SOPONI 3:19 - Bibəl ta Sar̄

¹⁹ Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

Bible sar

¹⁹ Kum mbang ngeé ń noō tə́ ní, de gə̄ malang ń rējə̄n̄sí kə yá̰a̰ rāā kə́ gōtə́ aĺ ní, m-ā m̄-rāādə́ kadə̄ oyn̄. Kum mbang ngeé ń noō tə́ ní, de gə̄ yāsí gə̄ ń əngen̄ do ní, m-ā m̄-ndem̄ ta dodə́. Ngé gə̄ ń ɔyn̄də́ aw̄n̄ sedə́ dɔ ɓē kə́ rang tə́ dɔ gúú tə́ ní, m-ā m̄-tél yā reē sedə́ gogə́. M-ā m̄-rāā kadə̄ a rɔyn̄sí ō, a gerə̄n̄ rīsí kə̄ kem ɓē gə̄ malang ń əlan̄ rɔ̄sɔl̄ dɔsí tə́ tū tə́ ní tə́ ō.

SOPONI 3:19 Referans Kwoze

IJAI 60:14

Ngé gə̄ ń rāāīn̄ adə̄ á̰á̰ tápə̄ ngá̰ý ní, a əlan̄ dɔdə́ nang tə́ yā reēń kə̄ rɔ̄í tə́, de gə̄ malang ń kídīn̄ ní, a ɔsən̄ kejədə́ nang tə́ njaí tə́. Nin̄ a ɓāríīn̄ na i ɓē yā Kɔ́ɔ̄ɓē ō, na i Siyo̰ yā Nə́ɓā kə́ táĺ yā Israel ō.

JEREMI 30:16

Ɓáa de gə̄ malang ń nujən̄ seí ní, a nujən̄ sedə́ ō, a əhɔn̄ madə̄ ba̰ā̰í gə̄ náḿ náḿ yā kaw̄ sedə́ dɔ nang kə́ rang tə́ ō. De gə̄ ń nujən̄ kə yá̰a̰ yāí ní a nujən̄ kə yá̰a̰ yādə́ ō. De gə̄ malang ń ɔyn̄ yá̰a̰ yāí dɔ gúú tə́ ní m-ā m-ə́ya̰ kadə̄ ɔyn̄ yá̰a̰ yādə́ dɔ gúú tə́ ō.

SOPONI 3:15

Najə̄ ń əndān̄ dɔsí tə́ á ɔȳsí ní, Kɔ́ɔ̄ɓē un kɔ̄ɔ́. Ni-rāā adə̄ madə̄ ba̰ā̰sí gə̄ aw̄n̄ kɔ̄ɔ́. Kɔ́ɔ̄ɓē ń i mban̄g kə́ Israel tə́ ní, ni i dansí tə́. Adə̄ majə kadə̄ ī-ɓōlíī yá̰á̰ kə́ to kum kaȳ aĺ to̰ alé.

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

EJEKIEL 34:16

Batə̄ ń tan tḭ̄ḭ̄ ní, m-ā m-āw̄ yā ndəlen ō, nge ń əya̰ madə̄n gə̄ ba aw̄ sa̰y ní, m-ā m̄-tél yā reē seneé gogə́ ō. Nge ń njan kógə̄ḿ tetə ní, m-ā m-ɔ́rən nam̄ ō, nge ń i mo̰y ní, m-ā m̄-rāā kadə̄ ni-tél a ənge tɔ́gə gogə́ ō. Ba nge kə́ bo ō, ngan̄g ō ní, m-ā m̄-rāān kadə̄ ni a gətóo kɔ̄ɔ́. Mā i nge ngɔ̄m̄ yá̰a̰ kul̄ gə̄ ndɔ̄ń tə́ kə́ nge rāā yá̰á̰ kə́ gōtə́.

IJAI 61:7

Kɔ́ɔ̄ɓē əda na: Kété ní rɔ̄sí sɔl̄sí sṵy. Yá̰á̰ ń sḭḭ̄ ə́ngeī ní, i ndū kə́ majaĺ ngá̰ý gə̄ ń de gə̄ tájə̄n̄sí ní. I tām̄ najə̄ ń toō tə́ n sḭḭ̄ ā ə́ngeī yá̰a̰ nja jōó dɔ nang yādə́ tə́ ō, ā ī-ndiī dan rɔ̄nel̄ kə́ ta ngóyn gətóó tə́ ō ní.

JEREMI 33:9

Ɓē ń toō a tél yá̰a̰ rāā rɔ̄nel̄ ō, yá̰a̰ tɔ̄ȳ ō, yá̰á̰ súū rɔ̄ ō, tām̄ yāḿ mā tə́, dɔ dáń nápar de gə̄ malang kə́ dɔ nang tə́ ń a oōn̄ kōō yá̰á̰ kə́ majə gə̄ malang ń m̄-rāā tām̄ yā Juda tə́ ō Israel tə́ ō ní. M-ā m-ādə̄ a ndin̄ majə ō, m-ā m-ādə̄də́ yá̰á̰ ngá̰ý ō, adə̄ a ɔr kumdə́ ō, a ndewn̄ ō.

HEBƏRO 12:13

Ī-njə̄rāī dɔ róbə́ kə́ súmūú tə́, yā kadə̄ njasí kə́ motə ḭḭ ta naā alé, ba kadə̄ aw̄ ta naā tə́ majə.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

EJEKIEL 39:26

Loo ń noō tə́ dɔdə́ a ndígə̄nal rɔ̄də́ ń sɔl̄də́ ní ō, ra ń nin̄ ran̄ dɔ ndūdə́ tə́ seḿ māá aĺ ní, dɔdə́ a ndígə̄nal malang kɔ̄ɔ́ ō. Nin̄ a ndin̄ dɔ nang yādə́ tə́ kanjə̄ sōl̄ yá̰á̰ kógə̄ḿ ō, de kə́ yā rāādə́ kadə̄ nin̄ ndewn̄ ndew ɓōĺ to̰ ní a gətóo ō.

JEJU TEĒ KUM JA̰A̰ 20:9

Nin̄-taān̄ loo dɔ nang tə́ malang ō, gīrə̄n̄ gidə ɓē yā deē yā Nə́ɓā gə̄ ń i ɓē kə́ Nə́ɓā tárən ní əlan̄ ta naā tə́ ō. Banī hor kógə̄ḿ ḭḭ dɔ rā̰ tə́ əsō dɔdə́ tə́ o̰o̰də́.

JEREMI 46:28

Ḭ̄ nge kəla yāḿ Jakob, ī-lōō ɓōĺ, mā i naā tə́ seí. Nápar de gə̄ malang ń m̄-tə̄ndā m̄-tḭ̄ḭ̄sí dɔ dandə́ tə́ ní, m-ā m̄-rāādə́ kadə̄ gətóon̄ kɔ̄ɔ́. Ba ḭ̄ tá, m-ā m̄-rāā kadə̄ ā ī-gətóo kɔ̄ɔ́ kə taá malang alé. M-ā m-ə́ndaī najə̄ yá̰a̰ rāāí gə̄ tə́ kanjə̄ kəndā njaḿ dɔ nge kə́rēý tə́.

IJAI 62:7

Ī-lōōī kəya̰n kadə̄ taā koō kété kanjə̄ kadə̄ tél rāā ɓē kə́ Jerusalem gogə́ rang, kanjə̄ kadə̄ Jerusalem téĺ yá̰a̰ tɔ̄ȳ kə́ dɔ nang tə́ malang.

IJAI 26:11

Kɔ́ɔ̄ɓē, ḭ̄ ún jīí kə̄ ɓir̄ dɔɔ́ yā kəndań ndéy, ba nin̄ a̰a̰n̄ jīí ní alé. Banī nin̄ a a̰a̰n̄ rɔ̄ɔ̄ ń ī-rɔ̄ɔ̄ dɔ gír deē yāí gə̄ tə́ kə táŕ kə́ o̰o̰ hor ngá̰ý ní. Loo ń noō tə́ rɔ̄də́ a sɔl̄də́ ngá̰ý. Hor ń ī-rāā tām̄ yā madə̄ ba̰ā̰í gə̄ tə́ ní a o̰o̰də́.

JEREMI 31:8

M-ā m-ḭ́ḭ sedə́ dɔ nang kə́ mbɔ́r ɓē kə́ ko̰ó̰ tə́ ō, ta ngóy dɔ nang tə́ ō, yā reē kɔsə dɔdə́ naā tə́. A télən̄ yā reē naā tə́ malang kə ngé kum tɔ̄ɔ̄ gə̄ ō, ngé tə́sō motə gə̄ ō, dəyá̰ kə́ ndān̄ ngán gə̄ ō, kó ndōō gə̄ ō adə̄ i kósə de kə́ ngá̰ý gə̄ n a ɔsən̄ dɔdə́ naā tə́ ní.

EJEKIEL 16:27

Loo ń noō tə́ m-ɔ́jə́ tɔ́gə́ḿ dɔí tə́. M-ɔ̄gī yá̰a̰ kəsa ō, m-ə́laī kem jī madə̄ ba̰ā̰í gə̄ ń i ɓē gə̄ yā Pilistin gə̄ ní tə́ ō. Tɔdɔ̄ rɔ̄də́ sɔl̄də́ najə̄ hálí kə́ majaĺ ngá̰ý tə́.

EJEKIEL 16:57

I kété pá tá kadə̄ teēn̄ dɔ kem ndul yāí tə́ ɓáý. Ń toō ɓáa ta i dɔí tə́ kadə̄ kadə̄ ɓē gə̄ kə́ Sodom ō, ngán ɓē gə̄ kə́ kadədə́ gə̄ tə́ ō, naā tə́ kə ɓē gə̄ yā Pilistin gə̄ ō tájīīn̄ tā. Tām̄ nin̄ kídīn̄ i kə̄ ta gə̄ tə́.

EJEKIEL 39:13

De gə̄ malang kə́ gō nang ngeé ń noō tə́ a rāān̄ kəla ngeé ń noō ō, rɔ̄də́ a nel̄də́ ngá̰ý najə̄n tə́ ndɔ̄ ń m-ā m-ɔ́jəńdə́ kɔsə gɔn yāḿ tə́ ní ō. Najə̄ ń mā Kɔ́ɔ̄ɓē Nə́ɓā m-ə́dá ní n noó.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

NDŪ NAJƏ̄ 26:19

Rɔ̄kum, Kɔ́ɔ̄ɓē Nə́ɓā yāí ndigə kadə̄ kɔsə gɔn kə́ tām̄ yāí tə́ ō, rī ɓār̄ yāí ō, loo kə́ bo yāí ō, tɔȳ yā nápar de gə̄ malang ń ni əndādə́ ní ō, kadə̄ ḭ̄ i gír de kə́ tal kə́ tām̄ yā kəla yān tə́ tītə̄ ń ədań ní ō.

NGÉ SARYA 1:7

Adoni Bejek əda na: Kété ní mban̄g gə̄ kutə sīrí kə́ gángə̄n̄ ta bo jīdə́ gə̄ kə ta bo njadə́ gə̄ a ɔyn̄ butə̄ yá̰a̰ kəsa gə̄ ń a tə́sō nang tə́ ní gíŕ tábəl yāḿ tə́. Adə̄ i yá̰á̰ ń m̄-rāā ní n Nə́ɓā rāām̄ kum gotə kə̄rā ní. Aw̄n̄ seneé Jerusalem adə̄ ni-oy i noó.

IJAI 33:1

Ḭ̄ ń ī-nujə yá̰a̰ malang banī nujiīn̄ aĺ ní, yá̰á̰ kə́ to kum kaȳ aĺ a teē dɔí tə́! Ḭ̄ ń ī-teē kə gír madí gēé dɔɔ́ banī teēn̄ kə gírí ḭ̄ḭ́ dɔɔ́ aĺ ní, yá̰á̰ kə́ to kum kaȳ aĺ a teē dɔí tə́! Dan ń ā ī-nujə loo oy anī, a nujən̄ seí kɔ̄ɔ́ ō. Dan ń ā ī-teē kə gír madí gēé dɔɔ́ oy anī, a teēn̄ kə gírí dɔɔ́ ō.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.