RUTƏ 1:16 - Bibəl ta Sar̄

¹⁶ Banī Rutə tél ədan na: Ī-lōō kɔsə seḿ ta kəya̰ī ba tél gōí tə́. Loo ń ā āw̄ kə̄ tū tə́ ní m-ā m-āw̄ tū tə́ ō, loo ń ā ī-ɓīī tū tə́ ní m-ā m̄-ɓīī tū tə́ ō. De gə̄ yāí gə̄ a télən̄ de gə̄ yāḿ gə̄ ō, Nə́ɓā yāí a téĺ Nə́ɓā yāḿ ō.

Bible sar

¹⁶ Banī Rutə tél ədan na: Ī-lōō kɔsə seḿ ta kəya̰ī ba tél gōí tə́. Loo ń ā āw̄ kə̄ tū tə́ ní m-ā m-āw̄ tū tə́ ō, loo ń ā ī-ɓīī tū tə́ ní m-ā m̄-ɓīī tū tə́ ō. De gə̄ yāí gə̄ a télən̄ de gə̄ yāḿ gə̄ ō, Nə́ɓā yāí a téĺ Nə́ɓā yāḿ ō.

RUTƏ 1:16 Referans Kwoze

2 SAMUEL 15:21

Banī Itai tél əda mban̄g na: Tītə̄ ń Kɔ́ɔ̄ɓē ndiń kə kumneé noō ō, ḭ̄ ī-ndiń kə kumií ō noó, loo ń ā ī-ndi tū tə́ ní m-ā m̄-ndi tū tə́ ō, yā kadə̄ ré ā ī-ndi loo ní tə́ i kə kumií a, m-ā m̄-ndi tū tə́ kə kumḿ ō, ā óy i loo ní tə́ a, m-ā m-óy tū tə́ ō.

PĀ GƏ̄ 45:10

Ngán mban̄g kə́ dəyá̰ gə̄ ran̄ kə yá̰á̰ súū rɔ̄ yāí gēé ō, nə̄yá̰ mban̄g súū rɔ̄n kə lɔ́ŕ kə́ kḭḭ Opir rań dɔ jī ko̰í tə́ ō.

MATIYE 8:19

Nge ndóō de gə̄ ndū najə̄ kógə̄ḿ reē rɔ̄n tə́ ba ədan na: Ngoləḿ, loo malang ń ā āw̄ tū tə́ ní m-ā m-ún gōí.

JA̰A̰ 13:37

Piyer ədan na: Kɔ́ɔ̄ɓē, i tām̄ rí tə́ á ə́da na m-ásə kun gōí ngɔlaā aĺ ní? M-ə̄ndā dɔ rɔ̄ḿ danaá kɔ̄ɔ́ ɓá yā kadə̄ m-óy tām̄ yāí tə́.

1 TESALONIK 1:9

Tɔdɔ̄ de gə̄ malang a ənīn̄ i gotə loo kəhɔ ń ə́hɔījí kə̄ rɔ̄sí tə́ dan ń j-aw̄ń loosí ní ō, loo kəya̰ ń ə́ya̰ī ɓesə̄ gə̄ kɔ̄ɔ́, ba ī-tūrī rɔ̄sí kə̄ rɔ̄ Nə́ɓā kə́ rɔ̄kum kə́ ndi kə kumneé tə́ yā rāań kəla yān,

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

KƏLA RĀĀ 21:13

Anī ni-tél ədají na: Ī-nōōī ō, ī-sāāī kadə̄ kemḿ gān̄g man̄ ō i tām̄ rí tə́? Mā m-ə̄ndā dɔ rɔ̄ḿ danaá kɔ̄ɔ́ i yā kadə̄ do̰ō̰mə̄n̄ kə kəlaá ngóy alé, ba i yā kadə̄ m-óy Jerusalem gə̄gē ɓáý tām̄ yā rī Kɔ́ɔ̄ɓē Jeju tə́.

OJEE 13:4

Ɓá tā ba Israel, mā i Kɔ́ɔ̄ɓē Nə́ɓā yāí, əla gír i ndɔ̄ ń ī-teēń kɔ̄ɔ́ kem ɓē kə́ Ejiptə tə́ ní. Ḭ̄ ī-ger̄ Nə́ɓā kə́ rang alé ba i mā ngóy. Nge kajə de kə́ rang gətóo ba i mā ngóy.

DANIEL 2:47

Gō tə́ anī əda Daniel na: Rɔ̄kum, Nə́ɓā yāsí i Nə́ɓā kə́ bo tɔȳ nə́ɓā gə̄ malang ō, ni i ngol mban̄g gə̄ ō. I ni ngóy n i nge kɔjə deē yá̰á̰ kə́ to loo mundə̄ tə́ kadə̄ ger̄ ní, tɔdɔ̄ ḭ̄ ɔ́jəm̄ yá̰á̰ kə́ loo mundə̄ tə́ ń toō.

JEJU TEĒ KUM JA̰A̰ 14:4

Nin̄ i ngé gə̄ ń yḛrən̄ rɔ̄də́ kə dəyá̰ gēé aĺ ní, tɔdɔ̄ nin̄-unjə̄n̄ njáý njáý. Nin̄-unən̄ gō Ngōn̄ batə̄ loo malang ń ni-aw̄ tū tə́ ní tə́. I nin̄ n gāngə̄n̄ dɔdə́ dan de gə̄ tə́ tām̄ yā Nə́ɓā tə́ ō, Ngōn̄ batə̄ tə́ ō ní.

JOJUE 24:18

I ni n tə̄ɓā gír de gə̄ malang kɔ̄ɔ́ nojí tə́ ní ō. I ni n tə̄ɓā Amor gə̄ ń ndin̄ dɔ nang ń toō tə́ ní. J-a jə-rāā kəla yā Kɔ́ɔ̄ɓē ō, tɔdɔ̄ i ni n i Nə́ɓā yājí ní.

DANIEL 3:29

I beé ní m̄-gḛy kadə̄ de gə̄ rāān̄ yá̰á̰ ń toō: Deē ń a ɔr̄ najə̄ yā Nə́ɓā yā Sadərak ō Mesak ō Abed Nego ō majaĺ ní, ká ni i de kə́ dan gír de kə́ rá gə̄ tə́, aláa ni i de kə́ dan nápar de kə́ rá gə̄ tə́, aláa ta yān kə́ rá gə̄gē anī, a gángə̄n̄ deē ní naā tə́ bét bét ō, kújə yān a tél loo ɓōkə́ yá̰á̰ kə́ yḛr gə̄ ō. Tɔdɔ̄ nə́ɓā kə́ rāān kə́ asə kajə deē beé ní gətóo.

RUTƏ 1:15

Tā anī Noemi əda Rutə na: Á̰a̰ madí tél aw̄ gō de gə̄ yān gə̄ tə́ ō, gō ɓesə̄ yān gə̄ ń i nə́ɓā yān gə̄ tə́ ō ní ī-tél āw̄ gō madí tə́ ō.

RUTƏ 1:17

Loo ń ā óy tū tə́ ní m-ā m-óy tū tə́ ō, a dubə̄mə̄n̄ i loo ní tə́ ō. Ré i yo tá a kēgə̄jí naā tə́ seí, ba ré i yá̰á̰ kə́ rang anī ādə̄ Kɔ́ɔ̄ɓē rāām̄ yá̰á̰ kə́ tōr̄ ń toō ō, rāām̄ adə̄ tɔȳ dɔ ō!

RUTƏ 4:15

Ngōn̄ kaaí ní a rāā kadə̄ dɔí a ḭḭ dɔɔ́ wáńg wáńg ō, a ngɔ̄m̄ ɓə́gáí ō. Umií kə́ dəyá̰ i só tə́ tɔȳ ngání kə́ dəngam gə̄ sīrí. Tɔdɔ̄ ni tariī ō, ojə ngōn̄ kaaí ń toō adī ō.

Gōsə̄ najə̄ gə̄ 17:17

Madə̄ deē tár deē a tárən i kə kum mbang gə̄ malang, banī ngōkó̰o̰ deē i tām̄ yā ndɔ̄ ń yá̰a̰ a tɔyń dɔn tə́ ní.

RUTƏ 2:6

Anī ngāgəra dɔ ngé sāā kōō gə̄ tél əda na: I dəyá̰ kə́ Moab ń ḭḭ dɔ nang kə́ Moab tə́ reē kə Noemi ní.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.