Makətūbə̄ ń Pol ndang adə̄ Rom gə̄ ní 9:4 - Bibəl ta Sar̄

⁴ Tām̄ nin̄ i ngán Israel gə̄: Nə́ɓā rāādə́ i ngánən gə̄ tə́ ō, adə̄də́ kɔsə gɔn yān ō, rāā madə̄ naā sedə́ ō, adə̄də́ ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

Bible sar

⁴ Tām̄ nin̄ i ngán *Israel gə̄: Nə́ɓā rāādə́ i ngánən gə̄ tə́ ō, adə̄də́ *kɔsə gɔn yān ō, rāā *madə̄ naā sedə́ ō, adə̄də́ *ndū najə̄ yān gə̄ ō, ɔjədə́ loo rāā kəla kadə̄n ō, ənī míndən yā kadə̄də́ yá̰a̰ gə̄ ō.

Makətūbə̄ ń Pol ndang adə̄ Rom gə̄ ní 9:4 Referans Kwoze

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.

PĀ GƏ̄ 147:19

Ni-əda gír deē yān gə̄ najə̄ yān ō, ɔjə Israel yá̰a̰ gə̄ ń ndang kadə̄ yā rāā ní ō, gō míndən gə̄ ō.

Makətūbə̄ ń Pol ndang adə̄ Rom gə̄ ní 9:6

Adə̄ yá̰á̰ ń Nə́ɓā ənī míndən yā rāā ní, ni-rāā aĺ i mbée a? Najə̄ m̄-sāā kəda ní n noó alé. Tɔdɔ̄ de gə̄ malang ń nin̄ i gír yā Israel tə́ ní, nin̄ i Israel kə́ rɔ̄kum gə̄ malang alé.

TA KƏLA 17:2

M-ā m-ə́hɔ madə̄ naā seí ō, m-ā m-ə́hɔ kadə̄ gír kaaí a ojə naā ngá̰ý ō.

KƏLA RĀĀ 2:39

Tɔdɔ̄ Nə́ɓā ənī míndən i tām̄ yāsí tə́ ō, i tām̄ yā ngáńsí gə̄ tə́ ō, de gə̄ ń ndin̄ sa̰y ngá̰ý tə́ ní ō, de kə́ ngá̰ý gə̄ ń Kɔ́ɔ̄ɓē Nə́ɓā yājí a ɓāŕdə́ ní tə́ ō.

NDŪ NAJƏ̄ 7:6

Tɔdɔ̄ sḭḭ̄ i gír de gə̄ kə́ ɔrə̄n̄ kam̄sí tayā tām̄ yā Kɔ́ɔ̄ɓē Nə́ɓā yāsí tə́. I sḭḭ̄ n Kɔ́ɔ̄ɓē gə̄rāsí dan gír de gə̄ malang kə́ dɔ nang tə́ tə́ kadə̄ ī-téliī gír deē yān gə̄ kə́ sɔɔ̄ dɔn nəkɔ́ ngóý ní.

Teē Ngán Israel gə̄ 4:22

Ā ə́da Parao̰ na najə̄ ń Kɔ́ɔ̄ɓē əda ní n toó: Israel i ngōn̄ hágə́ḿ mā Nə́ɓā.

HEBƏRO 9:1

Madə̄ naā kə́ ta kəga dɔ aw̄ kə ndū najə̄ gə̄ kə́ dɔ rāań a rāān̄ kəla adə̄n̄ Nə́ɓā tə́ ní ō, aw̄ kə kújə yā Kɔ́ɔ̄ɓē dɔ nang tə́ ō.

PĀ GƏ̄ 89:3

Rɔ̄kum, m-ə́da na: Kem majə yāí to ngándáńg dɔ rā̰ tə́. Ḭ̄ ī-rāā adə̄ ra dɔ ndū tə́ yāí ndi ngándáńg dɔ rā̰ tə́.

1 MBAN̄G GƏ̄ 8:11

Ngé tun̄ yá̰a̰ gə̄ asən̄ tél kun ta kəla yādə́ to̰ alé sɔɔ̄ń kil̄ man̄ ní, tɔdɔ̄ i kɔsə̄ gɔn yā Kɔ́ɔ̄ɓē n taā kem kújə malang ní.

Makətūbə̄ ń Pol ndang adə̄ Rom gə̄ ní 8:15

Tām̄ Ndíĺ ń ə́ngeī ní rāāsí adə̄ ī-téliī i ɓəlo gə̄ aĺ ō, rāāsí adə̄ ī-tél ī-ɓōlíī gogə́ aĺ ō. Banī ə́ngeī i Ndíĺ kə́ rāāsí adə̄ ī-téliī ngáń Nə́ɓā gə̄. Tɔdɔ̄ i kə ta kūl̄neé n j-əgaī kɔŕ j-ədaī na: Aba, Bɔbə̄jí ní.

JA̰A̰ 1:17

Tɔdɔ̄ adə̄n̄jí ndū najə̄ i kə ta kūl̄ Moijə, ba kem majə ō, najə̄ kə́ rɔ̄kum ō reēn̄ i kə ta kūl̄ Jeju Kərist.

JEREMI 31:33

Madə̄ naā ń m-ā m̄-rāā kə de kə́ gír yā Israel tə́ gə̄ gō ndɔ̄ gə̄ ń noō tə́ ní n toó: M-ā m-ə̄ndā ndū najə̄ yāḿ gə̄ mósə́də́ tə́ ō, m-ā m̄-ndangən ngarān̄g kemdə́ tə́ ō. M-ā m̄-téĺ Nə́ɓā yādə́ ō, nin̄ a télən̄ gír deē yāḿ gə̄ ō. Najə̄ ń Kɔ́ɔ̄ɓē əda ní n noó.

NDŪ NAJƏ̄ 14:1

Sḭḭ̄ i ngán Kɔ́ɔ̄ɓē Nə́ɓā yāsí, adə̄ ā ī-tə́jāī rɔ̄sí, aláa ā ī-dəsāī dɔsí yā rāań ndoō de kə́ koy alé.

TA KƏLA 17:7

M-ā m-ə́hɔ madə̄ naā seí ō, kə ngán kaaí gə̄ ń a utə̄n̄ gōí ní ō, kə gō kojədə́ gēé. I madə̄ naā kə́ a to ngándáńg, adə̄ mā i Nə́ɓā yāí ō, yā gír kojə yāí ń a utə̄ gōí ní ō.

HEBƏRO 9:10

Najə̄ kə́ tū tə́ i najə̄ kə́ dɔ yá̰a̰ kəsa gə̄ tə́ ō, yá̰a̰ ka̰ȳ tə́ ō, tə́go rɔ̄ kə́ tayā tayā gə̄ tə́ ō ngóy. Adə̄ i gō jī loo rāā yá̰a̰ de gə̄, kə́ rāān̄neé kəla bátə́ ugə̄ kum mbang ń Nə́ɓā tūrəń gír yá̰a̰ gə̄ tə́ ní.

HEBƏRO 9:3

Kemən kə́ nge ko̰ jōó i gidə kūbə̄ gān̄g kem kújə́ kə́ ko̰ jōó tə́. A ɓārə́n̄ kemən kə́ ko̰ jōó ní na i loo kə́ táĺ ngá̰ý.

JA̰A̰ 1:47

Jeju a̰a̰ Natanayel a reē kə̄ rɔ̄n tə́ anī, ɔr̄ najə̄ yān əda na: Ngōn̄ Israel kə́ rɔ̄kum n toó, i de kə́ gól̄ loo gətóo kemən tə́ bátə́.

MATIYE 21:33

Ōōī kūjə́ najə̄ kə́ rang ɓáý to̰. Kɔ́ɔ̄ loo kógə̄ḿ ndɔr̄ kāgə̄ nduú ba əndā ndogə̄ mbal̄ gīrəń gidə ō, ndēr̄ bəlo kə́ yā mbə́reń kan̄ kāgə̄ nduú kemeé ō, rāā kújə ngɔm̄ kə́ ngāl̄ ɓururu kum kə̄ dɔɔ́ kemeé ō, ba adə̄ ngé ndɔr̄ kāgə̄ nduú gə̄ kadə̄ a̰a̰n̄ gō ō, adə̄nən̄ kan̄ nduú ō, ba aw̄ mbā tə́.

OJEE 11:1

Kɔ́ɔ̄ɓē əda na: Dan ń Israel i ngōn̄ ɓáý ní, m̄-tárən ō, m̄-ɓārə́n ni ngōnə̄ḿ kadə̄ teē kɔ̄ɔ́ kem ɓē kə́ Ejiptə tə́ ō.

JEREMI 31:20

Epəraim i ngōn̄ kó tár tām̄ yāḿ mā tə́ a? I ngōn̄ kə́ nelə̄m̄ seneé ngá̰ý a? Kə ndɔ̄ gə̄ ré m-ɔ̄r̄ najə̄ yān anī, rīn reē tamḿ tə́ kə̄ nja naā tə́. Kemḿ tōrə̄m̄ najə̄ yān tə́. Kumḿ o̰o̰m̄ seneé ba tél o̰o̰m̄ ɓáý to̰. Najə̄ ń Kɔ́ɔ̄ɓē əda ní n noó.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán Israel gə̄ tə́ ní, m̄-tél i bɔbə̄də́ adə̄ Epəraim i ngōn̄ hágə́ḿ.

IJAI 60:19

Ā ī-sāā i mbang yā ka̰a̰ń loo kadaá to̰ aĺ ō, i nāā yā ka̰a̰ń loo ndɔ̄ɔ́ to̰ aĺ ō. Mā Kɔ́ɔ̄ɓē Nə́ɓā yāí, m-ā m̄-tél loo kə́ unjə̄ kow kə́ ta tɔ̄l̄ tan gətóo tām̄ yāí tə́ ō, m-ā m̄-rāā kadə̄ á̰a̰ loo kə́ unjə̄ kow ń m-ūnjə̄ ní ō.

IJAI 46:3

Israel gə̄, ōōī najə̄ yāḿ, sḭḭ̄ kojə yā Jakob ń ī-na̰yiī ní. M-ə́lá gír ka̰a̰ gōsí i dan ń ojən̄neésí ní tə́. M-ə́lá gír kətōsí i ndɔ̄ ń ī-reēīneé dɔ nang tə́ ní.

IJAI 41:8

Banī ḭ̄ Israel, ḭ̄ nge kəla yāḿ, Jakob, ḭ̄ i gír de gə̄ kə́ m̄-gə̄rādə́, i madə́ḿ Abəraham n ojiī ní.

IJAI 5:2

Ni ndɔr̄ dɔ nang ní ō, ró̰ȳ kɔkərɔ gə̄ kə́ tū tə́ kɔ̄ɔ́ ō, ba əhɔ kāgə̄ nduú kə́ majə gə̄ kem ndɔr̄ yān ní tə́. Ni-rāā kújə ngɔm̄ kə́ ngāl̄ kə̄ dɔɔ́ yā ngɔ̄məń ndɔr̄ ní ō, ndēr̄ loo kə́ yā mbə́rē kan̄ nduú tū tə́ ō. Ni-əndā kemən dɔ kənge kan̄ nduú kə́ majə tə́ kem ndɔr̄ kāgə̄ nduú yān ní tə́, banī kanə̄n ń ni-ənge ní, i kə́ masə̄.

PĀ GƏ̄ 90:16

Ādə̄ ngé kəla yāí gə̄ a̰a̰n̄ kəla rāāí kə kumdə́ ō, ādə̄ ngáńdə́ gə̄ a̰a̰n̄ ndə́lē ń ī-ndə́lē ngá̰ý ní ō.

PĀ GƏ̄ 89:34

Banī kem majə yāḿ a to tām̄ yān tə́ ngándáńg ō, ndūḿ ń m-ə̄nī m-ə́hɔń madə̄ naā seneé ní, m-ā m̄-rā dɔ tə́ ō.

PĀ GƏ̄ 78:61

Ni əya̰ sandúkə́ kə́ táĺ ń i yá̰á̰ kə́ ɔjə kadə̄ ni i de kə́ ngan̄g ō, kə́ kɔsə gɔn yān i ngá̰ý ō ní, adə̄ madə̄ ba̰ā̰n gə̄ taā aw̄n̄neé.

PĀ GƏ̄ 73:1

Pā yā Asap. Nə́ɓā i de kə́ majə tām̄ yā Israel tə́ rɔ̄kum. Ni i de kə́ majə tām̄ yā de gə̄ ń kemdə́ unjə̄ njáý njáý tə́ ní.

PĀ GƏ̄ 63:2

Nə́ɓā, ḭ̄ i Nə́ɓā yāḿ, ngurií rāām̄ ta gír loo tə́, kəndāí rāām̄. Rɔ̄ḿ malang kə taá gḛyiī tītə̄ dɔ nang kə́ ɔr kɔ̄ɔ́ ō, tutə ō, man̄ gətóo tū tə́ ō.

NEHEMI 13:29

Nə́ɓā yāḿ, ādə̄ əga kemií dɔdə́ tə́, tɔdɔ̄ kəla tun̄ yá̰a̰ ō, madə̄ naā kə́ kəhɔ kə ngé tun̄ yá̰a̰ gēé ō ngán Lebi gēé ō ní, nin̄ rāān̄ adə̄ majaĺ tákə̄!

NDŪ NAJƏ̄ 31:16

Kɔ́ɔ̄ɓē əda Moijə na: Ā óy yā kaw̄ gō kaaí gə̄ tə́, ba gír de gə̄ ń toō a ḭḭn̄ gotií tə́ yā rāā ɓesə̄ gə̄ ń i nə́ɓā yā tə̄rā gə̄ ń ndin̄ dɔ nang ń nin̄ a aw̄n̄ kə̄ tū tə́ ní. Nin̄ a əya̰mə̄n̄, adə̄ a gāngə̄n̄ madə̄ naā ń m-ə́hɔ sedə́ ní kɔ̄ɔ́.

NDŪ NAJƏ̄ 29:14

ba i kə deē ń ra sejí ɓōólaā ta kum Kɔ́ɔ̄ɓē Nə́ɓā yājí tə́ ní ō, kə deē ń i sejí ɓōólaā aĺ ɓáý ní ō.

NDŪ NAJƏ̄ 29:1

Moijə ɓāŕ ngán Israel gə̄ malang ba ədadə́ na: Yá̰a̰ malang ń Kɔ́ɔ̄ɓē rāā kə mban̄g Parao̰ ō, kə ngé rāā kəla yān gə̄ ō, kə dɔ nang yān ō, ta kumsí tə́ kem ɓē kə́ Ejiptə tə́ ní, sḭḭ̄ kɔ́ gə̄ á̰a̰ī kə kumsí malang.

TƏ́DA 7:89

Dan ń Moijə udə kem kújə kənge naā tə́ yā kɔr̄ najə̄ kə Kɔ́ɔ̄ɓēé anī, ni oō ndū Kɔ́ɔ̄ɓē loo kɔr̄ najə̄ tə́ seneé. Ndūn ní ɓār̄ i mbo̰ō̰ ngé ngɔ̄m̄ loo kə́ dɔ rā̰ tə́ gə̄ ń ran̄ dɔ ta sandúkə madə̄ naā tə́ ní. Loo ń noō tə́ ni-ɔr̄ najə̄ seneé.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, kɔsə gɔn yā Kɔ́ɔ̄ɓē reē taā kem kújə yān malang ō.

Teē Ngán Israel gə̄ 34:27

Kɔ́ɔ̄ɓē əda Moijə na kə ndang najə̄ gə̄ ń noō, tɔdɔ̄ n-əndā ngəra madə̄ naā ń na ni-əhɔ seneé ō, kə ngán Israel gēé ō ní na i dɔ najə̄ gə̄ ń noō tə́.

Teē Ngán Israel gə̄ 12:25

Ré ā ūgī dɔ nang ń Kɔ́ɔ̄ɓē ənī ndūn yā kadə̄sí tə́ ní anī, ā ī-rāāī yá̰á̰ ń noō.

TA KƏLA 32:28

Deē ní dəjen na ké rīn na i rí wa. Anī Jakob tél ədan na rīn na i Jakob.

TA KƏLA 17:10

Yá̰á̰ ń m-ə̄ndā dɔsí tə́ kə ngán kaaí gēé kadə̄ ī-rāāī ní n toó: Dəngam gə̄ malang a əjan̄ mɔtədə́.

TA KƏLA 15:18

Ndɔ̄ ń noō tə́ Kɔ́ɔ̄ɓē əhɔ madə̄ naā kə Abəram. Ni-ədan na: M-ādə̄ ngán kaaí gə̄ dɔ nang ń toō ń əla gír bā kə́ Ejiptə tə́ bátə́ ugə̄ń Opəratə ń i bā kə́ bo ní tə́ ní.

Makətūbə̄ ń Pol ndang adə̄ Rom gə̄ ní 3:2

Jipə gə̄ tɔȳn̄ de kə́ rang gə̄ i kə yá̰a̰ malang. Tɔdɔ̄ i nin̄ n Nə́ɓā ədadə́ najə̄ kété kadə̄ ngɔ̄mə̄n̄ ní.

NDŪ NAJƏ̄ 4:13

Ɔr̄ najə̄ sesí i dɔ madə̄ naā yān ń rāā sesí ní tə́, adə̄ i najə̄ kə́ kutə kógə̄ḿ gə̄ ń ndangdə́ dɔ bar mbal̄ gə̄ tə́ jōó ba ədasí na kə úniī gō ní.

EJEKIEL 1:28

Loo kə́ unjə̄ kow ń gīr̄ gidən ní, to tītə̄ kə́ dēsə́ bā kə́ teē tū kil̄ man̄ tə́ ndɔ̄ man̄ kə́ edə tə́ beē. Yá̰á̰ ní ɔjə i kum gotə kɔsə gɔn yā Kɔ́ɔ̄ɓē. Dan ń m-á̰a̰ā̰ anī, m̄-teē m-ə̄sō m̄-sébə kumḿ nang tə́. Anī m-oō ndū deē kógə̄ḿ ɔr̄ najə̄ seḿ.

2 KORḚNTƏ 11:22

Nin̄ i Hebəro gə̄ a? Mā i Hebəro ō. Nin̄ i ngán Israel gə̄ a? Mā i ngōn̄ Israel ō. Nin̄ i ngán kaa Abəraham gə̄ a? Mā i ngōn̄ kaa Abəraham ō.

GALATƏ 3:16

Banī i Abəraham ō, ngōn̄ kaan ō n Nə́ɓā ənī míndən adə̄də́ ní. I kə́ kəda na i ngán kaan gə̄ tītə̄ kə́ nin̄ i ngá̰ý beē alé, ba na i ngōn̄ kaaí, adə̄ i de kə́ kal kógə̄ḿ beē, deē ní i Kərist.

HEBƏRO 9:5

De kə́ dɔ rā̰ tə́ gə̄ kə́ to kɔsə gɔn gə̄ i dɔ tə́, rāān̄ ndíl dɔ loo kənge mā̰ȳ rɔ̄ tə́ ń i dɔ sandúkə madə̄ naā tə́ ní. Ba ngɔlaā ní, loo kɔr̄ najə̄ gə̄ ń noō kə ta njaá kógə̄ḿ kógə̄ḿ gətóo.

HEBƏRO 9:6

Dan ń yá̰a̰ gə̄ ń noō malang i kə́ tə́ndādə́ tītə̄ ń noō ní, ngé tun̄ yá̰a̰ gə̄ a udən̄ kem kújə tandā kə́ ta kəga dɔ tə́ i kə dɔ ndɔ̄ gə̄ yā rāań kəla yādə́.