SOPONI 2:8 - Bibəl ta Sar̄

⁸ M-ōō tájə̄ ndū yā Moab gə̄ ō, m-ōō lur ń Amon gə̄ lurən̄ loo ní ō. Nin̄ tájə̄n̄ gír deē yāḿ gə̄ ō, teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír deē yāḿ gə̄ ō.

Bible sar

⁸ M-ōō tájə̄ ndū yā Moab gə̄ ō, m-ōō lur ń Amon gə̄ lurən̄ loo ní ō. Nin̄ tájə̄n̄ gír deē yāḿ gə̄ ō, teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír deē yāḿ gə̄ ō.

SOPONI 2:8 Referans Kwoze

AMOS 1:13

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Amon gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ gḛyn̄ teē kem ɓē yādə́ kə̄ gogə́, adə̄ njárə̄n̄ kem dəyá̰ kə́ ndān̄ ngán gə̄ kə́ dɔ nang kə́ Galaad tə́. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

JEREMI 49:1

Kə́ tām̄ yā Amon gə̄ tə́ ní, najə̄ ń Kɔ́ɔ̄ɓē əda ní n toó: Israel ojə ngōn̄ aĺ a? Ngé kán̄ ta yá̰a̰ ndəbān gə̄ gətóon̄ a? Ní, i tām̄ rí tə́ á ɓesə̄ Milkom o̰o̰ ɓē Gad tə́ ō, gír deē yān gə̄ ndin̄ kem ɓē gə̄ tə́ ō ní?

EJEKIEL 36:2

Madə̄ ba̰ā̰sí gə̄ lurən̄ loo ədan̄ na: Haw! Mbal̄ bo kə́ jóo gə̄ kə́ Israel tə́ i yājí ngɔlaā!

JOJUE 5:9

Gō tə́ anī Kɔ́ɔ̄ɓē əda Jojue na: Rɔ̄sɔl̄ ń ḭ́ḭḭ̄ń dɔ nang kə́ Ejiptə tə́ ī-reēiń ní, ɓōólaā m-ɔ̄rən kɔ̄ɔ́ dɔsí tə́. I tām najə̄ ń noō tə́ n bátə́ ɓōólaā gə̄gē a ɓārə́n̄ rī loo ní na i Gilgal ní.

IJAI 15:1

Najə̄ kə́ tām̄ yā ɓē kə́ Moab tə́. A̰á̰ā̰, ndɔ̄ɔ́, kem ndɔ̄ kə́ kógə̄ḿ beē tə́, nujən̄ ɓē kə́ Ar kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́. A̰á̰ā̰, ndɔ̄ɔ́ kem ndɔ̄ kə́ kógə̄ḿ beē tə́, nujən̄ ɓē kə́ Kir kə́ Moab tə́ kɔ̄ɔ́. Ni gətóo kɔ̄ɔ́ i ndɔ̄ɔ́ kem ndɔ̄ kə́ kógə̄ḿ beē tə́.

IJAI 16:6

J-oō najə̄ kɔjə rɔ̄ yā ɓē kə́ Moab. I kɔjə rɔ̄ kə́ ngá̰ý kə́ ba̰ý beē! I kem sōl̄ yá̰a̰ aĺ kə́ ba̰ý beē! Banī najə̄ ń ni-ɔr̄ ní i najə̄ kə́ kem wōȳ karī.

JEREMI 12:14

Najə̄ ń Kɔ́ɔ̄ɓē əda ní n toó: Madə̄ ɓēḿ gə̄ malang kə́ ngé kem ndul gə̄ ń əlan̄ jīdə́ ɔdən̄neé yá̰á̰ kənge ń m-ādə̄ Israel gír deē yāḿ gə̄ ní, m-ā m-ɔ̄r̄də́ kə ngəradə́ kɔ̄ɔ́ dɔ nang yādə́ tə́. M-ā m-ɔ̄r̄ de kə́ Juda tə́ gə̄ kə ngəradə́ kɔ̄ɔ́ ō dɔ dáńdə́ tə́.

NŌŌ RƆ̄ 3:61

Kɔ́ɔ̄ɓē, ōō ndū ń tájə̄mə̄n̄ ní ō, loo koō ń a oōn̄ naā dɔḿ tə́ ní ō.

EJEKIEL 21:28

De kə́ Jerusalem gə̄ gírə̄n̄ kadə̄ wə̄lā kə́ túgə̄ ń noō na a rāā yá̰á̰ kógə̄ḿ alé. Tām̄ túbə adə̄n̄də́ kadə̄ a ngɔ̄mə̄n̄də́. Banī mban̄g kə́ Babilon tə́ ter̄ kemdə́ dɔ ra ń nin̄ ran̄ dɔ ndūdə́ tə́ seneé aĺ ní tə́ ō, ni tāādə́ ədadə́ na n-a n-ɔydə́ yā kaw̄ sedə́ dɔ ɓē kə́ rang tə́ dɔ gúú tə́ ō.

AMOS 2:1

Najə̄ ń Kɔ́ɔ̄ɓē əda ní n toó: Yá̰á̰ kə́ majaĺ ngá̰ý gə̄ kə́ kadə̄ m̄-gɔŕyɔ̄ Moab gə̄ dɔ tə́ i ngá̰ý. Ni kə́ majaĺ ngá̰ý tɔȳ madə̄ gə̄ i nge ń toō: Nin̄ róōn̄ kə̄ngā mban̄g kə́ Edom ba rāān̄ būn. I tām̄ najə̄ ń noō tə́ n yá̰á̰ ń m̄-gḛy rāā ní, m-ā m̄-tūr̄ ndūḿ loon tə́ aĺ ní.

SOPONI 2:10

Yá̰á̰ ń nin̄ a əngen̄ tām̄ kɔjə rɔ̄ yādə́ tə́ ní n noó. A̰á̰ā̰, nin̄ tájə̄n̄ gír de gə̄ yā Kɔ́ɔ̄ɓē kə́ bo kə́ tɔ́gən i ngá̰ý, nin̄ teēn̄ kem dɔ nang yādə́ kə̄ gogə́ kə ta kūl̄ taā dɔ nang yā gír de gə̄ yā Kɔ́ɔ̄ɓē ō.

TA KƏLA 19:37

Nga tɔ́gə ojə ngōn̄ kə́ dəngam. Ni-əndā rīn na i Moab. Ni i kaa Moab gə̄ ń ndin̄ noó ɓōólaā ní.

TA KƏLA 19:38

Nge kə́ dūú ojə ngōn̄ kə́ dəngam ō. Ni-əndā rīn na i Ben Ami. Ni i kaa Amon gə̄ n ndiń noó ɓōólaā ní.

JEREMI 48:1

Najə̄ kə́ dɔ ɓē kə́ Moab tə́. Najə̄ ń Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel, əda ní n toó: Yá̰á̰ kə́ to kum kaȳ aĺ əsō dɔ ɓē kə́ Nebo tə́, nujən̄ seneé sák sák kɔ̄ɔ́. Taān̄ ɓē kə́ Kiryataim adə̄ rɔ̄n sɔlə̄n. Ɓē kə́ ngan̄g ngá̰ý ń toō əsō adə̄ rɔ̄n sɔlə̄n.

EJEKIEL 25:1

Kɔ́ɔ̄ɓē ɔr̄ najə̄ seḿ, ədam̄ na:

EJEKIEL 35:12

Loo ń noō tə́ ā ī-ger̄ kadə̄ mā Kɔ́ɔ̄ɓē m-ōō najə̄ gə̄ ń ī-tájəń ndū ní. Ḭ̄ ə́da na: Mbal̄ gə̄ kə́ Israel i yājí. Nujən̄ mbal̄ gə̄ kə́ Israel kɔ̄ɔ́, adə̄ nin̄ télən̄ i yá̰a̰ yājí.