SOPONI 1:14 - Bibəl ta Sar̄

¹⁴ Dɔ ndɔ̄ kə́ bo yā Kɔ́ɔ̄ɓē i ngɔr. Dɔ̄ to ngɔr. Ndɔ̄ ní a reē i láẃ ngá̰ý. Ndɔ̄ ngeé ń noō tə́ ní, deē a oō kɔŕ kə́ to ɓōĺ ngá̰ý gə̄. De gə̄ kə́ wur kil yādə́ tɔȳ yā madə̄də́ gə̄ gə̄gē a ɓārə́n̄ yá̰a̰ kadə̄ dḭḭ̄n̄də́.

Bible sar

¹⁴ Dɔ ndɔ̄ kə́ bo yā Kɔ́ɔ̄ɓē i ngɔr. Dɔ̄ to ngɔr. Ndɔ̄ ní a reē i láẃ ngá̰ý. Ndɔ̄ ngeé ń noō tə́ ní, deē a oō kɔŕ kə́ to ɓōĺ ngá̰ý gə̄. De gə̄ kə́ wur kil yādə́ tɔȳ yā madə̄də́ gə̄ gə̄gē a ɓārə́n̄ yá̰a̰ kadə̄ dḭḭ̄n̄də́.

SOPONI 1:14 Referans Kwoze

EJEKIEL 30:3

A̰á̰ā̰, ndɔ̄ yā Kɔ́ɔ̄ɓē a reē noó, dɔ to ngɔr ngá̰ý. I ndɔ̄ kə́ kil̄ man̄ a ndul ndí ndḭ́. I kum mbang ń a gāngə̄nəń sarya dɔ nápar de gə̄ tə́ ní.

SOPONI 1:7

Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.

JOEL 2:11

Ndū Kɔ́ɔ̄ɓē ɓār̄ kété no ngé rɔ̄ɔ̄ yān gə̄ tə́. Kutə ngé rɔ̄ɔ̄ yān gə̄ i ngá̰ý al̄ naā. Deē ń rāā yá̰á̰ ń Kɔ́ɔ̄ɓē əda ní i de kə́ tɔ́gən i ngá̰ý. Ndɔ̄ yā Kɔ́ɔ̄ɓē i ndɔ̄ kə́ bo ngá̰ý ō, to ɓōĺ ngá̰ý ō. I náā n asə tə́gā tan ndɔ̄ ndɔ̄ ní tə́ ní?

1 TESALONIK 4:16

Tām̄ ngol de kə́ dɔ rā̰ tə́ gə̄ a adə̄ ndūn ō, bərúnjə yā Nə́ɓā a ɓār̄ ō, anī Kɔ́ɔ̄ɓē nəkɔ́ a teē dɔ rā̰ tə́ yā reē. Adə̄ de gə̄ ń ɓoon̄ naā kə Kərist tá oyn̄ ní, a ndólə̄n̄ kété.

EJEKIEL 7:12

Kum mbang ugə̄, dɔ ndɔ̄ gān̄g sarya i ngɔr. Ādə̄ nge mang yá̰a̰ rāā rɔ̄nel̄ aĺ ō, ādə̄ nge kigə yá̰a̰ əhɔ ndoō aĺ ō. Tɔdɔ̄ wōn̄g rāām̄ i kə ngán Israel gēé malang.

IJAI 33:7

Á̰a̰ī, de kə́ Ariel gə̄ əgan̄ kɔŕ kum róbə kɔsə gə̄ tə́. Ngé kaw̄ kəla kə́ tām̄ yā kem sɔl̄ lɔm tə́ gə̄ nōōn̄ kə wur katāá.

IJAI 15:4

De kə́ Hesəbon gə̄ ō, Elale gə̄ ō, ɓārə́n̄ yá̰a̰ kadə̄ dḭḭ̄n̄də́. Deē ra i Yahas gē a oō kōōdə́. I tām̄ najə̄ ń toō tə́ n Áskar kə́ Moab gə̄ əgan̄ kɔŕ ní. Tɔ́gə́də́ ur̄ wak kɔ̄ɔ́.

JAKƏ 5:9

Ngákó̰ó̰ḿ gə̄, ī-nōōī rɔ̄sí dɔ naā tə́ alé, ādə̄ Nə́ɓā gāngəń sarya dɔsí tə́ alé. Tɔdɔ̄ nge gān̄g sarya i ta róbə́ tə́ kɔ̄ɔ́.

KƏLA RĀĀ 2:20

Mbang a ndul ō, nāā a kərē tītə̄ mósə ō, kété pá tá kadə̄ ndɔ̄ yā Kɔ́ɔ̄ɓē ugə̄ ɓáý. Ndɔ̄ ní i ndɔ̄ kə́ bo ō, i ndɔ̄ kə́ majə kɔsə gɔnən ō.

JOEL 1:15

Ndoō wa. Ndɔ̄ kə́ to ɓōĺ ngá̰ý ń i ndɔ̄ yā Kɔ́ɔ̄ɓē ní dɔ i ngɔr! Loo kə́ nujə ń i Nə́ɓā kə́ bo kə́ tɔ́gən i ngá̰ý n gḛy ní, a reē naā tə́ seneé.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

AMOS 8:2

Ni dəjem̄, əda na: Amos, yá̰á̰ ń á̰á̰ ní i rí? Anī, m̄-téĺ m-ə́dan na: I jáńg kógə̄ḿ kə́ kan̄ kāgə̄ kə́ kərē kɔ̄ɔ́ gə̄ i kemeé. Tā anī Kɔ́ɔ̄ɓē ədam̄ na: Israel gə̄ ń i gír deē yāḿ gə̄ ní, gír yādə́ a gān̄g kɔ̄ɔ́ tītə̄ yā kan̄ kāgə̄ kə́ kərē kɔ̄ɔ́ gə̄ beé. Ngɔlaā ní, m-ā m̄-mā̰ȳ rɔ̄ḿ dɔdə́ tə́ to̰ alé.

SOPONI 1:10

Kɔ́ɔ̄ɓē əda wáńg na: Ndɔ̄ ń noō tə́ ní, deē a oō kōō kɔŕ kə́ ngá̰ý kem ɓē kə́ Jerusalem tə́, ta róbə yā kānjə̄ gə̄ tə́ ō, kōō sōḿ kem ɓē kə́ kijə tə́ ō, deē a oō kōō yá̰á̰ kə́ ɓār̄ ngá̰ý dɔ ngán mbal̄ gə̄ tə́ ō.

JOEL 2:1

Ī-kɔ̄ríī tōw̄ Siyo̰ tə́. Úriī kɔl rɔ̄ɔ̄ dɔ mbal̄ yāḿ kə́ táĺ tə́. Ādə̄ de kə́ kem ɓēé gə̄ malang ndewn̄. Ndɔ̄ yā Kɔ́ɔ̄ɓē a reē noó, dɔ ndɔ̄ ní i ngɔr.

EJEKIEL 12:23

I beé ní, ə́dá ngán Israel gə̄ na mā Kɔ́ɔ̄ɓē Nə́ɓā m-ā m̄-rāā kadə̄ de gə̄ a ədan̄ kāgə̄ najə̄ ń noō to̰ alé. De kə́ yā tél kəda kə̄ nja naā tə́ dɔ nang kə́ Israel tə́ to̰ a gətóo. Banī ə́dádə́ na: Kum mbang ń kadə̄ yá̰á̰ kə́ ka̰ā̰ gə̄ malang reē udən̄neé gíŕ kə́ rɔ̄ tə́ ní, dɔ i ngɔr.

JEREMI 48:41

Taān̄ ɓē kə́ Keriyot ō, tetən̄ ɓē kə́ Mesadot rɔ̄ɔ̄ ō. Ndɔ̄ ń noō tə́ ní, kem go̰ rɔ̄ɔ̄ kə́ Moab gə̄ a to tītə̄ kem dəyá̰ ń a rāā loo kojə ní beē.

JEREMI 30:7

I yá̰á̰ kə́ to kum kaȳ aĺ kə́ ba̰ý beē! Rɔ̄kum, ndɔ̄ ní i ndɔ̄ kə́ to ɓōĺ ngá̰ý, ndɔ̄ kə́ tītə̄n gətóo. I kum mbang wur kɔl kə́ to ɓōĺ ngá̰ý tām̄ yā Jakob tə́. Banī ni a teē kum tə́ karī.

JEREMI 25:36

De gə̄ a oōn̄ kōō kɔŕ kə́ ngé kul̄ yá̰a̰ gə̄ əgan̄ ō, kōō kɔ́ɔ̄ yá̰a̰ kul̄ gə̄ kə́ a nōōn̄ naā ō. Kɔ́ɔ̄ɓē a nujə kə loo kəsa yá̰a̰ yādə́ sák sák kɔ̄ɔ́.

IJAI 66:6

I beé ní, ōōī kōō yá̰á̰ kə́ kem ɓēé ń ɓār̄ toó, kōō yá̰á̰ kə́ kem kújə yā Kɔ́ɔ̄ɓē tə́ ń ɓār̄ toó. I Kɔ́ɔ̄ɓē n ra a adə̄ madə̄ ba̰ā̰n gə̄ yá̰á̰ ń nin̄ asən̄ kənge ní ní.

HEBƏRO 12:26

Dan ngeé ń noō tə́ ní ndūn yéȳ dɔ nang. Ba ngɔlaā ni-ənī míndən əda beé na: M-ā m̄-yéȳ dɔ nang nja kógə̄ḿ ɓáý to̰, ba i dɔ nang ngóy alé, m-ā m̄-yéȳ dɔ rā̰ ō.

PILIPƏ 4:5

Ī-rāāī ādī de gə̄ malang gerə̄n̄ háĺ kem majə yāsí. Dɔ reē Kɔ́ɔ̄ɓē i ngɔr.

IJAI 8:22

ba gō tə́ anī a a̰a̰n̄ loo nang tə́. Yá̰á̰ ń nin̄ a əngen̄ ní i wur kɔl ō, i loo kə́ risə til ō, i sōl̄ kə́ to ɓōĺ ngá̰ý ō, i loo kə́ ndul ndí ndḭ́ ō ō, ngóy.

EJEKIEL 7:16

Ngé gə̄ ń a ndin̄ kə kumdə́ ní, a a̰ȳn̄ naā kə̄ dɔ mbal̄ gə̄ tə́. Nin̄ a nōōn̄ tītə̄ dér gutə gə̄ sɔɔ̄ń majaĺ yādə́ gə̄.

JEREMI 46:5

I tām̄ rí tə́ á m-á̰á̰də́ ra a ndewn̄ ní? Nin̄-télən̄ kə gōdə́. Ɓōĺ əsō kə̄ loo gə̄ tə́ malang. Najə̄ ń Kɔ́ɔ̄ɓē əda ní n noó.