Makətūbə̄ ń Pol ndang adə̄ Rom gə̄ ní 9:32 - Bibəl ta Sar̄

³² I tām̄ yā rí tə́? I tɔdɔ̄ nin̄-gírə̄n̄ kadə̄ i taā kem yādə́ n a rāā kadə̄ nin̄-télən̄ de kə́ gōtə́ gə̄ ta kum Nə́ɓā tə́ ní alé, banī i kəla rāādə́ gə̄. Adə̄ mbal̄ əgadə́

Bible sar

³² I tām̄ yā rí tə́? I tɔdɔ̄ nin̄-gírə̄n̄ kadə̄ i taā kem yādə́ n a rāā kadə̄ nin̄-télən̄ de kə́ gōtə́ gə̄ ta kum Nə́ɓā tə́ ní alé, banī i kəla rāādə́ gə̄. Adə̄ mbal̄ əgadə́

Makətūbə̄ ń Pol ndang adə̄ Rom gə̄ ní 9:32 Referans Kwoze

1 KORḚNTƏ 1:23

Banī jḭḭ j-ɔjə i najə̄ yā Kərist kə́ əndanən̄ kə máyá̰ tū kāgə̄ kə́ dēsə́ tə́. I najə̄ kə́ əga Jipə gə̄ bə̄dē tə́, banī de gə̄ ń nin̄ i Jipə aĺ gə̄ ní, i najə̄ kə́ to mbóo ta kumdə́ nin̄ tə́.

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

Makətūbə̄ ń Pol ndang adə̄ Rom gə̄ ní 11:11

m̄-dəjesí ɓáý to̰: Kəsō ń ngán Israel gə̄ əsōn̄ ní, i kə́ njɔ́ḿ gə̄ tə́ a? Sḛ́ý aĺ bátə́! Banī i kə ta kūl̄ kəsō ń əsōn̄ ní n, de gə̄ ń i Jipə aĺ gə̄ ní əngenə̄ń kajə, yā kadə̄ Jipə gə̄ tél əndānńdə́ nii dɔ tə́ ní.

Najə̄ kə́ Majə yā Jeju ń Luk ndang ní 7:23

Rɔ̄nel̄ i kə deē ń a əsō najə̄ yāḿ mā tə́ aĺ ní.

Makətūbə̄ ń Pol ndang adə̄ Rom gə̄ ní 10:3

Tɔdɔ̄ nin̄-gerə̄n̄ loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé, adə̄ ḭḭ sāān̄ i loon yādə́ nin̄ kɔ́ gə̄ kə́ sɔɔ̄ dɔdə́. A loo ń noō tə́ ní nin̄-aw̄n̄ gír loo rāā ń Nə́ɓā rāań de gə̄ kadə̄ télən̄ de kə́ gōtə́ gə̄ ta kumən tə́ ní alé.

Makətūbə̄ ń Pol ndang adə̄ Rom gə̄ ní 4:16

Adə̄ j-a j-əngeī yá̰á̰ ń Nə́ɓā ənī míndən yā kadə̄jí ní sɔɔ̄ń i taā kem yājí, yā kadə̄ jə-gerīiń na i Nə́ɓā n adə̄ yá̰á̰ ń toō tām̄ rajə yān tə́ ō, kadə̄ kənī míndə yā Nə́ɓā kə́ tām̄ yā Abəraham tə́ ní to noó ɓáý tām̄ yā ngán kaan gə̄ tə́ malang ō. I ngán kaan gə̄ ń rāān̄ yá̰á̰ kə́ ndū najə̄ ɔjə ní ngóy alé, ba i ngé gə̄ ń taān̄ kem tītə̄ yān ní ō. Abəraham i kaají malang,

Najə̄ kə́ Majə yā Jeju ń Luk ndang ní 2:34

Simeo̰ tɔ́r̄ tan dɔdə́ tə́ ba əda Mari kó̰o̰ ngōn̄ na: Nə́ɓā gə̄rā ngōn̄ ń toō i yā rāań kadə̄ Israel gə̄ ngá̰ý tə́sōn̄ najə̄n tə́ ō, Israel gə̄ ngá̰ý a ḭḭn̄ dɔɔ́ kə kūl̄neé ō. Ni i yá̰a̰ kɔjə kə́ de gə̄ ngá̰ý a tɔ́sə̄n̄ gātə̄ ō. I tītə̄ ń noō n ni-rāań adə̄ dɔ gír̄ kə́ kem de kə́ ngá̰ý gə̄ tə́ teēń ndágá ní.

MATIYE 13:57

Jeju i tītə̄ bə̄dē kə́ əgadə́ beé. Tā anī Jeju ədadə́ na: Nge koō ta ní, de gə̄ a kídə̄nən̄ i kem ɓē kojən tə́ ngóy ō, gír kojə yān tə́ ngóy ō.

IJAI 8:14

Tām̄ yā ɓē ko̰o̰ kə́ jōó gə̄ yā Israel tə́ ní, ni i loo kə́ táĺ, ni i mbal̄ kə́ nge kəga deē, mbal̄ kə́ nge rāā deē kadə̄ əsō. Ndɔ̄ń tə́ ni i gūmbə̄ tām̄ yā de kə́ Jerusalem gə̄ tə́.

IJAI 8:15

Ni a tə́gā nja de gə̄ ngá̰ý, kadə̄ a əsōn̄ ō, a tétə̄n̄ rárák kɔ̄ɔ́ ō. Gūmbə̄ a əhɔdə́ ō, a asən̄ teē kum tə́ aĺ ō.

1 PIYER 2:6

Tɔdɔ̄ yá̰á̰ ń makətūbə̄ yā Nə́ɓā əda ní n toó: m̄-gə̄rā mbal̄ kógə̄ḿ kə́ gātə̄n i ngá̰ý, m-ə̄ndā kem ɓē kə́ Siyo̰ tə́ ngɔlaā tītə̄ mbal̄ nja kújə́ kə́ kíĺ tə́ beē. Ba deē ń a taā kem mbal̄ ngeé ń toō ń i Kərist ní, yá̰á̰ kə́ a tə́lan naā tə́ yā kadə̄ rɔ̄n sɔlə̄n a gətóo.