TƏ́DA 10:10 - Bibəl ta Sar̄

¹⁰ Ā ī-kɔ̄ríī bərúnjə ndɔ̄ rɔ̄nel̄ tə́ ō, ndɔ̄ pété tə́ ō, ndɔ̄ nāā kə́ kijə tə́ ō, dan ń ā ī-róōiń dā̰ horoó yā kadə̄ Kɔ́ɔ̄ɓē ní ō, ā ī-tunīiń yá̰a̰ tām̄ yā kem kógə̄ḿ tə́ ní ō. Ā ī-kɔ̄ríī bərúnjə kadə̄ əgań kem Nə́ɓā yāsí dɔsí tə́. Mā i Kɔ́ɔ̄ɓē Nə́ɓā yāsí.

Bible sar

¹⁰ Ā ī-kɔ̄ríī bərúnjə ndɔ̄ rɔ̄nel̄ tə́ ō, ndɔ̄ pété tə́ ō, ndɔ̄ nāā kə́ kijə tə́ ō, dan ń ā ī-róōiń dā̰ horoó yā kadə̄ Kɔ́ɔ̄ɓē ní ō, ā ī-tunīiń yá̰a̰ tām̄ yā kem kógə̄ḿ tə́ ní ō. Ā ī-kɔ̄ríī bərúnjə kadə̄ əgań kem Nə́ɓā yāsí dɔsí tə́. Mā i Kɔ́ɔ̄ɓē Nə́ɓā yāsí.

TƏ́DA 10:10 Referans Kwoze

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

1 TESALONIK 4:16

Tām̄ ngol de kə́ dɔ rā̰ tə́ gə̄ a adə̄ ndūn ō, bərúnjə yā Nə́ɓā a ɓār̄ ō, anī Kɔ́ɔ̄ɓē nəkɔ́ a teē dɔ rā̰ tə́ yā reē. Adə̄ de gə̄ ń ɓoon̄ naā kə Kərist tá oyn̄ ní, a ndólə̄n̄ kété.

NEHEMI 12:35

Ngé tun̄ yá̰a̰ gə̄ utə̄n̄ gōdə́ kə bərúnjə gēé. Jakari kə́ ngōn̄ Yonatan kə́ ngōn̄ Semaya kə́ ngōn̄ Matania kə́ ngōn̄ Mikaya kə́ ngōn̄ Jakur kə́ ngōn̄ Asap,

ESDRAS 3:10

Dan ń ngé kəndā kújə gə̄ ra a əndān̄ ngəra kújə yā Kɔ́ɔ̄ɓē anī, adə̄n̄ ngé tun̄ yá̰a̰ gə̄ ndɔ́tə̄n̄ kə̄ kété kə kūbə̄ gēé rɔ̄də́ tə́ ō, kə bərúnjə yādə́ gēé ō, adə̄n̄ ngán Lebi gə̄ kə́ ngán kaa Asap gə̄ ndɔ́tə̄n̄ kə̄ kété kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yā ɓōkə́nń Kɔ́ɔ̄ɓē tɔ̄ȳ kə gō ń Dabid mban̄g kə́ Israel tə́ ɔjəń ní.

2 YÁ̰A̰ GƏ̄ 29:28

Ngé kán̄ naā gə̄ malang ɔsən̄ nodə́ nang tə́ yā rɔȳń Kɔ́ɔ̄ɓē ō, gōsə̄ gə̄ a̰a̰n̄ najə̄ kənī pā ō kɔ̄ŕ bərúnjə ō, kə́ njɔ́ḿ gə̄ tə́ adə̄ gír tun̄ yá̰á̰ kə́ yā tun̄ kə taá gāngəń.

2 YÁ̰A̰ GƏ̄ 29:26

Dan ń ngán Lebi gə̄ aw̄ ran̄ kə yá̰á̰ kə́ ɓār̄ gōsə̄ gə̄ ń Dabid rāā ní ō, ngé tun̄ yá̰a̰ gə̄ aw̄ ran̄ kə bərúnjə gēé ō oy anī,

TƏ́DA 10:9

Dan ń ā ī-ndiī dɔ nang yāsí tə́ ba ḭ́ḭḭ̄ yā rɔ̄ɔ̄ madə̄ ba̰ā̰sí gə̄ kə́ ngé rāā kumsí ndoō tə́ gə̄ anī, ā ī-tétī ndū bərúnjə gə̄ ní kadə̄ əgań kem Kɔ́ɔ̄ɓē Nə́ɓā yāsí dɔsí tə́ ba taāńsí jī madə̄ ba̰ā̰sí gə̄ tə́ əya̰sí dɔɔ́.

KƏLA RĀĀ 10:4

Kɔrney əndā kumən dɔn tə́ ba ɓōĺ rāān adə̄ əda na: I rí Kɔ́ɔ̄ɓē? Nge kəla ní tél ədan na: Nə́ɓā ndigə ndɔ̄ȳ yāí gə̄ ō, ndigə yá̰a̰ gə̄ ń ī-rāań kə ngé ndoō gēé ní ō, dɔn ndígə̄nalií aĺ ō.

MATIYE 11:28

Sḭḭ̄ gə̄ ń kɔr rāāsí tām̄ yá̰á̰ kə́ ɔȳ gə̄ ń ə̄tōī tə́ ní, ī-reēī kə̄ rɔ̄ḿ tə́ malang, anī m-ā m-ādə̄ ā ɔ̄rī koō.

PĀ GƏ̄ 89:15

Ko̰o̰ ɓē yāí ndi i dɔ yá̰á̰ kə́ gōtə́ tə́ ō, yá̰á̰ kə́ súmūú tə́ ō. Kem majə ō najə̄ kə́ rɔ̄kum ō njə̄rān̄ kété noí tə́.

2 YÁ̰A̰ GƏ̄ 7:6

Ngé tun̄ yá̰a̰ gə̄ ran̄ ta loo kəla yādə́ gə̄ tə́ ō, ngán Lebi gə̄ ran̄ kə yá̰á̰ kə́ ɓār̄ gōsə̄ gə̄ ń mban̄g Dabid rāā yā ɓōkə́nń Kɔ́ɔ̄ɓē tɔ̄ȳ najə̄ tár yān kə́ a təgā aĺ tə́ ní ō. Ngé tun̄ yá̰a̰ gə̄ ran̄ nodə́ tə́ a kɔ̄rə́n̄ bərúnjə ō, ngán Israel gə̄ malang ran̄ kə njadə́ dɔɔ́ ō.

1 YÁ̰A̰ GƏ̄ 16:42

Kəla rā Heman nin̄ kə Yedutun i ka̰a̰ gō bərúnjə gə̄ ō, gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yá̰á̰ kə́ rang kə́ ɓār̄ gōsə̄ gə̄ ń a dānə̄nəń gō pā gə̄ yā Nə́ɓā ní ō. Ngán Yedutun gə̄ i ngé ngɔ̄m̄ ta róbə gə̄.

1 YÁ̰A̰ GƏ̄ 15:28

Ngán Israel gə̄ malang unən̄ sandúkə madə̄ naā yā Kɔ́ɔ̄ɓē aw̄n̄neé Jerusalem. Nin̄ əgan̄ kɔŕ rɔ̄nel̄ dɔ tə́ ō, kɔ̄rə́n̄ tōw̄ ō, bərúnjə ō, əndan̄ gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, ugən̄ kənde gə̄ kə́ kəlādə́ i ngá̰ý gə̄ ō, kə́ kəlādə́ i ngá̰ý aĺ gə̄ ō.

JOJUE 4:7

ī-tél ə́daīdə́ na: Dan ń sandúkə madə̄ naā yā Kɔ́ɔ̄ɓē a mān̄ kum bā Jurdḛ tə́ ní, man̄ bā Jurdḛ ń a nūgə́ ní dəba. Bā Jurdḛ gān̄g naā tə́ jōó, adə̄ mbal̄ gə̄ ń toō rɔ̄də́ i yá̰a̰ i yá̰a̰ kəga kem dɔ yá̰á̰ kə́ rāā yá̰á̰ tə́ yā ngán Israel gə̄, kadə̄ əgań kemdə́ dɔ yá̰á̰ kə́ kɔr kum ń rāā yá̰á̰ tə́ ní ngándáńg.

TƏ́DA 29:1

Kə ndɔ̄ nāā kə́ ta kəga dɔ yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́ kə tɔ́gɔ́ gə̄ alé, tɔdɔ̄ i ndɔ̄ kəga kɔŕ rɔ̄nel̄ dɔ Kɔ́ɔ̄ɓē tə́.

LEBI GƏ̄ 23:24

kəda ngán Israel gə̄ ndū najə̄ gə̄ ń toō: Ndɔ̄ kə́ ta kəga dɔ yā nāā kə́ nge ko̰ sīrí i ndɔ̄ kɔr̄ koō yāsí, adə̄ i ndɔ̄ sabat. I ndɔ̄ kəga kem dɔ yá̰a̰ gə̄ ń rāān̄ yá̰á̰ tə́ ní ō, i ndɔ̄ kəga kɔr̄ rɔ̄nel̄ dɔ Kɔ́ɔ̄ɓē tə́ ō, i ndɔ̄ kán̄ naā yā rɔȳm̄ ō.

Teē Ngán Israel gə̄ 28:29

Adə̄ ré Aaro̰ a udə kem loo kə́ táĺ tə́ anī, rī ngán Israel gə̄ a to dɔ nganjən tə́ tū pekətoral gān̄g sarya yā Nə́ɓā tə́. Rī ngán Israel gə̄ ní rāān̄ rɔ̄də́ i yá̰a̰ kəga kem dɔ ngán Israel gə̄ tə́ kə́ a to ngándáńg ta kumḿ mā tə́.

JEJU TEĒ KUM JA̰A̰ 22:17

Ndíl ō, dəyá̰ nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

1 TESALONIK 4:18

Ī-sɔlī kem naā kə najə̄ ń noō.

1 KORḚNTƏ 15:52

a tūr̄ i láẃ ngá̰ý tītə̄ kum de kə́ kənda sapə beé, dan ń bərúnjə́ kə́ ta tɔ̄l̄ ta tə́ a ɓār̄ ní. Tɔdɔ̄ kōō bərúnjə a ɓār̄, anī de gə̄ ń oyn̄ ní a ndólə̄n̄ ō, rɔ̄də́ a ndum to̰ aĺ ō, ba jḭḭ̄ ní rɔ̄jí a tūr̄.

IJAI 27:13

Ndɔ̄ ngeé ń noō tə́ ní, a kɔ̄rə́n̄ tōw̄ gajə batə̄ kə́ bo kadə̄ de gə̄ oōn̄. Loo ń noō tə́ ngé gə̄ ń tadə́ tḭ̄ḭ̄ kɔ̄ɔ́ dɔ nang kə́ Asiri tə́ ní, ngé gə̄ ń tə̄ɓān̄də́ kɔ̄ɔ́ adə̄ aw̄n̄ dɔ nang kə́ Ejiptə tə́ ní, a reēn̄ malang. Nin̄ a reēn̄ yā kɔsə kejədə́ nang tə́ no Kɔ́ɔ̄ɓē tə́, dɔ mbal̄ bo kə́ táĺ tə́, kem ɓē kə́ Jerusalem tə́.

PĀ GƏ̄ 150:3

Ī-kɔ̄ríī tōw̄ ī-tɔ̄ȳniīneé. Úgiī kənde ō, ə́ndaī kúndə̄ ō, ī-tɔ̄ȳniīneé.

Teē Ngán Israel gə̄ 30:16

Ré ī-taā nar gān̄g dɔ rɔ̄ ní jī ngán Israel gə̄ tə́ oy anī, ā ī-rāań kəla kújə kənge naā yā kadə̄ əgań kemḿ dɔ ngán Israel gə̄ tə́ kadə̄ m̄-ngɔ̄məńdə́.

TƏ́DA 28:11

Kə ndɔ̄ kə́ ta kəga dɔ yā nāā gə̄ malang ní, ā ī-ndējī Kɔ́ɔ̄ɓē dā̰ kə́ loodə́ kógə̄ḿ nujə aĺ gə̄, adə̄ i man̄g kə́ bəra gə̄ jōó ō, bal batə̄ kógə̄ḿ ō, ngán batə̄ kə́ ɓāl̄ kógə̄ḿ gə̄ sīrí ō. Ā ī-róōīdə́ horoó.

1 SAMUEL 20:5

Anī Dabid əda Jonatan na: Bírí i ndɔ̄ rāā nāā kə́ teē kijə ō, i mā n m-ā m̄-ndi kadə mban̄g tə́ loo kəsa yá̰á̰ tə́ ō ní. Ba ādə̄m̄ ta róbə ādə̄ m-āw̄ m̄-ɓɔ̄ɔ̄ rɔ̄ḿ bembeé bátə́ kadə̄ teē loo tīī loo sɔlí.

2 MBAN̄G 4:23

Ngaan əda na: Ɓōólaā i ndɔ̄ nāā kə́ kijə aĺ ō, i ndɔ̄ sabat aĺ ō, ba i ba̰ý á ā āw̄ kə̄ ɓēé looneé ní? Dəyá̰ ní tél əda ngaan na: Ī-lōō sōl̄!

JOJUE 6:4

Ngé tun̄ yá̰a̰ gə̄ sīrí a njə̄ran̄ kété no sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, ngé tun̄ yá̰a̰ gə̄ a kɔ̄rə́n̄ tōw̄ ō.

PĀ GƏ̄ 81:4

Ī-kɔlíī tōw̄ ndɔ̄ teē nāā tə́ ō, ndɔ̄ ń nāā a gōrəń gong ō, a ndaań ō ní tə́, yā rāań nāā yājí.