TƏ́DA 10:2 - Bibəl ta Sar̄

² Ī-mēr̄ rāā bərúnjə gə̄ jōó, ādə̄ rāān̄də́ kə gində̄ arjā̰a̰ kə́ koó. Bərúnjə gə̄ ní i yā ɓāŕəń ngán Israel gə̄ kadə̄ kánə̄nəń naā ō, ndɔ́tə̄nəń ɓē ō.

Bible sar

² Ī-mēr̄ rāā bərúnjə gə̄ jōó, ādə̄ rāān̄də́ kə gində̄ arjā̰a̰ kə́ koó. Bərúnjə gə̄ ní i yā ɓāŕəń ngán *Israel gə̄ kadə̄ kánə̄nəń naā ō, ndɔ́tə̄nəń ɓē ō.

TƏ́DA 10:2 Referans Kwoze

JOEL 1:14

Ī-*ndiī ɓō tām̄ yā Nə́ɓā ɔ̄rīineé kam̄sí, ə̄nīī mbēr̄ kán̄ naā kə́ táĺ, ɔ́siī dɔ kum kɔɔ̄ gə̄ ō, de gə̄ malang kə́ kem ɓēé ō naā tə́, kem kújə yā Kɔ́ɔ̄ɓē ń i Nə́ɓā yāsí ní tə́, ba ī-ɓāríī Kɔ́ɔ̄ɓē ādə̄ dḭḭ̄sí.

IJAI 1:13

Ī-dəbaī ta reē kə yá̰a̰ ndējə̄ gə̄ kə́ kanjə̄ kumən gēé kadəm̄! Sa, i yá̰á̰ kə́ nelə̄m̄ aĺ ngá̰ý. Sḭḭ̄ ī-rāāī nāā kə́ teē kijə ō, nāā ndɔ̄ sabat ō, ə̄ndāī kán̄ naā kə́ bo gə̄ ō, kum mbang nəkɔ́ ń noō tə́ ɓáa sḭḭ̄ ī-rāāī yá̰á̰ kə́ majaĺ gə̄ ō. M-ásə́ tə́gā taḿ dɔ tə́ to̰ alé.

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

EPEJƏ 4:5

Kɔ́ɔ̄ɓē i kógə̄ḿ beē ō, taā kem i kógə̄ḿ beē ō, batém i kógə̄ḿ beē ō.

OJEE 8:1

Ī-kɔ̄ríī tōw̄ gajə batə̄ yāsí gə̄ ī-tāāiń de gə̄. Yá̰á̰ kə́ to kum kaȳ aĺ a reē kə̄ dɔ ɓē yā Kɔ́ɔ̄ɓē tə́ tītə̄ kə̄rō kə́ a jə̄ngā beé. Kɔ́ɔ̄ɓē əda na: Nin̄-ɓōlə́n̄ gidə madə̄ naā yāḿ aĺ ō, ran̄ dɔ yá̰á̰ ń m̄-ndóōdə́ ní tə́ aĺ ō. mbātə́n̄ yá̰a̰ gə̄ ń m-ɔ́jə́də́ ní ō.

PĀ GƏ̄ 89:15

Ko̰o̰ ɓē yāí ndi i dɔ yá̰á̰ kə́ gōtə́ tə́ ō, yá̰á̰ kə́ súmūú tə́ ō. Kem majə ō najə̄ kə́ rɔ̄kum ō njə̄rān̄ kété noí tə́.

2 YÁ̰A̰ GƏ̄ 5:12

Gōsə̄ gə̄ kə́ ngán Lebi gə̄ ń i Asap ō, Heman ō, Yedutun ō, ngáńdə́ gə̄ ō, gotə ngéédə́ kə́ rang gə̄ kə́ gír kaa yādə́ gə̄ tə́ ō, ní, tə́lan̄ kūbə̄ lḛ́ḛ rɔ̄də́ tə́ ō, ran̄ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō jīdə́ tə́. Ré deē ra loo tun̄ yá̰á̰ tə́ anī, loo ń nin̄ ran̄ tū tə́ ní i kə̄ dām̄ kə́ gír ɓē tə́. Ngé tun̄ yá̰a̰ gə̄ ɓú kə kutə jōó i sedə́. Ngé tun̄ yá̰a̰ gə̄ ní a kɔ̄rə́n̄ i bərúnjə.

2 MBAN̄G 12:13

ngé kəndā kújə gə̄ ō, ngé tə́gā mbal̄ gə̄ ō, kadə̄ mangən̄neé kāgə̄ gə̄ kə mbal̄ kə́ tə́gā kadə gə̄, yā rāań loo kə́ nujə gə̄ kə́ tū kújə yā Kɔ́ɔ̄ɓē tə́ ō, adə̄ i tām̄ yā kəla malang kə́ tū kújə yā Kɔ́ɔ̄ɓē tə́ kə́ yā rāā kə naraá tə́.

TƏ́DA 10:7

Banī ā ī-ɓāríī de gə̄ kadə̄ ɔsən̄ dɔdə́ naā tə́ i kə bərúnjə́ kə́ ɓāŕ kanjə̄ tétə̄ ndūn.

Teē Ngán Israel gə̄ 25:31

Gō tə́ anī a rāān̄ ɗəra hor kə lɔ́ŕ kə́ unjə̄ njáý njáý kə́ kənda kə mōó. A rāān̄ nja ɗəra hor ní ō, ta jīn gə̄ ō, bay gə̄ kə́ gíŕ hútə̄n gə̄ tə́ ō, kəron kə́ tə́nī gə̄ ō, hútə̄n gə̄ ō, i tū gində̄ lɔ́ŕ kə́ kógə̄ḿ beē tə́.

Teē Ngán Israel gə̄ 25:18

A rāān̄ de kə́ dɔ rā̰ tə́ kə́ ngé ngɔ̄m̄ loo gə̄ jōó kə lɔ́ŕ kə́ kənda kə mōó dɔ yá̰a̰ ta sandúkə́ ní tə́. A rāān̄də́ i bɔ̄gə̄ tan gə̄ tə́ dām̄ jōó,

TƏ́DA 10:1

Kɔ́ɔ̄ɓē əda Moijə na:

JEREMI 4:5

Ə̄nīī mbēr̄ ń toō Juda tə́. Ə̄nīī mbēr̄ ní ādə̄ de kə́ Jerusalem gə̄ oōn̄. Ī-kɔ̄rí tōw̄ kem ɓēé. Əgaī kɔŕ ə́daī na: Ī-kánī naā kadə̄ j-udiī kem loo kə́ ngan̄g gə̄ tə́.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.