RUTƏ 4:10 - Bibəl ta Sar̄

¹⁰ Tá Rutə kə́ nə̄yá̰ Malon ń i dəyá̰ kə́ Moab ní, m̄-taā ō. Adə̄ ni i nə̄yá̰ḿ kadə̄ m-únəń rī nge yo dɔɔ́, kadə̄ rīn ɓārəń dɔ yá̰á̰ kə́ gotən tə́ ō, kadə̄ rīn gətóoń kɔ̄ɔ́ dan ngákó̰o̰n gə̄ tə́ aĺ ō, loo sarya tə́ aĺ ō. Nge ń noō ní sḭḭ̄ i kə́ kum tə́ yāḿ ō.

Bible sar

¹⁰ Tá Rutə kə́ nə̄yá̰ Malon ń i dəyá̰ kə́ Moab ní, m̄-taā ō. Adə̄ ni i nə̄yá̰ḿ kadə̄ m-únəń rī nge yo dɔɔ́, kadə̄ rīn ɓārəń dɔ yá̰á̰ kə́ gotən tə́ ō, kadə̄ rīn gətóoń kɔ̄ɔ́ dan ngákó̰o̰n gə̄ tə́ aĺ ō, loo sarya tə́ aĺ ō. Nge ń noō ní sḭḭ̄ i kə́ kum tə́ yāḿ ō.

RUTƏ 4:10 Referans Kwoze

NDŪ NAJƏ̄ 25:6

Ngōn̄ kə́ ta kəga dɔ ń a ojə ní a əndān̄ rī nge yo dɔn tə́ kadə̄ rīn toń ngándáńg dan ngán Israel gə̄ tə́.

EPEJƏ 5:25

Sḭḭ̄ dəngam gə̄, ī-táriī nə̄yá̰sí gə̄ tītə̄ ń Kərist tárəń ngé taā kemən gə̄ adə̄ ni-adə̄ rɔ̄n tām̄ yādə́ tə́ ní.

HEBƏRO 13:4

Ādə̄ de gə̄ malang ɓōlə́n̄ gidə taā naā ō, kadə̄ majaĺ tákə̄ tə̄rá taā naā alé ō, tɔdɔ̄ Nə́ɓā a gān̄g sarya dɔ ngé gə̄ ń sāān̄ naā loo kaya tə́ ní ō, dɔ ngé rāȳ gə̄ tə́ ō.

MALASI 2:14

Sḭḭ̄ ī-dəjeī rɔ̄sí najə̄ ə́daī na ké i tām̄ rí tə́ wa. I tɔdɔ̄ sḭḭ̄ ə̄nī ndūsí ta kumən tə́ yā ra dɔ ndūsí tə́ kə dəyá̰ ń sḭḭ̄ ī-gə̄rāī dan balsáásí tə́ ní. Banī sḭḭ̄ ī-raī dɔ ndūsí tə́ kə dəyá̰ ní alé! Kété ní dəyá̰ ní ndi sesí ō, sḭḭ̄ ə̄nīī ndūsí ādīin̄ ō.

JAKARI 13:2

Kɔ́ɔ̄ɓē kə́ bo kə́ tɔ́gən i ngá̰ý, əda wáńg na: Kum mbang ngeé ń noō tə́ ní, ɓesə̄ gə̄ kə́ kem ɓēé ní, m-ā m̄-ró̰ȳdə́ kɔ̄ɔ́ ō, deē a əda rīdə́ to̰ aĺ ō. M-ā m̄-tə̄ɓā ngé koō ta kə́ rɔ̄kum aĺ gə̄ kɔ̄ɔ́ kem ɓēé ō, m-ā m-ɔ̄r̄ ngur rɔȳ nə́ɓā kə́ rɔ̄kum aĺ gə̄ kɔ̄ɔ́ kemsí tə́ ō.

OJEE 12:12

De kə́ Galaad rāān̄ yá̰á̰ kə́ majaĺ ō, gotə yá̰a̰ yādə́ kə́ na̰y gətóo ō. Nin̄ ndējə̄n̄ man̄g kə́ bəra kə́ tun̄ gə̄ loo kə́ yā ɓōĺ gidə kə́ Gilgal tə́ tə́. Ba ngɔlaā ɓáa loo tun̄ yá̰a̰ yādə́ gə̄ ní télən̄ i kūbə̄rū mbal̄ gə̄ kə́ kánə̄n̄də́ dɔ naā tə́ bing gə̄ kə̄ kem ndɔr̄ gə̄ tə́.

OJEE 3:2

Adə̄ m̄-tél m̄-taā nə̄yá̰ḿ gogə́. Ba yā kadə̄ m̄-tél m̄-taānəń ní, m-ādə̄ i sə́lē gində̄ arjā̰a̰ kutə gidə i mí ō, kōō ɔ́rjə kem səmbē bo kógə̄ḿ kə́ núsə ō.

IJAI 48:19

Ngání gə̄ ō, ngán kaaí gə̄ ō ní, kutədə́ i ngá̰ý tītə̄ kutə nán̄g ngárə̄ḿnjēý kə́ ta bā bo tə́ beē. Rīdə́ a gətóo kɔ̄ɔ́ ta kumḿ tə́ aĺ i kə́ bátə́ gə̄ tə́.

Gōsə̄ najə̄ gə̄ 19:14

Kújə ō, yá̰a̰ kənge gə̄ ō, i yá̰á̰ kə́ deē ənge gotə kaan gə̄ tə́, banī dəyá̰ kə́ ger̄ najə̄ i kadə̄ karī yā Kɔ́ɔ̄ɓē.

Gōsə̄ najə̄ gə̄ 18:22

Deē ń ənge dəyá̰ ní ənge i rɔ̄nel̄, i yá̰á̰ kə́ Kɔ́ɔ̄ɓē rāań kem majə seneé.

PĀ GƏ̄ 109:15

Ādə̄ əga kem Kɔ́ɔ̄ɓē dɔ tə́ ngándáńg ō, ādə̄ ni-rāā adə̄ rī de gə̄ ń noō gətóo kem ɓēé ō!

PĀ GƏ̄ 34:16

Kum Kɔ́ɔ̄ɓē i kə̄ dɔ de kə́ gōtə́ gə̄ tə́ ō, nēl̄ mbīn yā koōń nōō yādə́ ō.

JOJUE 7:9

Kanaan gə̄ kə de gə̄ malang kə́ dɔ nang ń toō tə́ a oōn̄, adə̄ nin̄ a əndān̄ rɔ̄də́ naā tə́ yā reē rɔ̄ɔ̄jí, a tɔ̄lə̄njí kɔ̄ɔ́ malang. Ní ā ī-rāā i ba̰ý n de gə̄ a ger̄nneé rīí kə́ to kɔsə go̰n ngá̰ý ní?

TA KƏLA 29:27

Ī-tɔ̄l̄ ta ndɔ̄ kə́ sīrí kə́ yā kaw̄ń kújə ngaawaá kə nge kə́ nga tɔ́gɔ́, tá ré ī-ndigə tél rāā kəla gír nge kə́ dūú tə́ ɓāl̄ sīrí ɓáý to̰ anī, j-a j-adī seneé.

RUTƏ 4:9

Tā anī Boj əda kum kɔɔ̄ gə̄ ō, de gə̄ malang ń ndiń sedə́ loo sarya tə́ ní ō na: Ɓōólaā sḭḭ̄ i kə́ kum tə́ yāḿ kadə̄ yá̰a̰ malang ń i yā Elimelek ō, i yā Kilyon nin̄ kə Malon ō ní, m̄-mang jī Noemi tə́ kɔ̄ɔ́.

TA KƏLA 38:9

Onan ger̄ kadə̄ ngōn̄ ń a ojə ní i ngōn̄ yān alé, adə̄ loo ń a sāā nə̄yá̰ ngōkó̰o̰n anī a ɓōkə́ manə̄n i nang tə́ kɔ̄ɔ́ yā kojəń ngōn̄ kadə̄ ngōkó̰o̰n alé.