TƏ́DA 10:1 - Bibəl ta Sar̄

¹ Kɔ́ɔ̄ɓē əda Moijə na:

Bible sar

¹ Kɔ́ɔ̄ɓē əda Moijə na:

TƏ́DA 10:1 Referans Kwoze

TƏ́DA 9:23

Nin̄ a ndin̄ gotə kógə̄ḿ i kə gō ndū Kɔ́ɔ̄ɓēé ō, a ɔrə̄n̄ dɔɔ́ i kə gō ndū Kɔ́ɔ̄ɓēé ō. Ran̄ kəla yā Kɔ́ɔ̄ɓē i kə gō ndū Kɔ́ɔ̄ɓē ń adə̄ Moijə ní.

TƏ́DA 10:2

Ī-mēr̄ rāā bərúnjə gə̄ jōó, ādə̄ rāān̄də́ kə gində̄ arjā̰a̰ kə́ koó. Bərúnjə gə̄ ní i yā ɓāŕəń ngán Israel gə̄ kadə̄ kánə̄nəń naā ō, ndɔ́tə̄nəń ɓē ō.

TA KƏLA 42:13

Nin̄ tél ədanən̄ na nin̄ ngé kəla yān gə̄ na nin̄ na i deē kutə gidə i jōó. Nin̄ na i ngákó̰o̰ naā gə̄, ngán de kə́ kógə̄ḿ beē dɔ nang kə́ Kanaan tə́. Ngōkó̰ó̰də́ kə́ dūú na ndi ɓēé noō kə bɔbə̄də́, ba nge kə́ kógə̄ḿ tá na gətóo.

TA KƏLA 46:15

Ngán gə̄ ń Lea ojə kə Jakobó dɔ nang kə́ Mesopotami tə́ ní n noó, nin̄ kə ngáńdə́ gēé. Ngōn̄də́ kə́ dəyá̰ ń rīn na i Dina ní i sedə́ ō. Ngán Lea gə̄ naā tə́ kə ngáńdə́ gēé malang ní nin̄ i deē kutə mətá gidə i mətá.

TƏ́DA 1:52

Ngán Israel gə̄ a ndin̄ i kə gō ɓūtə̄də́ gēé kem gérger yādə́ gə̄ tə́ kə gō gidə dərapóo rɔ̄ɔ̄ yādə́.

TƏ́DA 7:2

Gō tə́ anī ngār gə̄ kə́ dɔ gír ɓē gə̄ yā ngán Israel gə̄ tə́ ń tə́dan̄ kutə de gə̄ ní ndɔ́tə̄n̄ kə̄ kété reē adə̄n̄ kadə̄ karī yādə́ gə̄.

TƏ́DA 29:1

Kə ndɔ̄ nāā kə́ ta kəga dɔ yā nāā kə́ nge ko̰ sīrí anī, ā ī-kánī naā yā rɔȳ Kɔ́ɔ̄ɓē. Ā ī-rāāī kəla kə́ kə tɔ́gɔ́ gə̄ alé, tɔdɔ̄ i ndɔ̄ kəga kɔŕ rɔ̄nel̄ dɔ Kɔ́ɔ̄ɓē tə́.

JOJUE 6:4

Ngé tun̄ yá̰a̰ gə̄ sīrí a njə̄ran̄ kété no sandúkə madə̄ naā tə́ kə tōw̄ gajə batāá jīdə́ gə̄ tə́ kógə̄ḿ kógə̄ḿ. Kə ndɔ̄ kə́ nge ko̰ sīrí anī, ā ī-njə̄rāī yā gīr̄ gidə ɓē nja sīrí ō, ngé tun̄ yá̰a̰ gə̄ a kɔ̄rə́n̄ tōw̄ ō.

NGÉ SARYA 7:20

Gír ɓūtə̄ kə́ jōó gə̄ ní rāān̄ tītə̄ yādə́ ō. Nin̄ əhɔn̄ hor ngel̄ kə jīdə́ kə́ geleé ō, jī ko̰də́ əhɔnə̄ń tōw̄ ō, ba ədan̄ kə tɔ́gɔ́ na: I kaskar kə́ tām̄ yā Kɔ́ɔ̄ɓē tə́ ō, Jedeo̰ tə́ ō.

2 SAMUEL 6:15

Dabid nin̄ kə ngán Israel gēé aw̄n̄ kə sandúkə yā Kɔ́ɔ̄ɓēé Jerusalem i kə kɔŕ rɔ̄nel̄ gēé ō, nin̄ kɔ̄rə́n̄ ga̰ā̰ ō.

2 MBAN̄G 11:14

Dan ń ni-a̰a̰ mban̄g ra kə njan kə́ dɔɔ́ loo kə́ kḭḭ kə̄ dɔɔ́ tə́ kə gō yá̰a̰ kāgə̄ ɓēé ō, ngār gə̄ kə ngé kɔ̄ŕ bərúnjə gə̄ i rɔ̄ mban̄g tə́ ngɔr ō, de kə́ kem ɓēé gə̄ malang i kə rɔ̄nelēé ō, a kɔ̄rə́n̄ bərúnjə ō ní a, ni-*rə̄yā̰ kūbə̄ kə́ rɔ̄n tə́ kɔ̄ɔ́ ba əga kɔŕ əda na: Ənīmə̄n̄ kɔ̄ɔ́! Ənīmə̄n̄ kɔ̄ɔ́!

2 YÁ̰A̰ GƏ̄ 5:12

Gōsə̄ gə̄ kə́ ngán Lebi gə̄ ń i Asap ō, Heman ō, Yedutun ō, ngáńdə́ gə̄ ō, gotə ngéédə́ kə́ rang gə̄ kə́ gír kaa yādə́ gə̄ tə́ ō, ní, tə́lan̄ kūbə̄ lḛ́ḛ rɔ̄də́ tə́ ō, ran̄ i kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, kənde gə̄ kə́ kəlādə́ i ngá̰ý aĺ gə̄ ō, kə́ kəlādə́ i ngá̰ý gə̄ ō jīdə́ tə́. Ré deē ra loo tun̄ yá̰á̰ tə́ anī, loo ń nin̄ ran̄ tū tə́ ní i kə̄ dām̄ kə́ gír ɓē tə́. Ngé tun̄ yá̰a̰ gə̄ ɓú kə kutə jōó i sedə́. Ngé tun̄ yá̰a̰ gə̄ ní a kɔ̄rə́n̄ i bərúnjə.

2 YÁ̰A̰ GƏ̄ 7:6

Ngé tun̄ yá̰a̰ gə̄ ran̄ ta loo kəla yādə́ gə̄ tə́ ō, ngán Lebi gə̄ ran̄ kə yá̰á̰ kə́ ɓār̄ gōsə̄ gə̄ ń mban̄g Dabid rāā yā ɓōkə́nń Kɔ́ɔ̄ɓē tɔ̄ȳ najə̄ tár yān kə́ a təgā aĺ tə́ ní ō. Ngé tun̄ yá̰a̰ gə̄ ran̄ nodə́ tə́ a kɔ̄rə́n̄ bərúnjə ō, ngán Israel gə̄ malang ran̄ kə njadə́ dɔɔ́ ō.

2 YÁ̰A̰ GƏ̄ 23:13

Dan ń a̰a̰ mban̄g ra kə njan kə́ dɔɔ́ dɔ loo yān kə́ kḭḭ kə̄ dɔɔ́ tə́ ta róbə́ kújə́ tə́ ō, ngār gə̄ kə ngé kɔ̄ŕ bərúnjə gə̄ i rɔ̄ mban̄g tə́ ngɔr ō, rɔ̄ de kə́ kem ɓēé gə̄ malang nel̄də́ ō, a kɔ̄rə́n̄ bərúnjə ō, gōsə̄ gə̄ a əndan̄ yá̰á̰ kə́ ɓār̄ gōsə̄ yādə́ gə̄ ō, a ɔrən̄ no ngé kur kɔĺ rɔ̄nel̄ gə̄ kə yá̰á̰ kə́ ɓār̄ gōsōó gə̄ ō anī rə́yā̰ kūbə̄ kə́ rɔ̄n tə́ gə̄ ba un ndūn kə̄ dɔɔ́ ədan̄ kə tɔ́gəneé na: Ənīmə̄n̄ kɔ̄ɔ́! Ənīmə̄n̄ kɔ̄ɔ́!

ESDRAS 3:10

Dan ń ngé kəndā kújə gə̄ ra a əndān̄ ngəra kújə yā Kɔ́ɔ̄ɓē anī, adə̄n̄ ngé tun̄ yá̰a̰ gə̄ ndɔ́tə̄n̄ kə̄ kété kə kūbə̄ gēé rɔ̄də́ tə́ ō, kə bərúnjə yādə́ gēé ō, adə̄n̄ ngán Lebi gə̄ kə́ ngán kaa Asap gə̄ ndɔ́tə̄n̄ kə̄ kété kə gində̄ kə́ laa gə̄ kə́ yā kənda naā tə́ kadə̄ ɓār̄ gə̄ ō, yā ɓōkə́nń Kɔ́ɔ̄ɓē tɔ̄ȳ kə gō ń Dabid mban̄g kə́ Israel tə́ ɔjəń ní.

PĀ GƏ̄ 47:5

Ni gə̄rā dɔ nang adə̄jí yá̰a̰ yājí tə́. I yá̰a̰ kənda nganjə yājí jḭḭ̄ de kə́ gír yā Jakob tə́ gə̄ ń ni táŕjí ngá̰ý ní.

PĀ GƏ̄ 81:3

Əndaī yá̰a̰ gō pā tə́, ə́ndaī kɔdə ādī ɓār̄, úgiī kənde kə́ kəlān i ngá̰ý kə́ ɓār̄ majə ō, úgiī kənde kə́ kəlān i ngá̰ý aĺ ō.

PĀ GƏ̄ 98:6

Ī-kɔ̄ríī bərúnjə gə̄ ō, ī-kɔ̄ríī tōw̄ ō, úriī kɔĺ ō, dɔ mban̄g tə́, dɔ Kɔ́ɔ̄ɓē tə́.

MATIYE 24:31

Loo ń kōō bərúnjə́ kə́ bo a ɓār̄ anī, ni a əla deē yān kə́ dɔ rā̰ tə́ gə̄ kadə̄ aw̄ ɔyn̄ ngé gə̄ ń ni-gə̄rādə́ ní kíl dɔ nang kə́ sɔ́ gə̄ tə́. A əlan̄ gír i ta ngóy dɔ nang kə́ dām̄ kə́rēý tə́, bátə́ ugə̄n̄ ta ngóyn kə́ dām̄ kə́ rang tə́.

JEJU TEĒ KUM JA̰A̰ 8:2

Anī m-á̰a̰ kadə̄ adə̄n̄ de kə́ dɔ rā̰ tə́ kə́ sīrí gə̄ ń ran̄ no Nə́ɓā tə́ ní bərúnjə gə̄ sīrí.