RUTƏ 1:1 - Bibəl ta Sar̄

¹ Ɓāl̄ yā ngé sarya gə̄ tə́ ní ɓō əsō kem ɓēé. Anī deē kógə̄ḿ kə́ Betlehem kə́ dɔ nang kə́ Juda tə́ ndɔ́tə̄n̄ nin̄ kə nə̄yá̰n ō, ngánən kə́ dəngam kə́ jōó gə̄ ō, ba aw̄ ndin̄ dɔ nang kə́ Moab tə́.

Bible sar

¹ Ɓāl̄ yā ngé sarya gə̄ tə́ ní ɓō əsō kem ɓēé. Anī deē kógə̄ḿ kə́ Betlehem kə́ dɔ nang kə́ *Juda tə́ ndɔ́tə̄n̄ nin̄ kə nə̄yá̰n ō, ngánən kə́ dəngam kə́ jōó gə̄ ō, ba aw̄ ndin̄ dɔ nang kə́ Moab tə́.

RUTƏ 1:1 Referans Kwoze

TA KƏLA 12:10

Ɓō əsō kem ɓēé, adə̄ Abəram ḭḭ a aw̄ kə̄ Ejiptə tə́ yā kaw̄ ndi sḛ́ý, tɔdɔ̄ ɓō ní i ngá̰ý dɔ nang kə́ Kanaan tə́.

TA KƏLA 26:1

Ɓō əsō kem ɓēé, utə̄ gō ɓō ń rāā de gə̄ ɓāl̄ yā Abəraham tə́ ní. Adə̄ Isaak ḭḭ a aw̄ kə̄ Gerar ɓē Abimelek mban̄g yā Pilistin gə̄ tə́.

EJEKIEL 14:13

Ḭ̄ ngōn̄ deē, ōō! Majanī deē kógə̄ḿ gə̄ kə́ kem ɓē kógə̄ḿ tə́ rāān̄ yá̰á̰ kə́ gōtə́ aĺ seḿ, adə̄ najə̄ i dɔdə́ tə́, tɔdɔ̄ nin̄ ran̄ dɔ míndə́də́ tə́ alé. Loo ń noō tə́ m-ā m-ɔ́jə́ tɔ́gə́ḿ dɔdə́ tə́. Yá̰a̰ kəsa yādə́ ń ngɔ̄mə̄n̄ ní m-ā m̄-nujəń kɔ̄ɔ́ ō, m-ā m-ə̄nī ɓō dɔdə́ tə́ ō. I tītə̄ ń noō n m-ā m̄-rāań kadə̄ de gə̄ gə̄gē dā̰ gə̄ gə̄gē gətóon̄neé kɔ̄ɔ́ kem ɓēé ní.

NGÉ SARYA 17:8

Ni-əya̰ ɓē kə́ Betlehem kə́ Juda ba aw̄ a sāā loo kə́ rang yā namə̄ń. Ni-aw̄ bátə́ teē ɓē yā Mika tə́, gō nang kə́ mbalá yā Epəraim tə́.

LEBI GƏ̄ 26:19

M-ā m-ɔ̄r̄ tɔ́gə́sí ń ā ɔ́jiīń rɔ̄sí ngá̰ý ní. M-ā m̄-rāā kadə̄ dɔ rā̰ yāsí tél ngan̄g tītə̄ gində̄ adə̄ man̄ kə́ tū tə́ a edə aĺ ō, m-ā m̄-rāā kadə̄ dɔ nang yāsí tél ngan̄g tītə̄ gində̄ nə̄ngá kasə ō.

TA KƏLA 43:1

Ɓō rāā de gə̄ ngá̰ý kem ɓēé tɔȳ kə̄ kété ɓáý.

AMOS 4:6

Mā m̄-rāā adə̄ ɓō əsō dɔsí tə́ kə̄ kem ɓē bo yāsí gə̄ tə́ malang. M-ɔ̄gə̄sí yá̰a̰ kəsa kə̄ kem ngán ɓē yāsí gə̄ tə́ malang, banī sḭḭ̄ ī-téliī ī-reēī kum kə̄ rɔ̄ḿ tə́ alé. Najə̄ ń Kɔ́ɔ̄ɓē əda ní n noó.

PĀ GƏ̄ 105:16

Ni-rāā adə̄ ɓō əsō kem ɓēé, rāā adə̄ yá̰a̰ kəsa gətóo.

NDŪ NAJƏ̄ 28:38

Ā ī-dubə̄ kōō ngá̰ý kem ndɔr̄ yāí tə́ ba ā ə́ja i sḛ́ý beē, tɔdɔ̄ yḭm̄ gə̄ a əsan̄ kɔ̄ɔ́ malang.

EJEKIEL 14:21

Gō tə́ anī Kɔ́ɔ̄ɓē Nə́ɓā ədam̄ na: M-ə́la kə yá̰á̰ kə́ to kum kaȳ aĺ kə́ bo bo gə̄ gír i sɔ́ dɔ ɓē kə́ Jerusalem tə́. Yá̰a̰ gə̄ ní i rɔ̄ɔ̄ ō, ɓō ō, dā̰ kə́ do̰ gə̄ ō, mo̰y ngāl̄bɔ̄gīí kə́ kadə̄ tɔ̄l̄ de gə̄ ō dā̰ gə̄ ō.

JEREMI 14:1

Najə̄ kə́ Kɔ́ɔ̄ɓē ɔr̄ kə Jeremi dɔ loo kə́ əhɔ laa tə́.

PĀ GƏ̄ 107:34

I ni n i nge rāā kadə̄ dɔ nang kə́ teē yá̰a̰ tél dɔ nang kə́ teē yá̰a̰ aĺ, sɔɔ̄ń kem ndul yā de gə̄ kə́ ndin̄ tū tə́ ní.

1 MBAN̄G GƏ̄ 18:2

Eli aw̄ kadə̄ Akab a̰a̰n. Dan ngeé ń noō tə́ ní ɓō i ngá̰ý Samari.

NGÉ SARYA 12:8

Nge kɔr no Israel gə̄ kə́ gotə Jepte tə́ i Ibəsan. Ni i de kə́ Betlehem.

2 SAMUEL 21:1

Dan ń Dabid a o̰o̰ń ɓē ní, ɓō kógə̄ḿ əsō kem ɓēé. Ɓō ní rāā de gə̄ ɓāl̄ mətá. Dabid aw̄ koō taá rɔ̄ Kɔ́ɔ̄ɓē tə́ anī, Kɔ́ɔ̄ɓē ədan na: I ɓōkə́ ń Saul nin̄ kə gír kojə yān gēé ɓōkə́n̄ mósə de gə̄ nang tə́ ní n ɓō əsōń kem ɓēé ní. I tɔ̄l̄ ń ni tɔ̄l̄ Gabaon gə̄ ní.

NGÉ SARYA 17:7

Balsáá kógə̄ḿ ndi Betlehem kə́ Juda tə́, ni i ngōn̄ Lebi ba nam̄ i kə ɓē kə́ Betlehem ń i ɓē yā gír kaa kógə̄ḿ kə́ Juda ní.

MISE 5:2

Kɔ́ɔ̄ɓē a əya̰ gír deē yān gə̄ kɔ̄ɔ́ dan kə́rēý tə́. Gō tə́ anī, ndɔ̄ a reē noó kadə̄ dəyá̰ ń sɔɔ̄ kadə̄ ojə ngōn̄ ní, ojə ngōn̄ kə́ dəngam. Ngé gə̄ ń a ndin̄ kə kumdə́ ɓáý gō kɔydə́ kaw̄ sedə́ dɔ ɓē kə́ rang tə́ dɔ gúú tə́ ní, a reēn̄ yā kənge gotə́ Israel gə̄ kadə̄ a ɓoon̄ naā.

1 YÁ̰A̰ GƏ̄ 2:51

Salma nge kəndā gír ɓē kə́ Betlehem ō, Harep nge kəndā gír ɓē kə́ Bet Gader ō.

1 YÁ̰A̰ GƏ̄ 2:54

Ngán Salma gə̄ i de kə́ Betlehem gə̄ ō, Netopa gə̄ ō, Atrot Bet Yoab gə̄ ō, núsə Manahat gə̄ ō, Sora gə̄ ō,