SOPONI 2:5 - Bibəl ta Sar̄

⁵ I yá̰á̰ kə́ to kum kaȳ aĺ kə́ ba̰ý beē tām̄ yāsí sḭḭ̄ de kə́ Kapətor gə̄ ń ī-ndiī kadə̄ bā bo tə́ ní! Sarya ń Kɔ́ɔ̄ɓē gān̄g dɔsí tə́ ní n toó: Ḭ̄ Kanaan, dɔ nang yā Pilistin gə̄, m-ā m̄-nujiī kɔ̄ɔ́, m-ā m̄-taā deē yāí gə̄ jīí tə́ kɔ̄ɔ́.

Bible sar

⁵ I yá̰á̰ kə́ to kum kaȳ aĺ kə́ ba̰ý beē tām̄ yāsí sḭḭ̄ de kə́ Kapətor gə̄ ń ī-ndiī kadə̄ bā bo tə́ ní! Sarya ń Kɔ́ɔ̄ɓē gān̄g dɔsí tə́ ní n toó: Ḭ̄ Kanaan, dɔ nang yā Pilistin gə̄, m-ā m̄-nujiī kɔ̄ɔ́, m-ā m̄-taā deē yāí gə̄ jīí tə́ kɔ̄ɔ́.

SOPONI 2:5 Referans Kwoze

EJEKIEL 25:16

Tām̄ najə̄ ń noō tə́ ní, yá̰á̰ mā Kɔ́ɔ̄ɓē Nə́ɓā m-ə́dá ní n toó: M-ā m̄-rāā kadə̄ nin̄ a gerə̄n̄ gō tɔ́gə́ḿ. M-ā m̄-tɔ̄l̄ Pilistin gə̄ ń i de kə́ Kapətor gə̄ kə́ ndin̄ ɓē i kə gō kadə bā boó ní.

JEREMI 47:7

Dan ń i Kɔ́ɔ̄ɓē n əlan kə̄ dɔ Askalon gə̄ tə́ ō, kə̄ dɔ de gə̄ ń ndin̄ kadə bā bo tə́ ō ní, a asə kɔr̄ koō i ba̰ý? Ni mērə̄n kaw̄ kəngen i loo ń noō tə́.

AMOS 3:1

Israel gə̄, sḭḭ̄ i gír kojə kə́ Kɔ́ɔ̄ɓē ḭḭ sesí i Ejiptə tə́ n tél reē sesí gogə́ ɓēé ní. Ōōī najə̄ ń ni-əda dɔsí tə́ ní:

JOJUE 13:3

i dɔ nang ń rāānən̄ i dɔ nang yā Kanaan gə̄ tə́ ní ō. Dɔ nang ní i dɔ nang ń ḭḭ man̄ Sihor tə́ dɔ nin̄ loo kə́ Ejiptə tə́ bátə́ teēń gō nang kə́ Ekəron tə́ dām̄ mbɔ́r ɓē kə́ ko̰ó̰ tə́ ní. Mban̄g kə́ mí gə̄ yā Pilistin gə̄ ndin̄ i dɔ nang ní tə́ i mban̄g kə́ Gaja ō, kə́ Asdod ō, kə́ Askalon ō, kə́ Gat ō, kə́ Ekəron ō, Abit gə̄ ndin̄ dɔ nang ní tə́,

MARK 12:12

Nin̄-sāān̄ kəhɔn, banī ɓōlə́n̄ kósə de gə̄. Tɔdɔ̄ nin̄-gerə̄n̄ kadə̄ Jeju əda kūjə́ najə̄ ní i tām̄ yādə́ nin̄ tə́. Adə̄ nin̄-əya̰nən̄ ba aw̄n̄ loo yādə́.

JAKARI 1:6

Ɓá tā banī najə̄ yāḿ gə̄ ō, yá̰a̰ gə̄ ń m-ə́dá ngé kəla yāḿ gə̄ ń i ngé koō ta gə̄ ní kadə̄ rāān̄ ní, ta tɔ̄l̄ ta anī, yá̰a̰ gə̄ ní rāān̄ kaasí gə̄. Loo ń noō tə́ nin̄ tūrə̄n̄ háĺdə́ adə̄ ədan̄ na: Kɔ́ɔ̄ɓē kə́ bo kə́ tɔ́gən i ngá̰ý gḛy rāā yá̰á̰ kógə̄ḿ sejí sɔɔ̄ ń háĺjí ō, yá̰a̰ rāājí gə̄ ō. Adə̄ i yá̰á̰ ń noō n ni-rāā ní.

SOPONI 3:6

Kɔ́ɔ̄ɓē əda na: m̄-rāā adə̄ nápar de kə́ ngá̰ý gə̄ gətóon̄ kɔ̄ɔ́. Ndogə̄ mbal̄ yādə́ gə̄ ń a rɔ̄ɔ̄n̄neé dɔ rɔ̄də́ tə́ ní, m̄-nujəń kɔ̄ɔ́. m̄-rāā adə̄ deē gətóo kum róbə kɔsə yādə́ gə̄ tə́. Deē mān̄ tū tə́ to̰ alé! Ɓē bo yādə́ gə̄ i kə́ nujəń kɔ̄ɔ́: deē kógə̄ḿ kə́ kemeé to̰ gətóo.

AMOS 5:1

Israel gə̄, ōōī kum pā yo ń m-ə̄nī m-ā m̄-nōońsí toō:

IJAI 14:30

A ulə̄n̄ ngé ndoō gə̄ majə kə yá̰a̰ kəsaá, ngé rɔ̄ tō ndoō gə̄ a ɔrə̄n̄ koō loo kə́ yá̰a̰ a ɔdə rɔ̄də́ tū tə́ aĺ tə́. Banī sḭḭ̄ Pilistin gə̄, madə̄ ba̰ā̰sí a rāān̄sí kadə̄ sḭḭ̄ malang ā óyiī yo ɓō ō, ngé gə̄ ń a teēn̄ ta yo tə́ ní, nin̄ a tɔ̄lə̄n̄də́ kɔ̄ɔ́ ō.

NGÉ SARYA 3:3

De gə̄ ń ni əya̰də́ adə̄ ndin̄ kem ɓēé ní i mban̄g kə́ mí gə̄ yā Pilistin gə̄ ō, Kanaan gə̄ malang ō, Sidon gə̄ kə Hibi gə̄ ń ndin̄ dɔ mbal̄ gə̄ kə́ Liban tə́ ní ō. Nin̄ əlan̄ gír ndi i mbal̄ Hermon tə́ bátə́ ugə̄ń Lebo Hamat.

1 SAMUEL 30:14

Kété ní j-aw̄ jə-ɓogə yá̰a̰ gō nang kə́ Negeb yā Kəretə gə̄ tə́ ō yā Juda gə̄ tə́ ō gō nang kə́ Negeb yā Kaleb tə́ ō. J-əla hor dɔ ɓē kə́ Sikəlag tə́ ō.

IJAI 14:29

Kāgə̄ ń kété əndasí sḭḭ̄ Pilistin gə̄ ní, tetən̄ kāgə̄ ní kɔ̄ɔ́, banī ī-lōōī rāā rɔ̄nel̄ najə̄n tə́. Tām̄ lī kakə́m a teē kem lī ń oy kɔ̄ɔ́ tə́ ní ō, lī kakə́ḿ ní a ojə dā̰ kə́ majaĺ ngá̰ý kə́ a ḭḭ bɔ̄gə̄ ō.

SOPONI 1:11

Sḭḭ̄ de kə́ Wóló gə̄, ī-sōmíī, tɔdɔ̄ ngé gātə̄ gə̄ malang a oyn̄, a tɔ̄lə̄n̄ ngé mbɔ̄jə́ kɔȳ gində̄ arjā̰a̰ gə̄ malang kɔ̄ɔ́.

JOJUE 13:2

Dɔ nang gə̄ ń na̰y ní i dɔ nang yā Pilistin gə̄ ō, yā Gesur gə̄ ō,