TƏ́DA 1:16 - Bibəl ta Sar̄

¹⁶ De gə̄ kə́ dan ngán Israel gə̄ tə́ ń ɓārə́n̄də́ kadə̄ ndin̄ dɔ gír ɓē yādə́ gə̄ tə́ ní n noó. Nin̄ i ngol ngé rɔ̄ɔ̄ gə̄ kə́ Israel tə́.

Bible sar

¹⁶ De gə̄ kə́ dan ngán *Israel gə̄ tə́ ń ɓārə́n̄də́ kadə̄ ndin̄ dɔ gír ɓē yādə́ gə̄ tə́ ní n noó. Nin̄ i ngol ngé rɔ̄ɔ̄ gə̄ kə́ Israel tə́.

TƏ́DA 1:16 Referans Kwoze

TƏ́DA 7:2

Gō tə́ anī ngār gə̄ kə́ dɔ gír ɓē gə̄ yā ngán Israel gə̄ tə́ ń tə́dan̄ kutə de gə̄ ní ndɔ́tə̄n̄ kə̄ kété reē adə̄n̄ kadə̄ karī yādə́ gə̄.

Teē Ngán Israel gə̄ 18:25

Ni-gə̄rā de kə́ ngáā ngáā gə̄ dan ngán Israel gə̄ tə́ əndādə́ dɔ de gə̄ tə́. Əndādə́ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

Teē Ngán Israel gə̄ 18:21

Ní kə rāā ba kə gə̄rā de kə́ ngáā ngáā gə̄ dan ngán Israel gə̄ tə́ kə́ ɓōlə́n̄ ndíĺ Nə́ɓā ō, kə́ deē asə kənī kemən kadə̄də́ ō, kə́ a taān̄ yá̰a̰ jī deē tə́ yā nujəń sarya yā deē aĺ ō. Kə əndādə́ dɔ ngán Israel gə̄ tə́ kadə̄ nin̄ kə i ngār gə̄ dɔ de kə́ dūbú gə̄ tə́ ō, dɔ de kə́ ɓú gə̄ tə́ ō, dɔ de kə́ kutə mí gə̄ tə́ ō, dɔ de kə́ kutə kógə̄ḿ gə̄ tə́ ō,

TƏ́DA 26:9

Eliab ojə Nemuel ō, Datan ō, Abiram ō. Datan nin̄ kə Abiram i ngé kɔsə kum gotə ngán Israel gə̄ ń ḭḭn̄ kə Moijə ō, Aaro̰ ō, kə najá ní. Nin̄ i dan de gə̄ yā Kore ń mbātə́n̄ ndū najə̄ yā Kɔ́ɔ̄ɓē tə́ ní.

TƏ́DA 16:2

sāań ta Moijə. Nin̄ ḭḭn̄ dɔn tə́ kə ngán Israel gēé ɓú jōó kə kutə mí gōdə́ tə́. De gə̄ ní i ngol ngán Israel gə̄ ō, i ngé kɔsə kum gotə ngé kán̄ naā gə̄ ō, i de kə́ rīdə́ ɓār̄ gə̄ ō.

TƏ́DA 1:4

Ādī de kə́ bo gə̄ kógə̄ḿ kógə̄ḿ kə dɔ gír ɓē gēé tə́dan̄də́ sesí.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

1 SAMUEL 23:23

Āwī á̰a̰ī loo gə̄ ń a ɓɔ̄ɔ̄ rɔ̄n tū tə́ ní malang. Ré ī-gerī kə gōó majanī ī-tél ī-reē ɔ́jəmī. Loo ń noō tə́ m-ā m-āw̄ sesí. Ré ni i dɔ nang ń noō tə́ anī m-ā m̄-sāān dan gír kojə yā Juda gə̄ tə́ malang yā teē dɔn tə́.

1 SAMUEL 22:7

Ni-ədadə́ na: Sḭḭ̄ Benjamḛ gə̄, ī-nēlī mbīsí majə ōōīneé. Sḭḭ̄ malang ń ī-raī toó, ngōn̄ Jese a adə̄sí loo ndɔr̄ gə̄ kə kāgə̄ nduú gə̄ ō a? Aké a əndāsí ngol de kə́ dūbú gə̄ ō kə́ ɓú gə̄ ō á,

NGÉ SARYA 6:15

Banī Jedeo̰ tél ədan na: ḿ Kɔ́ɔ̄ḿ, m-ā m-ájə́ ngán Israel gə̄ i ba̰ý? Gír ɓē yā Manase tə́ ní de kə́ gír kaa yāḿ mā tə́ gə̄ ní tɔ́gə́də́ gətóo tɔȳ yā gotə de gə̄ malang. Tá kem ndogə̄ yā bɔbə́ḿ tə́ ní mā i ngōn̄ kə́ dūú ngá̰ý.

NDŪ NAJƏ̄ 1:15

Adə̄ m-ɔ́y ngār gə̄ kə́ dɔ gír ɓē yāsí gə̄ tə́ ń i de kə́ kumdə́ edə̄ gə̄ ō, kə́ ī-gerī háĺdə́ majə gə̄ ō ní m̄-tə́ndādə́ dɔsí tə́. M-ə̄ndā kə́rēý i ngār gə̄ kə́ dɔ de kə́ dūbú gə̄ tə́ ō, kə́ dɔ de kə́ ɓú gə̄ tə́ ō, kə́ dɔ de kə́ kutə mí gə̄ tə́ ō, kə́ dɔ de kə́ kutə kógə̄ḿ gə̄ tə́ ō. M-ə̄ndā kə́rēý gə̄ i ngé ndóō de gə̄ ndū najə̄ kə́ tām̄ yā gír ɓē yāsí gə̄ tə́.

TƏ́DA 11:17

M-ā m̄-risə yā kɔr̄ najə̄ seí loo ń noō tə́. M-ā m̄-kēgə̄ Ndíĺ ń m-ādī ní sḛ́ý yā kadə̄də́. Loo ń noō tə́ a ngɔ̄mə̄n̄ kósə de gə̄ seí, ba i īkɔ́ n ā ī-rāā kəla kə́ ngan̄g ngá̰ý ń toō kə kérí ní to̰ alé.

TƏ́DA 1:15

Ahira ngōn̄ Enan tām̄ yā ngán Nepətali gə̄ tə́.

TƏ́DA 1:17

Moijə nin̄ kə Aaro̰ ɔyn̄ de gə̄ ní adə̄ ərōn̄də́ tə́,

TƏ́DA 10:4

Ré kɔ̄rə́n̄ i bərúnjə́ kə́ kógə̄ḿ beē anī, i ngār gə̄ ń nin̄ i ngol ngé rɔ̄ɔ̄ gə̄ yā ngán Israel gə̄ ní ngóy n a kánə̄n̄ naā rɔ̄í tə́ ní.

TƏ́DA 30:1

Moijə əda ngán Israel gə̄ yá̰a̰ malang ń Kɔ́ɔ̄ɓē mērən kədadə́ ní.