɔdɔ̄ m̄-ɓōĺ kadə̄ reē tɔ̄lə̄m̄ mā ō, dəyá̰ gə̄ ō, ngán gə̄ ō.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

HEBƏRO 6:18

Adə̄ yá̰á̰ kə́ loo tūr̄də́ gətóo gə̄, kə́ Nə́ɓā asə sor̄ tū tə́ aĺ gə̄ gír i jōó. Loo ń noō tə́ ní, jḭḭ̄ ń j-əngeī loo ɓɔ̄ɔ̄ rɔ̄ yājí i kemən tə́ ní, əlan̄ go̰ kemjí tə́ kadə̄ j-əhɔīń kəndā kem dɔ tə́ sásáp kadə̄ ngan̄g, kəndā kem dɔ tə́ ń əndān̄ nojí tə́ kadə̄ jə-gə̄rāī ní.

TITƏ 1:2

Yā kadə̄ nin̄-əndān̄ kemdə́ dɔ ndi kə kumuú kə́ ngándáńg tə́. Nə́ɓā ń sor̄ aĺ ní, ənī ndūn kété no yá̰a̰ gə̄ tə́ malang yā kadə̄jí ndi kə kumuú kə́ ngándáńg ngeé ń toō.

KƏLA RĀĀ 7:5

Nə́ɓā adə̄n loo dɔ nang ní tə́ alé, loo kə́ laan asə kə da nja deé gə̄gē adə̄n alé. Dan ngeé ń noō tə́ ní Abəraham ənge ngōn̄ aĺ ɓáý ɓá tā ba, Nə́ɓā ənī míndən yā kadən ni ō, ngán kaan gə̄ ń a reēn̄ gōn tə́ ní ō, dɔ nang ń toō yá̰a̰ haladə́ tə́.

JEREMI 50:5

Nin̄ a dəjen̄ róbə́ kə́ ta kaw̄ kə̄ Siyo̰ ō, tūrə̄n̄ kumdə́ i kə̄ noó ō. Nin̄ reē ɓoon̄ rɔ̄də́ tū yā Kɔ́ɔ̄ɓē tə́, kə ta kūl̄ madə̄ naā kə́ ngándáńg kə́ dɔdə́ a ndígə̄nal aĺ bátə́.

IJAI 2:3

Gír de gə̄ ngá̰ý a əsōn̄ róbó. Nin̄ a ədan̄ na: Ī-reē j-awī dɔ mbal̄ yā Kɔ́ɔ̄ɓē tə́, j-awī kújə yā Nə́ɓā yā Jakob tə́. Ni a ndóōjí yá̰á̰ ń ni a sāā rɔ̄jí tə́ ní ō, róbə́ ń ni ɔjəjí ní, j-a j-uniī ō. Tām̄ yá̰á̰ ndóō yā Kɔ́ɔ̄ɓē ḭḭ i Siyo̰ n reē ní. A̰á̰ā̰, najə̄ yān teē i Jerusalem n reē ugə̄ rɔ̄jí tə́ ní.

PĀ GƏ̄ 34:8

Nge kaw̄ kəla yā Kɔ́ɔ̄ɓē a ngɔ̄m̄ dɔ ngé ɓōĺ ndíĺ Kɔ́ɔ̄ɓē gə̄ ō, a ɔr̄də́ kɔ̄ɔ́ kum yá̰á̰ kə́ majaĺ gə̄ tə́ ō.

1 SAMUEL 15:6

Ni-əda Keni gə̄ na: Ī-teēī kɔ̄ɔ́ dan Amalek gə̄ tə́ na sōgə́ jīsí a ɓoo naā, tɔdɔ̄ sḭḭ̄ ī-rāāī kem majə kə ngán Israel gēé dan ń teēnneé kɔ̄ɔ́ kem ɓē kə́ Ejiptə tə́ ní. Adə̄ Keni gə̄ ɔrə̄n̄ rɔ̄də́ kɔ̄ɔ́ dan Amalek gə̄ tə́.

NGÉ SARYA 1:16

Keni gə̄ ń i ngán um Moijə kə́ dəngam ní, ḭḭn̄ ɓē kə́ kāgə̄ túmbur gə̄ i tū tə́ ba aw̄n̄ naā tə́ kə ngán Juda gə̄ kem dəla loo yā Juda ń deē ra Arad anī i kə̄ dām̄ mbɔ́r ɓē kə́ geleé tə́ ní. Nin̄ aw̄ ndin̄ tū tə́ kə ngán Juda gə̄.

TƏ́DA 23:19

Nə́ɓā i deē á a sor̄ alé. Ni i ngōn̄ kaa Adam á a tūr̄ ndūn alé. Ni a ɔr̄ najə̄ i karī kanjə̄ rāā yá̰a̰ a? Yá̰á̰ ń ni-ənī míndən yā rāā ní, a rāā yá̰á̰ ní yā kadə̄ udə gírí.

Teē Ngán Israel gə̄ 18:27

Moijə əya̰ umən adə̄ tél aw̄ gogə́ ɓēé.

Teē Ngán Israel gə̄ 18:1

Jetəro ń i nge tun̄ yá̰á̰ kə́ Madian ō, i um Moijə ō ní, oō kōō yá̰a̰ gə̄ ń Kɔ́ɔ̄ɓē Nə́ɓā rāā tām̄ yā Moijə tə́ ō, tām̄ yā ngán Israel gə̄ ń i gír deē yān gə̄ tə́ ní ō malang. Ni-oō kōō teē ń Kɔ́ɔ̄ɓē teē sedə́ kem ɓē kə́ Ejiptə tə́ kɔ̄ɔ́ ní,

Teē Ngán Israel gə̄ 3:8

Adə̄ m̄-reē i gān̄g dɔdə́ tə́ jī de kə́ Ejiptə gə̄ tə́ ō, i teē sedə́ tə́ kem ɓē ń toō tə́ kɔ̄ɔ́ ō, yā kaw̄ sedə́ dɔ nang kə́ majə ō, laa ngá̰ý ō tə́, dɔ nang kə́ mba ō, yibə̄ tejə ō i ngá̰ý tū tə́ tə́. I dɔ nang ń Kanaan gə̄ ō, Het gə̄ ō, Amor gə̄ ō, Periji gə̄ ō, Hibi gə̄ ō, Yebus gə̄ ō, ndin̄ tū tə́ ní.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

TA KƏLA 13:15

Dɔ nang malang ń á̰a̰ā̰ noó, m-ā m-ādə̄sí sḭḭ̄ kə ngán kaaí gēé, kadə̄ i yá̰a̰ yāsí njɔ́ḿ.

Teē Ngán Israel gə̄ 6:4

Gō tə́ m-ə́hɔ madə̄ naā sedə́ yā kadə̄də́ dɔ nang kə́ Kanaan ń ndin̄ tū tə́ tītə̄ tə̄rā kə́ ngé nam̄ gə̄ ní ō.

Teē Ngán Israel gə̄ 18:12

Jetəro ndējə̄ Nə́ɓā yá̰a̰ tun̄ kə́ róō horoó ō, yá̰a̰ tun̄ kə́ rang gə̄ ō. Adə̄ Aaro̰ ō, kum kɔɔ̄ gə̄ yā ngán Israel gə̄ malang ō, reē əsan̄ yá̰a̰ kə um Moijə ta kum Kɔ́ɔ̄ɓē tə́.

TƏ́DA 10:28

Ngán Israel gə̄ əsōn̄ róbó kə gō naā i tītə̄ ń noō n aw̄nəń ní.

NDŪ NAJƏ̄ 4:40

Ndū najə̄ yān gə̄ ō, yá̰a̰ gə̄ ń ni-əndā dɔsí tə́ kadə̄ ī-rāāī ō ń m-ɔ́jə́sí ɓōólaā ní, úniī gō, kadə̄ sḭḭ̄ ō, ngáńsí gə̄ ō, ngán kaasí gə̄ ń a utə̄n̄ gōsí ní ō, ə́ngeīneé rɔ̄nel̄ ō, ī-ndiīneé kə kumsí ta kaw̄ kə̄ jóo dɔ nang ń Kɔ́ɔ̄ɓē Nə́ɓā yāsí adə̄sí kə́ kə́ njɔ́ḿ gə̄ tə́ gə̄ tə́ ní ō.

NDŪ NAJƏ̄ 30:5

Ni a reē sesí dɔ nang yā kaasí gə̄ tə́. Ā ī-téliī yā taā dɔ nang ní ō, ni a a̰a̰ gōsí kadə̄ tɔȳ ka̰a̰ ń a̰a̰ gō kaasí gə̄ ní ō, a rāā kadə̄ kutəsí tɔȳ yādə́ ō.

PĀ GƏ̄ 95:1

Ī-reēī! J-uriī kɔĺ rɔ̄nel̄ dɔ Kɔ́ɔ̄ɓē tə́, jə-tɔ̄yī mbal̄ ń ajəjí ní.

PĀ GƏ̄ 100:1

Pā kə́ dɔ yá̰a̰ tun̄ kə́ yā ɓōkə́nń Kɔ́ɔ̄ɓē tɔ̄ȳ tə́. Sḭḭ̄ de kə́ dɔ nang tə́ gə̄ malang úriī kɔĺ rɔ̄nel̄ dɔ Kɔ́ɔ̄ɓē tə́.

TA KƏLA 17:8

Dɔ nang kə́ Kanaan ń ḭ̄ i mbā tū tə́ toō, m-ā m-ādī ḭ̄ ō, ngán kaaí gə̄ ń a utə̄n̄ gōí ní ō. Dɔ nang ní a tél i dɔ nang yādə́ kə́ njɔ́ḿ gə̄ tə́ ō, mā i Nə́ɓā yādə́ ō.

Teē Ngán Israel gə̄ 2:21

Moijə ndigə ndi ɓē deē ní, adə̄ deē ni-adə̄n ngōnən kə́ dəyá̰ ń rīn na i Sepora ní adə̄ taā.