TƏ́DA 10:21 - Bibəl ta Sar̄

²¹ Ngán kaa Kehat gə̄ ń a ətōn̄ yá̰á̰ kə́ táĺ gə̄ ní utə̄n̄ gōdə́. A rāān̄ kújə́ kə́ táĺ yā Nə́ɓā kadə̄ oy kété pá tá nin̄ a ugə̄n̄.

Bible sar

²¹ Ngán kaa Kehat gə̄ ń a ətōn̄ yá̰á̰ kə́ táĺ gə̄ ní utə̄n̄ gōdə́. A rāān̄ kújə́ kə́ táĺ yā Nə́ɓā kadə̄ oy kété pá tá nin̄ a ugə̄n̄.

TƏ́DA 10:21 Referans Kwoze

TƏ́DA 10:17

Ró̰ȳn̄ kújə yā Nə́ɓā ta naā tə́ adə̄n̄ ngán Gerson gə̄ ō, ngán Merari gə̄ ō, adə̄ ətōn̄ aw̄nəń.

TƏ́DA 7:9

Ni-adə̄ ngán Kehat alé, tām̄ kəla yādə́ i kəla kətō yá̰á̰ kə́ yā ɓōĺ gidə gə̄ dɔ bɔ̄gə̄də́ tə́.

1 YÁ̰A̰ GƏ̄ 15:2

Gō tə́ anī, ni-əda na: I ngán Lebi gə̄ ngóy n a ətōn̄ sandúkə́ kə́ táĺ yā Nə́ɓā ní, tɔdɔ̄ i nin̄ n Kɔ́ɔ̄ɓē gə̄rādə́ kadə̄ ətōn̄ sandúkə yān ō, kadə̄ rāān̄ kəla yān ō ngándáńg ní.

TƏ́DA 4:20

A udən̄ kem loo kə́ táĺ tə́ dan ń a ɓír̄nəń gidə yá̰á̰ kə́ táĺ gə̄ ní alé, na ré kumdə́ əsō dɔ tə́ anī a oyn̄.

TƏ́DA 2:17

Ngán Lebi gə̄ a njə̄rān̄ gō ngé rɔ̄ɔ̄ gə̄ yā Ruben tə́ kə kújə kənge naá. Ɓūtə̄ ngé rɔ̄ɔ̄ kə́ jōó gə̄ i kété ō, ɓūtə̄ ngé rɔ̄ɔ̄ kə́ jōó gə̄ i gogə́ ō, ba nin̄ i danaá. A njə̄rān̄ i kə gō ɓūtə̄ yādə́ gə̄ ń ndinə̄ń ní, kə gō naá, gō dərapóo yādə́ gə̄ tə́.

TƏ́DA 1:51

Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

TƏ́DA 10:20

Eliasap ngōn̄ Dewel i ngol áskar gə̄ kə́ gír ɓē yā Gad tə́ ō.

1 YÁ̰A̰ GƏ̄ 23:24

Ngán yā Lebi gə̄ n noó kə gō gír kojə yādə́ gēé. Nin̄ i de kə́ dɔ gír kojə yādə́ gə̄ tə́. Ndangən̄ rīdə́ kógə̄ḿ kógə̄ḿ kə dɔdə́ gēé kem makətūbūú. Nin̄ əlan̄ gír rāā kəla yādə́ kə́ kem kújə yā Kɔ́ɔ̄ɓē tə́ i dan ń ɓāl̄də́ ḭḭ dɔ kutə jōó tə́ kum kə̄ dɔɔ́ ní.