RUTƏ 1:14 - Bibəl ta Sar̄

¹⁴ Loo ń noō tə́ dəyá̰ gə̄ ní mbutən̄ kə̄ nōō tə́ ɓáý to̰. Gō tə́ anī Orpa əhɔ umən kə́ dəyá̰ kə̄ rɔ̄n tə́ ɓirə̄n dagə ba ɔtə aw̄. Banī Rutə tə́ya̰ gō umən tə́.

Bible sar

¹⁴ Loo ń noō tə́ dəyá̰ gə̄ ní mbutən̄ kə̄ nōō tə́ ɓáý to̰. Gō tə́ anī Orpa əhɔ umən kə́ dəyá̰ kə̄ rɔ̄n tə́ ɓirə̄n dagə ba ɔtə aw̄. Banī Rutə tə́ya̰ gō umən tə́.

RUTƏ 1:14 Referans Kwoze

Gōsə̄ najə̄ gə̄ 18:24

Deē ń madə̄ tan gə̄ i ngá̰ý ní, a nujənən̄, banī madə̄ ta de kə́ rāā tɔdɔ̄n tɔȳ ngōkó̰o̰n i noó.

MATIYE 16:24

Gō tə́ anī Jeju əda ngé ndóō yá̰a̰ yān gə̄ na: Ré deē kógə̄ḿ gḛy reē gōḿ tə́ anī, adə̄ kɔ́ɔ̄ gír̄ dɔ rɔ̄n tə́ to̰ alé, ādə̄ kɔ́ɔ̄ əla dɔn gír kāgə̄ kə́ dēsə́ yān tə́ ba un gōḿ.

MATIYE 10:37

Deē ń tár bɔbə̄n aláa kó̰o̰n tɔȳm̄ ní, kɔ́ɔ̄ asə tél deē yāḿ alé. Deē ń tár ngōnən kə́ dəngam aláa kə́ dəyá̰ tɔȳm̄ ní, kɔ́ɔ̄ asə tél deē yāḿ alé.

HEBƏRO 10:39

Jḭḭ̄ i de gə̄ kə́ yā kɔr̄ rɔ̄jí kə̄ gogə́ yā kudə kɔ̄ɔ́ alé. Jḭḭ̄ i de kə́ ngé taā kem gə̄ ō, jə-ra i dɔ róbə kajə tə́ ō.

MATIYE 19:22

Dan ń balsáá ní oō najə̄ ní anī, ɔtə aw̄ kɔ̄ɔ́ kə wōngōó, tɔdɔ̄ ni i de kə yá̰a̰ kənge yān i ngá̰ý.

JAKARI 8:23

M-ə́da na kum mbang ngeé ń noō tə́ ní, tə̄rā gə̄ kutə, kə́ nin̄ kógə̄ḿ kógə̄ḿ ní ta yādə́ gə̄ i tayā tayā, a əhɔn̄ ta kūbə̄ yā Jipə kógə̄ḿ ba a ədanən̄ na: Jə-sāā kaw̄ sesí, tām̄ j-oō kadə̄ Nə́ɓā i sesí.

IJAI 14:1

Kɔ́ɔ̄ɓē a a̰a̰ kum tō ndoō yā Jakob. A̰á̰ā̰, ni a ɔjə ɓáý to̰ kadə̄ i ni n gə̄rā Israel ní. Ni a əndā Israel gə̄ dɔ nang yādə́ tə́ ō, tə̄rā gə̄ a ɓoon̄ rɔ̄də́ naā tə́ sedə́ ō, a télən̄ kojə yā Jakob gə̄ ō.

Gōsə̄ najə̄ gə̄ 17:17

Madə̄ deē tár deē a tárən i kə kum mbang gə̄ malang, banī ngōkó̰o̰ deē i tām̄ yā ndɔ̄ ń yá̰a̰ a tɔyń dɔn tə́ ní.

1 MBAN̄G GƏ̄ 19:20

Anī Elije əya̰ man̄g gə̄, ni a̰ȳ ngɔ̄də̄ gō Eli tə́ ba ədan na: Ādə̄m̄ ta róbə ādə̄ m-āw̄ m-ə́hɔ bɔbə́ḿ ō, kó̰ó̰ḿ ō kə̄ rɔ̄ḿ tə́, pá tá m-āw̄ gōí tə́ ɓáý. Anī Eli ədan na: Āw̄ loo yāí, m̄-rāā i rí seí?

NDŪ NAJƏ̄ 10:20

I Kɔ́ɔ̄ɓē Nə́ɓā yāsí n ā ī-ɓōlíī ndílən ō, ā ī-rāāī kəla yān ō, ā ə́hɔī gōn ō, ā ə̄nīī ndūsí i kə rīneé ō ní.

2 TIMOTE 4:10

Tām̄ Demas əya̰m̄ kɔ̄ɔ, tɔdɔ̄ yá̰á̰ kə́ dɔ nang tə́ kə́ ngɔlaā ń toō nelə̄n ngá̰ý, adə̄ ni-aw̄ Tesalonik. Tá Kəresa̰s aw̄ Galasi tə́ ō, Titə aw̄ Dalmati tə́ ō,

KƏLA RĀĀ 17:34

Banī de kə́rēý gə̄ dandə́ tə́ əhɔn̄ gō Pol ō, télən̄ ngé taā kem gə̄ ō. Denis ń ni i kə́ kógə̄ḿ yā ngé sarya kə́ bo gə̄ kə́ dɔ mbal̄ Areopajə tə́ ní, i dan de gə̄ ní tə́ ō, dəyá̰ kógə̄ḿ kə́ rīn na i Damaris i sedə́ ō, de kə́ rang gə̄ i sedə́ ɓáý to̰ ō.

TA KƏLA 31:28

Ba ḭ̄ ādə̄m̄ ta róbə kəhɔ ngánə́ḿ kə́ dəyá̰ gə̄ kə ngán kaaḿ gə̄ kə̄ rɔ̄ḿ tə́ alé. Kə́ ɓōó ń toō ī-rāā yá̰a̰ i tītə̄ de kə́ kur̄ dɔn gətóo.

NDŪ NAJƏ̄ 4:4

Ba sḭḭ̄ ń ə́hɔī gō Kɔ́ɔ̄ɓē Nə́ɓā yāsí ngan̄g ní, ɓōólaā sḭḭ̄ malang ī-ndiī kə kumsí.

RUTƏ 1:13

ā ī-ndiī yā ngóōdə́ kadə̄ tɔgən̄ a? Ā ī-lōōī gír taā de kə́ rang tə́ tām̄ yādə́ tə́ a? I beé alé ngánə́ḿ gə̄! Wurəḿ ɔlə̄m̄ ngá̰ý, wur kɔl yāḿ tɔȳ yāsí, tɔdɔ̄ Kɔ́ɔ̄ɓē əndam̄ kə ndéy jīneé.

RUTƏ 1:15

Tā anī Noemi əda Rutə na: Á̰a̰ madí tél aw̄ gō de gə̄ yān gə̄ tə́ ō, gō ɓesə̄ yān gə̄ ń i nə́ɓā yān gə̄ tə́ ō ní ī-tél āw̄ gō madí tə́ ō.

2 SAMUEL 19:39

Mban̄g əda na: Majə, ādə̄ Kimham aw̄ seḿ. Yá̰á̰ ń nelī ní m-ā m̄-rāā tām̄ yān tə́ ō, yá̰a̰ malang ń ā ī-dəjem̄ ní, m-ā m̄-rāā tām̄ yāí tə́ ō.

RUTƏ 1:7

Nin̄ ɔrə̄n̄ dɔɔ́ mbak. Ba dan ń nin̄ i róbó ní anī,

RUTƏ 2:11

Boj tél ədan na: Ənīmə̄n̄ gotə yá̰a̰ malang ń ī-rāā kə umií kə́ dəyá̰ gō yo ngaaí tə́ ní ō, gotə kəya̰ ń ə́ya̰ bɔbí ō, kó̰ó̰í ō, dɔ nang ń ojənī tū tə́ ní ō, ba ī-reē ī-ndiń dan de gə̄ kə́ ī-ger̄də́ kété aĺ tə́ ní ō.