SOPONI 1:18 - Bibəl ta Sar̄

¹⁸ Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

Bible sar

¹⁸ Gində̄ arjā̰a̰ yādə́ ō, lɔ́r yādə́ ō, a asə kajədə́ ndɔ̄ ń Kɔ́ɔ̄ɓē a rāań wōn̄g tə́ ní alé. Hor wōn̄g yān kə́ ngá̰ý a nujə dɔ nang malang. A̰á̰ā̰, i yá̰á̰ kə́ to ɓōĺ ngá̰ý. Kɔ́ɔ̄ɓē a nujə de gə̄ malang kə́ dɔ nang tə́ kɔ̄ɔ́.

SOPONI 1:18 Referans Kwoze

SOPONI 3:8

Kɔ́ɔ̄ɓē əda wáńg kə̄ ndágá na: I beé ní, ī-ngóōī ndɔ̄ ń kadə̄ m̄-reēń yā kəndā najə̄ dɔsí tə́ ní! m̄-gḛy kɔsə dɔ gotə nápar de kə́ rang gə̄ kə̄ naā tə́, m̄-gḛy kɔsə dɔ ɓē ko̰o̰ gə̄ kə̄ naā tə́, yā kadə̄ m̄-bə̄gań wōn̄g yāḿ kə́ ngá̰ý dɔdə́ tə́. A̰á̰ā̰, hor wōn̄g yāḿ a o̰o̰ dɔ nang kə taá malang.

EJEKIEL 7:19

Nin̄ a ɓōkə́n̄ gində̄ arjā̰a̰ yādə́ kum róbə kɔsə gə̄ tə́. Lɔ́r yādə́ a to i tītə̄ dɔ bū loo beé tām̄ yādə́ tə́. Gində̄ arjā̰a̰ yādə́ ō, lɔ́r yādə́ ō, a asən̄ kajədə́ ndɔ̄ wōn̄g yā Kɔ́ɔ̄ɓē tə́ alé. Nin̄ a əsan̄ yá̰a̰ to̰ aĺ ō, yá̰a̰ kəsa a gətóo kem tiīdə́ tə́ ō. Tɔdɔ̄ kété ní, gində̄ arjā̰a̰ yādə́ ō, lɔ́r yādə́ ō, rāān̄ rɔ̄də́ i gūmbə̄ tə́ tām̄ yādə́ tə́.

Gōsə̄ najə̄ gə̄ 11:4

Ndɔ̄ wōn̄g tə́ anī yá̰a̰ kənge i yá̰á̰ kə́ karī, banī háĺ kə́ gōtə́ a taā deē ta yo tə́,

MATIYE 16:26

Ré deē ənge dɔ nang malang kə taá ba tḭ̄ḭ̄ ta rɔ̄n kɔ̄ɔ́ ní, a teēn i rí? Aláa i rí n, deē a ādə̄ kum gotə rɔ̄n yā gāngəń dɔ rɔ̄n ní?

TA KƏLA 6:7

Anī Kɔ́ɔ̄ɓē əda na: M-ā m̄-rāā kadə̄ deē ń m-ə̄ndān dɔ nang tə́ ní gətóo kɔ̄ɔ́. I deē ngóy alé, ba əla gír dɔ deē tə́ bátə́ ugə̄ń dɔ yá̰a̰ kul̄ gə̄ tə́ ō, dɔ ngán dā̰ kə́ kagə nang tə́ gə̄ tə́ ō, dɔ yel̄ kə́ dɔɔ́ gə̄ tə́ ō. Tɔdɔ̄ m̄-ndə̄ngā rɔ̄ḿ tām̄ rāā ń m̄-rāā deē tə́ ní.

SOPONI 1:15

Ndɔ̄ ngeé ń noō i ndɔ̄ yā wōn̄g ō, wur kɔl ō, i ndɔ̄ yā ɓōĺ ō, loo kə́ nujə ō, i ndɔ̄ yā yo ō, loo kə́ ndɔ̄ɔ́ ō, i ndɔ̄ yā loo kə́ risə til ō, yā kil̄ man̄ gə̄ ō, i ndɔ̄ yā kə́ tuútu ō.

SOPONI 1:11

Sḭḭ̄ de kə́ Wóló gə̄, ī-sōmíī, tɔdɔ̄ ngé gātə̄ gə̄ malang a oyn̄, a tɔ̄lə̄n̄ ngé mbɔ̄jə́ kɔȳ gində̄ arjā̰a̰ gə̄ malang kɔ̄ɔ́.

EJEKIEL 16:38

Jerusalem, m-ā m̄-gān̄g sarya dɔí tə́ tītə̄ ń a gāngə̄n̄neé sarya dɔ dəyá̰ kə́ ngé rāȳ gə̄ tə́ ní ō, dɔ dəyá̰ kə́ ngé tɔ̄l̄ de gə̄ tə́ ní ō. M-ā m̄-rāāī kadə̄ mósə a taā gidə rɔ̄í malang sɔɔ̄ ń wōn̄g kə́ rāām̄ ō, jang kə́ ɔsə seḿ ō.

JEREMI 9:11

Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?

JEREMI 7:20

I tām̄ ń toō tə́ n najə̄ ń Kɔ́ɔ̄ɓē Nə́ɓā əda ní n toó: M-ā m̄-bə̄gā wōn̄g yāḿ, wōn̄g kə́ ngá̰ý yāḿ dɔ loo ń toō tə́ ō, dɔ de gə̄ tə́ ō, dɔ dā̰ gə̄ tə́ ō, dɔ kāgə̄ kə́ bembeé gə̄ tə́ ō, dɔ kum kōō gə̄ kə́ teēn̄ dɔ nang tə́ tə́ ō. I hor kə́ a oy aĺ bátə́.

IJAI 1:24

I tām̄ najə̄ ń toō tə́ ń Kɔ́ɔ̄ɓē kə́ bo kə́ tɔ́gən i ngá̰ý ō, ni ń i ngol ō, Nə́ɓā yā Israel kə́ tɔ́gən to ō, əda najə̄ ń toó ní: Yá̰á̰ kə́ to kum kaȳ aĺ kə́ ba̰ý beē! M-ā m̄-dal ba̰ā̰ rɔ̄ḿ dɔ ngé rɔ̄ɔ̄ seḿ gə̄ tə́, yá̰á̰ kə́ majaĺ ń madə̄ ba̰ā̰ḿ gə̄ rāān̄ seḿ ní, m-ā m-ə̄gādə́ kə̄rān!

PĀ GƏ̄ 78:58

Rāān̄ loo ndɔ̄ȳ gə̄ adə̄n̄neé Kɔ́ɔ̄ɓē wōn̄g. Ɓesə̄ yādə́ gə̄ rāān̄ Kɔ́ɔ̄ɓē adə̄ jang rāān.

1 MBAN̄G GƏ̄ 14:22

Juda gə̄ rāān̄ yá̰á̰ kə́ majaĺ ta kum Kɔ́ɔ̄ɓē tə́. Nin̄ rāān̄ yá̰á̰ kə́ majaĺ gə̄ adə̄n̄neé Kɔ́ɔ̄ɓē wōn̄g tɔȳ yā kaadə́ gə̄ ɓáý.

NDŪ NAJƏ̄ 31:17

Ndɔ̄ ń noō tə́ wōn̄g a rāām̄ sedə́ ngá̰ý, adə̄ m-ā m-ə́yá̰də́ kɔ̄ɔ́ ō, m-ā m̄-tūr̄ gidəḿ tadə́ tə́ kɔ̄ɔ́ kadə̄ nin̄ a a̰a̰n̄ ta kumḿ aĺ ō. Loo ń noō tə́ ngé ba̰ā̰də́ gə̄ a əsan̄də́ ō, yá̰á̰ kə́ to kum kaȳ aĺ ngá̰ý gə̄, kə wur kɔl kə́ ngá̰ý gə̄ a rāān̄də́ ō. Adə̄ ndɔ̄ ń noō tə́ nin̄ a ədan̄ na: Yá̰á̰ kə́ to kum kaȳ aĺ gə̄ ń toō rāān̄jí i tām̄ Nə́ɓā yājí ń gətóo dɔ dáńjí tə́ ní aĺ a?

Gōsə̄ najə̄ gə̄ 18:11

Yá̰a̰ kənge yā nge yá̰a̰ kal̄ loo i ɓē kə́ ngan̄g yān, kem gír̄ yān tə́ ní yá̰a̰ kənge yān i ndogə̄ mbal̄ kə́ ngāl̄ kə̄ dɔɔ́.

PĀ GƏ̄ 79:5

Kɔ́ɔ̄ɓē, ā ī-rāā wōn̄g kə́ dan gān̄g aĺ sejí i bátə́ ta kə́ rá? Jang yāí a o̰o̰ loo kə́ hor tə́ i bátə́ ta kə́ rá?

Makətūbə̄ yā Job 21:30

Ndɔ̄ ń yá̰á̰ kə́ majaĺ teēń dɔ de gə̄ tə́ ní, ngɔ̄mə̄n̄ nge kem ndul adə̄ teē kum tə́. Ndɔ̄ wōn̄g tə́ anī, ɓɔ̄ɔ̄nən̄ adə̄ yá̰a̰ ɔdə rɔ̄n alé.

1 KORḚNTƏ 10:22

Aké jə-gḛyī i kadə̄ wōn̄g rāā Kɔ́ɔ̄ɓē a? Jḭḭ̄ jə-ngangī ngá̰ý jə-tɔȳniī a?

JEREMI 7:34

M-ā m̄-rāā kadə̄ pā walya ō, najə̄ kə́ to rɔ̄nel̄ ō, pā yā ngaa dəyá̰ ō, rɔ̄nel̄ yā nge taā ngaa ō, a ɓār̄ kem ɓē gə̄ kə́ Juda tə́ to̰ aĺ ō, kum róbə kɔsə gə̄ kə́ Jerusalem tə́ to̰ aĺ ō. Tɔdɔ̄ ɓē a tél loo kə́ nujə sák sák.

EJEKIEL 7:5

Yá̰á̰ ń mā Kɔ́ɔ̄ɓē Nə́ɓā m-ə́dá ní ń toō: Á̰a̰ī, yá̰á̰ kə́ to kum kaȳ aĺ a reē noó, i yá̰á̰ kə́ to kum kaȳ aĺ kə́ deē a̰a̰ jóo aĺ ɓáý!

EJEKIEL 7:11

Yá̰a̰ rāā kə́ kə dɔ́nɔ́ to i tītə̄ sálang kāgə̄ kə́ kun kə̄ dɔɔ́ yā kəndań deē beé. Yá̰á̰sí kə́ a teē a gətóo, yá̰a̰ kənge yāsí a teē aĺ ō, kutəsí a teē aĺ ō, deē a ɔsə gɔnsí to̰ aĺ ō.

EJEKIEL 23:25

Ḭ̄ Oholiba, wōn̄g a rāām̄ seí. I tām̄ najə̄ ń noō tə́ n yá̰á̰ ń nin̄ a rāān̄ seí ní i kə dɔ́nɔ́ ní. Nin̄ a gāngə̄n̄ kóní ō, a gángə̄n̄ mbīí gə̄ ō. A tɔ̄lə̄n̄ gotə de kə́ kem ɓēé gə̄ ń a na̰yn̄ ní kə kaskaraá ō, a ɔyn̄ ngání kə́ dəngam gə̄ ō kə́ dəyá̰ gə̄ ō, ngé gə̄ ń a ndin̄ kə kumdə́ ɓáý ní, a əlan̄ hor dɔdə́ tə́ kadə̄ hor o̰o̰də́ ō.

Makətūbə̄ yā Job 3:15

Aĺ anī mā i naā tə́ kə ngār gə̄ kə́ ngé kənge lɔ́r gēé, ngé gə̄ ń sə́lē arjā̰a̰ i ngá̰ý kem kújə yādə́ gə̄ tə́ ní.

IJAI 10:3

Dan ń Kɔ́ɔ̄ɓē a rāā yá̰a̰, dan ń yá̰á̰ kə́ to kum kaȳ aĺ a ḭḭ sa̰y yā reē ní, ā ī-rāāī i ba̰ý? I náā n ā ā̰yī yā kaw̄ looneé kadə̄ rāā sesí ní? Ā ə́ya̰ī yá̰a̰ kənge yāsí gə̄ i loo kə́ rá tə́?

IJAI 10:17

Kɔ́ɔ̄ɓē ń i loo kə́ unjə̄ kow yā Israel ní, a tél hor kógə̄ḿ. Ta ndo̰ hor gə̄ yā Nə́ɓā kə́ táĺ a əla hor tū túpə kōn̄ gə̄ tə́ ō, hor ní a o̰o̰də́ i kem ndɔ̄ kógə̄ḿ beē ō.