SOPONI 1:9 - Bibəl ta Sar̄

⁹ Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

Bible sar

⁹ Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.

SOPONI 1:9 Referans Kwoze

1 SAMUEL 5:5

I tām̄ najə̄ ń noō tə́ n bátə́ ɓōólaā gə̄gē ní ngé tun̄ yá̰a̰ yā Dagon gə̄ kə de gə̄ malang ń a udən̄ kem kújə yā Dagon tə́ ní, ré reē ɔtə̄n̄ ta kújə yā ɓesə̄ Dagon kə́ Asdod tə́ anī a gə̄lān̄ dɔ ta róbə́ ní.

AMOS 3:10

Kɔ́ɔ̄ɓē əda na: Yá̰a̰ malang ń yá̰a̰ rāā kə́ kə dɔ́nɔ́ reēń ō, ɓogə reēń ō ní, ngé kə́rēý gə̄ kánə̄n̄ kə̄ dɔ naā tə́ kem kújə yādə́ kə́ majə gə̄ tə́. De gə̄ ń noō nin̄ gerə̄n̄ rāā yá̰á̰ kə́ rɔ̄kum alé.

KƏLA RĀĀ 16:19

Ba loo ń kɔ́ɔ̄ nge kəla kə́ dəyá̰ ní gə̄ a̰a̰n̄ kadə̄ loo kənge yá̰a̰ yādə́ gətóo kɔ̄ɔ́ anī, əhɔn̄ Pol nin̄ kə Silas, ndɔ́rə̄n̄də́ aw̄n̄ sedə́ loo kán̄ naā yā de kə́ kem ɓēé gə̄ tə́ no ngār gə̄ tə́.

Gōsə̄ najə̄ gə̄ 29:12

Dan ń ngār nēl̄ mbīn gír najə̄ kə́ sor̄ tə́ anī, pajā yān gə̄ télən̄ ngé kem ndul gə̄ malang.

NEHEMI 5:15

Ngé ko̰o̰ ɓē kə́ kété noḿ tə́ gə̄ rāān̄ de gə̄ rakəta ngá̰ý: Nin̄ taān̄ sə́lē arjā̰a̰ kutə sɔ́ jīdə́ tə́ ō, ran̄ dɔ tə́ taān̄ yá̰a̰ kəsa yādə́ gə̄ ō, kasə nduú yādə́ gə̄ ō. Ngé kəla yādə́ gə̄ rāān̄ kum de gə̄ ndoō tə́ ō. Banī mā m̄-rāā tītə̄ ń noō nja kógə̄ḿ alé tɔdɔ̄ m̄-ɓōĺ ndíĺ Nə́ɓā.

NGÉ SARYA 19:27

Ngaan ḭḭ dɔɔ́ teē ta kújə ba teē ndágá yā kɔr̄ dɔɔ́ kaw̄. Anī a̰a̰n to ta kújə́ tə́ ba ɓōkə́ jīn kə̄ ta róbə́ kújə́ tə́.

JEREMI 5:27

Yá̰á̰ kə́ kɔy loo ɓogə tə́ taā kem kújə yādə́ gə̄, tītə̄ jáńg kə́ yel̄ gə̄ rosən̄ kem beé. I beé n nin̄ télən̄neé de kə́ ngan̄g ngá̰ý gə̄ ō, kə́ ngé kənge yá̰á̰ ngá̰ý gə̄ ō ní.

MISE 6:12

Ngé kənge yá̰á̰ kə́ kem ɓē bo ń toō tə́ gə̄ a əsan̄ i tətō ngé ndoō gə̄. De gə̄ ń ndin̄ kemeé ní, nin̄ i ngé sor̄ gə̄. Nin̄ teēn̄ tadə́ a ngól̄nəń i loo.

JAKARI 5:6

m̄-dəjen najə̄ m-ə́da na ké nge ń noō ɔsə i kum gotə rí wa. Anī ni-tél ədam̄ na: I yá̰á̰ kə́ yā ɓōkə́ yá̰a̰ kemeé, kə́ yá̰a̰ rāā kə́ gōtə́ aĺ gə̄ kə́ kem ɓēé malang i kemeé.