RUTƏ 4:4 - Bibəl ta Sar̄

⁴ Ba mā m-ə́da na m-ā m-ə́daī kadə̄ ī-ger̄ gō ō, m̄-mērī mang loo ndɔr̄ ní ta kum kum kɔɔ̄ gə̄ yā gír de gə̄ yāḿ gə̄ tə́ ō, ta kum de kə́ rang gə̄ ń ndin̄ laā tə́ ní ō. Ta róbə gān̄g dɔ loo ndɔr̄ i yāí ḭ̄ ní ré ī-ndigə anī ī-gān̄g dɔ. Ba ré i-ndigə aĺ anī ə́dam̄ ādə̄ m̄-ger̄. Tɔdɔ̄ deē ń kadə̄ gān̄g dɔ loo ndɔr̄ ní i ḭ̄ ngóy, ba ré ɔ́də aĺ tá i mā ɓáý. Anī deē ní əda na n-ndigə gān̄g dɔ loo ndɔr̄ ní.

Bible sar

⁴ Ba mā m-ə́da na m-ā m-ə́daī kadə̄ ī-ger̄ gō ō, m̄-mērī mang loo ndɔr̄ ní ta kum *kum kɔɔ̄ gə̄ yā gír de gə̄ yāḿ gə̄ tə́ ō, ta kum de kə́ rang gə̄ ń ndin̄ laā tə́ ní ō. Ta róbə gān̄g dɔ loo ndɔr̄ i yāí ḭ̄ ní ré ī-ndigə anī ī-gān̄g dɔ. Ba ré i-ndigə aĺ anī ə́dam̄ ādə̄ m̄-ger̄. Tɔdɔ̄ deē ń kadə̄ gān̄g dɔ loo ndɔr̄ ní i ḭ̄ ngóy, ba ré ɔ́də aĺ tá i mā ɓáý. Anī deē ní əda na n-ndigə gān̄g dɔ loo ndɔr̄ ní.

RUTƏ 4:4 Referans Kwoze

PILIPƏ 4:8

Tām̄ yā gotə najə̄ gə̄ malang tə́ ɓáa ngákó̰ó̰ḿ gə̄, yá̰a̰ malang ń i yá̰á̰ kə́ majə ō, i yá̰á̰ kə́ to kadə̄ deē tɔ̄ȳsí loon tə́ ō, i yá̰á̰ kə́ rɔ̄kum ō, i yá̰á̰ kə́ to kadə̄ deē ɓōĺ gidə ō, i yá̰á̰ kə́ gō tə́ ō, i yá̰á̰ kə́ unjə̄ njáý njáý ō, i yá̰á̰ kə́ nel̄ deē ō, i yá̰á̰ kə́ to rɔȳ ō ní, ādī gír̄ yāsí malang i dɔ tə́.

2 KORḚNTƏ 8:21

Jə-sāā rāā yá̰á̰ kə́ majə i ta kum Kɔ́ɔ̄ɓē tə́ ngóy alé, banī i ta kum de gə̄ tə́ ō.

Makətūbə̄ ń Pol ndang adə̄ Rom gə̄ ní 12:17

Ī-téliī kə majaĺ kum gotə majaĺ alé. Ādī o̰o̰sí ta rāā yá̰á̰ kə́ majə ta kum de gə̄ tə́ malang.

JEREMI 32:25

Kɔ́ɔ̄ɓē Nə́ɓā, ḭ̄ ī-ger̄ majə kadə̄ ɓē a əsō kem jī Kalde gə̄ tə́, ba i tām̄ rí tə́ á ī-mērə̄m̄ mbɔ̄jə́ nar ta kum de kə́ kum tə́ gə̄ tə́ yā mangəń loo ndɔr̄ ní?

TA KƏLA 23:18

télən̄ yá̰a̰ yā Abəraham. Het gə̄ ń reēn̄ loo sarya tə́ malang ní, nin̄ i kum tə́.

TA KƏLA 23:11

I beé alé, kɔ́ɔ̄ḿ. Ī-nēl̄ mbīí ōoń najə̄ yāḿ. M-ādī ndɔr̄ ō, m-ādī bəlo mbal̄ kə́ kemeé ō, karī ta kum gír deē yāḿ gə̄ tə́. Ī-dubə̄ nə̄yá̰í kemeé.

NDŪ NAJƏ̄ 25:8

Kum kɔɔ̄ gə̄ kə́ kem ɓē ní tə́ a ɓārə́n̄ dəngam ní yā kɔr̄ najə̄ seneé. Ni a ra loo ń noō tə́ yā kədań na ngur taān na rāān alé.

RUTƏ 2:20

Loo ń noō tə́ Noemi əda na: M-á̰a̰ kadə̄ Kɔ́ɔ̄ɓē rāā yá̰á̰ kə́ gōtə́ kə̄ non tə́ kə ngé gə̄ ń ndin̄ kə kumdə́ ní ō, kə ngé gə̄ ń oyn̄ ní ō. Ādə̄ ni-rāā majə kə deē ń toō! Gō tə́ anī ni-əda Rutə na: Boj i ngeejí kə́ ngɔr ngá̰ý. Ni i deē kógə̄ḿ kə́ dan de gə̄ ń kadə̄ a gāngə̄n̄ dɔjí ní tə́.

RUTƏ 3:9

Boj əda na: I ḭ̄ náā n toó? Anī dəyá̰ ní əda na: I mā Rutə nge kəla yāí ba ə̄nī ta kūbə̄ yāí kə̄ dɔ nge kəla yāí tə́ tɔdɔ̄ ḭ̄ i nge gān̄g dɔ.

RUTƏ 3:12

Mā i nge gān̄g dɔí ō, ɓá tā ba nge ngaaí kə́rēý kə́ ngɔr ngá̰ý tɔȳm̄ kə́ nge gān̄g dɔí ō ndi noó.