SOPONI 3:14 - Bibəl ta Sar̄

¹⁴ Ɓē kə́ Siyo̰, ə̄nī pā ō, ī-ndām̄ ō! Sḭḭ̄ de kə́ Israel gə̄, ə́gaī kɔŕ rɔ̄nel̄! A̰á̰ā̰, ɓē kə́ Jerusalem, ī-rāā rɔ̄nel̄ kə dan wurií gēé malang!

Bible sar

¹⁴ Ɓē kə́ *Siyo̰, ə̄nī pā ō, ī-ndām̄ ō! Sḭḭ̄ de kə́ *Israel gə̄, ə́gaī kɔŕ rɔ̄nel̄! A̰á̰ā̰, ɓē kə́ Jerusalem, ī-rāā rɔ̄nel̄ kə dan wurií gēé malang!

SOPONI 3:14 Referans Kwoze

IJAI 12:6

Ḭ̄ ń ī-ndi Siyo̰ ní, ɔ́jə rɔ̄nel̄ yāí kə̄ ndágá, úr kɔĺ rɔ̄nel̄! A̰á̰ā̰, Nə́ɓā kə́ táĺ yā Israel ń ndi dansí tə́ ní, i de kə́ bo!

MISE 4:8

Ba ḭ̄ ngōn̄ mbal̄ kə́ Jerusalem, ə̄ndā kumií gō gír de gə̄ tə́ tītə̄ nge ngɔ̄m̄ yá̰a̰ kul̄ gə̄ beé. Ī-ra i loo kógə̄ḿ kə́ ḭḭ kə̄ dɔɔ́ tə́. Sḛ́ý laā anī, ā ī-tél yā kənge tɔ́gə yāí kə́ kété ní gogə́. Ā ī-tél ɓē bo kə́ kem ɓē ko̰o̰ tə́ gogə́.

IJAI 54:1

Jerusalem, ḭ̄ ń kété ə́nge ngōn̄ aĺ ní, ī-rāā rɔ̄nel̄! Ḭ̄ ń kété ī-ger̄ rɔ̄tōr̄ yā kojə ngōn̄ aĺ ní, úr kɔĺ rɔ̄nel̄ ō, ādə̄ rɔ̄í nelī ō. Kɔ́ɔ̄ɓē ədaī na: Ḭ̄ dəyá̰ ń əya̰īn̄ kɔ̄ɔ́ ní, ngɔlaā ngání gə̄ i ngá̰ý tɔȳ yā dəyá̰ ń ngaan i noó ní.

IJAI 51:11

Ngé gə̄ ń Kɔ́ɔ̄ɓē gān̄g dɔdə́ ní, a télən̄ yā reē. Nin̄ a ugə̄n̄ Siyo̰ kə kɔŕ rɔ̄nelēé tadə́ tə́. Rɔ̄nel̄ kə́ ta ngóyn gətóo a rāā ta kumdə́ kadə̄ ndə́lē, rɔ̄nel̄ kə́ ngá̰ý a dān̄ gōdə́. Ka̰a̰ tápə̄ ō, nōō rɔ̄ ō, a gətóon̄ kɔ̄ɔ́.

IJAI 40:9

Jerusalem, āl̄ dɔ mbal̄ kə́ ngāl̄ ngá̰ý kum kə̄ dɔɔ́ tə́. Ɓē kə́ Siyo̰, ə́ga kɔŕ kə tɔ́gí gēé malang. Ḭ̄ nge reē kə najə̄ kə́ majaá, ún ndūí kə̄ dɔɔ́, ī-lōō ɓōĺ. Ə́da ɓē gə̄ kə́ Juda tə́ na: Nə́ɓā yāsí n toó!

IJAI 35:2

Ūtə̄ gidə rɔ̄í kə hútə́ yá̰á̰ kə́ bembeé gēé. Ī-rāā rɔ̄nel̄, ī-rāā rɔ̄nel̄ ō ə́ga kɔŕ rɔ̄nel̄ ō! Kɔ́ɔ̄ɓē a rāāī kadə̄ ā ī-majə to ɓōĺ ngá̰ý tītə̄ mbal̄ bo gə̄ kə́ Liban beé, ni a rāāī kadə̄ ā ī-majə tītə̄ mbal̄ Karmel beé ō, kadə̄ ā ī-majə tītə̄ ndágə mbō gə̄ kə́ Saro̰ beé ō. Loo ń noō tə́ de gə̄ malang a a̰a̰n̄ kɔsə gɔn yā Kɔ́ɔ̄ɓē, a a̰a̰n̄ majə Nə́ɓā yājí.

MATIYE 21:9

Kósə de gə̄ ń njə̄rān̄ kété no Jeju tə́ ní ō, ngé njə̄rā gogə́ gōn tə́ gə̄ ō, əgan̄ kɔŕ ədan̄ na: Kɔsə gɔn i yā Ngōn̄ kaa Dabid! Ādə̄ tɔ́r̄ ta i dɔ nge ń reē kə rī Kɔ́ɔ̄ɓēé ní tə́! Kɔsə gɔn i yā Nə́ɓā dɔ rā̰ tə́!

PĀ GƏ̄ 14:7

I náā n ndi Siyo̰ nú yā tetəń rɔ̄ɔ̄ kadə̄ Israel ní? Dan ń Kɔ́ɔ̄ɓē a tél kə ngé gə̄ ń rɔ̄ gān̄gdə́ ní yā reē sedə́ dan gír deē yān gə̄ tə́ anī, Jakob a rāā walya, Israel a ndi i kə rɔ̄nelēé.

NEHEMI 12:43

Ndējə̄n̄ Kɔ́ɔ̄ɓē yá̰á̰ kə́ tun̄ gə̄ ngá̰ý ndɔ̄ ń noō tə́ ō, rɔ̄ de gə̄ nel̄də́ ō, tɔdɔ̄ Nə́ɓā rāā adə̄ rɔ̄də́ nel̄də́ ngá̰ý. Dəyá̰ gə̄ kə ngán gə̄ rāān̄ rɔ̄nel̄ ō, adə̄ de gə̄ ń ran̄ sa̰y gə̄gē ní oōn̄ kōō kɔŕ rɔ̄nel̄ kə́ kem ɓē kə́ Jerusalem tə́.

JEREMI 33:11

pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, pā gə̄ yā ngé gə̄ ń reē adə̄n̄ yá̰a̰ tun̄ gə̄ kə́ yā tɔ̄yń kem kújə yā Kɔ́ɔ̄ɓē tə́ ba ədan̄ na: Ī-tɔ̄yī Kɔ́ɔ̄ɓē kə́ bo kə́ tɔ́gən i ngá̰ý, tɔdɔ̄ kem majə yān to ngándáńg ō, ni-ra dɔ ndūn tə́ ngándáńg ō ní, ā ōōī kemeé ɓáý. Rɔ̄kum, m-ā m̄-tél yā kəndā ɓē ń toō kijə ō, m-ā m̄-rāā kadə̄ tél ndi majə gogə́ tītə̄ kə́ kété ō. Najə̄ ń Kɔ́ɔ̄ɓē əda ní n noó.

JEREMI 31:13

Dan ń noō tə́ ní, ngáń kə́ mandə gə̄ a tḭ̄ḭ̄n̄ rɔ̄də́ yā ndāməń. Balsáa gə̄ ō, ɓə́ga gə̄ ō, a rāān̄ rɔ̄nel̄. M-ā m̄-mbél gír kəhɔ ndoō yādə́ kə rāā rɔ̄nelēé ō, m-ā m-ādə̄də́ tɔ́gə ō. M-ā m̄-rāā kadə̄ ngé gə̄ ń wurdə́ ɔldə́ ní tḭḭ̄n̄ rɔ̄də́.

JEREMI 30:19

Pā ndadə̄ gə̄ kə́ tū tə́ a ɓār̄ kə̄ dɔɔ́ dɔɔ́. I kōō ngé rāā nāā gə̄ n a ɓār̄ ní. M-ā m̄-rāādə́ kadə̄ ojən̄ naā ngá̰ý, kutədə́ a tél kə̄ gogə́ to̰ aĺ bátə́. M-ā m-ɔ́r tadə́, m-ā m̄-rāādə́ jingəling to̰ aĺ ō.

PĀ GƏ̄ 97:8

Siyo̰ oō najə̄n anī rāā rɔ̄nel̄. Kɔ́ɔ̄ɓē, ɓē kə́ Juda tə́ gə̄ tḭ́ḭ̄n̄ bal walya najə̄ sarya gāngīí tə́.

IJAI 37:22

Najə̄ ń Kɔ́ɔ̄ɓē əda dɔn tə́ ní n toó: Jerusalem ń i dəyá̰ kə́ mandə ní kídī. Ni mbóo seí. A̰á̰ā̰, Siyo̰ ń i ɓē kə́ mandə ní, wél̄ dɔn kə kəgōó tan tə́ gidií tə́.

IJAI 40:1

Ī-téliī kə kəndā kem dɔ tə́ ādī gír deē yāḿ gə̄ gogə́. A̰á̰ā̰, ī-tél ādīin̄ kəndā kem dɔ tə́ gogə́. Nə́ɓā yāsí əda i beé.

PĀ GƏ̄ 149:2

Ādə̄ Israel rāā rɔ̄nel̄ nge kəndān. Ādə̄ ngáń kə́ Siyo̰ tə́ gə̄ rāān̄ rɔ̄nel̄ ngá̰ý tām̄ yā mban̄g yādə́ tə́.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

IJAI 52:9

Ndəbā ɓē gə̄ kə́ Jerusalem, ī-túrī kɔĺ rɔ̄nel̄. Kɔ́ɔ̄ɓē tél kə kəndā kem dɔ tə́ adə̄ gír deē yān gə̄ gogə́, ni-ɔr̄ Jerusalem ɓəloó.

JOEL 2:23

Sḭḭ̄, de kə́ Siyo̰ tə́ gə̄, adə̄ rɔ̄sí nel̄sí ngá̰ý ō, ī-rāāī walya ō, najə̄ yā Kɔ́ɔ̄ɓē Nə́ɓā yāsí tə́. Tɔdɔ̄ ni-adə̄sí man̄ ta ɓar yā kajəńsí, ni-rāā adə̄ man̄ edə ngá̰ý dɔsí tə́, adə̄ man̄ ta ɓar ō, man̄ ta ɓāl̄ ō, edə dɔsí tə́ tītə̄ kə́ kété jóo.