SOPONI 2:11 - Bibəl ta Sar̄

¹¹ Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

Bible sar

¹¹ Kɔ́ɔ̄ɓē a to ɓōĺ ngá̰ý tām̄ yādə́ tə́. Ni a nujə nə́ɓā gə̄ malang kə́ dɔ nang tə́ kɔ̄ɔ́. Loo ń noō tə́ nápar de gə̄ ń ndin̄ ta kaw̄ kə̄ sa̰y nó ní gə̄gē, a rɔȳnən̄. Nin̄ kógə̄ḿ kógə̄ḿ ní, a rɔȳnən̄ kə̄ dɔ nang yādə́ gə̄ tə́.

SOPONI 2:11 Referans Kwoze

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

MALASI 1:11

Ḭḭ ta ngóy dɔ nang kə́ dām̄ kógə̄ḿ tə́, bátə́ ta ngóyn kə́ dām̄ kə́rēý tə́ ní, gír de kə́ rang gə̄ a̰a̰n̄ bo yāḿ gerə̄n̄. Nin̄ róōn̄ ndujə̄ yá̰á̰ kə́ kotə majə gə̄ kə̄ loo gə̄ tə́ malang rɔȳmə̄n̄neé ō, reēn̄ kə yá̰a̰ ndə̄jə̄ kə́ unjə̄ njáý gə̄ adə̄mə̄n̄ ō. Mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na nápar de gə̄ a̰a̰n̄ bo yāḿ gerə̄n̄.

JAKARI 2:11

De kə́ Jerusalem gə̄, āwī! Sḭḭ̄ ń ī-ndiī Babilon ní, āwī láẃ!

OJEE 2:17

Loo ń noō tə́ m-ā m̄-tél kə ndɔr̄ ngán kāgə̄ nduú yān gə̄ yā kadə̄n gogə́ ō, wól loo kə́ Akor ń i wól loo yā yá̰á̰ kə́ to kum tō ndoō ní, m-ā m̄-rāā kadə̄ a tél ta róbə kəndā kem dɔ yá̰á̰ tə́ ō. Loo ń noō tə́ ni a un gōḿ tītə̄ ń unəń gōḿ kə gōn̄ dūúneé ní, tītə̄ ń unəń gōḿ dan ń ni teēń kɔ̄ɔ́ kem ɓē kə́ Ejiptə tə́ ní.

PĀ GƏ̄ 138:4

Kɔ́ɔ̄ɓē, ādə̄ mban̄g kə́ dɔ nang tə́ gə̄ malang ɓōkə́nī tɔ̄ȳ, tɔdɔ̄ nin̄ oōn̄ najə̄ ń teē taí tə́ ní.

TA KƏLA 10:5

De gə̄ ń tə̄ndān̄ naā tḭ̄ḭ̄n̄ kə gō dor̄ loo gə̄ ní, i nin̄ n ojən̄də́ ní. De gə̄ ní ndin̄ i kə gō dɔ nang yādə́ gēé ō, kə gō ta yādə́ gēé ō, gír kaa yādə́ gēé ō, kə gō nápar yādə́ gēé ō.

JEJU TEĒ KUM JA̰A̰ 11:15

De kə́ dɔ rā̰ tə́ kə́ nge ko̰ sīrí kɔ̄ŕ bərúnjə anī, de kə́ ndūdə́ ɓār̄ ngá̰ý gə̄ ɔrə̄n̄ najə̄ dɔ rā̰ tə́ ədan̄ na: Ngɔlaā ní i Kɔ́ɔ̄ɓē yājí nin̄ kə Kərist yānneé n a o̰o̰n̄ ɓē dɔ nang tə́ ní. Ni a o̰o̰ ɓē i kə dɔ ɓāl̄ gə̄ ɓāl̄ gə̄.

1 TIMOTE 2:8

Adə̄ m̄-gḛy kadə̄ dəngam gə̄ ɔyn̄ jīdə́ kə̄ dɔɔ́ ndɔ̄ȳnəń Nə́ɓā kə̄ loo gə̄ tə́ malang. Majə kadə̄ nin̄-ndɔ̄ȳn̄ kə kem kə́ unjə̄ njáý njáý, kanjə̄ wōn̄g ō, kanjə̄ kɔ̄l̄ naā ō.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

JAKARI 8:20

Najə̄ ń Kɔ́ɔ̄ɓē kə́ bo kə́ tɔ́gən i ngá̰ý əda ní n toó: A̰á̰ā̰, gír de gə̄ kə́ nin̄ i tə̄rā gə̄, kə́ nin̄ teēn̄ i kem ɓē gə̄ kə́ gír i kósə́ ngá̰ý tə́, a reēn̄ kem ɓē kə́ Jerusalem tə́ gogə́ rang.

SOPONI 3:9

A̰á̰ā̰, m-ā m̄-tə́go ta nápar de gə̄ kadə̄ unjə̄ njáý njáý. Loo ń noō tə́ nin̄ malang a asən̄ ndɔ̄ȳm̄ mā Kɔ́ɔ̄ɓē ō, a rāān̄ kəla yā kadə̄m̄ kə kemdə́ kə́ kógə̄ḿ ō.

SOPONI 1:4

M-ā m̄-rāā yá̰á̰ kógə̄ḿ kə dɔ nang kə́ Juda ō, kə de gə̄ malang kə́ kem ɓē kə́ Jerusalem tə́ ō. Gotə jī bēl̄ loo rāā ɓesə̄ Baal ń a na̰y ní ō, yá̰á̰ ń a rāā kadə̄ əga kem de gə̄ dɔ ngé tun̄ yá̰a̰ gə̄ yā nə́ɓā ń noō tə́ ní gə̄gē, m-ā m̄-rāā kadə̄ a gətóon̄ kɔ̄ɔ́ loo ń toō tə́.

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

IJAI 49:1

Sḭḭ̄ gír de gə̄ ń ī-ndiī sa̰y ní, ōōī najə̄ yāḿ! Sḭḭ̄ ń ī-ndiī sa̰y ní, ī-nēlī mbīsí! Dan ń Kɔ́ɔ̄ɓē ɓārə́m̄ ní, ojəmə̄n̄ aĺ ɓáý. Mā i kem kó̰ó̰ḿ ɓáý n ni ədań rīḿ ní.

IJAI 42:10

Ə̄nī pā kə́ kijə ādī Kɔ́ɔ̄ɓē. Sḭḭ̄ ngé njə̄rā mbā dɔ bā bo tə́ gə̄ ō, sḭḭ̄ yá̰a̰ gə̄ ń ī-rosiī loo kum bā bo tə́ ní ō, sḭḭ̄ gír de gə̄ ń ī-ndiī sa̰y ní ō, ī-ndiī ta ngóy dɔ nang tə́ ə̄nīīneé pā tɔ̄ȳ Kɔ́ɔ̄ɓē.

IJAI 42:4

Tɔ́gən a ur̄ wak alé. Ni a əya̰ alé, mbóńg yā kadə̄ ni-əndā ngəra yá̰á̰ kə́ súmūú dɔ nang tə́ pá tá. Gír de gə̄ ń ndin̄ sa̰y ní gḛyn̄ kənge yá̰á̰ ndóō yān.

PĀ GƏ̄ 86:9

Kɔ́ɔ̄ɓē, gíŕ nápar de gə̄ malang ń ī-rāādə́ ní, a reēn̄ yā kɔsə nodə́ nang tə́ noí tə́ ō, yā tɔ̄ȳ rīí ō.

PĀ GƏ̄ 72:17

ādə̄ ni-rāā adə̄ rīn to ngándáńg, ādə̄ rāā adə̄ rīn ní ɓār̄ ta kaw̄ kə̄ jóo, dɔ nang ń mbang a ɔsə tū tə́ ní tə́. Kadə̄ de gə̄ ədan̄ najə̄ yān tɔ́rə̄n̄neé tadə́ dɔ naā tə́ ō, kadə̄ nápar de gə̄ malang ədan̄ na mban̄g ndi kə rɔ̄nelēé ō.

NDŪ NAJƏ̄ 32:38

Sḭḭ̄ ūlīdə́ kə dā̰ kə́ tun̄ gə̄ ō, ādīdə́ kasə nduú gə̄ kadə̄ a̰ȳn̄ ō ní, ādə̄ ɔjən̄ rɔ̄də́ kə̄ ndágá ba ajən̄sí ō, ngɔ̄mə̄n̄sí ō tā.

JEREMI 10:11

Yá̰á̰ ń ā ə́daīdə́ ní n toó: Nə́ɓā gə̄ ń rāān̄ dɔ rā̰ aĺ ō, dɔ nang aĺ ō ní, a gətóon̄ kɔ̄ɔ́ dɔ nang tə́ ō, gír rā̰ tə́ ō.

JEREMI 46:25

Kɔ́ɔ̄ɓē kə́ bo kə́ tɔ́gən i ngá̰ý, Nə́ɓā yā Israel əda na: M-ā m̄-rāā yá̰á̰ kə́ tōr̄ kə Amon kə́ Tebə tə́ ō, Parao̰ ō, ɓē kə́ Ejiptə ō, nə́ɓā kə́ kemeé gə̄ ō, mban̄g gə̄ ō. M-ā m-ə́nda Parao̰ ō, de gə̄ malang ń ənīn̄ kemdə́ adə̄nən̄ ní ō.

DANIEL 11:18

Gō tə́ anī ni a tūr̄ kumən kə̄ dɔ gō nang gə̄ kə́ kadə bā bo tə́ ō, gō nang gə̄ ní ni a taā kə́rēý gə̄ ngá̰ý kə tɔ́gɔ́ ō. Banī ngār kógə̄ḿ kə́ tə̄rā a rāā gír kɔjərɔ̄ yān a gān̄g ō, a rāā kadə̄ yá̰a̰ gə̄ ń kɔjə rɔ̄ yān ojədə́ ní téĺ tə́sōn̄ dɔn tə́ gogə́ ō.

MALASI 1:14

Majanī deē kógə̄ḿ aw̄ kə́ dā̰ kə́ majə gə̄ dan yá̰a̰ kul̄ yān gə̄ tə́. Ré deē ní ənī ndūn ō, ndējə̄m̄ dā̰ kə́ majaĺ ō anī, yá̰á̰ kə́ to kum kaȳ aĺ a reē dɔ kɔ́ɔ̄ tə́! Tām̄ mā Kɔ́ɔ̄ɓē kə́ bo kə́ tɔ́gə́ḿ i ngá̰ý m-ə́da na: Mā i mban̄g kə́ bo ō, nápar de gə̄ ɓōlə́n̄ tɔ́gə́ḿ ō.

IJAI 2:18

Nə́ɓā kə́ rɔ̄kum aĺ gə̄ malang a gətóon̄ kɔ̄ɔ́.

IJAI 2:20

Ndɔ̄ ngeé ń noō tə́ ní, yá̰a̰ gə̄ ń de gə̄ rāān̄də́ yā kɔsə kejədə́ nang tə́ nodə́ tə́, adə̄ i nə́ɓā yādə́ kə́ rɔ̄kum aĺ gə̄ kə́ rāā kə gində̄ arjā̰a̰ ō, lɔ́r ō ní, kɔ́ɔ̄ gə̄ a tə́nīn̄də́ yā kadə̄ yégə̄ gə̄ ō, birbir gə̄ ō.