TƏ́DA 1:53 - Bibəl ta Sar̄

⁵³ Banī ngán Lebi gə̄ a ndin̄ ɓē i kə gō gidə kújə́ ń ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán Israel gēé alé.

Bible sar

⁵³ Banī *ngán Lebi gə̄ a ndin̄ ɓē i kə gō gidə kújə́ ń *ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán *Israel gēé alé.

TƏ́DA 1:53 Referans Kwoze

1 YÁ̰A̰ GƏ̄ 23:32

Nin̄ a a̰a̰n̄ gō kújə kənge naā ō, loo kə́ táĺ ō, a a̰a̰n̄ de kə́ gír kojə yā Aaro̰ tə́ gə̄ ń i ngákó̰ó̰də́ gə̄ ní ō, yā kadə̄ kəla njə̄rań kem kújə yā Kɔ́ɔ̄ɓē tə́.

LEBI GƏ̄ 10:6

Gō tə́ anī Moijə əda Aaro̰ nin̄ kə ngánən kə́ rang gə̄ ń i Eleajar ō, Itamar ō ní na: Kə lōōn̄ kəya̰ nənga dɔdə́ kadə̄ to gususu ō, kə lōōn̄ rə̄yā̰ kūbə̄ kə́ rɔ̄də́ tə́ ō, na sōgə́ nin̄ kɔ́ gə̄ oyn̄ ō, wōn̄g rāā Kɔ́ɔ̄ɓē kə ngán Israel gēé malang ō. Na i ngákó̰ó̰də́ gə̄ malang ń i ngán Israel gə̄ ní n na a nōōn̄ ngé gə̄ ń Kɔ́ɔ̄ɓē tɔ̄l̄də́ kə horoó ní.

TƏ́DA 31:47

Núsə́ yá̰a̰ kənge kə́ tām̄ yā gotə ngán Israel gə̄ tə́ ní, ré de gə̄ i kutə mí anī, Moijə ɔr̄ dɔ kógə̄ḿ ō, ré dā̰ gə̄ i kutə mí anī, Moijə ɔr̄ dɔ kógə̄ḿ ō, ba téləń adə̄ ngán Lebi gə̄ ń i ngé rāā kəla kə́ tām̄ yā kújə yā Kɔ́ɔ̄ɓē tə́ ní, tītə̄ ń Kɔ́ɔ̄ɓē ədanəń ní.

TƏ́DA 31:30

Ba núsə́ yá̰a̰ kənge kə́ tām̄ yā gotə ngán Israel gə̄ tə́ ní, ré ɓəlo gə̄, aké man̄g gə̄ aké kərō gə̄, aké batə̄ gə̄, aké bə̄yā̰ gə̄, aké gotə dā̰ kə́ rang gə̄ i kutə mí anī, ā ɔ̄r̄ kógə̄ḿ kógə̄ḿ danaá tām̄ yā Kɔ́ɔ̄ɓē tə́, ba ā ī-téləń yā kadə̄ ngán Lebi gə̄ ń a rāān̄ kəla tām̄ yā kújə yā Kɔ́ɔ̄ɓē tə́ ní.

TƏ́DA 8:19

m-ādə̄ Aaro̰ nin̄ kə ngánən gēé i kadə̄ rāān̄ kəla kújə kənge naā tam̄ yā ngán Israel gə̄ tə́ ō, kadə̄ rāān̄ yá̰á̰ kə́ yā kutəń dɔ majaĺ yādə́ ō. I beé tá yá̰a̰ a rāań ngán Israel gē ń a ndɔ́tə̄n̄ kə̄ rɔ̄ loo kə́ táĺ tə́ ní alé.

2 TIMOTE 4:2

kadə̄ ɔ́jə de gə̄ najə̄ yā Nə́ɓā. Ī-na̰y kə̄ loo kɔjə tə́ ndɔ̄ kə́ majə tə́ gə̄gē, kə́ majaĺ tə́ gə̄gē. Ɔ́jə́də́ bátə́ ādə̄ gerə̄n̄ kum ō, ī-gɔŕyɔ̄də́ ō, ə́la go̰ kemdə́ tə́ ō. Ī-ndóōdə́ yá̰a̰ kə tə́gā ta kə́ ngá̰ý.

JEREMI 23:15

Anī Kɔ́ɔ̄ɓē kə́ bo kə́ tɔ́gən i ngá̰ý ɔr̄ najə̄ kə́ dɔ ngé koō ta gə̄ tə́ əda na: M-ā m-ādə̄də́ man̄ ngəra kāgə̄ kə́ katə̄ kárárá ō, man̄ kə́ yḛl kum ō, kadə̄ a̰ȳn̄, tɔdɔ̄ i ngé koō ta kə́ Jerusalem tə́ gə̄ n ndóōn̄ ɓē kə taá malang loo kim̄ Nə́ɓā ní.

JEREMI 5:31

Ngé koō ta gə̄ ɔrə̄n̄ najə̄ kə́ rɔ̄kum aĺ ō, ngé tun̄ yá̰a̰ gə̄ sāān̄ i kə̄ ta yādə́ nin̄ kɔ́ gə̄ tə́ ō, ba hál gə̄ ń noō malang asə kum gír deē yāḿ gə̄. Ní ḭ̄ deē ā ī-rāā i rí kə́ rang gō tə́ to̰?

2 YÁ̰A̰ GƏ̄ 13:10

Banī yājí jḭḭ ɓáa i Kɔ́ɔ̄ɓē n i Nə́ɓā yājí ní ō, j-əya̰n kɔ̄ɔ́ aĺ ō. Lojí ɓáa ngé tun̄ yá̰a̰ gə̄ ń a rāān̄ kəla yā Kɔ́ɔ̄ɓē ní i de kə́ gír kaa yā Aaro̰ tə́ gə̄ ō, ngán Lebi gə̄ rāān̄ kə yādə́ gə̄ ō.

1 SAMUEL 6:19

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

TƏ́DA 3:38

Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TƏ́DA 1:50

Adə̄də́ kəla kə́ dɔ kújə́ ń ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

TƏ́DA 1:54

Ngán Israel gə̄ rāān̄ yá̰a̰ malang ń Kɔ́ɔ̄ɓē əda Moijə ní.

TƏ́DA 2:17

Ngán Lebi gə̄ a njə̄rān̄ gō ngé rɔ̄ɔ̄ gə̄ yā Ruben tə́ kə kújə kənge naá. Ɓūtə̄ ngé rɔ̄ɔ̄ kə́ jōó gə̄ i kété ō, ɓūtə̄ ngé rɔ̄ɔ̄ kə́ jōó gə̄ i gogə́ ō, ba nin̄ i danaá. A njə̄rān̄ i kə gō ɓūtə̄ yādə́ gə̄ ń ndinə̄ń ní, kə gō naá, gō dərapóo yādə́ gə̄ tə́.

TƏ́DA 3:23

De gə̄ kə́ gír kaa yā Gerson tə́ ndin̄ ɓē i gidə kújə yā Nə́ɓā tə́, dām̄ kə́ no ɓē tə́.

TƏ́DA 3:29

Gír kaa gə̄ yā Kehat gə̄ ndin̄ ɓē i kadə kújə yā Nə́ɓā tə́, dām̄ mbɔ́r ɓē kə́ geleé tə́.

TƏ́DA 3:35

De kə́ bo n əndānən̄ ngār dɔ gír kaa gə̄ yā Merari tə́ ní i Suriel ngōn̄ Abihail. Ndin̄ ɓē i kadə kújə yā Nə́ɓā tə́, dām̄ mbɔ́r ɓē kə́ ko̰ó̰ tə́.

TƏ́DA 17:7

Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá.

TƏ́DA 16:9

Gə̄rā ń Nə́ɓā yā Israel gə̄rāsí dan ngán Israel gə̄ tə́, ba adə̄sí ta róbə kaw̄ rɔ̄n tə́ ō, gə̄rāsí kadə̄ ī-rāāī kəla kə́ tām̄ yā kújə yā Kɔ́ɔ̄ɓē tə́ ō, kadə̄ ī-raī no ngé kán̄ naā kə́ Israel tə́ ī-ndɔ̄yī Nə́ɓā kə rīdə́ ō ní asəsí aĺ ɓáý a?

2 YÁ̰A̰ GƏ̄ 13:11

Nin̄ róōn̄ yá̰a̰ tun̄ kə́ kə taá malang gə̄ tām̄ yā Kɔ́ɔ̄ɓē tə́ kə dɔ ndɔ̄ gə̄ dəloí ō, loo sɔlí ō, róōn̄ ndujə̄ yá̰á̰ kə́ kotə majə gə̄ ō, ɓōkə́n̄ mápa gə̄ dɔ tábəl kə́ unjə̄ njáý njáý tə́ ō, əndān̄ hor loo sɔlí kə dɔ ndɔ̄ gə̄ ta ɗəra hor kə́ rāā kə lɔ́rɔ́ tə́ ō, ta bay hor kə́ tū tə́ gə̄ tə́ ō. Tɔdɔ̄ yá̰a̰ gə̄ ń Kɔ́ɔ̄ɓē Nə́ɓā yājí əda kadə̄ yā rāā ní, jḭḭ j-əndā kumjí gírí jə-rāā kə gōó banī sḭḭ̄ ə́ya̰n̄ī kɔ̄ɔ́.