TƏ́DA 1:50 - Bibəl ta Sar̄

⁵⁰ Adə̄də́ kəla kə́ dɔ kújə́ ń ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

Bible sar

⁵⁰ Adə̄də́ kəla kə́ dɔ kújə́ ń *ndū najə̄ yā Nə́ɓā i kemeé tə́ ní ō, kə́ dɔ yá̰a̰ rāā kəla gə̄ malang kə́ tū tə́ tə́ ō. A ətōn̄ kújə yā Nə́ɓā ní ō, yá̰a̰ rāā kəla gə̄ malang kə́ tū tə́ ō. A rāān̄ kəla kə́ tām̄ yā kújə́ ní tə́ ō, a ndin̄ ɓē i kə gō gidií ō.

TƏ́DA 1:50 Referans Kwoze

Teē Ngán Israel gə̄ 38:21

Gində̄ gə̄ malang ń rāān̄neé kújə ndi Kɔ́ɔ̄ɓē yā kəndā sandúkə ndū najə̄ kemeé ní n toó. I Moijə n mēr̄ ngán Lebi gə̄ mbɔ̄jə́ kɔȳn ní. Deē ń ɔr no ngán Lebi gə̄ loo mbɔ̄jə́ kɔȳn tə́ ní i Itamar ngōn̄ Aaro̰ nge tun̄ yá̰a̰.

TƏ́DA 4:15

Dan ń ngán Israel gə̄ a ndɔ́tə̄n̄ ɓē anī, Aaro̰ nin̄ kə ngánən gēé a tɔ̄lə̄n̄ ta ɓír̄ gidə yá̰á̰ kə́ táĺ gə̄ ō, yá̰a̰ rāā kəla gə̄ kə́ kem loo kə́ táĺ tə́ ō, pá tá ngán Kehat gə̄ a reēn̄ yā kɔy kətō ɓáý. Ngán Kehat gə̄ a ɔdən̄ rɔ̄ɔ̄ yá̰á̰ kə́ táĺ gə̄ alé na sōgə́ oyn̄. Kəla kətō yá̰á̰ kə́ kem kújə kənge naā tə́ ń əndān̄ dɔ ngán Kehat gə̄ tə́ kadə̄ rāān̄ ni n noó.

Teē Ngán Israel gə̄ 31:18

Dan ń Kɔ́ɔ̄ɓē ɔr̄ najə̄ kə Moijə dɔ mbal̄ Sinai tə́ oy anī adə̄n bar mbal̄ kə́ jōó gə̄ ń nəkɔ́ ndang ndū najə̄ gə̄ gidə tə́ ní.

NEHEMI 13:22

Gō tə́ anī m-ə́dá ngán Lebi gə̄ kadə̄ tə́gon̄ majaĺ kə́ rɔ̄də́ tə́ kɔ̄ɔ́ kadə̄ unjə̄n̄ njáý njáý, ba kə aw̄ kə n gɔ̄mə̄n̄ ta róbə gə̄ kə́ yā kudəń kə̄ kem ɓēé, yā kadə̄ de gə̄ ɓōlə́n̄neé ndɔ̄ sabat ba rāān̄neé ndɔ̄ ní i ndɔ̄ kə́ kɔr̄ kam̄ tām̄ yā Nə́ɓā tə́. Nə́ɓā yāḿ, ādə̄ əga kemií dɔḿ tə́ tām̄ yā nge ń noō tə́ ō, á̰a̰ kum tō ndoō yāḿ tām̄ kem majə yāí kə́ ngá̰ý tə́ ō.

TƏ́DA 20:11

Moijə un jīn kə̄ dɔɔ́ ba əndā mbal̄ jīn jōó kə kāgə̄ kə́ jīn tə́. Anī man̄ teē tū mbal̄ ní tə́ ngá̰ý kə̄ ta jī tə́ noō, adə̄ ngán Israel gə̄ ō, yá̰a̰ kul̄ yādə́ gə̄ ō a̰ȳn̄.

PĀ GƏ̄ 122:4

De kə́ gír ɓē kə́ Israel tə́ gə̄, kə́ gír ɓē yā Kɔ́ɔ̄ɓē tə́ gə̄ reēn̄ tɔ̄ȳ rī Kɔ́ɔ̄ɓē tə́ i ɓēé looí, tītə̄ ń a rāān̄neé Israel tə́ ní.

NEHEMI 13:5

adə̄ ni-adə̄n kem kújə́ kógə̄ḿ kə́ kemən bo. Kété ní a kánə̄n̄ yá̰á̰ kə́ ndējə̄ gə̄ ō, kajaja ō, ngáń gájə́ yá̰a̰ rāā kəla gə̄ ō, dɔ kōō gémē kə́ kɔr̄ ō dɔ kasə nduú kə́ guḿ ō, dɔ yibə̄ ō, yá̰á̰ kə́ tām̄ yā ngán Lebi gə̄ tə́ ō, gōsə̄ pā gə̄ tə́ ō, ngé ngɔ̄m̄ ta róbə gə̄ tə́ ō, yá̰a̰ ndējə̄ kə́ tām̄ yā ngé tun̄ yá̰a̰ gə̄ tə́ ō, i kem kújə́ ní tə́.

NEHEMI 12:47

Ɓāl̄ yā Jorobabel tə́ ō Nehemi tə́ ō ní, ngán Israel gə̄ malang adə̄n̄ gōsə̄ pā gə̄ ō, ngé ngɔ̄m̄ ta róbə gə̄ ō, yá̰á̰ kə́ tām̄ yādə́ tə́ kə dɔ ndɔ̄ gə̄. Yá̰a̰ ndējə̄ kə́ táĺ gə̄ ń i yā kadə̄ ngán Lebi gə̄ ní, nin̄ adə̄n̄də́ ō, ngán Lebi gə̄ adə̄n̄ ngán Aaro̰ gə̄ yādə́ kə́ sɔɔ̄ dɔdə́ ō.

NEHEMI 12:22

Ɓāl̄ yā Eliasib tə́ ō Yoyada tə́ ō Yohanan tə́ ō Yadua tə́ ō ní, ngán Lebi gə̄ ń i de kə́ dɔ gír kojə gə̄ tə́ ní ndangən̄ rīdə́ kem makətūbūú. Rāān̄ yā ngé tun̄ yá̰a̰ gə̄ i tītə̄ ń noō ō bátə́ ugəń ɓāl̄ ko̰o̰ ɓē yā Darius mban̄g kə́ Persə tə́.

NEHEMI 12:8

Ngán Lebi gə̄ i Yesua ō Binui ō Kadəmiel ō Serebia ō Yehuda ō Matania ō. Matania nin̄ kə ngákó̰o̰n gēé i ngé kənī pā gə̄ kə́ yā ɓōkə́nń Kɔ́ɔ̄ɓē tɔ̄ȳ.

TƏ́DA 10:21

Ngán kaa Kehat gə̄ ń a ətōn̄ yá̰á̰ kə́ táĺ gə̄ ní utə̄n̄ gōdə́. A rāān̄ kújə́ kə́ táĺ yā Nə́ɓā kadə̄ oy kété pá tá nin̄ a ugə̄n̄.

TƏ́DA 2:17

Ngán Lebi gə̄ a njə̄rān̄ gō ngé rɔ̄ɔ̄ gə̄ yā Ruben tə́ kə kújə kənge naá. Ɓūtə̄ ngé rɔ̄ɔ̄ kə́ jōó gə̄ i kété ō, ɓūtə̄ ngé rɔ̄ɔ̄ kə́ jōó gə̄ i gogə́ ō, ba nin̄ i danaá. A njə̄rān̄ i kə gō ɓūtə̄ yādə́ gə̄ ń ndinə̄ń ní, kə gō naá, gō dərapóo yādə́ gə̄ tə́.

TƏ́DA 1:53

Banī ngán Lebi gə̄ a ndin̄ ɓē i kə gō gidə kújə́ ń ndū najə̄ yā Nə́ɓā i kemeé tə́ ní, yā rāań kəla. Loo ń noō tə́ wōn̄g a rāām̄ kə ngán Israel gēé alé.

JEJU TEĒ KUM JA̰A̰ 15:5

Gō tə́ anī, m-á̰a̰ ta kújə yā Kɔ́ɔ̄ɓē kə́ dɔ rā̰ tə́ ra kə wōyōó. Ba kújə tandā ń sandúkə ndū najə̄ ndi gírí ní, i kem kújə yā Kɔ́ɔ̄ɓē ní tə́.

TƏ́DA 17:7

Ngán Israel gə̄ a kán̄ naā kə̄ dɔ Moijə nin̄ kə Aaro̰ tə́, ba nin̄ tūrə̄n̄ kumdə́ sɔɔ̄ kújə kənge naā. Ɓá anī kil̄ man̄ utə̄ dɔ kújə́ ní. Kɔsə gɔn yā Kɔ́ɔ̄ɓē teē danaá.

2 YÁ̰A̰ GƏ̄ 24:6

Adə̄ mban̄g ɓāŕ Yoyada ngol ngé tun̄ yá̰a̰ gə̄ ba ədan na: Lambóó ń Moijə nge kəla yā Nə́ɓā ō, ngé kán̄ naā gə̄ kə́ Israel tə́ ō, gāngə̄n̄ tām̄ yā kújə kənge naā tə́ ní, i tām̄ rí tə́ á ī-ra kə ngán Lebi gēé ādə̄ aw̄ táān̄ jī de kə́ Jerusalem gə̄ tə́ ō, jī Juda gə̄ tə́ ō aĺ ní?

TƏ́DA 4:3

Ī-ndangiī rī ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā kújə kənge naā tə́ ní,

TƏ́DA 8:19

m-ādə̄ Aaro̰ nin̄ kə ngánən gēé i kadə̄ rāān̄ kəla kújə kənge naā tam̄ yā ngán Israel gə̄ tə́ ō, kadə̄ rāān̄ yá̰á̰ kə́ yā kutəń dɔ majaĺ yādə́ ō. I beé tá yá̰a̰ a rāań ngán Israel gē ń a ndɔ́tə̄n̄ kə̄ rɔ̄ loo kə́ táĺ tə́ ní alé.

TƏ́DA 8:20

Yá̰a̰ gə̄ ń Kɔ́ɔ̄ɓē əda Moijə ní Moijə ō, Aaro̰ ō, ngán Israel gə̄ malang ō, rāān̄ kə ngán Lebi gēé kə ta njaá.

TƏ́DA 8:22

Gō tə́ anī ngán Lebi gə̄ əlan̄ gír rāā kəla yādə́ kə́ tām̄ yā kújə kənge naā tə́ ta kum Aaro̰ tə́ nin̄ kə ngánən gēé. I beé n rāānəń yá̰á̰ ń Kɔ́ɔ̄ɓē əda Moijə ní kə ngán Lebi gēé ní.

TƏ́DA 18:5

I sḭḭ̄ n i ngé rāā kəla gə̄ kə́ kem loo kə́ táĺ tə́ ō, kə́ dɔ loo tun̄ yá̰á̰ tə́ ō, yā kadə̄ wōn̄g rāāməń kə ngán Israel gēé to̰ aĺ ní.