SOPONI 3:15 - Bibəl ta Sar̄

¹⁵ Najə̄ ń əndān̄ dɔsí tə́ á ɔȳsí ní, Kɔ́ɔ̄ɓē un kɔ̄ɔ́. Ni-rāā adə̄ madə̄ ba̰ā̰sí gə̄ aw̄n̄ kɔ̄ɔ́. Kɔ́ɔ̄ɓē ń i mban̄g kə́ Israel tə́ ní, ni i dansí tə́. Adə̄ majə kadə̄ ī-ɓōlíī yá̰á̰ kə́ to kum kaȳ aĺ to̰ alé.

Bible sar

¹⁵ Najə̄ ń əndān̄ dɔsí tə́ á ɔȳsí ní, Kɔ́ɔ̄ɓē un kɔ̄ɔ́. Ni-rāā adə̄ madə̄ ba̰ā̰sí gə̄ aw̄n̄ kɔ̄ɔ́. Kɔ́ɔ̄ɓē ń i mban̄g kə́ *Israel tə́ ní, ni i dansí tə́. Adə̄ majə kadə̄ ī-ɓōlíī yá̰á̰ kə́ to kum kaȳ aĺ to̰ alé.

SOPONI 3:15 Referans Kwoze

IJAI 51:22

Najə̄ ń Kɔ́ɔ̄ɓē, ngolií, Nə́ɓā yāí, nge rɔ̄ɔ̄ dɔ gír deē yān gə̄ tə́, əda ní n toó: Kopə wōn̄g yāḿ ń i kópə kə́ a ḭḭ̄ no deē ní, m-ā m̄-tél yā taā jīí tə́ kɔ̄ɔ́. Ā ā̰ȳ yá̰á̰ kə́ kemeé to̰ aĺ i kə́ bátə́ gə̄ tə́.

EJEKIEL 39:29

Israel gə̄ ń i gír deē yāḿ gə̄ ní, m-ā m-ādə̄də́ ndílə́ḿ ō, m-ā m̄-tūr̄ gidəḿ kɔ̄ɔ́ tadə́ tə́ to̰ aĺ ō. Najə̄ ń Kɔ́ɔ̄ɓē Nə́ɓā əda ní n noó.

SOPONI 3:5

Ɓá tā ba Kɔ́ɔ̄ɓē i kem ɓēé, ni-rāā yá̰á̰ kógə̄ḿ kə́ gōtə́ aĺ alé. Ni-gān̄g sarya yān dəloí kə dɔ ndɔ̄ gə̄. Banī de kə́ majaĺ gə̄ rāān̄ yá̰a̰ kanjə̄ rɔ̄sɔl̄.

AMOS 9:15

M-ā m̄-tél yā kəndā gír deē yāḿ gə̄ dɔ nang yādə́ tə́ gogə́. Dɔ nang ń m-ādə̄də́ ní, deē a tə̄ɓādə́ tū tə́ kɔ̄ɔ́ to̰ alé. Yá̰a̰ ń mā Kɔ́ɔ̄ɓē Nə́ɓā yāsí m-ə́dá ní n noó.

JA̰A̰ 1:49

Anī Natanayel tél ədan na: Ngoljí, ḭ̄ i Ngōn̄ Nə́ɓā, ḭ̄ i mban̄g yā ngáń Israel gə̄!

JAKARI 14:11

De gə̄ a ndin̄ kem ɓēé ō, deē a nujə ɓē to̰ aĺ ō, de gə̄ a ndin̄ kemeé kanjə̄ sōl̄ yá̰á̰ kógə̄ḿ ō.

JAKARI 12:3

A̰á̰ā̰, kum mbang ngeé ń noō tə́ ní, m-ā m̄-rāā ɓē kə́ Jerusalem i kūbə̄rū mbal̄ kógə̄ḿ kə́, de kə́ asə kunən dɔɔ́ a gətóó tə́. De gə̄ malang ń a ndigən̄ kunən dɔɔ́ ní, a əngen̄ do. I tām̄ najə̄ ń noō tə́ n nápar de gə̄ malang kə́ dɔ nang tə́ a əndān̄ rɔ̄də́ naā tə́ yā rɔ̄ɔ̄n ní.

IJAI 60:18

Deē a oō najə̄ yā yá̰a̰ rāā kə́ kə dɔ́nɔ́ kem ɓē yāí tə́ to̰ aĺ ō, najə̄ yā loo kə́ nujə aláa najə̄ yā gájə bɔr kə́ tétə̄ gə̄ gō nang yāí tə́ to̰ aĺ ō. A əndān̄ rī ndogə̄ mbal̄ yāí gə̄ na i kajə. A əndān̄ rī ta róbə yāí gə̄ na i tɔ̄ȳ.

IJAI 33:22

Kɔ́ɔ̄ɓē i ngār yājí, i ni n i nge kɔrjí ta róbə́ ní. Kɔ́ɔ̄ɓē i mban̄g yājí, i ni n i nge kajəjí ní.

PĀ GƏ̄ 85:3

Yá̰á̰ kə́ gōtə́ aĺ ń gír deē yāí gə̄ rāān̄ ní, ḭ̄ ún dɔdə́ tə́ kɔ̄ɔ́. Yá̰á̰ kə́ majaĺ gə̄ malang ń nin̄ rāān̄ ní, ḭ̄ ī-mā̰ȳ rɔ̄í dɔ tə́.

JEJU TEĒ KUM JA̰A̰ 12:10

Anī deē kógə̄ḿ ɔr̄ najə̄ kə tɔ́gɔ́ dɔ rā̰ tə́ adə̄ m-ōō ndūn: Ń toō ní kum mbang kajə deē asə kɔ̄ɔ́! Ngɔlaā ń toō ní Nə́ɓā yājí ɔjə tɔ́gən kə̄ ndágá ō, ɔjə ko̰o̰ ɓē yān kə̄ ndágá ō! Ngɔlaā ń toō ní ko̰o̰ ɓē i jī Kərist yān tə́. Tɔdɔ̄ nge sekə́ ngákó̰ó̰jí gə̄ ní mbərenən̄ dɔ rā̰ tə́ ənīnən̄ ndágá kɔ̄ɔ́. I ni n i nge sekə́də́ rɔ̄ Nə́ɓā yājí tə́ ndɔ̄ɔ́ gē kadaá gē ní.

JEJU TEĒ KUM JA̰A̰ 7:15

I tām̄ najə̄ ń noō tə́ n nin̄-ndan̄ ta kōr̄ kāgə̄ mbang yā Nə́ɓā tə́, ba rāān̄ kəla adə̄nən̄ ndɔ̄ɔ́ ō, kadaá ō, kem kújə yān tə́ ní. Deē ń ndi dɔ kōr̄ kāgə̄ mbang tə́ ní a ngɔ̄m̄də́.

JA̰A̰ 19:19

Pilatə ndang najə̄ kə́ dɔ Jeju tə́ əndā tū kāgə̄ kə́ dēsə́ ní tə́. Najə̄ ń ndang ní n toó: I Jeju kə́ Najaret, mban̄g yā Jipə gə̄.

JA̰A̰ 12:15

Ngōmandə kə́ Siyo̰, ī-lōō ɓōĺ. Á̰a̰ mban̄g yāí a reē noó, ni-ndi i gidə ngōn̄ kərō tə́.

JAKARI 9:9

Ɓē kə́ Siyo̰, ī-ndām̄ kə tɔ́gí gēé malang! A̰á̰ā̰, ɓē kə́ Jerusalem, ə́ga kɔŕ rɔ̄nel̄! Á̰a̰ā̰, mban̄g yāí a reē kə́ rɔ̄í tə́. Ni i de kə́ nge rāā yá̰á̰ kə́ gōtə́ ō, nge tetə rɔ̄ɔ̄ ō, ni i de kə́ najə̄n gətóo ō. Ni-ndi i gidə kərō kógə̄ḿ tə́, adə̄ i gidə ngōn̄ kərōó kógə̄ḿ kə́ kó̰o̰n i noó tə́.

SOPONI 3:17

Kɔ́ɔ̄ɓē Nə́ɓā yāí i kemií tə́ danaá bang. I ni n i go̰ rɔ̄ɔ̄ kə́ nge tetə rɔ̄ɔ̄ ní. Rɔ̄n nelə̄n ngá̰ý najə̄ yāí tə́. Tár yān adī ndi kə kumuú kə́ kijə. Ni ndām̄ tām̄ yāí tə́ kə kɔŕ rɔ̄nelēé

HABAKUK 2:17

A̰á̰ā̰, yá̰a̰ rāā kə dɔ́nɔ́ ń rāān̄ kə ɓē kə́ Liban ní a taā loo ɓēé loosí ō. Sḭḭ̄ ī-tɔ̄lī dā̰ gə̄. Adə̄ dā̰ gə̄ a rāān̄sí kə ɓōló kadə̄ ā ī-ndewiī. Yá̰a̰ gə̄ ń noō malang a reēn̄ tɔdɔ̄ sḭḭ̄ ī-ɓōkíī mósə deē nang tə́, tɔdɔ̄ sḭḭ̄ ī-rāāī yá̰a̰ kə dɔ́nɔ́, ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

MISE 7:10

Dan ń madə̄ ba̰ā̰jí gə̄ a a̰ā̰n̄ yá̰á̰ ń noō anī, rɔ̄də́ a sɔl̄də́. Kété ní, nin̄ dəjen̄jí najə̄ ədan̄ na: Ba Kɔ́ɔ̄ɓē ń i Nə́ɓā yāsí ní, a rā i rí? A tə́ɓān̄də́ njadə́ tə́ tītə̄ loo kəɓa bɔr kə́ kum róbə kɔsə gə̄ tə́ beé, adə̄ j-a j-a̰ā̰ kə kumjí.

EJEKIEL 48:35

Laa ndogə̄ mbal̄ ń gīr̄ gidə ɓē ní asə kíl deē 18 000. Əla gír ndɔ̄ ń noō tə́ ní, a ɓārə́n̄ rī ɓē na i Kɔ́ɔ̄ɓē i loo ń toō tə́.

IJAI 65:19

M-ā m̄-rāā rɔ̄nel̄ najə̄ yā ɓē kə́ Jerusalem tə́. Rɔ̄nel̄ yāḿ kə́ tām̄ yā gír deē yāḿ gə̄ tə́ a ɔjə rɔ̄n kə̄ ndágá. Deē a oō kōō nōō to̰ aĺ ō, kōō ɓāŕ kə́ de gə̄ a ɓārə́n̄ yá̰a̰ kadə̄ dḭḭ̄n̄də́ to̰ aĺ ō.

IJAI 54:14

Ā ə̄ndā tɔ́gí dɔ yá̰a̰ rāā kə́ gōtə́ tə́. Deē a rējī to̰ aĺ ō, ɓōĺ a rāāī to̰ aĺ ō. De kə́ yā rāāī kadə̄ ndílí a̰ȳ to̰ a gətóo ō, de kə́ yā kəla ɓōĺ kemií tə́ to̰ a gətóo ō.

IJAI 25:8

Ni a nujə yo kɔ̄ɔ́ i kə́ njɔ́ḿ gə̄ tə́. Kɔ́ɔ̄ɓē Nə́ɓā a ɔl̄ man̄ nōō kə́ kum de gə̄ tə́ malang kɔ̄ɔ́. Ni a un rɔ̄sɔl̄ kɔ̄ɔ́ dɔ gír deē yān gə̄ tə́ kem ɓēé malang. Yá̰á̰ ń Kɔ́ɔ̄ɓē ənī ndūn yā rāā ní n noó.

TA KƏLA 30:23

Rasel ndān̄ ngōn̄, ojə ngōn̄ kə́ dəngam, anī əda na Nə́ɓā na ɔr̄ rɔ̄sɔl̄ yān.

JEJU TEĒ KUM JA̰A̰ 19:16

Ndangən̄ rī kógə̄ḿ tū kūbə̄ yān kə́ dɔ madə̄ gə̄ tə́ ō, dɔ ɓúrən tə́ ō. Rī ní na i mban̄g kə́ dɔ mban̄g gə̄ tə́ ō, Kɔ́ɔ̄ɓē kə́ dɔ kɔ́ɔ̄ ɓē gə̄ tə́ ō.

HABAKUK 2:8

Sḭḭ̄ ɔ́yiī yá̰a̰ yā nápar de gə̄ ngá̰ý dɔ gúú tə́. Adə̄ gotə gír de gə̄ ń na̰ȳn̄ ní, a ɔyn̄ yá̰a̰ yāsí gə̄ dɔ gúú tə́ tītə̄ ń noō ō. Tɔdɔ̄ sḭḭ̄ ī-ɓōkíī mósə de gə̄ nang tə́ ō, ī-rāāī yá̰a̰ kə dɔ́nɔ́ ō. Ī-rāāī yá̰á̰ ń noō i kə gō dɔ nang gēé ō kə ɓē gēé ō, kə de kə́ kemeé gēé ō!

IJAI 35:10

Ngé gə̄ ń Kɔ́ɔ̄ɓē a gān̄g dɔdə́ ní a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē. Walya kə́ to ɓōĺ ngá̰ý a dān̄ gōdə́, ka̰a̰ tápə̄ ō, nōō rɔ̄ ō a gətóon̄ kɔ̄ɔ́.

JA̰A̰ 5:30

Mā m-ásə rāā yá̰á̰ kógə̄ḿ kə dɔḿ alé, banī m̄-gān̄g sarya i kə gō koō ń m-ōō ní. Adə̄ sarya gāngə̄ḿ i gōtə́, tɔdɔ̄ m̄-sāā rāā yá̰a̰ kə gō kem ndigə yāḿ alé, banī i kə gō kem ndigə yā nge ń əlam̄ ní.

JEJU TEĒ KUM JA̰A̰ 18:20

Dɔ rā̰, ī-rāā rɔ̄nel̄ tām̄ nujə ń ni nujə sák sák kɔ̄ɔ́ tə́ ní! Ba sḭḭ̄ deē yā Nə́ɓā gə̄ ō, ngámbang kəla gə̄ ō, ngé koō ta gə̄ ō ní, ī-rāāī rɔ̄nel̄ ō. Tām̄ Nə́ɓā gān̄g sarya dɔn tə́ i najə̄ yá̰á̰ kə́ majaĺ ń ni-rāā sesí tə́ ní.

PĀ GƏ̄ 19:9

Yá̰a̰ gə̄ ń Kɔ́ɔ̄ɓē ra kə deē ta rāā ní i yá̰á̰ kə́ gōtə́ gə̄, ā əlan̄ rɔ̄nel̄ kem deē tə́. Gō míndə gə̄ ń Kɔ́ɔ̄ɓē əda kadə̄ yā rāā ní i yá̰á̰ kə́ unjə̄ njáý njáý gə̄, a rāān̄ kadə̄ kum deē a̰a̰ loo rá ráńg.

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

EJEKIEL 35:10

Ḭ̄ ə́da na ɓē ko̰o̰ kə́ jōó gə̄ yā Israel ō, yā Juda ō, na a télən̄ ɓē ko̰o̰ yāí gə̄, ə́da na ā ī-taā ɓē gə̄ ń Kɔ́ɔ̄ɓē na ndi kemeé ní.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

JEREMI 8:19

De kə́ dɔ nang kə́ sa̰y ngá̰ý tə́ gə̄ oōn̄ kɔŕ nōō rɔ̄ yā gír deē yāḿ gə̄. Kɔ́ɔ̄ɓē gətóo Siyo̰ a? Mban̄g yān gətóo looneé a? I tām̄ rí tə́ á adə̄mə̄n̄ wōn̄g kə ɓesə̄ yādə́ gə̄ ń i yá̰á̰ kə́ kanjə̄ kumən gə̄ kə́ kḭḭ loo kə́ rang tə́ ní?

EJEKIEL 36:15

Ndū gə̄ ń nápar de kə́ rang gə̄ a tájə̄n̄sí ní ō, lur ń nin̄ a lurən̄sí ní ō ní, ā ōōī to̰ alé. Tɔdɔ̄ dɔ nang yāsí a tɔ̄l̄ ngáńsí gə̄ to̰ alé. Najə̄ ń Kɔ́ɔ̄ɓē Nə́ɓā əda ní n noó.