RUTƏ 1:6 - Bibəl ta Sar̄

⁶ Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.

Bible sar

⁶ Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.

RUTƏ 1:6 Referans Kwoze

PĀ GƏ̄ 132:15

A̰á̰ā̰, m-ā m̄-rāā majə kə Siyo̰, m-ā m-ādə̄n yá̰a̰ kadə̄ əsa ndiń kə kumneé, m-ā m-ādə̄ ngé ndoō yān gə̄ yá̰a̰ kadə̄ əsa ndānə̄n̄.

PĀ GƏ̄ 111:5

Ni-adə̄ deē ń ɓōĺ ndílən ní yá̰a̰ kəsa. Əga kemən dɔ madə̄ naā yān tə́ ngándáńg.

Teē Ngán Israel gə̄ 4:31

Nin̄-taān̄ kem. Dan ń gerə̄n̄ kadə̄ Kɔ́ɔ̄ɓē a̰a̰ yá̰á̰ kə́ tōr̄ gə̄ ń a rāān̄ sedə́ ní ō, kadə̄ ni-reē i kajədə́ tə́ ō ní anī, tétə̄n̄ kejədə́ nang tə́ ō, ɔsən̄ nodə́ nang tə́ ō, rɔȳnəń Kɔ́ɔ̄ɓē.

Teē Ngán Israel gə̄ 3:16

Āw̄ ɔ́sə dɔ kum kɔɔ̄ gə̄ yā ngán Israel gə̄ naā tə́, ə́dádə́ na Kɔ́ɔ̄ɓē, Nə́ɓā yā kaasí gə̄, adə̄ i Nə́ɓā yā Abəraham ō, Nə́ɓā yā Isaak ō, Nə́ɓā yā Jakob ō, na ndɔ̄bī, ədaī na n-gḛy dḭḭ̄sí tām̄ yá̰á̰ ń rāān̄ sesí kem ɓē kə́ Ejiptə tə́ ní.

Najə̄ kə́ Majə yā Jeju ń Luk ndang ní 19:44

a rējə̄n̄sí rárák nang tə́, ḭ̄ gə̄gē ngání gə̄ ń a ton̄ kem bɔr yāí tə́ ní gə̄gē, a əya̰n̄ mbal̄ kógə̄ḿ dɔ mbal̄ madə̄ tə́ looí alé, tɔdɔ̄ ī-ger̄ ndɔ̄ ń Nə́ɓā reē go̰ō̰īneé tə́ ní alé.

Najə̄ kə́ Majə yā Jeju ń Luk ndang ní 1:68

Kɔ́ɔ̄ɓē ń i Nə́ɓā yā ngán Israel gə̄ ní, asə kadə̄ de gə̄ tɔ̄ȳnən̄! Tām̄ ni-əndā kumən gō gír deē yān gə̄ tə́ ba ajədə́.

MATIYE 6:11

Ādə̄jí yá̰a̰ kəsa yājí kə́ ɓōólaā.

JEREMI 29:10

Kɔ́ɔ̄ɓē ɔr̄ najə̄ i tītə̄ ń toō beé: Ré ɓāl̄ ɓē ko̰o̰ kə́ Babilon tə́ mān̄ asə kutə sīrí anī, m-ā m̄-gír̄ dɔsí tə́. M-ā m̄-rāā kadə̄ ndūḿ ń m-ə̄nī yā tél reē sesí gogə́ loo ń toō tə́ ní, a udə gírí majə.

IJAI 55:10

Man̄ ō, néjə ō, ḭḭn̄ dɔ rā̰ tə́ tə́sōn̄. Nin̄ tél aw̄n̄ gogə́ dɔ rā̰ tə́ kanjə̄ rāā kadə̄ yá̰á̰ kógə̄ḿ to alé. Nin̄ rāān̄ adə̄ dɔ nang yḭ̄l̄ ō, teē yá̰a̰ ō, kum yá̰a̰ gə̄ əɓan̄ ō. I tītə̄ ń noō n nin̄ a adə̄nəń de gə̄ kum yá̰á̰ kə́ yā dubə̄ ō, yá̰á̰ kə́ yā kəsa ō ní.

SOPONI 2:7

Juda gə̄ ń a teēn̄ ta yo tə́ ní, a ndin̄ gō nang ngeé ń noō tə́. Nin̄ a aw̄n̄ kə yá̰a̰ kul̄ yādə́ gēé loo ń noō tə́, ba loo tíbí anī, a aw̄n̄ ɓīí kem kújə gə̄ kə́ Askalon tə́ tə́. Tɔdɔ̄ Kɔ́ɔ̄ɓē Nə́ɓā yādə́ a rāā majə sedə́, adə̄ ni a tūr̄ yá̰á̰ ń a rāā yā reē kə̄ dɔdə́ tə́ ní.

PĀ GƏ̄ 146:7

De gə̄ ń rāān̄də́ yá̰á̰ kə́ tōr̄ ní, ni-gān̄g sarya yādə́ kə gōó. Ni-adə̄ ngé ɓō gə̄ yá̰a̰ kəsa ō, tútə kəlā rɔ̄ dəngáy gə̄ tə́ ō.

PĀ GƏ̄ 145:15

Kumdə́ i dɔí tə́ ō, nin̄ malang əndān̄ kemdə́ i dɔí tə́ ō, ngóōn̄ kadə̄ ādə̄də́ yá̰a̰ kəsa kə kum mbangneé.

1 SAMUEL 2:21

Kɔ́ɔ̄ɓē dḭḭ̄ Ana adə̄ ojə ngáń kə́ dəngam gə̄ mətá ō, kə́ dəyá̰ gə̄ jōó ō ɓáý to̰. Ba Samuel ń ni i ngōn̄ ní tɔgə kə̄ ta kum Kɔ́ɔ̄ɓē tə́.

TA KƏLA 50:25

Jəjep mēr̄ ngán Israel gə̄ kadə̄ ənīn̄ ndūdə́, əda na loo ń Nə́ɓā a dḭḭ̄də́ yā teē sedə́ anī, kə ɔyn̄ kə̄ngān gə̄ kə aw̄nəń.

TA KƏLA 48:15

Israel tɔ́r̄ tan dɔ Jəjep tə́, əda na: Kadə̄ Nə́ɓā ń kaan Abəraham nin̄ kə bɔbə̄n Isaaká njə̄rān̄ kə̄ non tə́ ní, kadə̄ Nə́ɓā ń ngɔ̄mən bátə́ ɓōólaā ní,

TA KƏLA 28:20

Jakob ənī ndūn əda na: Ré Nə́ɓā i seḿ adə̄ ngɔ̄mə̄m̄ dɔ róbə mbā ń m-ā m-āw̄ tə́ toō ō, adə̄m̄ yá̰a̰ kəsa adə̄ m-ə́sa ō, adə̄m̄ kūbə̄ adə̄ m-ō̰ō̰ ō,

TA KƏLA 21:1

Kɔ́ɔ̄ɓē rāā yá̰á̰ ń ənī míndən yā rāā kadə̄ Sara ní.

1 PIYER 2:12

Ādī háĺsí majə dɔ dán de kə́ ndágá gə̄ tə́. I beé tá, ká ré nin̄-tetən̄ najə̄ dɔsí tə́ na sḭḭ̄ na i ngé rāā yá̰a̰ majaĺ gə̄ gə̄gē anī, a a̰a̰n̄ yá̰á̰ kə́ majə gə̄ ń sḭḭ̄ ī-rāāī ní ō, a tɔ̄ȳn̄ Nə́ɓā ndɔ̄ ń ni-reē go̰ō̰ńdə́ tə́ ní ō.

1 TIMOTE 6:8

Adə̄ ré j-əngeī yá̰a̰ kəsa ō, kūbə̄ ko̰ō̰ ō anī, nge ń noō asəjí.

PĀ GƏ̄ 147:14

I ni n i nge rāā kadə̄ lɔm to dɔ nang yāí tə́ ní. Ni adī gémē kə́ majə ngá̰ý adə̄ ə́sa ī-ndān̄.

Gōsə̄ najə̄ gə̄ 30:8

Ī-rāā ādə̄ yá̰á̰ kə́ kanjə̄ kumən ō, najə̄ kə́ sor̄ ō, aw̄n̄ sa̰y kɔ̄ɔ́ rɔ̄ḿ tə́. Ī-lōō rāā kadə̄ m̄-tél de kə́ nge ndoō ngá̰ý aláa de kə́ nge kənge yá̰á̰ ngá̰ý. Ādə̄m̄ yá̰a̰ kəsa ń kadə̄ m-ə́sá tá m̄-ndiń kə kumḿ ní,

RUTƏ 1:5

Gō tə́ anī Malon nin̄ kə Kilyon oyn̄ jōó mbak kɔ̄ɔ́ ba na̰y i Noemi kə kérneé. Ngánən gə̄ gətóon kɔ̄ɔ́ ō, ngaan gətóo kɔ̄ɔ́ ō.

RUTƏ 1:7

Nin̄ ɔrə̄n̄ dɔɔ́ mbak. Ba dan ń nin̄ i róbó ní anī,

PĀ GƏ̄ 102:14

Ā ḭ́ḭ dɔɔ́ tām̄ yā Siyo̰ tə́, tām̄ táŕ kə́ ī-tárən tə́, tɔdɔ̄ mbang kə́ kadə̄ kumií o̰o̰īneé tām̄ yān tə́ asə. A̰á̰ā̰ kum mbang ní asə kɔ̄ɔ́!

JOEL 2:19

Kɔ́ɔ̄ɓē tél əda gír deē yān gə̄ na: M-ā m-ə́la kə gémē ō, kasə nduú ō, yibə̄ ō, yā kadə̄sí kadə̄ ndān̄sí. M-ā m-ādə̄sí yá̰a̰ gə̄ ń noō ngá̰ý. M-ā m̄-rāā kadə̄ yá̰á̰ kə́ to rɔ̄sɔl̄ əsō dɔsí tə́ dáń nápar de gə̄ tə́ to̰ aĺ bátə́.