Makətūbə̄ ń Pol ndang adə̄ Rom gə̄ ní 9:27 - Bibəl ta Sar̄

²⁷ Ɓáý to̰ ní Ijai ɔr̄ najə̄ yā ngán Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

Bible sar

²⁷ Ɓáý to̰ ní Ijai ɔr̄ najə̄ yā ngán *Israel gə̄ ngeé ń noō kə ndū boó əda na: Ká ré kutə ngán Israel gə̄ asəń i kə kutə nán̄g ngárə̄ḿnjēý kə́ ta bā bo tə́ gə̄gē anī, i gotədə́ kə́ na̰y n a ənge kajə yā Nə́ɓā ní.

Makətūbə̄ ń Pol ndang adə̄ Rom gə̄ ní 9:27 Referans Kwoze

IJAI 1:9

Ré Kɔ́ɔ̄ɓē kə́ bo kə́ tɔ́gən i ngá̰ý, əya̰ de kə́rēý gə̄ danjí tə́ adə̄ ndin̄ kə kumdə́ ɓēé loojí aĺ anī, j-a jə-toī i tītə̄ ɓē kə́ Sodom beé ō, j-a jə-teēī naā i kə ɓē kə́ Gomor ō.

EJEKIEL 6:8

Banī m-ā m-ə́ya̰ gotə de kə́ sḛ́ý beē gə̄ ngóy, de gə̄ kə́ dɔ dáń nápar de gə̄ tə́ ń teēn̄ ta yo kaskar tə́ ní, dan ń a tə̄ndā tḭ̄ḭ̄n̄sí kə̄ kem ɓē kə́ rang gə̄ tə́ ní.

JEREMI 5:10

Ālī dɔ ndogə̄ mbal̄ yān gə̄ tə́ ō, ī-nujiī loo ō, banī ī-nujiī loo sák sák kə taá malang alé. Ī-tɔ́rī ta jī kāgə̄ nduú kə́ kemeé gə̄ kɔ̄ɔ́ na i yá̰a̰ yā Kɔ́ɔ̄ɓē alé.

IJAI 11:11

Ndɔ̄ ngeé ń noō tə́ ní, Kɔ́ɔ̄ɓē a əla jīn kə́ kə tɔ́gɔ́ ɓáý to̰ yā kɔrə̄ń gotə gír deē yān gə̄ ń na̰yn̄ ní ɓəloó, adə̄ i ngé gə̄ ń a ndin̄ dɔ nang kə́ Asiri tə́ ō, Ejiptə tə́ ō, Patəros tə́ ō, Kus tə́ ō, Elam tə́ ō, Sinear tə́ ō, Hamat tə́ ō, dor̄ loo gə̄ kə́ kum bā bo gə̄ tə́ ō ní.

IJAI 24:13

A̰á̰ā̰, dɔ nang tə́, dan gír de gə̄ tə́ ní, i yá̰á̰ kə́ sḛ́ý beē ngóy n a na̰y ní. A to i tītə̄ gotə kan̄ kāgə̄ olibə gə̄ kə́ dɔ kāgə̄ olibə gə̄ tə́, gō kəja kan̄ kāgə̄ olibə gə̄ tə́ beē, aláa a to i tītə̄ dɔ bəra kan̄ nduú kə́ gō gogə́ gə̄ kə́ deē a sāā gō kəja kan̄ kāgə̄ nduú gə̄ tə́ beē.

IJAI 1:1

Yá̰á̰ kə́ dɔ ɓē ko̰o̰ yā Juda tə́ ō, dɔ ɓē kə́ Jerusalem tə́ ō ń Ijai kə́ ngōn̄ Amots a̰ā̰ ní n toó. Ni-a̰a̰ yá̰a̰ gə̄ ní i dan ń Ojias ō, Yotam ō, Akaj ō, gō tə́ anī i Ejekias ō i mban̄g gə̄ kə́ Juda ní.

ESDRAS 9:14

Ní loo kadə̄ jə-tél jə-mbātə́ najə̄ taí tə́ gogə́ ɓáý kadə̄ taā naā ton̄ dɔ dáńjí tə́ ɓáý kə de kə́ ngé rāā yá̰á̰ kə́ yḛr gə̄ ń noō i ba̰ý? Wōn̄g a rāāī sejí ngá̰ý adə̄ ā ī-nujə sejí kɔ̄ɔ́ malang kanjə̄ kəya̰ deē kógə̄ḿ aĺ a?

ESDRAS 9:8

Ngɔlaā ní Kɔ́ɔ̄ɓē Nə́ɓā yājí ī-rajəjí i ngɔr ɓáý. Tɔdɔ̄ ḭ̄ ī-teē ta róbə adə̄ gír deē yājí gə̄ ń teēn̄ ta yo tə́ ní tél reē ndin̄ dɔ nang yāí kə́ táĺ tə́ gogə́. I beé n Nə́ɓā yājí, ī-rāań ādə̄ kumjí teēń yḛr sḛ́y ō, dɔjí ḭḭń dɔɔ́ já̰já̰ ō, dan ń jḭḭ i ɓəlo gə̄ ɓáý ní.

JEREMI 44:14

De kə́ a ndi kə kumneé aláa de kə́ a teē ta yo tə́ dan gotə Juda gə̄ tə́ ō, ngé gə̄ ń reē ɓɔ̄ɔ̄n̄ rɔ̄də́ Ejiptə tə́ ō ní a gətóo. De kə́ a tél yā kaw̄ gogə́ kem ɓē kə́ Juda tə́ ń nin̄ gírə̄n̄ tél kaw̄ ndi ɓē kemeé ní a gətóo. Nin̄ a télən̄ yā kaw̄ kemeé alé, banī i ngé teē ta yo tə́ kə́rēý gə̄ tá ngóy.