SOPONI 2:13 - Bibəl ta Sar̄

¹³ Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

Bible sar

¹³ Kɔ́ɔ̄ɓē a rāā yá̰á̰ kógə̄ḿ kə gō nang kə́ dām̄ mbɔ́r ɓē kə́ ko̰ó̰ tə́, ni a rāā kadə̄ dɔ nang kə́ Asiri a tél kɔkərɔ gə̄ kə́ kánə̄n̄də́ dɔ naā tə́ bing. Ni a nujə ɓē kə́ Ninibə kɔ̄ɔ́, adə̄ ɓē kə́ Ninibə a tél loo kə́ tutə tītə̄ loo kə́ dəla loo tə́ beē.

SOPONI 2:13 Referans Kwoze

NAHUM 3:7

Loo ń noō tə́ de gə̄ malang ń a a̰a̰īn̄ ní, a a̰ȳn̄ naā kə kɔrɔ́ tadə́ tə́: Nujən̄ ɓē kə́ Ninibə kɔ̄ɔ́! I náā ń kumən a o̰o̰n tām̄ yān tə́ ní? Ɓē kə́ Ninibə, ngé kəla go̰ kemií tə́ gə̄ ní, deē a əngedə́ i rá tām̄ yāí tə́?

NAHUM 1:1

Najə̄ kə́ dɔ ɓē kə́ Ninibə tə́ i kem makətūbə̄ ń toō tə́. Nə́ɓā ɔjə Nahum nge koō ta kə́ kem ɓē kə́ Elkos tə́ adə̄ ger̄, i kə ta kūl̄ yá̰á̰ kə́ Nahum a̰ā̰.

IJAI 10:16

I tām̄ najə̄ ń toō tə́ n Kɔ́ɔ̄ɓē kə́ bo kə́ tɔ́gən i ngá̰ý, ni ń i ngol ní, a rāā kadə̄ yá̰a̰ kənge yā gō nang gə̄ kə́ yá̰a̰ kənge i ngá̰ý tū tə́ gə̄ tél kə̄ nang tə́ ní. Hor kógə̄ḿ a taā loo gír majədə́ tə́ gírí nang tə́, tītə̄ hor kə́ o̰o̰ loo beé.

IJAI 10:12

Dan ń Kɔ́ɔ̄ɓē a rāā kəla yān kə́ dɔ mbal̄ Siyo̰ tə́ ō, kə́ Jerusalem ō malang gír gān̄g anī, ni a rɔ̄ɔ̄ mban̄g kə́ Asiri, a rɔ̄ɔ̄ ngarā̰ kemən ń a ɔjə rɔ̄n ní ō, ka̰a̰ loo yān kə́ kə kídə̄ looó ō.

NAHUM 3:15

Banī ā óyiī yo hor kə́ o̰o̰sí, aláa yo tɔ̄l̄ kə́ tɔ̄lə̄n̄sí ta rɔ̄ɔ̄ tə́. Madə̄ ba̰ā̰sí gə̄ a əsan̄sí tītə̄ yim̄ gə̄ kə́ əsan̄ yá̰a̰ malang kɔ̄ɔ́ beé. Ḭ̄ ɓē kə́ Ninibə, de kə́ kemií tə́ gə̄ ton̄ i tītə̄ yim̄ gə̄ beé, kutədə́ i ngá̰ý.

MISE 5:6

Israel gə̄ ń na̰yn̄ kə kumdə́ dan gír de gə̄ kə́ ngá̰ý gə̄ tə́ ní, a ton̄ i tītə̄ tal kə́ tə́sō ɗḛy ɗḛy gə̄, kə́ Kɔ́ɔ̄ɓē əlań beē, a ton̄ i tītə̄ man̄ ndī kə́ tə́sō dɔ mu tə́ beē. Nin̄ əndān̄ kemdə́ dɔ deē ndul gə̄ tə́ aĺ ō, ngóōn̄ ta yá̰á̰ kógə̄ḿ jīdə́ tə́ aĺ ō.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 10:5

Kɔ́ɔ̄ɓē əda na: I yá̰á̰ kə́ to kum kaȳ aĺ kə́ ba̰ý beē tām̄ yā Asiri tə́, ni ń wōn̄g rāām̄ anī m-únən m-ə́ndań ndéý ní! M-ā m-ɔ́jə wōn̄g ní i kāgə̄ ń ni-əhɔ jīn tə́ ní.

IJAI 14:26

Yá̰á̰ ń Kɔ́ɔ̄ɓē gḛy rāā kə de gə̄ malang kə́ dɔ nang tə́ ní n noó, yá̰á̰ ń ni əlań ɓōĺ kem nápar de gə̄ malang tə́ ní noó.

IJAI 37:37

Anī Senakerib mban̄g kə́ Asiri adə̄ de gə̄ tútən̄ kújə tandā gə̄ kɔ̄ɔ́. Ni-tél aw̄ gogə́ Ninibə ō, ndi kem ɓē ngeé ń noō tə́ ō.

JEREMI 49:33

Hasor tél loo ra tal̄ gə̄ ō, tél ndágə loo kə́ to kum ko̰ kə́ njɔ́ḿ gə̄ tə́ ō, de kə́ yā kaw̄ ndi kemeé gətóo ō.

JONAS 1:2

Ḭ́ḭ dɔɔ́ āw̄ ɓē bo kə́ Ninibə tə́. Ə́la ɓōĺ kem de kə́ kemeé gə̄ tə́ kə najə̄ ń toō: Yá̰a̰ rāāsí kə́ majaĺ gə̄ ní, Kɔ́ɔ̄ɓē a̰ā̰ asən kɔ̄ɔ́.

JONAS 3:2

Ḭ́ḭ dɔɔ́ āw̄ ɓē bo kə́ Ninibə tə́. Ə́dan najə̄ ń m-ə̄ndā taí tə́ ní.

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.