SOPONI 3:12 - Bibəl ta Sar̄

¹² I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

Bible sar

¹² I de kə́ dansí tə́ gə̄ ń najə̄də́ gətóo ō, i ngé ndoō gə̄ ō ní ngóy n m-ā m-ə́yá̰də́ ní. Nin̄ a əngen̄ loo kə́ yā ɓɔ̄ɔń rɔ̄də́ kemḿ tə́.

SOPONI 3:12 Referans Kwoze

IJAI 14:32

De gə̄ ń Pilistin gə̄ əlan̄də́ ní, i yā tūr̄ kədadə́ na i rí? I najə̄ ń toō: I Kɔ́ɔ̄ɓē nəkɔ́ n əndā ɓē kə́ Siyo̰ ní. Yá̰á̰ kógə̄ḿ a ɔdə rɔ̄ ngé ndoō gə̄ kə́ dan gír deē yān gə̄ tə́ alé i loo ń noō tə́.

NAHUM 1:7

Kɔ́ɔ̄ɓē i de kə́ majə. Ni i dabə kə́ yā ndi gírí dan wur kɔl tə́. Ngé gə̄ ń əndān̄ kemdə́ dɔn tə́ ní, ni-a̰a̰ gōdə́

MATIYE 5:3

Rɔ̄nel̄ i kə ngé gə̄ ń kemdə́ i kem de kə́ nge ndoō ní, tɔdɔ̄ Ɓē ko̰o̰ kə́ dɔ rā̰ tə́ i yādə́.

IJAI 50:10

I náā kə́ dansí tə́ n ɓōĺ ndíĺ Kɔ́ɔ̄ɓē ní? Deē ń noō ní majə kadə̄ oō najə̄ yā nge kəla yān. I náā n njə̄rā dan ndɔ̄ɔ́ ba a̰a̰ loo kógə̄ḿ kə́ unjə̄ kow aĺ bátə́ ní? Majə kadə̄ deē ń noō ənī kemən mámák adə̄ Kɔ́ɔ̄ɓē ō, ra dɔ Nə́ɓā yān tə́ ō.

JAKƏ 2:5

Ngákó̰ó̰ḿ kə́ kó tár yāḿ gə̄, ōōī, Nə́ɓā gə̄rā ngé gə̄ ń i ngé ndoō gə̄ ta kum de kə́ dɔ nang tə́ gə̄ tə́ ní kadə̄ télən̄ de kə́ ngé kənge yá̰á̰ ngá̰ý gə̄ kə gō taā kem yādə́ ō, kadə̄ əngen̄ Ɓē ko̰o̰ ń Nə́ɓā ənī míndən yā kadə̄ ngé gə̄ ń tárnən̄ ní ō aĺ a?

1 PIYER 1:21

I kə ta kūlən n sḭḭ̄ ī-taāīneé kem Nə́ɓā ń ndólə̄n dan de kə́ koy gə̄ tə́ ō, ɔsə gɔnən ō ní. Adə̄ deē ń sḭḭ̄ ī-taāī kemən ō, əndāī tɔ́gə́sí dɔn tə́ ō ní i Nə́ɓā.

Makətūbə̄ ń Pol ndang adə̄ Rom gə̄ ní 15:12

Ba Ijai əda ɓáý to̰ ō, əda na: Ngōn̄ kaa Jese kógə̄ḿ a reē. I ni n a ḭḭ dɔɔ́ yā ndi dɔ nápar de gə̄ tə́ ní. Nápar de gə̄ a əndān̄ kemdə́ i dɔn tə́.

MATIYE 12:21

Nápar de gə̄ a əndān̄ kemdə́ dɔn tə́.

MATIYE 11:5

Ngé kum tɔ̄ɔ̄ gə̄ a̰a̰n̄ loo ō, ngé tə́sō motə gə̄ tél njə̄rān̄ majə ō, bānjə̄ ur̄ kɔ̄ɔ́ rɔ̄ ngé bānjə̄ gə̄ tə́ ō, mbíkī gə̄ oōn̄ loo ō, de kə́ koy gə̄ ndólə̄n̄ ō, ngé ndoō gə̄ oōn̄ Najə̄ kə́ Majə ō.

JAKARI 11:11

Adə̄ kum mbang ngeé ń noō tə́ ní, madə̄ naā i kə́ ngān̄g kɔ̄ɔ́. Ngé kigə yá̰a̰ gə̄ ń nin̄ i de kə́ rɔ̄kum aĺ gə̄ á ra a̰a̰mə̄n̄ ní, gerə̄n̄ kadə̄ i Kɔ́ɔ̄ɓē n ɔr̄ najə̄ kə ta kūl̄ yá̰á̰ gə̄ ń m̄-rāā ní.

PĀ GƏ̄ 37:40

Kɔ́ɔ̄ɓē rāā sedə́ ō, gān̄g dɔdə́ ō. Ni-gān̄g dɔdə́ jī ngé kem ndul gə̄ tə́ ō, ajədə́ ō, tɔdɔ̄ nin̄ rāānən̄ i loo ɓɔ̄ɔ̄ rɔ̄ yādə́ tə́.

IJAI 14:30

A ulə̄n̄ ngé ndoō gə̄ majə kə yá̰a̰ kəsaá, ngé rɔ̄ tō ndoō gə̄ a ɔrə̄n̄ koō loo kə́ yá̰a̰ a ɔdə rɔ̄də́ tū tə́ aĺ tə́. Banī sḭḭ̄ Pilistin gə̄, madə̄ ba̰ā̰sí a rāān̄sí kadə̄ sḭḭ̄ malang ā óyiī yo ɓō ō, ngé gə̄ ń a teēn̄ ta yo tə́ ní, nin̄ a tɔ̄lə̄n̄də́ kɔ̄ɔ́ ō.

JAKARI 11:7

Adə̄ m̄-tél nge kul̄ batə̄ gə̄ kə́ ngé kigə yá̰a̰ gə̄ kə́ nin̄ i de kə́ rɔ̄kum aĺ gə̄ gírə̄n̄ tɔ̄l̄. M-ɔ́y kāgə̄ yā nge kul̄ yá̰a̰ jōó. m̄-ɓāŕ nge kə́ ta kəga dɔ na i madə̄ naā ō, kə́ nge ko̰ jōó na i ɓoo naā ō, ba m-á̰a̰ gō batə̄ gə̄.

ESDRAS 9:8

Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

IJAI 6:13

Ré gángə̄n̄ de kə́ kem ɓēé gə̄ gír loo kutə anī, gírən kə́ kógə̄ḿ ń a na̰y ní, hor a o̰o̰ tītə̄ loo róō kāgə̄ kə́ tə́gā kɔ̄ɔ́ beē. I gír gisə kāgə̄ ní ngóy n a na̰y ní. Banī gír gisən ní i yá̰á̰ kə́ Nə́ɓā ɔjəń kadə̄ n a n-rāā yá̰á̰ kə́ kijə.

IJAI 29:19

De gə̄ kə́ nin̄ i yá̰á̰ kógə̄ḿ aĺ gə̄ a əngen̄ rɔ̄nel̄ kə́ a bo i kum kə̄ kété kété kem Kɔ́ɔ̄ɓē tə́, de gə̄ kə́ nin̄ ndoōn̄ tɔȳ madə̄də́ gə̄ a ndāmə̄n̄ ndām̄ rɔ̄nel̄ najə̄ yā Nə́ɓā kə́ táĺ yā Israel tə́.

JEREMI 17:7

Ba tɔ́r̄ ta i dɔ deē ń əndā kemən dɔ Kɔ́ɔ̄ɓē tə́ ní. Kɔ́ɔ̄ɓē a rāā kadə̄ ni a ənī kemən báŕ báŕ.

JEREMI 50:20

Dan ń noō tə́ ní, de gə̄ a saān̄ yá̰á̰ kə́ to gō jī aĺ ń Israel rāā ní banī a əngen̄ aĺ ō, yá̰á̰ kə́ gōtə́ aĺ gə̄ ń Juda gə̄ rāān̄ ní, banī a əngen̄ to̰ aĺ ō. Tɔdɔ̄ m̄-mā̰ȳ rɔ̄ḿ dɔ de gə̄ ń m-ə́yá̰də́ adə̄ teēn̄ ta yo tə́ ní.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.