Biblia Todo Logo
Bib sou entènèt

- Piblisite -




SOPONI 1:10 - Bibəl ta Sar̄

10 Kɔ́ɔ̄ɓē əda wáńg na: Ndɔ̄ ń noō tə́ ní, deē a oō kōō kɔŕ kə́ ngá̰ý kem ɓē kə́ Jerusalem tə́, ta róbə yā kānjə̄ gə̄ tə́ ō, kōō sōḿ kem ɓē kə́ kijə tə́ ō, deē a oō kōō yá̰á̰ kə́ ɓār̄ ngá̰ý dɔ ngán mbal̄ gə̄ tə́ ō.

Gade chapit la Kopi

Bible sar

10 Kɔ́ɔ̄ɓē əda wáńg na: Ndɔ̄ ń noō tə́ ní, deē a oō kōō kɔŕ kə́ ngá̰ý kem ɓē kə́ Jerusalem tə́, ta róbə yā kānjə̄ gə̄ tə́ ō, kōō sōḿ kem ɓē kə́ kijə tə́ ō, deē a oō kōō yá̰á̰ kə́ ɓār̄ ngá̰ý dɔ ngán mbal̄ gə̄ tə́ ō.

Gade chapit la Kopi




SOPONI 1:10
18 Referans Kwoze  

Gō yá̰a̰ gə̄ ń noō tə́ anī Manase ənī ndogə̄ mbal̄ kə́ ngāl̄ ngá̰ý kum kə̄ dɔɔ́ gidə ɓē yā Dabid tə́. Ré deē ra loo ń man̄ Gihon a əɓa tū tə́ ní tə́ anī ndogə̄ ní i kə dām̄ kə́ no ɓē tə́. Ndogə̄ ní un gō kadə wól loo kə́ Sedəron ō, teē gidə ɓē kə́ Opel tə́ ō, ba aw̄ bátə́ ugə̄ ta róbə yā kānjə̄ gə̄ tə́. Manase tə́ndā ngol áskar gə̄ kem ɓē kə́ ngan̄g ngan̄g gə̄ kə́ Juda tə́ malang ō,


Najə̄ ń mā Kɔ́ɔ̄ɓē Nə́ɓā m-ə́dá ní n toó: Ndɔ̄ ń m-ā m̄-rāāń yá̰á̰ tə́ ní, gōsə̄ pā kə́ dəyá̰ gə̄ kə́ ndogó mbangāá a ənīn̄ i pā yo. Nin̄ gə̄ a ton̄ ngá̰ý. A tə́nīn̄ nīń de gə̄ kə̄ loo gə̄ tə́. Loo a to kúkúkú kə̄ loo gə̄ tə́ malang.


Hilkia ngol ngé tun̄ yá̰a̰ gə̄ ō, Ahikam ō, Akbor ō, Sapan ō, Asaya ō, aw̄ əngen̄ Hulda nge koō ta kə́ dəyá̰. I nə̄yá̰ Salum kə́ nge ngɔ̄m̄ kūbə̄ tun̄ yá̰a̰ gə̄ kə́ kem kújə yā Kɔ́ɔ̄ɓē tə́. Salum i ngōn̄ Tikəba kə́ ngōn̄ Haras. Hulda ndi i Jerusalem kem ɓē kə́ kijə tə́. Dan ń de gə̄ ní ɔjən̄ nge koō ta kə́ dəyá̰ yá̰a̰ gə̄ ń rāān̄ yá̰á̰ ní oy anī,


De gə̄ ń rāān̄ ta róbə yā kānjə̄ gə̄ ní i de kə́ Senaa gə̄. I nin̄ n rāān̄ dɔ ō, tə́lan̄ bápə gə̄ ta tə́ ō, rákə̄n̄ yá̰a̰ ta tə́ ō, əgan̄ kélé ta tə́ ō ní.


Ndɔ̄ ngeé ń noō i ndɔ̄ yā wōn̄g ō, wur kɔl ō, i ndɔ̄ yā ɓōĺ ō, loo kə́ nujə ō, i ndɔ̄ yā yo ō, loo kə́ ndɔ̄ɔ́ ō, i ndɔ̄ yā loo kə́ risə til ō, yā kil̄ man̄ gə̄ ō, i ndɔ̄ yā kə́ tuútu ō.


Ī-ndiī tasí mbóo kə̄ no Kɔ́ɔ̄ɓē Nə́ɓā tə́, tɔdɔ̄ dɔ i ngɔr. A̰á̰ā̰, Kɔ́ɔ̄ɓē əndā dɔ yá̰á̰ tun̄ kógə̄ḿ danaá kɔ̄ɔ́. De gə̄ ń ni-ɓāŕdə́ ta kəsa yá̰á̰ ní, ni tə́gódə́ adə̄ unjə̄n̄ njáý njáý kɔ̄ɔ́ ɓá.


Kə ndɔ̄ kə́ nge ko̰ ndōhó yā nāā kə́ nge ko̰ sɔ́ kə́ kem ɓāl̄ kə́ nge ko̰ kutə gidə i kógə̄ḿ ń Sedekias ndiń mban̄g tə́ ní, mbutə̄n̄ kum ndogə̄ mbal̄ kə́ Jerusalem.


M-ōō nōō rɔ̄ kə́ tītə̄ yā dəyá̰ kə́ a rāā kem ō, m-ōō kɔŕ kə́ tītə̄ yā dəyá̰ kə́ a ojə ngōn̄ kem mandən ō. I kɔŕ ngōmandə kə́ Siyo̰, koō gāngən. Ni ɔy jīn kə̄ dɔɔ́. Mā i kə rɔ̄ ndoó. M-ā m-óy sɔɔ̄ń ndéý kə́ al̄ naā yā ngé tɔ̄l̄ de gə̄.


Jḭḭ̄ malang j-ɔjiī wōn̄g yājí kə̄ ndágá kə nuú tītə̄ dā̰ kə́ bembeé gə̄ beé. Jə-nōōī tītə̄ dér dum gə̄ beé kanjə̄ dəba. J-əndāī kemjí dɔ Nə́ɓā tə́ kadə̄ rāā yá̰á̰ kógə̄ḿ, banī yá̰á̰ kógə̄ḿ kə́ rāā yá̰a̰ gətóo. Jə-ndi j-a jə-ngóōī kadə̄ ajəjí banī ni ra sa̰y rɔ̄jí tə́.


Kɔ́ɔ̄ɓē ajə Ejekias ō, de kə́ Jerusalem gə̄ ō, jī Senakerib mban̄g kə́ Asiri tə́ ō, jī madə̄ ba̰ā̰də́ kə́ rang gə̄ tə́ ō, i tītə̄ ń noō. Ni-rāā adə̄ ndin̄ majə tɔdɔ̄ rāā adə̄ madə̄ ba̰ā̰də́ gə̄ ń ndin̄ gīrə̄n̄ gidədə́ ní rɔ̄ɔ̄n̄də́ alé.


Salomo̰ əla gír rāā kújə yā Kɔ́ɔ̄ɓē kem ɓē kə́ Jerusalem tə́ dɔ mbal̄ Moriya tə́, loo ń Kɔ́ɔ̄ɓē ndɔ̄bə̄ bɔbə̄n Dabid tū tə́ ní tə́, I loo ń Dabid rāā kété loo kənda kōō yā Ornan kə́ Yebus tə́ ní.


Dabid ndi kem ɓē kə́ ngan̄g ngá̰ý tə́ ba əndā rīn na i ɓē yā Dabid. Gō tə́ anī ni-rāā kújə gə̄ gidə ɓē yān ní tə́ dɔ dán Milo tə́ kə kújə́ ń ni-ndi tū tə́ ní.


Ɓá tā ba Dabid taā ɓē kə́ Siyo̰ ń i ɓē kə́ ngan̄g ngá̰ý ní. Gō tə́ anī əndā rī ɓē ní na i ɓē yā Dabid.


Hilkia ō, de gə̄ ń mban̄g gə̄rādə́ ní ō, aw̄n̄ ɓē Hulda nge koō ta kə́ dəyá̰. Hulda ndi i ngōn̄ ɓē kə́ kijə tə́ Jerusalem. Ngán Salum i nge ngɔ̄m̄ kūbə̄ kə́ táĺ gə̄ kə́ kem kújə yā Kɔ́ɔ̄ɓē tə́. Ngáń ní i ngōn̄ Tokatə kə́ ngōn̄ Hasəra. De gə̄ ní ədan̄ nge koō ta kə́ dəyá̰ ní yá̰a̰ gə̄ ń rāān̄ yá̰á̰ ní.


Jə-mān̄ dɔ róbə yā Epəraim tə́ ō yā Yesana tə́ ō yā kānjə̄ gə̄ tə́ ō. Jə-mān̄ kújə́ kə́ ngāl̄ ɓururu yā Hananel ō yā ngé kə́ ɓú gə̄ ō, ta róbə yā batə̄ gə̄ ō, ba j-aw̄ jə-dəba ta róbə yā ngé ngɔ̄m̄ loo gə̄ tə́.


Loo ń noō tə́ nin̄ a gerə̄n̄ kadə̄ mā i Kɔ́ɔ̄ɓē. Nīń yādə́ a ton̄ nang tə́, dan ɓesə̄ yādə́ gə̄ tə́. Loo malang ń nin̄ a tunə̄n̄ yá̰a̰ a adə̄n̄ ɓesə̄ yādə́ gə̄ tū tə́ ní, nīń gə̄ ton̄ tū tə́. A tōn̄ kə̄ dɔ mbal̄ gə̄ tə́ ō, kə̄ dɔ ngán mbal̄ mbal̄ gə̄ tə́ ō, kə̄ gír kāgə̄ gə̄ kə́ mbīdə́ to mbōl̄ ō, əga ku tə́ ō, loo kə́ rang gə̄ malang ń ɓesə̄ yādə́ gə̄ i tū tə́ ní, nīń gə̄ ń a tōn̄ tū tə́ ō.


Swiv nou:

Piblisite


Piblisite