Makətūbə̄ ń Pol ndang adə̄ Rom gə̄ ní 9:30 - Bibəl ta Sar̄

³⁰ I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

Bible sar

³⁰ I beé ní kə j-ədaī na i rí tā? Yá̰á̰ ń kadə̄ j-ədaī ní n toó: De gə̄ ń nin̄ i *Jipə aĺ gə̄ ō, sāān̄ kadə̄ kə n-télən̄ de kə́ gōtə́ gə̄ ta kum Nə́ɓā tə́ aĺ ō ní, ngɔlaā télən̄ de kə́ gōtə́ gə̄ ta kum Nə́ɓā tə́ tām̄ nin̄-taān̄ kem.

Makətūbə̄ ń Pol ndang adə̄ Rom gə̄ ní 9:30 Referans Kwoze

PILIPƏ 3:9

Ɓoo naā yājí seneé i ɓoo naā kə́ líbə́ri a mān̄ mbo̰ō̰ tə́ alé. Loo ń noō tə́ m̄-tél de kə́ nge rāā yá̰á̰ kə́ gō tə́ ta kum Nə́ɓā tə́, i kə ta kūl̄ rāā kə́ m̄-rāā yá̰a̰ gə̄ ń ndū najə̄ yā Nə́ɓā əda ní to̰ alé, ba i kə ta kūl̄ taā kə́ m̄-taā kem Kərist. Yá̰á̰ kə́ gōtə́ ń noō i yā Nə́ɓā. I deē ń taā kem ní n Nə́ɓā rāān de kə́ gōtə́ tə́ ní.

HEBƏRO 11:7

I kə ta kūl̄ taā kem n Noe oōń tā yā Nə́ɓā ní. Nə́ɓā tāān najə̄ yá̰á̰ ń a rāā yā rāā yá̰a̰, banī ni asə ka̰ā̰ kə kumneé aĺ ɓáý ní. Ni oō ta Nə́ɓā adə̄ rāā to bo yā kajəń gír kojə yān ō, dā̰ rɔ̄n nəkɔ́ ō. Dan ń ni-rāā yá̰á̰ ń noō ní, ni-gān̄g i sarya dɔ de kə́ dɔ nang tə́ gə̄ tə́ ō, Nə́ɓā rāān de kə́ gōtə́ tə́ kə ta kūl̄ taā kem yānneé ní ō.

GALATƏ 2:16

Ɓá tā ba jə-gerī kadə̄ yá̰á̰ ń rāā adə̄ deē tél de kə́ súmūú ta kum Nə́ɓā tə́ ní, i ngɔ̄m̄ ndū najə̄ gə̄ alé, ba i kadə̄ deē taā kem Jeju Kərist. Adə̄ jḭḭ̄, jə-taāī kem Kərist Jeju ō, yā kadə̄ gerə̄n̄neé kadə̄ jḭḭ̄ i de kə́ súmūú gə̄ sɔɔ̄ń taā kə́ jə-taāī kem Kərist, banī i sɔɔ̄ń ngɔ̄m̄ kə́ jə-ngɔ̄mī ndū najə̄ gə̄ alé. Tɔdɔ̄ de kə́ kadə̄ Nə́ɓā rāān de kə́ súmūú tə́, sɔɔ̄ń ngɔ̄m̄ kə́ kɔ́ɔ̄ ngɔ̄m̄ ndū najə̄ ní, gətóo.

Makətūbə̄ ń Pol ndang adə̄ Rom gə̄ ní 4:11

Tɔdɔ̄ dan ń Nə́ɓā adə̄ Abəraham əja mɔtən ní, Nə́ɓā əndā tə́re dɔ Abəraham tə́ yā kɔjəń kadə̄ ká ré Abəraham əja mɔtən aĺ ɓáý gə̄gē anī, na n-rāān kadə̄ tél de kə́ gōtə́ najə̄ taā kem yān tə́. Adə̄ i tām̄ noō tə́ n Abəraham i bɔbə̄ ngé gə̄ malang ń əjan̄ mɔtədə́ alé ba taān̄ kem, adə̄ Nə́ɓā tə́dádə́ dan de kə́ gōtə́ gə̄ tə́ ō ní.

EPEJƏ 2:12

Ādə̄ əga kemsí dɔ tə́ na dan ń noō tə́ ní sḭḭ̄ i kanjə̄ Kərist ō, sḭḭ̄ i tə̄rā gə̄ ō, sḭḭ̄ i dan de gə̄ yā Nə́ɓā tə́ aĺ ō, ɔrə̄n̄sí kɔ̄ɔ́ tū madə̄ naā ń Nə́ɓā ənī míndən tāmən tə́ ní ō, ī-ndiī dɔ nang tə́ i kanjə̄ yá̰á̰ kə́ kadə̄ ə̄ndāī kemsí dɔ tə́ ō, kanjə̄ Nə́ɓā ō.

GALATƏ 5:5

Kə́ tām̄ yājí tə́ tā anī, j-a jə-ngóō kə ngangāá kə ta kūl̄ Ndíl kadə̄ Nə́ɓā rāājí adə̄ jə-tél de kə́ súmūú gə̄ ta kumən tə́, tītə̄ ń j-əndāń kemjí dɔ tə́ ní.

Makətūbə̄ ń Pol ndang adə̄ Rom gə̄ ní 10:20

Ijai aw̄ bátə́ əda ɓáý to̰ na: De gə̄ ń əngemə̄n̄ ní i ngé sāāḿ gə̄ alé. De gə̄ ń m-ɔ́jə rɔ̄ḿ ta kumdə́ tə́ ní, i ngé gə̄ ń dəjemə̄n̄ yá̰á̰ sḛ́ý aĺ bátə́ ní.

Makətūbə̄ ń Pol ndang adə̄ Rom gə̄ ní 10:6

Ba á̰a̰ī najə̄ ń ədan̄ dɔ loo téĺ ń de gə̄ a télən̄ de kə́ gōtə́ gə̄ ta kum Nə́ɓā tə́ tām̄ taā kem yādə́ tə́ ní. Ədan̄ na kə ī-lōō gír̄ kəda kemií tə́ na ké i náā n a aw̄ dɔ rā̰ tə́ yā reē kə Kərist ní wa,

Makətūbə̄ ń Pol ndang adə̄ Rom gə̄ ní 9:14

Ní, kə j-ədaī na i rí? Kadə̄ Nə́ɓā i de kə́ gōtə́ aĺ a? Yḛtə aĺ bátə́!

IJAI 51:1

Kɔ́ɔ̄ɓē əda na: Sḭḭ̄ ń majə kadə̄ ajən̄sí ní, sḭḭ̄ ń ī-sāāī gerə̄m̄ ní, ōōī najə̄ yāḿ. Á̰a̰ī mbal̄ ń tə́gā ɔrə̄n̄sí tū tə́ ní, kɔkərɔ kə́ kán̄ dɔ naā tə́ ń unən̄sí danaá ní.

1 PIYER 4:3

Tɔdɔ̄ kété ní sḭḭ̄ úniī kum mbang kə́ təsó ngá̰ý ī-rāāīneé yá̰a̰ tītə̄ ń de kə́ ndágá gə̄ a rāān̄neé ní. Adə̄ sḭḭ̄ ī-rāāī yá̰á̰ kə́ majaĺ gə̄ ń ɓōn i kemsí tə́ ní ō, sḭḭ̄ i ngé kum ndaa yá̰a̰ gə̄ ō, ngé ka̰ȳ kasə kadə̄ rāāsí gə̄ ō, ngé kəsa wa gə̄ ō, ngé ka̰ȳ kasə ngá̰ý loo rɔ̄nel̄ gə̄ tə́ ō, ngé rāā ɓesə̄ kə́ majaĺ ngá̰ý gə̄ ō.

1 TIMOTE 6:11

Ba ḭ̄ ń i deē yā Nə́ɓā ní, ā̰ȳ kɔ̄ɔ́ ta yá̰a̰ gə̄ ń noō tə́. Ba ī-sāā yá̰a̰ rāā kə́ gōtə́ ō, yá̰a̰ rāā kə́ kə gō ń Nə́ɓā ndigə ní ō, taā kem ō, tár ō, kəhɔ rɔ̄ tɔ́gə ō, háĺ kə́ sɔl̄ lɔm ō.

GALATƏ 3:24

Adə̄ ndū najə̄ əndā kumən gíŕjí tə́ bátə́ kadə̄ dan ń Kərist reē ugə̄ anī, jə-taāī kemən yā téləń de kə́ súmūú gə̄.

GALATƏ 3:8

Tá ndangən̄ kem makətūbə̄ yā Nə́ɓā tə́ kété na, Nə́ɓā a rāā kadə̄ de gə̄ ń i Jipə aĺ gə̄ ní, a télən̄ de kə́ súmūú gə̄ loo ń a taān̄ kem ní. I tām̄ najə̄ ń toō tə́ n ədan̄ Abəraham Najə̄ kə́ Majə ń toō kemeé na: Nápar de gə̄ malang a əngen̄ tɔ́r̄ ta i kə ta kūlīí ní.

Makətūbə̄ ń Pol ndang adə̄ Rom gə̄ ní 10:10

Tɔdɔ̄ i taā kem kə́ mámák n a rāāī kadə̄ ī-tél de kə́ gōtə́ ní ō, i kəda kə́ əda taí tə́ na Jeju i Kɔ́ɔ̄ɓē ní n a ajiī ní ō.

Makətūbə̄ ń Pol ndang adə̄ Rom gə̄ ní 9:31

Banī ngán Israel gə̄ ń a sāān̄ ndū najə̄ kə́ yā rāā sedə́ kadə̄ kə n-télən̄ de kə́ gōtə́ gə̄ ta kum Nə́ɓā tə́ ní, mānə̄n̄ dɔ ndū najə̄ ní kɔ̄ɔ́.

Makətūbə̄ ń Pol ndang adə̄ Rom gə̄ ní 5:1

Jə-téliī de kə́ súmūú gə̄ ta kum Nə́ɓā tə́ kə gō taā kem yājí kɔ̄ɔ́ ɓá, adə̄ ngɔlaā ní dɔ dáńjí kə Nə́ɓāá i lápə́ya kə ta kūl̄ Kɔ́ɔ̄ɓē yājí Jeju Kərist.

Makətūbə̄ ń Pol ndang adə̄ Rom gə̄ ní 4:22

Adə̄ i tām̄ ń noō tə́ n Nə́ɓā tə́dan dan de kə́ gōtə́ tə́ ní.

Makətūbə̄ ń Pol ndang adə̄ Rom gə̄ ní 4:13

Tɔdɔ̄ Nə́ɓā ənī míndən adə̄ Abəraham ō, ngán kaan gə̄ ō na a əngen̄ dɔ nang malang yá̰a̰ haladə́ tə́. Kənī ń Nə́ɓā ənī míndən toó i tām̄ rāā kə́ Abəraham rāā yá̰á̰ kə́ ndū najə̄ ɔjə tə́ alé, banī i tām̄ ni ń i de kə́ gōtə́ ta kum Nə́ɓā tə́ najə̄ taā kem yān tə́ ní.

Makətūbə̄ ń Pol ndang adə̄ Rom gə̄ ní 4:9

Ní, najə̄ rɔ̄nel̄ ń Dabid əda toó ní i tām̄ yā ngé kəja mɔtə gə̄ tə́ ngóy, aké i tām̄ yā ngé kəja mɔtə aĺ gə̄ tə́ ō ḿ? Tɔdɔ̄ j-ədaī na Nə́ɓā rāā Abəraham de kə́ gōtə́ tə́ ta kumən tə́ i najə̄ taā kem yān tə́.

Makətūbə̄ ń Pol ndang adə̄ Rom gə̄ ní 3:5

Ba ré yá̰a̰ rāājí kə́ gōtə́ aĺ gə̄ ɔjən̄ kadə̄ Nə́ɓā i de kə́ gōtə́ anī, kə j-əda na i rí ɓáý to̰? Dan ń Nə́ɓā rāā wōn̄g sejí ní, ni i de kə́ gōtə́ a? Najə̄ ń m-ɔ̄r̄ ní i kə gō yā deē ndul gēé.

Gōsə̄ najə̄ gə̄ 21:21

Deē ń sāā tél de kə́ súmūú ō de kə́ nge kem majə ō ní a ndi kə kumneé ta kaw̄ jóo ō, a rāān̄ háĺ kə́ gōtə́ seneé ō, a rɔȳnən̄ ō.

Gōsə̄ najə̄ gə̄ 15:9

Háĺ ngé kem ndul gə̄ i yá̰á̰ kə́ yḛr ta kum Kɔ́ɔ̄ɓē tə́, banī ni táŕ ngé ngɔ̄də̄ gō yá̰á̰ kə́ gōtə́ gə̄ tə́.