TƏ́DA 1:4 - Bibəl ta Sar̄

⁴ Ādī de kə́ bo gə̄ kógə̄ḿ kógə̄ḿ kə dɔ gír ɓē gēé tə́dan̄də́ sesí.

Bible sar

⁴ Ādī de kə́ bo gə̄ kógə̄ḿ kógə̄ḿ kə dɔ gír ɓē gēé tə́dan̄də́ sesí.

TƏ́DA 1:4 Referans Kwoze

TƏ́DA 1:16

De gə̄ kə́ dan ngán Israel gə̄ tə́ ń ɓārə́n̄də́ kadə̄ ndin̄ dɔ gír ɓē yādə́ gə̄ tə́ ní n noó. Nin̄ i ngol ngé rɔ̄ɔ̄ gə̄ kə́ Israel tə́.

Teē Ngán Israel gə̄ 18:25

Ni-gə̄rā de kə́ ngáā ngáā gə̄ dan ngán Israel gə̄ tə́ əndādə́ dɔ de gə̄ tə́. Əndādə́ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

JOJUE 22:14

Ngāgəra dɔ ngán Israel gə̄ kutə kógə̄ḿ aw̄n̄ seneé ngāgəra dɔ gə̄ ní i kógə̄ḿ kógə̄ḿ kə dɔ gír ɓē gēé, nin̄ malang i ngār gə̄ dɔ kojə yādə́ gə̄ tə́ dan ngán Israel gə̄ tə́.

NDŪ NAJƏ̄ 1:15

Adə̄ m-ɔ́y ngār gə̄ kə́ dɔ gír ɓē yāsí gə̄ tə́ ń i de kə́ kumdə́ edə̄ gə̄ ō, kə́ ī-gerī háĺdə́ majə gə̄ ō ní m̄-tə́ndādə́ dɔsí tə́. M-ə̄ndā kə́rēý i ngār gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, kə́ dɔ de kə́ kutə mí gə̄ tə́ ō, kə́ dɔ de kə́ kutə kógə̄ḿ gə̄ tə́ ō. M-ə̄ndā kə́rēý gə̄ i ngé ndóō de gə̄ ndū najə̄ kə́ tām̄ yā gír ɓē yāsí gə̄ tə́.

TƏ́DA 25:14

Deē ń tɔ̄lə̄ndə́ naā tə́ kə dəyá̰ kə́ Madian ní i Jimri ngōn̄ Salu. Ni i ngār kə́ dɔ de gə̄ kə́ gír kojə kógə̄ḿ yā Simeo̰ tə́.

TƏ́DA 25:4

Kɔ́ɔ̄ɓē əda Moijə na: Ngār gə̄ yā ngán Israel gə̄ ní ə́hɔ́də́ malang, i tṵ́ṵ̄də́ dɔɔ́ tū kāgə̄ gə̄ tə́ ādə̄ ran̄ kumdə́ sɔɔ̄ mbang ta kum Kɔ́ɔ̄ɓē tə́ bátə́ kadə̄ oynə̄ń Loo ń noō tə́ wōn̄g ń rāām̄ sesí ngá̰ý ní a tetə.

TƏ́DA 17:3

Ādə̄ tə́ndān̄ ganán gə̄ yā de gə̄ ń oyn̄ tām̄ majaĺ yādə́ tə́ ní kə mūú ādə̄ hɔɔ́lɔ̄ péĺ péĺ, ba lábə̄n̄ dɔ loo tun̄ yá̰á̰ tə́, tɔdɔ̄ ganán gə̄ ní ugə̄n̄ ta kum Kɔ́ɔ̄ɓē tə́ kɔ̄ɔ́ ɓá, adə̄ i yá̰á̰ kə́ táĺ gə̄ ō, a télən̄ yá̰á̰ kə́ yā kadə̄ əgań kem ngán Israel gə̄ dɔ yá̰á̰ ń rāā yá̰á̰ tə́ ní ō.

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

TƏ́DA 30:1

Moijə əda ngán Israel gə̄ yá̰a̰ malang ń Kɔ́ɔ̄ɓē mērən kədadə́ ní.

1 MBAN̄G GƏ̄ 8:1

Anī mban̄g Salomo̰ ɓāŕ kum kɔɔ̄ gə̄ malang yā ngán Israel gə̄ kadə̄ reēn̄ rɔ̄n tə́ Jerusalem, i ngār gə̄ kə́ dɔ gír ɓē gə̄ tə́ ō, ngār gə̄ kə́ dɔ gír kojə gə̄ tə́ ō. Ni-ɓāŕdə́ i ta teē kə sandúkə madə̄ naā yā Kɔ́ɔ̄ɓēé kem ɓē yā Dabid ń rīn na i Siyo̰ ní tə́ yā kaw̄ń kem kújə yā Kɔ́ɔ̄ɓē tə́.

TƏ́DA 1:44

De gə̄ ń Moijə ō, Aaro̰ ō, de gə̄ kə́ gə̄rān̄də́ kə dɔ gír ɓē kə́ kutə gidə i jōó gēé ō tə́dan̄də́ ní, kutədə́ n noó.

TƏ́DA 4:34

Moijə ō, Aaro̰ ō, ngār gə̄ kə́ dɔ ngán Israel gə̄ tə́ ō, tə́dan̄ ngán kaa Kehat gə̄ ō, Gerson gə̄ ō, Merari gə̄ ō, kə gō gír kaadə́ gēé ō, gír kojə yādə́ gēé ō. Tə́dan̄ i ngé gə̄ malang ń ɓāl̄də́ ḭḭ dɔ kutə mətá tə́ bátə́ kutə mí tə́ ń a rāān̄ kəla tām̄ yā kújə kənge naā tə́ ní. Kutə de gə̄ ń tə́dan̄ kə gō ndū Kɔ́ɔ̄ɓē ń adə̄ Moijə ní n toó: Ngán kaa Kehat gə̄ i deē 2 750. Ngán kaa Gerson gə̄ i deē 2 630. Ngán kaa Merari gə̄ i deē 3 200. Kutə ngán Lebi gə̄ malang i deē 8 580. Nin̄ kógə̄ḿ kógə̄ḿ ní ɔjən̄də́ kəla ń kadə̄ rāān̄ ní ō, yá̰á̰ ń kadə̄ ətōn̄ ní ō. Ɔjən̄də́ i tītə̄ ń Kɔ́ɔ̄ɓē ədań Moijə ní.

TƏ́DA 7:2

Gō tə́ anī ngār gə̄ kə́ dɔ gír ɓē gə̄ yā ngán Israel gə̄ tə́ ń tə́dan̄ kutə de gə̄ ní ndɔ́tə̄n̄ kə̄ kété reē adə̄n̄ kadə̄ karī yādə́ gə̄.