RUTƏ 4:11 - Bibəl ta Sar̄

¹¹ Anī gír de gə̄ malang ń ndin̄ loo sarya tə́ ní ō, kum kɔɔ̄ gə̄ ō, ədan na: A̰á̰ā̰ jḭḭ i de kə́ kum tə́ yāí gə̄! Ādə̄ Kɔ́ɔ̄ɓē rāā kə dəyá̰ ń a aw̄ kújú jīí tə́ ní tītə̄ ń rāań kə Rasel nin̄ kə Lea adə̄ ojən̄ gír de gə̄ yā Israel ní! Ī-rāā yá̰á̰ kə́ de kə́ ngáā tə́ kem ɓē kə́ Epərata tə́ ō, ə̄ndā rī kem ɓē kə́ Betlehem tə́ ō!

Bible sar

¹¹ Anī gír de gə̄ malang ń ndin̄ loo sarya tə́ ní ō, *kum kɔɔ̄ gə̄ ō, ədan na: A̰á̰ā̰ jḭḭ i de kə́ kum tə́ yāí gə̄! Ādə̄ Kɔ́ɔ̄ɓē rāā kə dəyá̰ ń a aw̄ kújú jīí tə́ ní tītə̄ ń rāań kə Rasel nin̄ kə Lea adə̄ ojən̄ gír de gə̄ yā *Israel ní! Ī-rāā yá̰á̰ kə́ de kə́ ngáā tə́ kem ɓē kə́ Epərata tə́ ō, ə̄ndā rī kem ɓē kə́ Betlehem tə́ ō!

RUTƏ 4:11 Referans Kwoze

MATIYE 2:6

Ḭ̄ Betlehem, ɓē kə́ gō nang yā Juda tə́, i ḭ̄ n i ngōn̄ ɓē kə́ dūú ngá̰ý tɔȳ gotə ɓē gə̄ kə́ gō nang yā Juda tə́ ní alé, tɔdɔ̄ ngār kə́ nge kul̄ Israel gə̄ ń i gír deē yāḿ gə̄ ní a teē i kemií ḭ̄ tə́.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

PĀ GƏ̄ 132:6

J-oō kadə̄ sandúkə́ kə́ táĺ na ndi na i Epərata, j-a̰a̰ sandúkə́ ní i gidə ɓē kə́ Yaar tə́.

RUTƏ 1:2

Rī deē ní na i Elimelek ba rī nə̄yá̰n na i Noemi. Ngánən kə́ dəngam kə́ jōó gə̄ ní rī nge kə́ kógə̄ḿ na i Malon ō, rī kə́rēý na i Kilyon ō. Nin̄ i Epərata gə̄. Dan ń ndin̄ dɔ nang kə́ Moab tə́ ní,

NDŪ NAJƏ̄ 25:9

Anī nə̄yá̰ ngōkó̰o̰ dəngam ní a aw̄ rɔ̄n tə́ ta kum kum kɔɔ̄ gə̄ tə́ yā kɔr̄ sākə̄rā kə́ njan tə́ ō, yā tībə̄ hōr̄ kumən tə́ ō. Ba gō tə́ anī a əda na: Yá̰á̰ ń a rāān̄ kə dəngam kə́ mbātə́ kojə ngōn̄ kadə̄ ngōkó̰o̰n ní n noó.

TA KƏLA 24:60

Nin̄ tɔ́rə̄n̄ tadə́ dɔ Rebeka tə́ ədan̄ na: Ḭ̄, ngōkó̰ó̰jí kə́ dəyá̰, ādə̄ ī-tél nge kojə kósə de kə́ ngá̰ý gə̄ ō, ādə̄ ngán kaaí gə̄ taān̄ ɓē yā madə̄ ba̰ā̰də́ gə̄ ō.

Gōsə̄ najə̄ gə̄ 14:1

Dəyá̰ kə́ nge kum kedə̄ rāā kújə yān, banī dəyá̰ kə́ kur̄ dɔn gətóo asə nujə kújə yān kə jīneé.

TA KƏLA 23:10

Epəron ń i Het ní ndi dan madə̄n gə̄ tə́. Ni-tél əda Abəraham ta kum Het gə̄ tə́ ō, ta kum de gə̄ ń reēn̄ loo sarya tə́ malang ní ō, na:

TA KƏLA 29:25

Jakob teē dəloí a̰a̰ kadə̄ i Lea, anī əda Laban na: I rí n ī-rāā seḿ toō? m̄-rāā kəla seí i gír Rasel tə́ ba ī-gólə̄m̄ i tām̄ rí tə́?

Gōsə̄ najə̄ gə̄ 31:23

Dan ń ngaan ndi dan kum kɔɔ̄ gə̄ kə́ kem ɓēé tə́, loo kán̄ naā yā de kə́ bo gə̄ tə́ anī, de gə̄ rɔȳnən̄.

TA KƏLA 29:16

Ngán Laban kə́ dəyá̰ gə̄ i jōó. Rī nge kə́ nga tɔ́gə na i Lea, ba rī gidən na i Rasel.

TA KƏLA 35:23

Ngán Lea gə̄ n toó: Ruben hágə Jakob ō, Simeo̰ ō, Lebi ō, Juda ō, Isakar ō, Jabulo̰ ō.

TA KƏLA 35:24

Ngán Rasel gə̄ n toó: Jəjep ō, Benjamḛ ō.

NDŪ NAJƏ̄ 25:7

Ba ré ngōkó̰o̰ nge yo ní ndigə taān aĺ anī, dəyá̰ ní a aw̄ rɔ̄ kum kɔɔ̄ gə̄ tə́ loo sarya tə́ yā kədadə́ na: Ngōkó̰o̰ ngaaḿ ndigə kojə ngōn̄ seḿ kadə̄ rī ngōkó̰o̰n ɓārəń ngándáńg dan ngán Israel gə̄ tə́ alé ní, ni-mbātə́ i kɔjə kadə̄ ni i ngōkó̰o̰ ngaaḿ.

1 MBAN̄G GƏ̄ 21:8

Jesabel ndang makətūbə̄ kə rī Akab ba əndā tambō̰o̰ yā Akab dɔ tə́. Ni-əla kə makətūbə̄ ní adə̄ kum kɔɔ̄ gə̄ ō, ngār gə̄ ō, kə́ kem ɓē yā Nabot tə́.

1 YÁ̰A̰ GƏ̄ 2:51

Salma nge kəndā gír ɓē kə́ Betlehem ō, Harep nge kəndā gír ɓē kə́ Bet Gader ō.

JEREMI 32:10

m̄-ndang makətūbə̄ kə́ ɔjə dɔ loo ń m̄-mang ní, ba m-ə̄ndā tambō̰o̰ tū tə́, ta kum de gə̄ ń m̄-ɓāŕdə́ kadə̄ reēn̄ kum tə́ ní. m̄-mbɔ̄jə́ kɔȳ nar ní dɔ yá̰a̰ mbɔ̄jə́ kɔȳ yá̰á̰ tə́.