TƏ́DA 10:12 - Bibəl ta Sar̄

¹² Ngán Israel gə̄ ḭḭn̄ dəla loo kə́ Sinai tə́ kə gō naā aw̄n̄. Ba kil̄ man̄ aw̄ əhɔ loo dəla loo kə́ Paran tə́.

Bible sar

¹² Ngán Israel gə̄ ḭḭn̄ dəla loo kə́ *Sinai tə́ kə gō naā aw̄n̄. Ba kil̄ man̄ aw̄ əhɔ loo dəla loo kə́ Paran tə́.

TƏ́DA 10:12 Referans Kwoze

TƏ́DA 12:16

Loo ń noō tə́ tā anī nin̄ ndɔ́tə̄n̄ Haserot aw̄ ndin̄ ɓē kem dəla loo kə́ Paran tə́.

NDŪ NAJƏ̄ 1:1

Najə̄ ń Moijə ɔr̄ kə ngán Israel gə̄ malang gidə bā Jurdḛ tə́, kem dəla loo kə́ Araba tə́, loo ń ra sɔɔ̄n̄ ta naā kə ɓē kə́ Supə, dɔ dán Paran nin̄ kə Topel ō, Laban ō Haserot ō, Dijahab ō, tə́ ní n toó.

TƏ́DA 13:26

Nin̄ reē əngen̄ Moijə ō, Aaro̰ ō, ngán Israel gə̄ ō, Kades kem dəla loo kə́ Paran tə́. Nin̄-ənīn̄də́ gotə yá̰a̰ malang ń a̰a̰n̄ ní ō, ɔjən̄də́ kan̄ kāgə̄ gə̄ kə́ kem ɓē ní tə́ ō.

TƏ́DA 13:3

Ni-ndi i kem dəla loo ké Paran tə́ n əlań de gə̄ ní. De gə̄ ń ni əladə́ ní nin̄ malang i ngār gə̄ yā ngán Israel gə̄.

TƏ́DA 9:5

Nin̄ rāān̄ nāā ní ta jī loo tíbə́ tə́, kə ndɔ̄ kə́ nge ko̰ kutə gidə i sɔ́ yā nāā kə́ ta kəga dɔ, kem dəla loo kə́ Sinai tə́. Ngán Israel gə̄ rāān̄ yá̰á̰ ń Kɔ́ɔ̄ɓē əda Moijə ní kə gōó majə.

TƏ́DA 1:1

Kɔ́ɔ̄ɓē ɔr̄ najə̄ kə Moijə kem dəla loo kə́ Sinai tə́, kə ndɔ̄ kə́ ta kəga dɔ yā nāā kə́ nge ko̰ jōó, kem ɓāl̄ ń utə̄ gō nge ń ngán Israel gə̄ teēn̄əń kɔ̄ɔ́ kem ɓē kə́ Ejiptə tə́ ní. Ɔr̄ najə̄ ní seneé i kem kújə kənge naā tə́, ədan na:

HABAKUK 3:3

Nə́ɓā ḭḭ i Teman n reē ní. Nə́ɓā kə́ táĺ ḭḭ i mbal̄ bo gə̄ kə́ Paran tə́. Bo yān taā loo malang dɔ rā̰ tə́ ō, tɔ̄ȳ kə́ de gə̄ tɔ̄ȳnən̄ taā loo malang dɔ nang tə́ ō.

1 SAMUEL 25:1

Samuel oy. Ngán Israel gə̄ malang kánə̄n̄ naā ba nōōnən̄ ō rāān̄ yon ō. Dubə̄nən̄ i ɓē yān tə́ Rama. Gō tə́ anī Dabid aw̄ kem dəla loo kə́ Paran tə́.

NDŪ NAJƏ̄ 33:2

Kɔ́ɔ̄ɓē ḭḭ i mbal̄ kə́ Sinai tə́ n reē ní. Ni-əɓa tītə̄ mbang beé dām̄ kə́ Seir tə́. Ni-ra i mbal̄ kə́ Paran tə́ n unjə̄ń kow dɔ gír deē yān gə̄ tə́ ní. Ni-reē rɔ̄ ngéén gə̄ tə́ kə dūbə̄ ngé kəla kə́ dɔ rā̰ tə́ gēé gōn tə́. Ni-əhɔ ndū najə̄ yān ń unjə̄ tītə̄ hor ní jīn tə́.

NDŪ NAJƏ̄ 1:19

Gō tə́ anī j-ḭḭī mbal̄ Horeb tə́ kə gō ndū Kɔ́ɔ̄ɓē Nə́ɓā yājí, ba j-əndaī kem dəla loo kə́ bo ngá̰ý ō, to ɓōĺ ngá̰ý ō ń á̰a̰ī kə kumsí ní jə-gāngī. J-uniī i róbə́ kə́ teē mbal̄ ń Amor gə̄ ndin̄ tū tə́ ní n jə-reē j-ugīneé Kades Barnea ní.

TƏ́DA 9:1

Kɔ́ɔ̄ɓē ɔr̄ najə̄ kə Moijə kem dəla loo kə́ Sinai tə́, i kem nāā kə́ ta kəga dɔ yā ɓāl̄ ń utə̄ gō nge ń ngán Israel gə̄ teēnəń kɔ̄ɔ́ Ejiptə ní.

Teē Ngán Israel gə̄ 13:20

Ngán Israel gə̄ ḭḭn̄ Sukot aw̄ ndin̄ Etam kadə dəla loo tə́.

TA KƏLA 14:6

rɔ̄ɔ̄n̄ Hori gə̄ dɔ mbal̄ yādə́ kə́ Seir tə́ bátə́ ugə̄nəń El Paran ń i kadə dəla loo tə́ ngɔr ní ō.

TƏ́DA 9:17

Ré kil̄ man̄ ní ḭḭ kɔ̄ɔ́ anī ngán Israel gə̄ ndɔ́tə̄n̄ ɓē ō, ré dəba gotoó anī nin̄ ndin̄ ɓē loo ń noō tə́ ō.

TƏ́DA 10:33

Ngán Israel gə̄ ḭḭn̄ mbal̄ yā Kɔ́ɔ̄ɓē tə́, njə̄rān̄ ndɔ̄də́ mətá. Sandúkə madə̄ naā yā Kɔ́ɔ̄ɓē i kété nodə́ tə́ yā sāā loo kɔr̄ koō tām̄ yādə́ tə́.

1 MBAN̄G GƏ̄ 11:18

Nin̄ ḭḭn̄ Madian aw̄ ugə̄n̄ Paran. Ɔyn̄ de kə́ Paran gə̄ dɔdə́ tə́ ba aw̄n̄ Ejiptə rɔ̄ mban̄g Parao̰ tə́. Mban̄g Parao̰ adə̄ Hadad kújə ō, yá̰a̰ kəsa ō, adə̄n dɔ nang ō.

TƏ́DA 2:34

Yá̰a̰ malang ń ngán Israel gə̄ rāān̄ ní, rāān̄ i kə gō ń Kɔ́ɔ̄ɓē ədań Moijə ní. Nin̄ ndin̄ ɓē i kə gō ɓūtə̄ yādə́ gēé, kadə dərapóo yādə́ gə̄ tə́ ō, ré a ndɔ́tə̄n̄ ɓē anī a njə̄rān̄ i kə gō gír kaadə́ gēé ō, gír kojə yādə́ gēé ō.

NDŪ NAJƏ̄ 1:7

ní ɔ̄rī dɔɔ́ tā. Āwī nang kə́ mbalá tə́, loo ń Amor gə̄ ndin̄ tū tə́ ní ō, āwī dɔ nang kə́ kadə tə́ gə̄ ń Kanaan gə̄ ndin̄ tū tə́ ní ō, adə̄ i dɔ nang kə́ Araba ō, nang kə́ mbalá ō, nang kə́ mbal̄ bo gətóo tū tə́ tə́ ō, dɔ nang kə́ Negeb tə́ ō, gō nang kə́ kadə bā bo tə́ ō. Āwī bátə́ ūgī mbal̄ gə̄ kə́ Liban tə́ ō, ta bā Opəratə ń i bā kə́ bo ní tə́ ō.