SOPONI 1:6 - Bibəl ta Sar̄

⁶ Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

Bible sar

⁶ Ngé tūr̄ gidədə́ taḿ tə́ gə̄ ō, ngé sāāḿ aĺ gə̄ ō, ngé koō najə̄ kə́ taḿ tə́ aĺ gə̄ ō ní, mā Kɔ́ɔ̄ɓē, mā m̄-rāādə́ kadə̄ nin̄ a gətóon̄ kɔ̄ɔ́.

SOPONI 1:6 Referans Kwoze

JEREMI 2:13

Rɔ̄kum, yá̰á̰ kə́ gōtə́ aĺ ń gír deē yāḿ gə̄ rāān̄ ní, gír i jōó: Nin̄ mbātə́mə̄n̄ kɔ̄ɔ́, mā ń i kəɓa man̄ kə́ kə kumuú ní. Tām̄ ndērə̄n̄ bəlo taā man̄ ndī gə̄, bəlo taā man̄ ndī kə́ njár̄ kɔ̄ɔ́ gə̄ kə́ man̄ to kemdə́ tə́ alé.

IJAI 1:4

I yá̰á̰ kə́ to kum kaȳ aĺ kə́ ba̰ý beē! Sḭḭ̄ nápar de gə̄ kə́ najə̄ i dɔdə́ tə́ gə̄, gír de gə̄ kə́ najə̄ tɔ̄l̄ deē i ngá̰ý dɔdə́ tə́ gə̄! Sḭḭ̄ i gír de kə́ ngé ngān̄g róbə gə̄, ngáń kə́ nujə kɔ̄ɔ́ gə̄! Sḭḭ̄ ə́ya̰ī Kɔ́ɔ̄ɓē kɔ̄ɔ́, usəsí dɔ Nə́ɓā kə́ táĺ yā Israel tə́ alé. Sḭḭ̄ ī-tūrī gidəsí tan tə́ kɔ̄ɔ́.

JEREMI 15:6

I ḭ̄ n ə́yam̄ kɔ̄ɔ́ ō, ī-tūr̄ gidií taḿ tə́ kɔ̄ɔ́ ō ní. M-ə́la jīḿ kə̄ dɔí tə́ kadə̄ m̄-nujə seí. Kɔr asəm̄ ta tə́gā taḿ tə́.

JEREMI 2:17

Majə yá̰á̰ ń noō kə́ tām̄ yāí tə́ i rí, Ré ngá̰ý a i mbātə́ kə́ ī-mbātə́ Kɔ́ɔ̄ɓē Nə́ɓā yāí, Kum mbang ń ni i nge ndɔ́rī ta róbə́ ní tə́ aláa?

OJEE 11:7

Gír deē yāḿ gə̄ mbātə́mə̄n̄ kɔ̄ɔ́ ō, nel̄də́ ra dɔ ndūdə́ tə́ aĺ ngá̰ý ō. Ɓārə́n̄də́ kadə̄ ḭḭ ran̄ kə njadə́ dɔɔ́, banī nge ń noō a rāā yá̰á̰ kógə̄ḿ alé.

JEREMI 3:10

Ngōkó̰o̰ Israel kə́ dəyá̰ ń i Juda kə́ sew aĺ ní rāā yá̰a̰ gə̄ ń noō malang banī tél reē rɔ̄ḿ tə́ gogə́ kə ngarā̰ kemənneé alé, ni gól̄ i loo. Najə̄ ń Kɔ́ɔ̄ɓē əda ní n noó.

IJAI 9:13

Loo ń noō tə́, kem ndɔ̄ kógə̄ḿ beē tə́ ní, Kɔ́ɔ̄ɓē gān̄g dɔ ō kə̄lá ō kɔ̄ɔ́ dɔ nang kə́ Israel tə́. Ni-gān̄g ta jī kāgə̄ túmbur kɔ̄ɔ́ ō, gān̄g mu tə̄ɓā kɔ̄ɔ́ ō.

HEBƏRO 2:3

jḭḭ̄ ní, ré usəjí dɔ kajə kə́ bo ngá̰ý ń toō tə́ aĺ anī, j-a j-asiī teē karī ta ndéý tə́ i ba̰ý? Kajə ngeé ń toō, Kɔ́ɔ̄ɓē əla gír kɔr̄ najə̄ kə́ dɔ tə́ ō, ngé gə̄ ń oōn̄ ní ədan̄ kadə̄ i najə̄ kə́ rɔ̄kum ō.

EJEKIEL 3:20

Yá̰á̰ kə́ rang ń a rāā yá̰a̰ to̰ ní n toó: Ré de kə́ gōtə́ tūr̄ gidən kɔ̄ɔ́ ta yá̰á̰ kə́ majə tə́, ba rāā yá̰á̰ kə́ majanī, m-ā m̄-rāā kadə̄ ni a əsō kum gūmbə̄ tə́ ō, ni a oy ō. Ré ḭ̄ ī-tāān najə̄ yá̰á̰ kə́ to yo ń to kété non tə́ ní aĺ anī, ni a oy sɔɔ̄ń yá̰a̰ rāān kə́ majaĺ gə̄. M-ā m-āw̄ gíŕ yá̰a̰ rāān kə́ majə kə́ kété gə̄ tə́ to̰ alé, banī m-ā m-ə̄ndā najə̄ yon i dɔí ḭ̄ tə́.

PĀ GƏ̄ 125:5

Banī ngé gə̄ ń unən̄ róbə́ kə́ súmūú aĺ gə̄ ní Kɔ́ɔ̄ɓē, majə kadə̄ ī-tə̄ɓādə́ kɔ̄ɔ́ naā tə́ kə ngé rāā madə̄də́ gə̄ yá̰á̰ kə́ majaĺ gēé! Ādə̄ lápə́ya reē kem ɓē kə́ Israel tə́!

PĀ GƏ̄ 10:4

Nge kem ndul ɔsə rɔ̄n kə̄ dɔɔ́, əda na Nə́ɓā na gətóo. Kum kedə̄ yān malang n noó ngóy.

1 SAMUEL 15:11

m̄-ndə̄ngā rɔ̄ḿ tām̄ kəndā ń m-ə̄ndā Saul mban̄g tə́ ní. Tɔdɔ̄ ni tūr̄ gidən kɔ̄ɔ́ taḿ tə́ ō, rāā yá̰a̰ gə̄ ń m-ə́dan ní aĺ ō. Najə̄ ń noō tōr̄ kem Samuel ngá̰ý, adə̄ ni nōō kə̄ dɔ Kɔ́ɔ̄ɓē tə́ ndɔ̄ɔ́ bátə́ loo tīī dɔn tə́.

OJEE 7:7

Nin̄ malang ní, təngān̄ tītə̄ púŕ mápa beé ō, nin̄ tɔ̄lə̄n̄ ngār yādə́ gə̄ ō. Mban̄g yādə́ gə̄ malang tə́sōn̄ kɔ̄ɔ́ ō, de kə́ sāā njaḿ mā gətóo ō.

PĀ GƏ̄ 36:3

Ni gír̄ kadə̄ ni i de kə́ majə, adə̄ ger̄ majaĺ yān aĺ ō, mbātə́ majaĺ yān aĺ ō.

Makətūbə̄ ń Pol ndang adə̄ Rom gə̄ ní 3:11

De kə́ ger̄ najə̄ gətóo. Deē kógə̄ḿ kə́ sāā Nə́ɓā gətóo.

IJAI 43:22

Kɔ́ɔ̄ɓē əda na: Israel, i mā n ī-ɓārə́m̄ ní alé. Banī ḭ̄, gír de gə̄ yā Jakob, kɔr asiī seḿ kɔ̄ɔ́.

JEREMI 10:25

Ādə̄ wōn̄g yāí kə́ ngá̰ý əsō dɔ nápar de gə̄ ń gernī aĺ tə́ ní ō, dɔ gír de gə̄ ń ndɔ̄ȳn̄ī aĺ tə́ ní ō, tɔdɔ̄ de gə̄ nujən̄ Jakob. De gə̄ nujən̄ seneé ō, tɔ̄l̄nən̄ kə̄ nodə́ tə́ ō. De gə̄ nujən̄ kə loo yānneé sák sák kɔ̄ɔ́.

OJEE 7:10

Ngán Israel gə̄ ɔjən̄ rɔ̄də́, banī kɔjə rɔ̄ yādə́ ní ɔjə i rāā yá̰a̰ kə gōó alé yādə́ kə̄ ndágá. Israel tél reē rɔ̄ḿ mā Kɔ́ɔ̄ɓē Nə́ɓā yān tə́ alé. Yá̰a̰ malang ń rāān ní gə̄gē, ni sāā njaḿ alé.

JOJUE 23:12

Ré ī-tūrī gidəsí kɔ̄ɔ́ ta Kɔ́ɔ̄ɓē tə́ ba ī-ɓoī naā kə nápar de gə̄ ń ndin̄ rɔ̄sí tə́ nói ō, ī-táāī ngáńdə́ kə dəyá̰ gə̄ ō, āwī loodə́ ō, nin̄ reēn̄ loosí ō anī,

2 SAMUEL 22:22

Tɔdɔ̄ m̄-rāā yá̰a̰ gə̄ ń Kɔ́ɔ̄ɓē ɔjəm̄ ní, m̄-rāā háĺ kə́ sew aĺ kə Nə́ɓā yāḿ alé.

2 YÁ̰A̰ GƏ̄ 15:13

Ngōn̄, aláa de kə́ tɔgə, dəngam, aláa dəyá̰ ń a rāā yá̰á̰ ń kem Kɔ́ɔ̄ɓē Nə́ɓā yā Israel ndigə̄ ní aĺ ní a tɔ̄l̄nən̄ kɔ̄ɔ́.

IJAI 9:12

Kɔ́ɔ̄ɓē ənda gír deē yān gə̄, banī Israel gə̄ télən̄ kə̄ rɔ̄n tə́ alé, nin̄ tūrə̄n̄ rɔ̄də́ kə̄ rɔ̄ Kɔ́ɔ̄ɓē kə́ bo kə́ tɔ́gən i ngá̰ý tə́ alé.

SOPONI 3:2

Ɓē ní oō ɓār̄ yā Kɔ́ɔ̄ɓē alé. Ni ndigə tāā ń Kɔ́ɔ̄ɓē tāān ní aĺ ō, ənī kemən adə̄ Kɔ́ɔ̄ɓē aĺ ō, ndɔ́tə̄ ngɔr kə̄ rɔ̄ Nə́ɓā yān tə́ aĺ ō.