SOPONI 3:20 - Bibəl ta Sar̄

²⁰ Kum mbang ngeé noō tə́ ní, m-ā m̄-rāāsí kadə̄ ī-tél ī-reēī gogə́. m-ā m-ɔ́sə dɔsí naā tə́. M-ā m̄-tūr̄ yá̰á̰ ń rāāsí ní kɔ̄ɔ́ kə̄ ta kumsí tə́ beē. M-ā m̄-rāā kadə̄ rīsí a ɓār̄ ō, m-ā m̄-rāā kadə̄ a rɔyn̄sí ō, dan gír de gə̄ malang kə́ dɔ nang tə́ tə́. I Kɔ́ɔ̄ɓē n ɔr̄ najə̄ ní.

Bible sar

²⁰ Kum mbang ngeé noō tə́ ní, m-ā m̄-rāāsí kadə̄ ī-tél ī-reēī gogə́. m-ā m-ɔ́sə dɔsí naā tə́. M-ā m̄-tūr̄ yá̰á̰ ń rāāsí ní kɔ̄ɔ́ kə̄ ta kumsí tə́ beē. M-ā m̄-rāā kadə̄ rīsí a ɓār̄ ō, m-ā m̄-rāā kadə̄ a rɔyn̄sí ō, dan gír de gə̄ malang kə́ dɔ nang tə́ tə́. I Kɔ́ɔ̄ɓē n ɔr̄ najə̄ ní.

SOPONI 3:20 Referans Kwoze

JEREMI 29:14

ba m-ā m̄-rāā kadə̄ ə́ngemī. Najə̄ ń Kɔ́ɔ̄ɓē əda ní n noó. M-ā m̄-rāā kadə̄ ī-tél ī-ndiī gogə́ majə tītə̄ kə́ kété ō, m-ā m̄-teē sesí kɔ̄ɔ́ dan napár de gə̄ tə́ malang ō, kə gō loo gə̄ malang ō ń m̄-tə̄ndā m̄-tḭ̄ḭ̄sí tū tə́ ní yā kɔsə dɔsí naā tə́. M-ā m̄-tél yā reē sesí gogə́ loo ń m-ādə̄ əhɔn̄sí tū tə́ ba aw̄n̄ sesí ní. Najə̄ ń Kɔ́ɔ̄ɓē əda ní n noó.

MALASI 3:12

Nápar de gə̄ malang a ədan̄sí na sḭḭ̄ i ngé rɔ̄nel̄ gə̄, tɔdɔ̄ ndi kem ɓē yāsí tə́ a majə ngá̰ý. I mā Kɔ́ɔ̄ɓē kə́ bo kə́ tɔ́gə́ḿ i ngá̰ý n m-ə́da najə̄ ń noō ní.

IJAI 56:5

I beé ní, m-ā m-údə mbal̄ kógə̄ḿ tām̄ yādə́ tə́ kem kújə yāḿ tə́, kem ndogə̄ mbal̄ yāḿ gə̄ tə́, yā ndang rīdə́ dɔ tə́. Nge ń noō i yá̰á̰ kə́ majə tɔȳ ngáńdə́ kə́ dəngam gə̄ ō, ngáńdə́ kə́ dəyá̰ gə̄ ō. Rī ń m-ā m-ə̄ndā dɔdə́ tə́ ní a to ngándáńg, deē a tɔ̄l̄ rī ní kɔ̄ɔ́ alé.

SOPONI 3:19

Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

AMOS 9:14

Israel gə̄ ń i gír deē yāḿ gə̄ ní, m-ā m̄-rāādə́ kadə̄ a tél a ndin̄ tītə̄ kə́ kété. Ɓē bo kə́ nujə kɔ̄ɔ́ gə̄ ní, nin̄ a télən̄ yā rāā gogə́ ō, a télən̄ yā ndi kem ɓē bo gə̄ ní tə́ gogə́ ō. Nin̄ a əhɔn̄ kāgə̄ nduú gə̄ ō, a a̰ȳn̄ kasə nduú ō. Nin̄ a ndɔrə̄n̄ ō, a əsan̄ yá̰á̰ kə́ ndɔrɔ́ ō.

JOEL 3:1

Gō tə́ anī, m-ā m-ādə̄ Ndílə́ḿ risə dɔ de gə̄ tə́ malang. Ngáńsí kə́ dəngam gə̄ ō, ngáńsí kə́ dəyá̰ gə̄ ō, a ədan̄ najə̄ kə́ Nə́ɓā əndā tadə́ tə́ ō, nī a rāā de kə́ tɔgə ɓə́ga yāsí gə̄, ngósaa yāsí gə̄ a a̰a̰n̄ yá̰a̰.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

IJAI 60:15

Kété ní əya̰īn̄ kɔ̄ɔ́, de gə̄ kídīn̄ ō, deē mān̄ looí aĺ ō. Ngɔlaā ní m-ā m̄-rāāī kadə̄ ā ī-majə ngá̰ý, kadə̄ ā ī-téĺ yá̰a̰ kənda kadə kə́ ngándáńg ō, yá̰a̰ rɔ̄nel̄ kə́ kə dɔ ɓāl̄ gə̄ ɓāl̄ gə̄ ō.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

EJEKIEL 39:28

Dan ń mā m-ɔ́sə dɔ Israel gə̄ kə̄ naā tə́ dɔ nang yādə́ tə́ anī, m-ā m-ə́ya̰ deē kógə̄ḿ kadə̄ na̰y kem ɓē gə̄ ń m̄-tə̄ndā m̄-tḭ̄ḭ̄də́ tū tə́ ní tə́ alé. Kum mbang ngeé ń noō tə́ ní, Israel gə̄ a gerə̄n̄ kadə̄ Kɔ́ɔ̄ɓē, Nə́ɓā yādə́, i mā.

EJEKIEL 37:21

Gō tə́ anī ə́dádə́ na: Najə̄ kɔr̄ Kɔ́ɔ̄ɓē Nə́ɓā n toó: Israel gə̄, nápar de gə̄ ń sḭḭ̄ āwī dandə́ tə́ ní, m-ā m̄-teē sesí kɔ̄ɔ́ dandə́ tə́. M-ā m-ɔ́sə dɔsí naā tə́ ō, m-ā m̄-tél yā reē sesí dɔ nang yāsí tə́ ō.

EJEKIEL 28:25

Najə̄ ń Kɔ́ɔ̄ɓē Nə́ɓā ɔr̄ ní n toó: Ngán Israel gə̄ ń m̄-tə̄ndā m̄-tḭ̄ḭ̄də́ dan gír de gə̄ tə́ ní, m-ā m-ɔ́sə njadə́ kə̄ naā tə́. I tītə̄ ń noō n m-ā m-ɔ́jəń gotə nápar de gə̄ kadə̄ mā i Nə́ɓā kə́ táĺ ní. Ngán Israel gə̄ a ndin̄ dɔ nang yādə́ tə́, dɔ nang ń m-ādə̄ nge kəla yāḿ Jakob ní.

IJAI 66:22

Najə̄ ń Kɔ́ɔ̄ɓē əda ní n toó: Dɔ rā̰ kə́ kijə ō, dɔ nang kə́ kijə ō ń m̄-rāā ní ran̄ ngan̄g ta kumḿ tə́. I beé ní, rīsí ō, ngán kaasí gə̄ ō ní, a gətóon̄ kɔ̄ɔ́ ta kumḿ tə́ aĺ i kə́ bátə́ gə̄ tə́.

IJAI 61:9

De gə̄ a gerə̄n̄ ngáńsí gə̄ dan nápar de gə̄ tə́ malang ō, a gerə̄n̄ ngán kaasí gə̄ kə̄ loo gə̄ tə́ malang ō. De gə̄ malang ń a a̰a̰n̄də́ ní, a gerə̄n̄də́ i kə ta kūl̄ yá̰á̰ ń toō: Nin̄ i gír de gə̄ kə́ Kɔ́ɔ̄ɓē tɔ́r̄ tan dɔdə́ tə́.

PĀ GƏ̄ 35:6

Loo ń nge kaw̄ kəla yā Kɔ́ɔ̄ɓē a ngɔ̄də̄də́ róbó anī ādə̄ loo risə til dɔdə́ tə́ ō, ādə̄ loo ndəte sedə́ ō.

EJEKIEL 37:12

I beé ní, ə́dádə́ najə̄ ń toō ādə̄m̄: Sḭḭ̄ gír deē yāḿ gə̄, mā Kɔ́ɔ̄ɓē m-ə́dásí najə̄ ń toō: M-ā m̄-teē ta bəlo ɓádə yāsí gə̄ ō, m-ā m̄-rāā kadə̄ ā ī-teēī kɔ̄ɔ́ kemeé ō. M-ā m̄-tél yā kaw̄ sesí gogə́ dɔ nang kə́ Israel tə́.

IJAI 62:12

A ɓārə́n̄də́ na i gír de kə́ táĺ gə̄, na i ngé gə̄ ń Kɔ́ɔ̄ɓē gān̄g dɔdə́ ní. Ba ḭ̄ Jerusalem, a ɓāríīn̄ na i ɓē kə́ əya̰n̄ kɔ̄ɔ́ to̰ alé, banī a ɓāríīn̄ na i ɓē kə́ de gə̄ gḛyn̄.

EJEKIEL 16:53

M-ā m̄-tél yā rāā ɓē gə̄ ní gogə́ rang: M-ā m̄-rāā ɓē kə́ Sodom ō, ngán ɓē kə́ kadə tə́ gə̄ ō kadə̄ tél majən̄ gogə́ rang. Gō tə́ anī m-ā m̄-tél yā rāāī ḭ̄ Samari kadə̄ ī-tél ī-majə gogə́ rang ō.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

IJAI 56:8

Kɔ́ɔ̄ɓē Nə́ɓā, ni ń ɔsə nja ngán Israel gə̄ kə́ aw̄n̄ sedə́ dɔ ɓē kə́ rang tə́ dɔ gúú tə́ kə̄ naā tə́ ní, əda kə̄ ndágá wáńg na: M-ɔ́sə njadə́ kə̄ naā tə́ kɔ̄ɔ́ ɓá ō, m-ā m-ɔ́sə nja kə́ rang gə̄ kə̄ naā tə́ ɓáý to̰ ō.

NDŪ NAJƏ̄ 26:18

Ni-rāā adə̄ ə̄nī ndūí ādə̄n ō, ə́da na ḭ̄ i gír deē yān, nge ń ni ɓārə́n na i yá̰a̰ kənge yān kə́ gātə̄n i ngá̰ý ní ō, ə̄nī ndūí yā ngɔ̄məń gō míndən gə̄ malang ō.

NDŪ NAJƏ̄ 26:19

Rɔ̄kum, Kɔ́ɔ̄ɓē Nə́ɓā yāí ndigə kadə̄ kɔsə gɔn kə́ tām̄ yāí tə́ ō, rī ɓār̄ yāí ō, loo kə́ bo yāí ō, tɔȳ yā nápar de gə̄ malang ń ni əndādə́ ní ō, kadə̄ ḭ̄ i gír de kə́ tal kə́ tām̄ yā kəla yān tə́ tītə̄ ń ədań ní ō.

JEREMI 30:3

Kem ndɔ̄ gə̄ ń a reēn̄ noō tə́ ní m-ā m̄-tél yā kənda Israel ō, Juda ō ń i gír deē yāḿ gə̄ ní kijə. M-ā m̄-tél yā reē sedə́ gogə́ kem ɓē ń m-ādə̄ kaadə́ gə̄ ō, nin̄ a əngen̄ yá̰a̰ ndəbā tə́ ō ní. Najə̄ ń Kɔ́ɔ̄ɓē əda ní n noó.

EJEKIEL 39:13

De gə̄ malang kə́ gō nang ngeé ń noō tə́ a rāān̄ kəla ngeé ń noō ō, rɔ̄də́ a nel̄də́ ngá̰ý najə̄n tə́ ndɔ̄ ń m-ā m-ɔ́jəńdə́ kɔsə gɔn yāḿ tə́ ní ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

JAKARI 8:8

M-ā m̄-tél yā reē sedə́ gogə́, kadə̄ a ndin̄ kem ɓē kə́ Jerusalem tə́. Nin̄ a télən̄ gír deē yāḿ gə̄ ō, mā i Nə́ɓā yādə́ kə́ nge ra dɔ ndūn tə́ ō, kə́ nge rāā yá̰á̰ kə́ gōtə́ ō.

JEREMI 23:3

Mā m-ā m̄-kán̄ nja gotə yá̰a̰ kul̄ yāḿ gə̄ ń m̄-tə̄ndā m̄-tḭ̄ḭ̄də́ kə̄ gō ɓē gēé ní naā tə́ malang. M-ā m̄-tél yā reē sedə́ gogə́ dɔ mu kə́ mbōl̄ tə́. A ojən̄ naā ngá̰ý.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

MISE 2:12

Mā Kɔ́ɔ̄ɓē, m̄-ndigə kɔsə nja kojə yā Jakob kə̄ naā tə́. A̰á̰ā̰, de gə̄ malang kə́ dan gír de gə̄ yā Israel tə́ ń teēn̄ ta yo tə́ ní, m̄-ndigə ɓoodə́ naā tə́. M-ā m̄-kán̄də́ loo kógə̄ḿ kem gong yādə́ gə̄ tə́ tītə̄ batə̄ gə̄ beé, tītə̄ ɓūtə̄ yá̰a̰ kul̄ gə̄ kə́ ran̄ loo kəsa mu yādə́ tə́ beé. Nin̄ a télən̄ kósə de gə̄ kə́ kōōdə́ ɓār̄ ngá̰ý.

MISE 4:7

Ngé gə̄ ń əngen̄ do ní, m-ā m̄-rāādə́ kadə̄ a télən̄ i gír de gə̄ kə́ a ndin̄ kə kumdə́. A̰á̰ā̰, ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-rāādə́ kadə̄ a télən̄ i nápar de gə̄ kə́ tɔ́gə́də́ i ngá̰ý. Loo ń noō tə́ mā Kɔ́ɔ̄ɓē m-ā m̄-tél i mban̄g yādə́, dɔ mbal̄ bo kə́ Siyo̰ tə́, i kum mbang ngeé ń noō tə́ ō, i kə́ njɔ́ḿ gə̄ tə́ ō.

JAKARI 8:13

Ɓē ko̰o̰ gə̄ kə́ Juda tə́ ō, kə́ Israel tə́ ō, dan nápar de gə̄ tə́ ní, sḭḭ̄ i gír de gə̄ kə́ ndɔ̄lə́n̄də́ kadə̄ gotə gír de kə́ rang gə̄ a̰a̰n̄. Banī ngɔlaā ní, m-ájə́sí. Adə̄ ā ī-téliī i gír de gə̄ kə́ tɔ́rə̄n̄ tadə́ dɔdə́ tə́, kadə̄ gotə gír de kə́ rang gə̄ a̰a̰n̄. I beé ní, ī-ɓōlíī to̰ alé, banī ə́hɔī rɔ̄sí tɔgə!