RUTƏ 1:17 - Bibəl ta Sar̄

¹⁷ Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

Bible sar

¹⁷ Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

RUTƏ 1:17 Referans Kwoze

1 SAMUEL 3:17

Anī Eli dəjen najə̄ əda na: Ədaī na i rí? Ɓɔ́, najə̄ ń ədaī ní ī-lōō mundə̄m̄. Ré ī-mundə̄m̄ najə̄ kógə̄ḿ kə́ dan najə̄ gə̄ ń ɔr̄ seí tə́ ní anī, ādə̄ Nə́ɓā rāāī yá̰á̰ kə́ tōr̄ ń toō ō, nge kə́ tōr̄ ń toō ō.

2 MBAN̄G 6:31

Mban̄g əda na: Ré m-ə́ya̰ dɔm dɔ Elije ngōn̄ Sapat adə̄ ndi ta míndən tə́ ɓōólaā anī, ādə̄ Nə́ɓā rāām̄ yá̰á̰ kə́ tōr̄ ń toō ō, nge kə́ tōr̄ ń toō ɓáý to̰ ō.

1 MBAN̄G GƏ̄ 2:23

Mban̄g Salomo̰ túbə kə rī Kɔ́ɔ̄ɓēé əda na: Adonia ń ɓōĺ aĺ ba nāā dəje yá̰á̰ kə́ beé ń noó, ré m-ādə̄ oy aĺ anī, ādə̄ Nə́ɓā rāām̄ yá̰á̰ kə́ tōr̄ kə́ beé ba tél rāām̄ nge kə́ beé!

2 SAMUEL 19:13

Nin̄ na i kojə yān gə̄, ba ké i ba̰ý á nin̄ i de kə́ gō gogə́ gə̄ loo tél reē kə mbangāá gogə́ ɓēé tə́ wa.

1 MBAN̄G GƏ̄ 20:10

Ben Hadad əla əda na: Ré bumbə́rú kə́ Samari asə kadə̄ de gə̄ malang ń dānə̄mə̄n̄ ní əngen̄ asə kem jīdə́ kógə̄ḿ kógə̄ḿ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beē ba tél rāāmə̄n̄ nge kə́ beē.

1 SAMUEL 25:22

Beé ɓáa de gə̄ malang kə́ ta kújə yā Nabal tə́ ní, ká ré i dəngam kógə̄ḿ n m-ə́ya̰n adə̄ loo tīī dɔn tə́ gə̄gē anī ādə̄ Nə́ɓā rāām̄ yá̰á̰ kə́ tōr̄ ba tél rāām̄ ɓáý to̰.

2 SAMUEL 3:35

Gō tə́ anī reē mērə̄n̄ Dabid kəsa yá̰á̰ pá tá kadə̄ mbang udə ɓáý, banī ni-ənī míndən əda na: Ré m-ə́sá mápa aláa yá̰á̰ kə́rēý kə́ rang kété no mbang kudə tə́ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ nge ń toō ō, tām̄ majaĺ yāḿ tə́!

KƏLA RĀĀ 11:23

Dan ń ni-ɔtə̄ á a̰a̰ majə ń Nə́ɓā rāā ní anī, rɔ̄n nelə̄n ngá̰ý ō, ra sedə́ malang ta kəhɔ gō Kɔ́ɔ̄ɓē kadə̄ ngan̄g ō.

1 MBAN̄G GƏ̄ 19:2

Anī Jesabel əla deē kadə̄ aw̄ əda Eli na: Bírí kə mbang ké beē, ré m̄-tɔ̄lī tītə̄ ń ī-tɔ̄ləń ngé koō ta gə̄ ní aĺ anī, ādə̄ nə́ɓā gə̄ rāāmə̄n̄ yá̰á̰ kə́ tōr̄ kə́ beé ba tél rāāmə̄n̄ nge kə́ beé!

2 SAMUEL 3:9

Yá̰á̰ ń Kɔ́ɔ̄ɓē túbə ənīń ndūn yā rāā tām̄ yā Dabid tə́ ní, ré m̄-rāā m-ādə̄n aĺ anī, ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, tél rāām̄ ngé kə́ tōr̄ ń toō ō.

KƏLA RĀĀ 20:24

Banī mā m-á̰a̰ kadə̄ ndiḿ kə kumḿ i yá̰á̰ kógə̄ḿ ta kumḿ tə́ alé. Yá̰á̰ ń m̄-sāā ní i kadə̄ m-ā̰ȳ ngɔ̄də̄ yāḿ m̄-tɔ̄l̄ ta kə gōó majə ō, kəla ń Kɔ́ɔ̄ɓē Jeju adə̄m̄ ní m̄-rāā m̄-tɔ̄l̄ ta kə gōó majə ō: I kadə̄ m-ə́da najə̄ kə́ kum tə́ yā Najə̄ kə́ Majə kə́ dɔ rajə ń Nə́ɓā rajə de gə̄ tə́ ní.

RUTƏ 1:16

Banī Rutə tél ədan na: Ī-lōō kɔsə seḿ ta kəya̰ī ba tél gōí tə́. Loo ń ā āw̄ kə̄ tū tə́ ní m-ā m-āw̄ tū tə́ ō, loo ń ā ī-ɓīī tū tə́ ní m-ā m̄-ɓīī tū tə́ ō. De gə̄ yāí gə̄ a télən̄ de gə̄ yāḿ gə̄ ō, Nə́ɓā yāí a téĺ Nə́ɓā yāḿ ō.

RUTƏ 4:15

Ngōn̄ kaaí ní a rāā kadə̄ dɔí a ḭḭ dɔɔ́ wáńg wáńg ō, a ngɔ̄m̄ ɓə́gáí ō. Umií kə́ dəyá̰ i só tə́ tɔȳ ngání kə́ dəngam gə̄ sīrí. Tɔdɔ̄ ni tariī ō, ojə ngōn̄ kaaí ń toō adī ō.

1 SAMUEL 14:44

Saul əda na: Ādə̄ Nə́ɓā rāā yá̰á̰ kə́ tōr̄ ń toō ba tél rāā ɓáý to̰. A̰á̰ā̰ Jonatan ā óy.

1 SAMUEL 20:13

ādə̄ Kɔ́ɔ̄ɓē rāām̄ yá̰á̰ kə́ tōr̄ ba tél rāām̄ ɓáý to̰. Ba ré bɔbə́ḿ gír̄ rāāī yá̰á̰ kə́ to kum kaȳ aĺ anī m-ā m̄-tāāī kadə̄ āw̄ kɔ̄ɔ́ kanjə̄ sōl̄ yá̰á̰ kógə̄ḿ. Ba ādə̄ Kɔ́ɔ̄ɓē i naā tə́ seí tītə̄ ń ni i naā tə́ kə bɔbə́ḿ kété ní.

2 SAMUEL 15:21

Banī Itai tél əda mban̄g na: Tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií ō noó, loo ń ā ī-ndi tū tə́ ní m-ā m̄-ndi tū tə́ ō, yā kadə̄ ré ā ī-ndi loo ní tə́ i kə kumií a, m-ā m̄-ndi tū tə́ kə kumḿ ō, ā óy i loo ní tə́ a, m-ā m-óy tū tə́ ō.

1 MBAN̄G GƏ̄ 13:31

Dan ń nge koō ta ní dubə̄n oy anī, əda ngánən gə̄ na ré n-oy anī kə dubə̄nən̄ kem bəlo ɓádə́ ń dubə̄n̄ deē yā Nə́ɓā tū tə́ ní tə́. Kə ənīn̄ nīnə́n kadə yān tə́.

PĀ GƏ̄ 45:10

Ngán mban̄g kə́ dəyá̰ gə̄ ran̄ kə yá̰á̰ súū rɔ̄ yāí gēé ō, nə̄yá̰ mban̄g súū rɔ̄n kə lɔ́ŕ kə́ kḭḭ Opir rań dɔ jī ko̰í tə́ ō.