Biblia Todo Logo
Bib sou entènèt

- Piblisite -




SOPONI 1:13 - Bibəl ta Sar̄

13 I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

Gade chapit la Kopi

Bible sar

13 I beé ɓá ní, a ɔyn̄ yá̰a̰ kənge yādə́ gə̄ dɔ gúú tə́ ō, a nujən̄ kújə yādə́ gə̄ kɔ̄ɔ́ ō. Nin̄ rāān̄ kújə gə̄, banī a ndin̄ kemeé alé. Nin̄ əhɔn̄ kāgə̄ nduú gə̄, banī a a̰ȳn̄ kasən alé.

Gade chapit la Kopi




SOPONI 1:13
24 Referans Kwoze  

Sḭḭ̄ ī-rējī nge ndoō kə yá̰a̰ rāāsí kə́ gōtə́ aĺ ō, ī-taāī núsə kōō yān dɔ gúú tə́ ō. Beé ɓáa, tām̄ najə̄ ń noō tə́ ní, kújə́ kə́ rāā kə mbal̄ kə́ tɔ́sə̄ kadə gēé ń ī-rāāī ní, ā ī-ndiī kemeé aĺ ō, ndɔr̄ kāgə̄ nduú kə́ majə gə̄ ń ə́hɔī ní, ā ā̰yī kasən aĺ ō.


Ā ī-dubī yá̰a̰, banī ā ásiī kəja alé. Ā ī-kásī kan̄ kāgə̄ olibə, banī ā úniī yibə̄n yā rāań yá̰a̰ alé. Ā ī-mbə́rēī kan̄ kāgə̄ nduú, banī ā ā̰ȳ kasən alé.


Dəyá̰ ń ā ə́hɔ gātə̄n ní i de kə́ rang n a ɓīī seneé. Kújə́ ń ā ī-rāā ní, ā ī-ndi kemeé alé. Ā ī-ndɔr̄ kāgə̄ nduú, ba kanə̄n kə́ ta kəga dɔ gə̄gē ā ə́ja alé.


M-ā m-ə́ya̰ kadə̄ tə̄rā gə̄ a ɔyn̄ yá̰a̰ kənge yādə́ gə̄ kɔ̄ɔ́. M-ā m-ə́ya̰ kadə̄ de gə̄ kə́ nin̄ i yá̰a̰ aĺ gə̄ ɔy aw̄nəń tītə̄ yá̰a̰ kənge kə́ kɔy ta rɔ̄ɔ̄ tə́ beē. Nin̄ a ɓōlə́n̄ gidə yá̰á̰ kógə̄ḿ alé.


M-ādə̄ de gə̄ a ɔyn̄ yá̰a̰ kənge yāí gə̄ ō, yá̰a̰ yāí gə̄ kə́ gātə̄də́ i ngá̰ý ń ə̄ndā dɔ jīí ní ō dɔ gúú tə́. Yá̰á̰ ń m-ə̄gań kə̄rā majaĺ yāí gə̄ malang ń ī-rāā gō nang yāí tə́ kə taá malang ní n noó.


Dəyá̰ gə̄, ōōī najə̄ yā Kɔ́ɔ̄ɓē. Ādə̄ najə̄ kɔrə̄n əsō mbīsí tə́. Ī-ndóōī ngáńsí kə́ dəyá̰ gə̄ pā nōō yo, ī-ndóōī madə̄sí kə́ dəyá̰ gə̄ pā nōō rɔ̄ ō.


A ī-ndɔr̄ kāgə̄ nduú ō, ā á̰a̰ gō ō, banī ā ā̰ȳ kasən alé. Ā ə́ja kan̄ nduú ní aĺ gə̄gē, tɔdɔ̄ kur̄ gə̄ a əsan̄ malang kɔ̄ɔ́.


Ndɔ̄ ń noō tə́ ní, m-ā m̄-rāā yá̰á̰ kógə̄ḿ kə de gə̄ malang ń a gə̄lān̄ dɔ kāgə̄ kə́ ta kújə́ tə́ ní. De gə̄ malang ń rāān̄ adə̄ kem kújə yā kɔ́ɔ̄də́ gə̄ rosə kə yá̰a̰ kənge gə̄ kə́ nin̄ əngen̄ i kə ta kūl̄ yá̰a̰ rāā kə́ kə dɔ́nɔ́ ō, kə ta kūl̄ soró ō ní, m-ā m̄-rāā yá̰á̰ kógə̄ḿ sedə́ ō.


Ɓá tā banī Siyo̰ a tél ndɔr̄ kə́ de gə̄ ndɔrə̄n̄ kɔ̄ɔ́, i tām̄ yāsí sḭḭ̄ tə́. A̰á̰ā̰, Jerusalem a nujə sák sák kɔ̄ɔ́ ō, mbal̄ bo ń kújə yā Kɔ́ɔ̄ɓē i dɔ tə́ ní, túpə kō̰n̄ gə̄ a taān̄ loo dɔ tə́ kɔ̄ɔ́ ō.


Loo ń noō tə́ m̄-bə̄gā wōn̄g yāḿ kə́ ngá̰ý dɔdə́ tə́. m̄-rāā adə̄ nin̄ gətóon̄ kɔ̄ɔ́ kum hor wōn̄g ní tə́, m̄-rāā adə̄ nin̄ əgān̄ kə̄rā yá̰a̰ rāādə́ kə́ majaĺ gə̄. Najə̄ ń Kɔ́ɔ̄ɓē Nə́ɓā əda ní n noó.


Nin̄ a ɓōkə́n̄ gində̄ arjā̰a̰ yādə́ kum róbə kɔsə gə̄ tə́. Lɔ́r yādə́ a to i tītə̄ dɔ bū loo beé tām̄ yādə́ tə́. Gində̄ arjā̰a̰ yādə́ ō, lɔ́r yādə́ ō, a asən̄ kajədə́ ndɔ̄ wōn̄g yā Kɔ́ɔ̄ɓē tə́ alé. Nin̄ a əsan̄ yá̰a̰ to̰ aĺ ō, yá̰a̰ kəsa a gətóo kem tiīdə́ tə́ ō. Tɔdɔ̄ kété ní, gində̄ arjā̰a̰ yādə́ ō, lɔ́r yādə́ ō, rāān̄ rɔ̄də́ i gūmbə̄ tə́ tām̄ yādə́ tə́.


Ré deē kógə̄ḿ i kə kum kedēé anī, ādə̄ kɔ́ɔ̄ ger̄ kum ō, ɔjə najə̄ ń Kɔ́ɔ̄ɓē ədan kə taneé ní ō. i tām̄ rí tə́ á ɓē i kə́ nujə sák sák ō, i kə́ kəla hor dɔ tə́ tītə̄ dəla loo ń deē mān̄ tū tə́ aĺ bátə́ ō ní?


Əsan̄ kōō yāí ō, mápa yāí ō. Nin̄ əsan̄ ngání kə́ dəngam gə̄ ō kə́ dəyá̰ gə̄ ō. Əsan̄ yá̰a̰ kul̄ yāí kə́ dūú ō, kə́ bo ō. Əsan̄ kan̄ kāgə̄ nduú yāí ō, kan̄ kāgə̄ kótə̄ yāí ō. Nin̄ reēn̄ kə kaskaraá nujən̄neé ɓē yāí kə́ ngan̄g gə̄ ń ī-ndi kemeé kanjə̄ sōl̄ yá̰á̰ kógə̄ḿ ní.


De gə̄ əgan̄ kɔŕ ədan̄ na: Loo nujə ba tél nujə ɓáý to̰ sák sák. Rɔ̄kum, ɓē kə taá malang i kə́ nujə kɔ̄ɔ́. Gérger yāḿ nujə gidə kógə̄ḿ, kújə tandā yāḿ gə̄ nujən̄ kum mbang kógə̄ḿ beé.


Ɓɔl teē loo ton tə́, nge nujə kə nápar de gēé əsō róbó a reē. Ni teē loo ton tə́ yā kənī yá̰á̰ kə́ to kum ko̰o̰ dɔ ɓē yāí tə́. A əlan̄ hor dɔ ɓē yāí gə̄ tə́, de kə́ kemeé gə̄ a gətóon̄ kɔ̄ɔ́ malang.


m̄-dəje najə̄, m-ə́da na: Kɔ́ɔ̄ɓē, i bátə́ rə́ngáý tə́? Anī ni tūr̄ əda na: I bátə́ kum mbang ń a nujənə̄ń ɓē bo gə̄ sák sák kɔ̄ɔ́ tə́ ní ō, de gə̄ a gətóonə̄ń kɔ̄ɔ́ kem ɓē bo gə̄ tə́ ní ō, de gə̄ a gətóonə̄ń kɔ̄ɔ́ kem kújə gə̄ tə́ ní ō, ndɔr̄ gə̄ a télnə̄ń dəla loo kə́ yá̰a̰ gətóo tū tə́ tə́ ní ō.


A əsan̄ yá̰a̰ kul̄ yāí gə̄ ō, kōō ndɔrí gə̄ ō, bátə́ kadə̄ ī-gətóoń. Nin̄ a əya̰n̄ kōō gémē ō, man̄ nduú ō, yibə̄ ō yā kadī alé. A əya̰n̄ ngán man̄g yāí gə̄ ō, ngán batə̄ yāí gə̄ ō, ngán bə̄yā̰ yāí gə̄ ō, yā kadī alé, bátə́ kadə̄ ī-gətóoń.


Ḭ̄ ń o̰o̰ī ta rāā ɓesə̄ dɔ mbal̄ tə́ kem bembeé ní, m-ā m-ādə̄ de gə̄ ɔyn̄ yá̰a̰ kənge yāí gə̄ ō, yá̰a̰ kə́ gātə̄də́ i ngá̰ý gə̄ ń ə̄ndā dɔ jīí ní ō, dɔ gúú tə́. M-ā m-ādə̄ ɔyn̄ dɔ gúú tə́ najə̄ yā yá̰á̰ kə́ gōtə́ aĺ ń ī-rāā dɔ loo ndɔ̄ȳ gə̄ tə́ gō nang yāí tə́ kə taá malang ní.


Télən̄ kə yá̰a̰ kənge yājí adə̄n̄ tə̄rā gə̄ ō, kújə yājí gə̄ télən̄ yá̰a̰ kənge yā de kə́ deē ger̄də́ aĺ gə̄ ō.


M-ā m̄-reē kə nápar de gə̄ kə́ kemdə́ ndul ngá̰ý yā kadə̄ a taān̄ kújə yādə́ gə̄ kɔ̄ɔ́. M-ā m̄-nujə kɔjə rɔ̄ yā de kə́ ngan̄g ngá̰ý gə̄ kɔ̄ɔ́ ō, de gə̄ a rāān̄ loo yādə́ kə́ to ɓōĺ gidə i loo kə́ karī tə́ ō.


Swiv nou:

Piblisite


Piblisite