RUTƏ 2:12 - Bibəl ta Sar̄

¹² Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

Bible sar

¹² Ndə̄ngā yāḿ i kadə̄ Kɔ́ɔ̄ɓē əndā njaí tām̄ yā yá̰a̰ gə̄ ń noō tə́ malang. Kadə̄ Kɔ́ɔ̄ɓē Nə́ɓā yā *Israel əndā njaí ngá̰ý kadə̄ tɔȳ dɔ. Tɔdɔ̄ ī-reē ī-ɓɔ̄ɔ̄ rɔ̄í i gír bɔ̄gə̄n tə́.

RUTƏ 2:12 Referans Kwoze

PĀ GƏ̄ 36:7

Háĺ kə́ gōtə́ yāí asən̄ naā kə mbal̄ gə̄ kə́ ngālə̄n̄ ngá̰ý. Yá̰a̰ gə̄ ń ə́dá ní kumdə́ rúú ngá̰ý tītə̄ gír bā bo beé. Kɔ́ɔ̄ɓē, ḭ̄ ájə de gə̄ ō, dā̰ gə̄ ō.

PĀ GƏ̄ 91:4

Ni a ngɔ̄mī. Ā ə́nge loo ɓēé looneé kadə̄ ī-ɓɔ̄ɔń rɔ̄í, tītə̄ ngōn̄ kə̄njá kə́ ɓɔ̄ɔ̄ rɔ̄n gír bɔ̄gə̄ kó̰o̰n tə́ beē. Kem majə yān rāā rɔ̄n i der tə́ ō, kūbə̄ gində̄ tə́ ō.

PĀ GƏ̄ 63:7

Dan ń m̄-to dɔ tə̄rá ɓīīḿ tə́ á m̄-gír̄ dɔí tə́ ní, m̄-ndɔ̄yī m-ādə̄ dan oy tām̄.

PĀ GƏ̄ 17:8

Ī-ngɔ̄mə̄m̄ tītə̄ loo ngɔ̄m̄ njár̄ kumií beē. Ī-ɓɔ̄ɔ̄m̄ gír bɔ̄gīí tə́,

PĀ GƏ̄ 61:4

Tɔdɔ̄ ḭ̄ i loo ɓɔ̄ɔ̄ rɔ̄ yāḿ, kújə yāḿ kə́ ngan̄g ta kum madə̄ ba̰ā̰ḿ tə́.

HEBƏRO 6:10

Tɔdɔ̄ Nə́ɓā i kə́ gōtə́ aĺ alé. Dɔn a ndígə̄nal kəla gə̄ ń ī-rāāī ní aĺ ō, táŕ kə́ tām̄ yān tə́ ń ɔ́jiī kə̄ ndágá ní aĺ ō. Sḭḭ̄ ɔ́jiī táŕ ní kə̄ ndágá, i kə ta kūl̄ rāā kəlaá kadə̄ de gə̄ yān gə̄. Kəla ní ī-rāāī kété ō, ā ī-rāāī ngɔlaā ɓáý ō.

HEBƏRO 11:26

Ni gír̄ kadə̄ yá̰á̰ kə́ to rɔ̄sɔl̄ gə̄ ń Kərist ənge ní, i yá̰a̰ kal̄ loo kə́ ngá̰ý tɔȳ dūbə̄ yá̰a̰ kənge gə̄ kə́ Ejiptə tə́. Tɔdɔ̄ kumən i dɔ yá̰a̰ kəndā nja kə́ ndɔ̄ń tə́.

1 SAMUEL 24:19

Ɓōólaā ɔ́jəḿ kem majə yāí kə̄ ndágá, tɔdɔ̄ Kɔ́ɔ̄ɓē əlam̄ jīí tə́ ba ī-mbātə́ tɔ̄lə̄m̄.

RUTƏ 1:16

Banī Rutə tél ədan na: Ī-lōō kɔsə seḿ ta kəya̰ī ba tél gōí tə́. Loo ń ā āw̄ kə̄ tū tə́ ní m-ā m-āw̄ tū tə́ ō, loo ń ā ī-ɓīī tū tə́ ní m-ā m̄-ɓīī tū tə́ ō. De gə̄ yāí gə̄ a télən̄ de gə̄ yāḿ gə̄ ō, Nə́ɓā yāí a téĺ Nə́ɓā yāḿ ō.

PĀ GƏ̄ 57:1

Pā kə́ kem makətūbə̄ yā ngār yā gōsə̄ pā gə̄ tə́. A ənīn̄ i tītə̄ loo kənī pā ī-lōō nujəń beé. I pā yā Dabid kə́ yā ndóoń deē yá̰a̰. I dan ń Dabid a̰ȳ Saul aw̄ ɓɔ̄ɔ̄ rɔ̄n bəlo mbalá ní.

HEBƏRO 11:6

Tá kanjə̄ taā kem anī, loo kadə̄ nel̄ Nə́ɓā kə deē ní a gətóo. Tɔdɔ̄ i gáŕ kadə̄ nge ń aw̄ rɔ̄ Nə́ɓā tə́ ngɔr ní taā kem kadə̄ Nə́ɓā ndi noó ō, kadə̄ ni i nge kəndā nja ngé sāān gə̄ ō.

Najə̄ kə́ Majə yā Jeju ń Luk ndang ní 6:35

Ba sḭḭ̄, ī-táriī madə̄ ba̰ā̰sí gə̄ ō, ī-rāāī majə kə de gēé ō, ādī yá̰a̰ loo tə̄nā tə́ kanjə̄ kəndā kemsí dɔ tél kənge yá̰á̰ ní gogə́ ō. Loo ń noō tə́ ā ə́ngeī yá̰a̰ kəndā nja kə́ ngá̰ý ō, ā ī-téliī ngáń Nə́ɓā kə́ dɔɔ́ gə̄ ō. Tɔdɔ̄ ni-rāā kem majə kə ngé ger̄ kem majə yān aĺ gə̄ ō, kə ngé kem ndul gə̄ ō.

MATIYE 23:37

Ɓē kə́ Jerusalem, ɓē kə́ Jerusalem, ḭ̄ ń i nge tɔ̄l̄ ngé koō ta gə̄ ō, nge tə́nī ngé gə̄ ń Nə́ɓā əladə́ looí ní kə mbalá tə́nī tɔ̄l̄də́ ō ní! Nja i kóndóńg n m̄-gḛy kán̄ ngání gə̄ kə̄ naā tə́, tītə̄ ń kó̰o̰ kə̄njá a kánəń ngánən gə̄ gír bɔ̄gə̄n tə́ ní? Ba ngání gə̄ gḛyn̄ alé!

MATIYE 5:12

Ī-rāāī rɔ̄nel̄ ō, ḭ́ḭḭ̄ bal walya ō, tɔdɔ̄ yá̰a̰ kəndā nja yāsí kə́ dɔ rā̰ tə́ ní i yá̰á̰ kə́ sḛ́ý beē tə́ aĺ bátə́, tɔdɔ̄ rāān̄ kum ngé koō ta gə̄ ń nin̄ i kété nosí tə́ ní ndoō tə́ i tītə̄ ń noō ō.

2 TIMOTE 4:8

Ba ń toō ɓáa yá̰a̰ kəndā nja kə́ tām̄ yā tetə rɔ̄ɔ̄ tə́ to a ngóōm̄ noó: Yá̰á̰ ní i jākā mbang yá̰a̰ rāā kə́ gōtə́ ń Kɔ́ɔ̄ɓē, nge gān̄g sarya kə́ gō tə́, a adə̄m̄ ndɔ̄ gān̄g sarya tə́ ní. A adə̄m̄ i mā ngóy alé, a adə̄ de gə̄ malang ń ta reēn nel̄də́ ngá̰ý á ndi a ngóōnən̄ ní ō.

2 TIMOTE 1:18

Ādə̄ Kɔ́ɔ̄ɓē rāā seneé, ba a̰a̰ kum tō ndoō yān ndɔ̄ sarya tə́. Yá̰a̰ malang ń ni-rāā adə̄m̄ kem ɓē kə́ Epejə tə́ ní, ḭ̄ ī-ger̄ majə tɔȳ de kə́ rang gə̄.

MATIYE 6:1

Yá̰a̰ gə̄ kə́ kadə̄ ī-rāāī tá sḭḭ̄ i de kə́ súmūú gə̄ ta kum Nə́ɓā tə́ ní, ī-lōōī rāādə́ ta kum de gə̄ tə́ kadə̄ a̰a̰n̄sí. Ré ī-rāāī yá̰a̰ gə̄ ní i kadə̄ de gə̄ a̰a̰n̄sí anī, Bɔbə̄sí kə́ dɔ rā̰ tə́ a əndā njasí alé.

Gōsə̄ najə̄ gə̄ 23:18

Loo ń noō tə́ ā ásə rāā rɔ̄nel̄ tām̄ yā ndɔ̄ kə́ bírí tə́ ō, yá̰á̰ ń əndā kemií dɔ tə́ ní ta a tɔ̄ɔ̄ siriri aĺ o.

Gōsə̄ najə̄ gə̄ 11:18

Nge kem ndul ənge yá̰a̰ kənda nja kə́ gólə̄n banī yá̰a̰ kəndā nja kə́ rɔ̄kum to tām̄ yā nge dubə̄ kum háĺ kə́ gōtə́ tə́.

PĀ GƏ̄ 58:11

De kə́ súmūú a rāā rɔ̄nel̄ dan ń ni-a̰a̰ Nə́ɓā loo rāā ba̰ā̰ tə́ ní ō, a tə́go njan kum mósə́ ngé kem ndul gə̄ tə́ ō.

PĀ GƏ̄ 19:11

Adə̄ nel̄ kem de gə̄ ngá̰ý tɔȳ lɔ́r, tɔȳ dūbə̄ lɔ́r kə́ unjə̄ njáý njáý. Adə̄ nel̄də́ ngá̰ý tɔȳ yibə̄ tejə, tɔȳ yibə̄ tejə kə́ kijə.

KOLOSƏ 2:18

De gə̄ ń nel̄də́ tél kə rɔ̄də́ kə̄ nang tə́ ō, rāā kəla kadə̄ de kə́ dɔ rā̰ tə́ gə̄ ō, əhɔn̄ gō yá̰a̰ gə̄ ń nin̄ kɔ́ gə̄ a̰ā̰n̄ ō ní, ī-lōōī kadə̄ gólə̄n̄sí. De kə́ beé gə̄ ní, gír̄ najə̄ yādə́ kə́ gō yā deē ndul tə́ rāā adə̄ nin̄-ɔjən̄ rɔ̄də́ kanjə̄ kumən.

RUTƏ 2:11

Boj tél ədan na: Ənīmə̄n̄ gotə yá̰a̰ malang ń ī-rāā kə umií kə́ dəyá̰ gō yo ngaaí tə́ ní ō, gotə kəya̰ ń ə́ya̰ bɔbí ō, kó̰ó̰í ō, dɔ nang ń ojənī tū tə́ ní ō, ba ī-reē ī-ndiń dan de gə̄ kə́ ī-ger̄də́ kété aĺ tə́ ní ō.

RUTƏ 2:13

Loo ń noō tə́ Rutə əda na: Kɔ́ɔ̄ḿ, ī-rāā kem majə seḿ! Tɔdɔ̄ najə̄ kə́ majə ń ɔ̄r̄ seḿ ní adə̄m̄ tɔ́gə. Tá mā i de kə́ m-ásə kadə ɓer̄ yāí kə́ dəyá̰ kógə̄ḿ tə́ alé.

RUTƏ 4:15

Ngōn̄ kaaí ní a rāā kadə̄ dɔí a ḭḭ dɔɔ́ wáńg wáńg ō, a ngɔ̄m̄ ɓə́gáí ō. Umií kə́ dəyá̰ i só tə́ tɔȳ ngání kə́ dəngam gə̄ sīrí. Tɔdɔ̄ ni tariī ō, ojə ngōn̄ kaaí ń toō adī ō.

JEREMI 31:16

Kɔ́ɔ̄ɓē ɔr̄ najə̄ i tītə̄ ń toō beé: Asiī beé, ī-nōō rɔ̄í to̰ aĺ ō, ādə̄ man̄ kumií reē to̰ aĺ ō, tɔdɔ̄ ā ə́nge yá̰a̰ kəndā nja yāí tām̄ yā kəla yāí gə̄ tə́. ngání gə̄ a ḭḭn̄ kə gō ɓē yā madə̄ ba̰ā̰í gə̄ yā reē. Najə̄ ń Kɔ́ɔ̄ɓē əda ní n noó.

1 SAMUEL 24:20

Ré deē ənge madə̄ ba̰ā̰n róbó anī a əya̰n kadə̄ aw̄ loo yān karī a? Yá̰á̰ ń ī-rāā seḿ ɓōólaā toó, adə̄ Kɔ́ɔ̄ɓē əndā njaí tāmən tə́.