Makətūbə̄ ń Pol ndang adə̄ Rom gə̄ ní 9:28 - Bibəl ta Sar̄

²⁸ Tɔdɔ̄ Kɔ́ɔ̄ɓē a rāā kadə̄ najə̄ yān reē udə gírí dɔ nang tə́ laā i kə taá malang ō, i láẃ ō.

Bible sar

²⁸ Tɔdɔ̄ Kɔ́ɔ̄ɓē a rāā kadə̄ najə̄ yān reē udə gírí dɔ nang tə́ laā i kə taá malang ō, i láẃ ō.

Makətūbə̄ ń Pol ndang adə̄ Rom gə̄ ní 9:28 Referans Kwoze

IJAI 10:23

A̰á̰ā̰, nujə loo ngeé ń toō ní, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý un ndūn najə̄n tə́ kɔ̄ɔ́, adə̄ ni-rāā kadə̄ yá̰á̰ ní reē udə gírí kem ɓēé malang.

JEJU TEĒ KUM JA̰A̰ 19:11

Gō tə́ anī m-á̰a̰ dɔ rā̰ ra kə wōyōó, anī sə́ndá kə́ ndaa teē. Ba deē ń ndi gidən tə́ ní, rīn na i nge ra dɔ ndūn tə́ ō, kə́ rɔ̄kum ō. Ni a gān̄g sarya ō, a rɔ̄ɔ̄ ō, i kə gō róbə́ kə́ gōtə́.

KƏLA RĀĀ 17:31

Tɔdɔ̄ ni-gān̄g ndɔ̄ ń kadə̄ a gāngəń sarya kə́ gōtə́ dɔ de gə̄ malang kə́ dɔ nang tə́ ní kɔ̄ɔ́. Ni a gān̄g sarya ní i kə ta kūl̄ deē ń ni-əndān ní. Deē ní oy banī ni-ndólə̄n, ɔjəń de gə̄ malang kadə̄ n-a n-gān̄g sarya ní i kə ta kūl̄ deē ní rɔ̄kum.

MATIYE 24:21

Tɔdɔ̄ kem ndɔ̄ gə̄ ngeé ń noō tə́ ní, wur de gə̄ a ɔldə́ ngá̰ý. Wur kɔl kə́ tītə̄ ń noō gətóo ta kəla gír tə́ bátə́ ngɔlaā ń toō tə́ ō, a to gogə́ to̰ aĺ bátə́ ō.

IJAI 28:22

I beé ní, ī-dəbaī ta mbóo kə deē yāsí. Ré i beé aĺ anī, súĺ yāsí gə̄ a ndɔ́tə̄n̄ kum kə̄ rɔ̄ naā tə́ kadə̄ gō a ngan̄g tɔȳ kə́ kété ɓáý. A̰á̰ā̰, Kɔ́ɔ̄ɓē Nə́ɓā kə́ bo kə́ tɔ́gən i ngá̰ý ədam̄. Ni un ndūn yā nujə ɓē kə taá malang kɔ̄ɔ́.

IJAI 5:16

Kɔ́ɔ̄ɓē kə́ bo kə́ tɔ́gən i ngá̰ý a ɔjə kadə̄ ni i de kə́ bo i kə ta kūl̄ kəndā ngəra yá̰á̰ kə́ súmūú. Nə́ɓā kə́ táĺ a ɔjə háĺ kə́ táĺ yān i kə ta kūl̄ rāā tá kadə̄ de gə̄ ɓōlə́n̄ gidə yá̰a̰ rāā kə́ gōtə́.

PĀ GƏ̄ 65:5

Rɔ̄nel̄ i kə deē ń ī-gə̄rān kadə̄ reē rɔ̄í tə́ ní. Ni a ndi ndágə loo kə́ gīr̄ gidə kújə yāí tə́. Yá̰a̰ kəsa kə́ majə majə gə̄ kə́ kem kújə yāí tə́ ō, yá̰á̰ gə̄ kə́ kem kújə́ kə́ táĺ yāí tə́ ō ndānə̄n̄jí.

PĀ GƏ̄ 9:8

Kɔ́ɔ̄ɓē o̰o̰ ɓē ngándáńg! Ni-rāā adə̄ kōr̄ kāgə̄ mbang yān ndi ngan̄g yā rāań sarya.

IJAI 10:22

Tá Israel, ká ré kutə gír deē yāí gə̄ i ngá̰ý tītə̄ nán̄g ngárə̄ḿnjēý kə́ ta bā bo tə́ gə̄gē, i gotədə́ ń a na̰y ní ngóy n a tél yā reē rɔ̄ Kɔ́ɔ̄ɓē tə́ ní. Unən̄ ndūdə́ kɔ̄ɔ́ yā nujə loo. Yá̰a̰ rāā kə́ gōtə́ a taā loo tītə̄ man̄ beé.