SOPONI 2:9 - Bibəl ta Sar̄

⁹ I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

Bible sar

⁹ I beé ɓáa, mā ń i Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā *Israel ní, najə̄ ń m-ə́dá wáńg ní n toó: Tītə̄ ń m̄-ndiń kə kumḿ rɔ̄kum noó, Moab a tél yā to tītə̄ ɓē kə́ Sodom ō, Amon gə̄ a télən̄ yā to tītə̄ ɓē kə́ Gomor ō. Dɔ nang yādə́ a tél loo kə́ túpə kōn̄ gə̄ i tū tə́ ō, loo kə́ katə̄ i ngá̰ý tū tə́ ō. A nujən̄ dɔ nang yādə́ ní i kə́ njɔ́ḿ gə̄ tə́. De gə̄ kə́ dan gír deē yāḿ gə̄ tə́ ń a teēn̄ ta yo tə́ ní, a ɔyn̄ yá̰a̰ kənge yādə́ dɔ gúú tə́ ō, de kə́ dɔ nang yāḿ tə́ gə̄ ń a teēn̄ ta yo tə́ ní, a əhɔn̄də́ ō.

SOPONI 2:9 Referans Kwoze

IJAI 11:14

Nin̄ a aw̄n̄ naā tə́ mbak dɔ ngán mbal̄ gə̄ yā Pilistin gə̄ tə́, dām̄ kə́ no ɓē tə́. Nin̄ a ɔyn̄ yá̰a̰ kənge gə̄ yā gír ɓē gə̄ ń ndin̄ dəla loo tə́ ní dɔ gúú tə́, dām̄ kə́ gír ɓē tə́. Edom nin̄ kə Moab a əlan̄ dɔdə́ gíŕ tɔ́gə yādə́ tə́ ō, Amon gə̄ a oōn̄ tadə́ ō.

NDŪ NAJƏ̄ 29:23

Nápar de gə̄ malang a dəjen̄ najə̄, a ədan̄ na: Kɔ́ɔ̄ɓē rāā kə ɓē ń toō yá̰á̰ kə́ beé i tām̄ rí tə́? I tām̄ rí tə́ á wōn̄g rāān ngá̰ý dɔ tə́ beé?

IJAI 25:10

Jī Kɔ́ɔ̄ɓē ngɔ̄m̄ mbal̄ Siyo̰. Banī rējə̄n̄ Moab gotə loo kə́ kógə̄ḿ beē tə́ tītə̄ mu kə́ rējə̄n̄ kem bəlo ɓōkə́ yedə̄ dā̰ gə̄ tə́ beē.

JEREMI 50:40

De kógə̄ḿ kə́ yā ndi ɓē loo ń noō tə́ to̰ a gətóo ō, de kə́ yā kaw̄ ndi kemeé a gətóo ō. Tītə̄ yā Sodom ō, Gomor ō, ɓē gə̄ ń ndi girə̄n̄ gidədə́ á Nə́ɓā nujəń kɔ̄ɔ́ ō ní. Najə̄ ń Kɔ́ɔ̄ɓē əda ní n noó.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

IJAI 49:18

Ɔ̄r̄ dɔí dɔɔ́ ba a̰a̰ loo ń to kə gō gidií ní: Ngání gə̄ malang ɔsən̄ dɔdə́ naā tə́, nin̄ reēn̄ kə̄ rɔ̄í tə́. Najə̄ ń Kɔ́ɔ̄ɓē əda ní n toó: Tītə̄ ń m̄-ndiń kə kumḿ rɔ̄kum noó, nin̄ a ton̄ i tītə̄ məde kɔ̄l̄ beé tām̄ yāí tə́, a ton̄ i tītə̄ ndāŕ kəhɔ ɓōdə̄ kə́ nge nong kə́ dəyá̰ əhɔń ɓōdə̄n beé.

Makətūbə̄ ń Pol ndang adə̄ Rom gə̄ ní 14:11

Tɔdɔ̄ Nə́ɓā ɔr̄ najə̄ tītə̄ ń toō beé kem makətūbūú na: Kə́ rɔ̄kum tə́, tītə̄ ń m̄-ndi kə kumḿ njóý njóý toō ní, de gə̄ kógə̄ḿ kógə̄ḿ malang a tétēn̄ kejədə́ nang tə́ noḿ tə́ ō, a unən̄ ndūdə́ kə̄ dɔɔ́ yā kədań na mā i Nə́ɓā ō.

SOPONI 3:13

Israel gə̄ ń a teēn̄ ta yo tə́ ní, a rāān̄ yá̰á̰ kə́ majaĺ to̰ aĺ ō, a sorə̄n̄ to̰ aĺ ō, a gólə̄n̄ madə̄də́ gə̄ kə najə̄ kə́ tadə́ tə́ to̰ aĺ ō. Nin̄ a asən̄ kəsa yá̰a̰ ō, ɓīī ō, de kə́ yā rāādə́ kadə̄ ɓōlə́n̄ gətóo ō.

SOPONI 2:14

Ɓūtə̄ yá̰a̰ kul̄ gə̄ a ndin̄ tū tə́ danaá bang. Dā̰ kə́ tayā tayā gə̄ ō, kɔȳ múu gə̄ ō, kɔȳ kōrōrōý ō, a ɓīīn̄ dɔ kāgə̄ nga dan kújə yān gə̄ tə́ dɔɔ́ ndɔ̄ɔ́ ō, yel̄ gə̄ a ndin̄ ta ko̰rō̰ kújə gə̄ tə́ yā nōōn̄ kadə̄ deē oō kōōdə́ ō, ré deē udə kə̄ kemeé anī, a a̰a̰ i kɔkərɔ kə́ ra dɔ naā tə́ bing gə̄ ō, kāgə̄ ta róbə́ kújə gə̄ ń rāān̄də́ i kə kāgə̄ Sédər ní, i kə́ ró̰ȳ kɔ̄ɔ́ ō.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 49:18

Tītə̄ ń deē gətóoń Sodom ō, Gomor ō, ɓē gə̄ ń ndin̄ kə gō gidədə́ á nujən̄ sák sák kɔ̄ɔ́ ō ní tītə̄ ń toō deē kógə̄ḿ kə́ yā rāā ɓē loo ń noō tə́ a gətóo ō, deē ndul kə́ yā kaw̄ ndi kemeé a gətóo ō. Najə̄ ń Kɔ́ɔ̄ɓē əda ní n noó.

JEREMI 46:18

Mban̄g ń rīn na i Kɔ́ɔ̄ɓē kə́ bo kə́ tɔ́gən i ngá̰ý ní əda na: Tītə̄ ń m̄-ndiń kə kumḿ noō, ni a reē, a to i tītə̄ mbal̄ Tabor kə́ ra dan mbal̄ madə̄n gə̄ tə́ beē ō, i tītə̄ mbal̄ Karmel kə́ ra dan bā bo tə́ beē ō!

TƏ́DA 14:21

Ba ré m̄-ndi kə kumuú rɔ̄kum ō, kɔsə gɔn yāḿ taā loo dɔ nang tə́ malang rɔ̄kum ō anī,

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

JEREMI 49:33

Hasor tél loo ra tal̄ gə̄ ō, tél ndágə loo kə́ to kum ko̰ kə́ njɔ́ḿ gə̄ tə́ ō, de kə́ yā kaw̄ ndi kemeé gətóo ō.

AMOS 2:1

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Moab gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ róōn̄ kə̄ngā mban̄g kə́ Edom ba rāān̄ būn. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

NDŪ NAJƏ̄ 29:22

Dɔ nang yādə́ i bursu ō, katə̄ ō, hor ō malang. Deē dubə̄ yá̰a̰ tū tə́ aĺ ō, yá̰a̰ əɓa tū tə́ aĺ ō, mu əɓa tū tə́ aĺ ō, tītə̄ kə́ Sodom ō, Gomor ō, Adəma ō, Seboim ō, ń wōn̄g rāā Kɔ́ɔ̄ɓē á nujəń kɔ̄ɔ́ malang ní.

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.