SOPONI 1:7 - Bibəl ta Sar̄

⁷ Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.

Bible sar

⁷ Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.

SOPONI 1:7 Referans Kwoze

HABAKUK 2:20

Kɔ́ɔ̄ɓē ni-ndi i kem kújə́ yān kə́ táĺ tə́. Ādə̄ de gə̄ malang kə́ dɔ nang tə́ ndin̄ kə tadə́ kə́ mbóó non tə́!

JAKARI 2:13

A̰á̰ā̰, m-ā m̄-rāā yá̰á̰ kógə̄ḿ kə gotə gír de kə́ rang gēé. Loo ń noō tə́ ngé gə̄ ń kété nin̄ i ɓəlo yādə́ gə̄ ní, ta i dɔdə́ tə́ kadə̄ ɔyn̄ yá̰a̰ yādə́ gə̄ dɔ gúú tə́. Dan ń yá̰á̰ ń noō a rāā yá̰a̰ anī, ā ī-gerī kadə̄ i Kɔ́ɔ̄ɓē kə́ bo kə́ tɔ́gən i ngá̰ý n əlam̄ ní.

SOPONI 1:14

Dɔ ndɔ̄ kə́ bo yā Kɔ́ɔ̄ɓē i ngɔr. Dɔ̄ to ngɔr. Ndɔ̄ ní a reē i láẃ ngá̰ý. Ndɔ̄ ngeé ń noō tə́ ní, deē a oō kɔŕ kə́ to ɓōĺ ngá̰ý gə̄. De gə̄ kə́ wur kil yādə́ tɔȳ yā madə̄də́ gə̄ gə̄gē a ɓārə́n̄ yá̰a̰ kadə̄ dḭḭ̄n̄də́.

JEREMI 46:10

Banī ndɔ̄ ní i ndɔ̄ kə́ kadə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý daləń ba̰ā̰ dɔ madə̄ ba̰ā̰n gə̄ tə́. Kaskar ń nujə loo ní, əsa yá̰a̰ ndān̄ ō, mósə de gə̄ rāān kə́ kasə tə́ ō. I yá̰a̰ kəsa kə́ bo ngá̰ý kə́ ndējə̄ Nə́ɓā, Kɔ́ɔ̄ɓē kə́ bo kə́ tɔ́gən i ngá̰ý, kem ɓē kə́ mbɔ́r ɓē kə́ ko̰ó̰ tə́, kadə bā Opəratə tə́.

IJAI 34:6

Kaskar yā Kɔ́ɔ̄ɓē i mósə malang, mból dā̰ i gidə tə́ malang. To i tītə̄ mósə́ ngán batə̄ gə̄ kə mósə bal bə̄yā̰ gə̄ beé. To i tītə̄ mból bal batə̄ gə̄ kə́ gidə mənjodə́ gə̄ tə́ beē. Kɔ́ɔ̄ɓē əndā dɔ yá̰a̰ tun̄ kógə̄ḿ kem ɓē kə́ Bosra tə́, ɓē kə́ Bosra ń i ɓē bo ní tə́. I nujə loo kə́ to ɓōĺ ngá̰ý kə́ dɔ nang kə́ Edom tə́.

IJAI 13:6

Úriī wúȳ kəhɔ ndoō! Dɔ ndɔ̄ yā Kɔ́ɔ̄ɓē i ngɔr. A reē i tītə̄ yá̰á̰ kə́ to kum kaȳ aĺ kə́ nujə yá̰a̰ malang kɔ̄ɔ́ beē, i Nə́ɓā kə́ bo kə́ tɔ́gən i ngá̰ý n əlan ní.

MATIYE 22:4

Ni-əla ngé kəla yān kə́ rang gə̄ ɓáý to̰ kəda de gə̄ ní tə́ na, yá̰a̰ kəsa yān na i kə́ rāā kɔ̄ɔ́. Na tɔ̄lə̄n̄ man̄g kə́ bəra gə̄ ō, bə̄yā̰ gə̄ kə batə̄ gə̄ kə́ yembə gə̄ ō. Yá̰a̰ malang na i kə́ rāā oy kɔ̄ɔ́. Ní, kə reēn̄ loo kəsa yá̰a̰ kaw̄ kújú tə́ tā.

IJAI 2:12

Kɔ́ɔ̄ɓē kə́ bo kə́ tɔ́gən i ngá̰ý, ngɔ̄m̄ ndɔ̄ kógə̄ḿ yā rɔ̄ɔń kə yá̰a̰ malang ń a ənda kadən ō, a ɔjə rɔ̄n ní ō, yā rɔ̄ɔń kə yá̰a̰ malang ń a̰a̰ rɔ̄n i yá̰á̰ kə́ bo tə́ ní ō, yā téləń seneé kə̄ nang tə́ ō.

1 SAMUEL 16:5

Anī ni ədadə́ na: A̰á̰ā̰, m̄-reē i tun̄ yá̰á̰ tə́ yā kadə̄ Kɔ́ɔ̄ɓē. Ní ī-tə́goī rɔ̄sí ādə̄ unjə̄ njáý njáý ba ī-reē āwī seḿ loo tun̄ yá̰á̰ tə́. Samuel mēr̄ Jese nin̄ kə ngánən kə́ dəngam gēé kadə̄ tə́gon̄ rɔ̄də́ kadə̄ unjə̄ njáý njáý ba kə aw̄n̄ loo tun̄ yá̰á̰ ní tə́ ō.

AMOS 6:10

Loo ń noō tə́ ngeedə́ kógə̄ḿ a teē kə nīńdə́ kɔ̄ɔ́ kem kújú yā róō horoó. Kem kújə́ kə́ ta tɔ̄l̄ ta tə́ ní, ré deē kógə̄ḿ na̰y kemeé kə kumneé ɓáý anī, ngeen a dəjen najə̄ a əda na: De gə̄ i seí ɓáý a? Anī ni a tél yā kədan na: A̰ á̰, deē gətóo. Ba gō tə́ anī a əda na: Ūtə̄ taí! I kum mbang kəda rī Kɔ́ɔ̄ɓē n toó alé!

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

EJEKIEL 7:10

Ndɔ̄ gān̄g sarya n toó, loo kə́ nujə sák sák a əndā i dɔ rɔ̄n danaá. Yá̰a̰ rāā kə́ kə dɔ́nɔ́ a aw̄ i kum kə̄ kété kété ō, kɔjə rɔ̄ a tḭ̄ḭ̄ i rɔ̄n ō.

EJEKIEL 7:7

De kə́ kem ɓēé gə̄, ta i dɔsí tə́. Kum mbang asə. Dɔ ndɔ̄ gān̄g sarya i ngɔr. Kɔŕ rɔ̄nel̄ a ɓār̄ dɔ mbal̄ gə̄ tə́ to̰ alé, banī i ɓōĺ n a rāā de gə̄.

IJAI 6:5

Anī m-ə́da na: Yá̰á̰ kə́ to kum kaȳ aĺ a teē dɔḿ tə́! Mā i kə́ taḿ tḭ̄ḭ̄ kɔ̄ɔ́! Mā i de kə́ taḿ i kə́ yḛr ō, m̄-ndi i dan de gə̄ kə́ tadə́ i kə́ yḛr tə́ ō, kumḿ a̰a̰ mban̄g ń i Kɔ́ɔ̄ɓē kə́ bo kə́ tɔ́gən i ngá̰ý ní ō!

KOLOSƏ 1:12

Ā ī-ndadī Bɔbə̄jí Nə́ɓā kə rɔ̄nelēé, tɔdɔ̄ ni-rāā adə̄ ásiī kənge yá̰a̰ naā tə́ kə ngé yān gēé kem Ɓē ko̰o̰ yān kə́ loo unjə̄ kow tū tə́ tə́.

PILIPƏ 4:5

Ī-rāāī ādī de gə̄ malang gerə̄n̄ háĺ kem majə yāsí. Dɔ reē Kɔ́ɔ̄ɓē i ngɔr.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?

Makətūbə̄ ń Pol ndang adə̄ Rom gə̄ ní 3:19

Ba jə-gerī majə kadə̄ yá̰a̰ malang ń ndū najə̄ əda ní, əda i tām̄ yā de gə̄ ń ndū najə̄ i dɔdə́ tə́ ní, yā kadə̄ loo nējə̄ najə̄ dɔ rɔ̄ tə́ gətóo ō, kadə̄ sarya yā Nə́ɓā i dɔ de kə́ dɔ nang tə́ gə̄ tə́ malang ō.

PĀ GƏ̄ 46:10

Ni-rāā adə̄ rɔ̄ɔ̄ dəba bátə́ ta ngóy dɔ nang tə́. Ni tétə̄ ga̰ gərā gə̄ ō nənga gə̄ ō, tə́la hor dɔ púsə rɔ̄ gə̄ tə́ ō kɔ̄ɔ́.

1 SAMUEL 20:26

Ndɔ̄ ń noō tə́ ní Saul əda yá̰a̰ alé, tām̄ ɔjəń na i yá̰á̰ kə́rēý n rāā Dabid adə̄ ni unjə̄ njáý njáý aĺ i mbéé á gírəń reē aĺ ní.

Makətūbə̄ yā Job 24:1

Nə́ɓā kə́ tɔ́gən i ngá̰ý ɔr̄ ndɔ̄ gə̄ əndādə́ dɔ jīn aĺ ō, deē yān gə̄ a̰a̰n̄ ndɔ̄ yān gə̄ ní aĺ ō, i tām̄ rí tə́?

IJAI 13:3

Ngé gə̄ ń əndān̄də́ kə rī rāā kəla yāḿ ní, i mā n m-ə́dádə́ yá̰a̰ gə̄ ń kadə̄ rāān̄ ní. m̄-ɓāŕ áskar yāḿ kə́ ger̄ rɔ̄ɔ̄ majə gə̄, ngé gə̄ ń rāān̄ rɔ̄nel̄ tetə rɔ̄ɔ̄ yāḿ ní, yā bə̄gań wōn̄g yāḿ.

IJAI 29:2

Banī m-ā m̄-rējī, Ariel. Ā ī-nōō ngá̰ý ō, man̄ kumií a reē ngá̰ý ō, tām̄ yāḿ tə́ ɓáa ā ī-to tītə̄ Ariel yā loo tun̄ yá̰á̰ ń a róōn̄ yá̰á̰ kə́ tun̄ gə̄ tū tə́ ní.

IJAI 34:5

Dɔ rā̰ tə́ ní mósə i gidə kaskar yā Kɔ́ɔ̄ɓē tə́ malang. Kaskar ní əsō dɔ Edom gə̄ tə́, əsō dɔ gír de gə̄ ń ni gḛy nujə sedə́ kɔ̄ɔ́ malang tə́ ní.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.

AMOS 8:3

Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.

JAKARI 14:1

Sḭḭ̄ de kə́ Jerusalem gə̄, dɔ ndɔ̄ yā Kɔ́ɔ̄ɓē i ngɔr. Gír de kə́ rang gə̄ a kə̄ngə̄n̄ naā yá̰a̰ kənge yāsí gə̄ ta kumsí tə́.