RUTƏ 3:13 - Bibəl ta Sar̄

¹³ Ī-to laā ādə̄ loo tīī dɔí tə́ ɗer. Bírí dəloí j-a j-a̰ā̰ ké a gān̄g dɔí aké a gān̄g aĺ wa. Ré ndigə gān̄g dɔí anī ādə̄ gān̄g. Ba ré ndigə aĺ anī, tītə̄ ń Kɔ́ɔ̄ɓē ndiń kə kumneé noō, mā m-ā m̄-gān̄g dɔí! Ba ī-to kə̄ nang tə́ ādə̄ loo tīī dɔí tə́.

Bible sar

¹³ Ī-to laā ādə̄ loo tīī dɔí tə́ ɗer. Bírí dəloí j-a j-a̰ā̰ ké a gān̄g dɔí aké a gān̄g aĺ wa. Ré ndigə gān̄g dɔí anī ādə̄ gān̄g. Ba ré ndigə aĺ anī, tītə̄ ń Kɔ́ɔ̄ɓē ndiń kə kumneé noō, mā m-ā m̄-gān̄g dɔí! Ba ī-to kə̄ nang tə́ ādə̄ loo tīī dɔí tə́.

RUTƏ 3:13 Referans Kwoze

JEREMI 4:2

Ré ī-túbə̄ ə́da na: Tītə̄ ń Kɔ́ɔ̄ɓē ndiń kə kumneé noō, ba ī-túbə̄ i dɔ najə̄ kə́ rɔ̄kum tə́ ō, i kem háĺ kə́ súmūú tə́ ō, kem yá̰a̰ rāā kə́ gōtə́ tə́ ō anī, nápar de gə̄ a tɔ́rə̄n̄ tadə́ dɔ naā tə́ ō, a rɔyn̄ naā ō, kə kūl̄neé.

RUTƏ 4:5

Anī Boj əda na: Ndɔ̄ ń ā ī-mangəń loo ndɔr̄ ní jī Noemi tə́ ní, ndɔ̄ ń noō tə́ ā ī-taā Rutə kə́ Moab ō. Rutə ń i nə̄yá̰ nge yo ní ā ī-taān yā kunəń rī nge yo dɔɔ́ kadə̄ rīn ɓārəń dɔ yá̰á̰ kə́ gotən tə́.

RUTƏ 2:20

Loo ń noō tə́ Noemi əda na: M-á̰a̰ kadə̄ Kɔ́ɔ̄ɓē rāā yá̰á̰ kə́ gōtə́ kə̄ non tə́ kə ngé gə̄ ń ndin̄ kə kumdə́ ní ō, kə ngé gə̄ ń oyn̄ ní ō. Ādə̄ ni-rāā majə kə deē ń toō! Gō tə́ anī ni-əda Rutə na: Boj i ngeejí kə́ ngɔr ngá̰ý. Ni i deē kógə̄ḿ kə́ dan de gə̄ ń kadə̄ a gāngə̄n̄ dɔjí ní tə́.

HEBƏRO 6:16

Loo ń ré de gə̄ a túbə̄n̄ anī, túbə̄n̄ i kə rī de kə́ bo tɔȳdə́ gēé ō, túbə̄ i yá̰á̰ kə́ a rāā adə̄ deē taā kem najə̄ kɔr̄ deē ō, a rāā adə̄ gír nējə̄ naā najə̄ dɔ yá̰á̰ tə́ a gān̄g ō.

NGÉ SARYA 8:19

Jedeo̰ ədadə́ na: I ngákó̰ó̰ḿ gə̄, i kem kó̰o̰ madə́ḿ gə̄. Adə̄ tītə̄ ń Kɔ́ɔ̄ɓē ndiń kə kumuú noō, ré ī-tɔ̄līdə́ aĺ anī, m-ā m̄-tɔ̄l̄sí aĺ ō.

2 KORḚNTƏ 1:23

Kə́ tām̄ yāḿ mā tə́ ɓáa m-úń Nə́ɓā kadə̄ ni i de kə́ kum tə́ yāḿ. Ré m̄-sor̄ i mbée anī ādə̄ ni-tɔ̄lə̄m̄ kɔ̄ɔ́. m̄-lōō gíŕ tél kaw̄ gogə́ Korḛntə tə́ i yā kadə̄ yá̰á̰ kə́ tōr̄ rāāńsí alé.

RUTƏ 3:12

Mā i nge gān̄g dɔí ō, ɓá tā ba nge ngaaí kə́rēý kə́ ngɔr ngá̰ý tɔȳm̄ kə́ nge gān̄g dɔí ō ndi noó.

JEREMI 12:16

Ba ré nin̄ ndóōn̄ kun háĺ kə́ majə tītə̄ yā gír deē yāḿ gə̄ ō, ré túbə̄n̄ kə rīḿ ədan̄ na: Tītə̄ ń Kɔ́ɔ̄ɓē ndiń kə kumneé noō, tītə̄ ń ɔjən̄neé gír deē yāḿ gə̄ loo túbə̄ kə rī Baal ō ní anī, a əngen̄ loo yā ndiń dan gír deē yāḿ gə̄ tə́.

RUTƏ 4:6

Anī nge gān̄g dɔ ní əda na: Ré i beé anī m̄-lōō gírí na sōgə́ m̄-nujə yá̰a̰ kənge yāḿ. Ta róbə gān̄g dɔ ní m̄-télən̄ m-ādī tɔdɔ̄ m-ásə alé.