TƏ́DA 1:51 - Bibəl ta Sar̄

⁵¹ Ta ndɔ́tə̄ kə kújə yā Nə́ɓāá anī i ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

Bible sar

⁵¹ Ta ndɔ́tə̄ kə kújə yā Nə́ɓāá anī i *ngán Lebi gə̄ n a tútən̄ ní ō, ta dəba anī i nin̄ n a udən̄ ní ō. De kə́ karī ń a aw̄ rɔ̄ɔ̄ tə́ ní a tɔ̄l̄nən̄ kɔ̄ɔ́.

TƏ́DA 1:51 Referans Kwoze

TƏ́DA 3:38

Moijə ō, Aaro̰ ō, ngán Aaro̰ gə̄ ō, ndin̄ ɓē i ta kújə kənge naā tə́, dām̄ kə́ gír ɓē tə́. Nin̄ i ngé rāā kəla kem loo kə́ táĺ tə́ tām̄ yā ngán Israel gə̄ tə́. De kə́ karī ń a aw̄ loo kəla ń noō tə́ ní a tɔ̄lnən̄ kɔ̄ɔ́.

TƏ́DA 3:10

Ā ə̄ndā Aaro̰ nin̄ kə ngánən gēé kem kəla tun̄ yá̰á̰ tə́. Ré de kə́ karī tun̄ yá̰á̰ ní, ɓáa a tɔ̄lnən̄ kɔ̄ɔ́.

2 SAMUEL 6:7

Anī wōn̄g rāā Kɔ́ɔ̄ɓē seneé adə̄ Kɔ́ɔ̄ɓē əndan tām̄ yā yá̰á̰ kə́ gōtə́ aĺ ń ni-rāā tə́ ní. Uja oy kə̄ loo nəkɔ́ ń noō tə́ kadə sandúkə yā Nə́ɓā tə́.

1 SAMUEL 6:19

Kɔ́ɔ̄ɓē rāā adə̄ yá̰á̰ kə́ tōr̄ rāā de kə́ Bet Semes gə̄ tɔdɔ̄ kumdə́ a̰a̰ sandúkə yān. Ni-rāā adə̄ de kə́ dəngam gə̄ oyn̄ kutə sīrí dɔ dáńdə́ tə́. Loo ń noō tə́ gotə de gə̄ ń na̰yn̄ ní əhɔn̄ ndoō tām̄ yā yá̰á̰ kə́ tōr̄ ngá̰ý ń Kɔ́ɔ̄ɓē rāā sedə́ tə́ ní.

TƏ́DA 18:22

Gotə ngán Israel gə̄ a reēn̄ rɔ̄ kújə kənge naā tə́ ngɔr alé, tɔdɔ̄ ni ń noō i majaĺ kə́ asə yo deē.

TƏ́DA 10:11

Kə ndɔ̄ kutə jōó yā nāā kə́ nge ko̰o̰ jōó yā ɓāl̄ ń utə̄ gō nge ń ngán Israel gə̄ teēnəń kɔ̄ɔ́ Ejiptə ní, kil̄ man̄ ḭḭ kɔ̄ɔ́ dɔ kújə́ ń sandúkə ndū najə̄ yā Nə́ɓā i kemeé tə́ ní.

TƏ́DA 17:13

Ni-ra dɔ dán de kə́ koy gə̄ kə de kə́ kə kumuú gə̄ tə́. Tā anī mo̰y kə́ ngan̄g ngá̰ý ní asən tɔ̄l̄ de gə̄.

TƏ́DA 18:3

A rāān̄ kəla yāí ō, kəla kə́ tām̄ yā kújə́ ní tə́ ō, ba a ɔdən̄ rɔ̄ yá̰a̰ rāā kəla gə̄ kem loo kə́ táĺ tə́ aĺ ō, a aw̄n̄ ta loo tun̄ yá̰á̰ tə́ aĺ ō, na sōgə́ sḭḭ̄ gə̄gē nin̄ gə̄gē óyiī.

TƏ́DA 18:7

Ba ḭ̄ Aaro̰ sḭḭ̄ kə ngání, ā ī-rāāī kəla tun̄ yá̰a̰ kadə̄ Nə́ɓā dɔ loo tun̄ yá̰á̰ tə́ ō, kem loo kə́ táĺ ngá̰ý ń gāngə̄n̄ gír kə kūbūú tə́ ní ō. Kəla ń ā ī-rāāī ní n noó. I mā n m-ādə̄sí karī. De kə́ karī ń aw̄ kadə tə́ ní a tɔ̄l̄nən̄ kɔ̄ɔ́.

TƏ́DA 17:5

Nge ń noō i yā terə̄ń kem ngán Israel gə̄ na i de kə́ rang n a róō kajaja ta kum Kɔ́ɔ̄ɓē tə́ alé, ba i de gə̄ kə́ gír kaa yā Aaro̰ tə́ ta ngóy. De kə́ rang ń a róō ní, yá̰á̰ ń rāā Kore nin̄ kə de kə́ gōn tə́ gə̄ ní a rāān ō. Yá̰á̰ ń rāā Kore ní, Kɔ́ɔ̄ɓē əndā ta Moijə tə́ adə̄ ədan kété kɔ̄ɔ́.

TƏ́DA 18:4

Nin̄ i ngé kutə gōí gə̄ ō, a rāān̄ kəla malang kə́ tām̄ yā kújə kənge naā tə́ ō. De kə́ karī a ərōsí tə́ alé.