RUTƏ 1:5 - Bibəl ta Sar̄

⁵ Gō tə́ anī Malon nin̄ kə Kilyon oyn̄ jōó mbak kɔ̄ɔ́ ba na̰y i Noemi kə kérneé. Ngánən gə̄ gətóon kɔ̄ɔ́ ō, ngaan gətóo kɔ̄ɔ́ ō.

Bible sar

⁵ Gō tə́ anī Malon nin̄ kə Kilyon oyn̄ jōó mbak kɔ̄ɔ́ ba na̰y i Noemi kə kérneé. Ngánən gə̄ gətóon kɔ̄ɔ́ ō, ngaan gətóo kɔ̄ɔ́ ō.

RUTƏ 1:5 Referans Kwoze

Najə̄ kə́ Majə yā Jeju ń Luk ndang ní 7:12

Dan ń ni-ugə ngɔr kə̄ ta róbə kə́ yā kudəń kə̄ kem ɓēé tə́ anī, de gə̄ teēn̄ kem ɓēé kə nīń kógə̄ḿ yā kaw̄ dubə̄. Deē ń oy ní i ngōn̄ kə́ kal kógə̄ḿ beē kə́ jī dəyá̰ kə́ ngaan oy tə́. Adə̄ kósə de kə́ kem ɓēé gə̄ kə́ to ɓōĺ ngá̰ý gə̄ a dānə̄n̄ dəyá̰ ní.

JEREMI 2:19

Ādə̄ yá̰á̰ kə́ gōtə́ aĺ yāí tél əndaī, ādə̄ túy taā kem yāí gɔŕyɔ̄ī. Ī-ndi kem wur kɔl tə́ ō, kem wur katə̄ tə́ ō, mbóńg ta tɔ̄l̄ ta tə́, sɔɔ̄ ń dɔ mbātə́ kə́ ī-mbātə́ Kɔ́ɔ̄ɓē Nə́ɓā yāí. Rɔ̄kum, ī-ndew to̰ aĺ bátə́ gə̄gē ta kumḿ tə́. Najə̄ ń Kɔ́ɔ̄ɓē, Nə́ɓā kə́ bo kə́ tɔ́gən i ngá̰ý əda ní n noó.

IJAI 49:21

Ba ā ī-dəje rɔ̄í najə̄ ń toō, ā ə́da na: Ngán gə̄ ń toō malang ní i náā n adə̄m̄ sedə́? Kété ní, ngánə́ḿ gə̄ gətóon̄ ō, m-ásə kənge ngán gə̄ aĺ ō. Aw̄n̄ seḿ dɔ ɓē kə́ rang tə́ dɔ gúú tə́ ō, əya̰mə̄n̄ kɔ̄ɔ́ ō. Ba ngé gə̄ ń noō ní i náā n ətōdə́? Dan ń mā i kérə́ḿ ní, ngán gə̄ ń toō nin̄ i rá?

NDŪ NAJƏ̄ 32:39

Beé ní ī-gerī kadə̄ i mā n i Nə́ɓā ní, ba nə́ɓā kə́ rang gətóo kadəḿ tə́. I mā n i nge rāā kadə̄ deē oy ō, kadə̄ deē ndi kə kumneé ō ní. I mā n i nge kadə̄ deē do ō, nge rāā kadə̄ do edə̄ ō ní. I náā n asə taā deē jīḿ tə́ kəya̰n dɔɔ́ ní?

RUTƏ 1:2

Rī deē ní na i Elimelek ba rī nə̄yá̰n na i Noemi. Ngánən kə́ dəngam kə́ jōó gə̄ ní rī nge kə́ kógə̄ḿ na i Malon ō, rī kə́rēý na i Kilyon ō. Nin̄ i Epərata gə̄. Dan ń ndin̄ dɔ nang kə́ Moab tə́ ní,

RUTƏ 1:4

Ngánən gə̄ ní táān̄ dəyá̰ gə̄ kə́ dɔ nang kə́ Moab tə́. Rī dəyá̰ kə́rēý na i Orpa, ba nge kə́ noō rīn na i Rutə. Nin̄ ndin̄ dɔ nang kə́ Moab tə́ asə ɓāl̄ kutə.

RUTƏ 1:6

Dan ń Noemi ndi dɔ nang kə́ Moab tə́ ní, ni oō kadə̄ Kɔ́ɔ̄ɓē a̰a̰ gō gír deē yān gə̄ adə̄ adə̄də́ yá̰a̰ kəsa. Ni-ḭḭ dɔɔ́ kə umən kə́ dəyá̰ kə́ jōó gēé yā tél kaw̄ gogə́ dɔ nang kə́ Juda tə́.