SOPONI 3:7 - Bibəl ta Sar̄

⁷ M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

Bible sar

⁷ M-ə́da rɔ̄ḿ najə̄, m-ə́da na: ngɔlaā ní ɓē a ɓōĺ gidəḿ, a ndigə tāā yāḿ gə̄. Adə̄ najə̄ gə̄ ń m-ə́lań ɓōĺ kemən tə́ ní, m-ā m̄-rāā yá̰a̰ gə̄ ń m-ə́dá ní aĺ ō, m-ā m̄-rāā yá̰a̰ kə ɓēé aĺ ō. I beé aĺ bátə́, tām̄ de kə́ kemeé gə̄ nāgə́n̄ láẃ rāān̄ yá̰á̰ kə́ majaĺ gə̄.

SOPONI 3:7 Referans Kwoze

OJEE 9:9

Sḭḭ̄ ə̄sōī kum yá̰a̰ rāā kə́ majaĺ ngá̰ý tə́, tītə̄ ń ə̄sōiń kum tə́ kété kem ɓē kə́ Gibea tə́ ní. A əga kem Nə́ɓā dɔ yá̰a̰ rāāsí gə̄ kə́ majaĺ ngá̰ý tə́, ni a rāā yá̰á̰ kógə̄ḿ sesí najə̄ mān̄ kə́ ī-mānī dɔ ndūn tə́ tə́.

JEREMI 36:3

Majanī de kə́ Juda tə́ gə̄ a əndān̄ ma̰ȳ yá̰á̰ kə́ to rɔ̄ tō ndoō gə̄ malang ń m̄-gír̄ kadə̄ rāādə́ ní, adə̄ náā nəkɔ́ ɓáa a tūr̄ hálən ō, m-ā m-ásə mā̰ȳ rɔ̄ḿ dɔ yá̰á̰ kə́ gōtə́ aĺ yādə́ gə̄ tə́ ō, dɔ majaĺ yādə́ gə̄ tə́ ō.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.

JEREMI 25:5

Ni ədasí na: Ī-tūrī háĺsí kə́ majaĺ gə̄ ō, ə́ya̰ī gō kəla rāāsí kə́ gōtə́ aĺ gə̄ ō kɔ̄ɔ́, anī ā ī-ndiī dɔ nang ń Kɔ́ɔ̄ɓē adə̄sí sḭḭ̄ ō, kaasí gə̄ ō, kété jóo, i kə́ njɔ́ḿ gə̄ tə́ ní.

JEREMI 7:7

Ta anī m-ā m-ə́yá̰sí kadə̄ ī-ndiī loo ń toō tə́, kem ɓē ń m-ādə̄ kaasí gə̄ i jóo kə́ njɔ́ḿ gə̄ tə́ ní.

2 PIYER 3:9

Kɔ́ɔ̄ɓē ɔr bā̰ā̰ loo rāā yá̰á̰ ń ni-ənī míndən yā rāā tə́ ní alé. Ba de kə́rēý gə̄ ədan̄ na ni na ɔr bā̰ā̰ ngá̰ý, tá ni tə́gā i tan tām̄ yāsí tə́. Tɔdɔ̄ ni gḛy kadə̄ de kə́rēý gə̄ udən̄ kɔ̄ɔ́ alé, ba kadə̄ de gə̄ malang tūrə̄n̄ gidədə́ kɔ̄ɔ́ ta yá̰á̰ kə́ majaĺ tə́.

JEREMI 38:17

Anī Jeremi əda Sedekias na: Kɔ́ɔ̄ɓē, Nə́ɓā kə́ tɔ́gən i ngá̰ý, Nə́ɓā yā Israel, ɔr̄ najə̄ i tītə̄ ń toō beē: Ré ī-ndigə teē kaw̄ kəsō kem jī de kə́ bo gə̄ yā mban̄g kə́ Babilon tə́ anī, ā ī-teē ta yo tə́ ō, hor a o̰o̰ ɓē ń toō aĺ ō. Ḭ̄ ō, gír kojə yāí ō ā ī-ndiī kə kumsí.

JEREMI 8:6

m̄-nēl̄ mbīḿ majə m-ōoń ndūdə́, najə̄ kɔr̄də́ əhɔ naā alé. De kógə̄ḿ kə́ əya̰ gō kem ndul yān, aláa kə́ əda na: I rí n m̄-rāā toó ní gətóo. Nin̄ malang tél unən̄ ta ngɔ̄də̄ yādə́, tītə̄ sə́ndá kə́ a ngɔ̄də̄ ta rɔ̄ɔ̄ tə́ beé.

IJAI 63:8

Ni-ɔr̄ najə̄ yā de gə̄ yā Israel, əda na: Nin̄ i gír deē yāḿ gə̄, i ngánə́ḿ gə̄, nin̄ a gól̄mə̄n̄ aĺ ō, kété ni i nge kajədə́.

IJAI 5:4

Yá̰a̰ malang kə́ tām̄ yā ndɔr̄ kāgə̄ nduú tə́ ní m̄-rāā. Yá̰á̰ kə́ dɔ nge ń noō tə́ ɓáý kə́ kadə̄ m̄-rāā tām̄ yān tə́ gətóo. m̄-ndi m-ā m̄-ngóō i ta kan̄ nduú kə́ majə, banī ndɔr̄ kāgə̄ nduú yāḿ teē i kə kan̄ nduú kə́ masə̄ n adə̄m̄ ní. Ní, i tām̄ yā rí tə́?

2 YÁ̰A̰ GƏ̄ 33:11

Loo ń noō tə́ Kɔ́ɔ̄ɓē rāā adə̄ ngol gə̄ yā ngé rɔ̄ɔ̄ gə̄ yā mban̄g kə́ Asiri reē rɔ̄ɔ̄n̄də́. Nin̄ əhɔn̄ Manase kə kuyú, tṵ́ṵ̄nən̄ kə súĺ gində̄ nə̄ngá kasə kə́ kəga gidə naā tə́ jōó, ba aw̄n̄ seneé Babilon.

NDŪ NAJƏ̄ 4:16

Adə̄ ī-lōōī rāā yá̰á̰ kə́ majaĺ kə́ tītə̄ kudə ɓesə̄, aláa tɔ́sə̄ kāgə̄ rāā ndíĺ yá̰á̰ kə́rēý tə́, ndíl de kə́ dəngam tə́, aké de kə́ dəyá̰ tə́,

TA KƏLA 6:12

Dan ń Nə́ɓā a̰a̰ loo kə́ dɔ nang tə́ anī, a̰a̰ kadə̄ hál de gə̄ malang i kə́ nujə kɔ̄ɔ́, tɔdɔ̄ nin̄ njə̄rān̄ i dɔ róbə́ kə́ súmūú tə́ alé.

1 TIMOTE 1:5

Ə́dá yá̰a̰ gə̄ ń toō i yā kadə̄ de gə̄ tárən̄ naā kə kemdə́ kə́ unjə̄ njáý njáý ō, kə kemdə́ kə́ ɔjədə́ yá̰á̰ kə́ majaĺ aĺ ō, kə taā kem kə́ rɔ̄kum ō.

Makətūbə̄ yā Job 36:10

Ni teē mbīdə́ yā kadə̄ oōn̄neé kɔ̄l̄ yān ō, ədadə́ na kə tūrə̄n̄ gidədə́ kɔ̄ɔ́ ta yá̰á̰ kə́ a̰a̰ gō naā aĺ tə́ ō.

PĀ GƏ̄ 32:8

Kɔ́ɔ̄ɓē əda na: M-ā m̄-ndóōī yá̰a̰ ō, m-ā m-ɔ́jiī róbə́ ń kadə̄ úń ní ō. M-ā m-ādī kɔjə̄ kógə̄ḿ. M-ā m-ə̄ndā kumḿ gírí tə́.

Gōsə̄ najə̄ gə̄ 19:20

Ōō kɔjə̄ ō, ī-ndigə háĺ kə́ majə ń ndóōnī ní ō, kadə̄ ī-téləń de kə́ nge kum kedə̄.

JEREMI 6:8

Jerusalem, ādə̄ yá̰á̰ ń m̄-ndóōī ní udə dɔí tə́. Ré i beé aĺ anī, m-ā m-ɔ̄r̄ jīḿ gírí tə́ kɔ̄ɔ́. M-ā m̄-rāāī kadə̄ ī-tél loo kə́ nujə sák sák kɔ̄ɔ́ ō, ɓē kə́ de gə̄ ndin̄ kemeé aĺ ō.

JEREMI 17:23

Nin̄ oōn̄ najə̄ yāḿ alé ō, nēlə̄n̄ mbīdə́ alé ō. Ba rāān̄ dɔ ngan̄g adə̄ mbātə́n̄ koō yá̰a̰ gə̄ ń m-ɔ́jə́də́ ní ō, mbātə́n̄ kun dɔdə́ tə́ ō.