Makətūbə̄ ń Pol ndang adə̄ Rom gə̄ ní 9:22 - Bibəl ta Sar̄

²² Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Bible sar

²² Nə́ɓā gḛy i kɔjə wōn̄g yān ō, tɔ́gən ō. Ɓá tā ba ni-tə́gā tan dɔ ngé gə̄ ń asə kadə̄ ni-rāā wōn̄g sedə́ ō, nujədə́ kɔ̄ɔ́ ō ní tə́.

Makətūbə̄ ń Pol ndang adə̄ Rom gə̄ ní 9:22 Referans Kwoze

Gōsə̄ najə̄ gə̄ 16:4

Kɔ́ɔ̄ɓē rāā yá̰a̰ malang i kə kumneé, de kə́ nge kem ndul gə̄gē ni-rāān i tām̄ yā ndɔ̄ yá̰á̰ kə́ to kum kaȳ aĺ tə́.

Makətūbə̄ ń Jud ndang ní 1:4

Tɔdɔ̄ de kə́rēý kə́ ngé kem ndul gə̄ udən̄ dansí tə́ jəke. Nin̄-tūrə̄n̄ gír rajə ń Nə́ɓā rajə de gə̄ ní kɔ̄ɔ́ adə̄ rāān̄ i yá̰a̰ kutə̄ gidə rɔ̄ yādə́ tə́, yā rāań yá̰á̰ kə́ majaĺ kə́ tayā tayā gə̄ ń ngurən i kemdə́ tə́ ní. Ba Jeju Kərist ń i ni ngóy n i ngoljí ō, Kɔ́ɔ̄ɓē yājí ō ní, nin̄-mbātə́nən̄ kɔ̄ɔ́. Sarya ń gāngə̄n̄ dɔdə́ tə́ ní, ndangən̄ najə̄n kem makətūbə̄ yā Nə́ɓā tə́ i kété jóo.

1 PIYER 2:8

Tá ndangən̄ loo kə́ rang tə́ ɓáý to̰ na: I mbal̄ kə́ əga nja de gə̄, i mbal̄ bo kə́ nge rāā kadə̄ de gə̄ tə́sōn̄. Mbal̄ ní əga njadə́ i tɔdɔ̄ nin̄-mbātə́n̄ taā kem najə̄ yā Nə́ɓā. Tá kété nəkɔ́ gə̄gē ní, əndān̄də́ i kadə̄ yá̰á̰ ń noō rāādə́ ō.

Makətūbə̄ ń Pol ndang adə̄ Rom gə̄ ní 9:21

Nánjə̄ ń kɔdə jóó ló̰ȳ ní, asə rāań yá̰á̰ ń kemən ndigə ní aĺ a? Ré gḛy kəɓāń i jóó kə́ to rɔȳ anī, a əɓāń ō, i jóó kə́ karī anī a əɓāń ō aĺ a?

2 TIMOTE 2:20

Jóo gə̄ ń ton̄ kem kújə́ kə́ bo tə́ ní, rāān̄ kə́rēý gə̄ i kə lɔ́rɔ́ ō, kə gində̄ arjā̰a̰á̰ ō, ngóy alé. Kə́ rang gə̄ i kə́ rāā kə kāgāá ō, kə nánjá ō. Adə̄ kə́rēý gə̄ i tām̄ yā kəla kə́ to rɔȳ tə́ ō, kə́rēý gə̄ i tām̄ yā kəla kə́ to rɔȳ aĺ gə̄ tə́ ō.

Teē Ngán Israel gə̄ 9:16

Banī n-əya̰ī ādə̄ ī-ndi kə kumií i yā kadə̄ n-ɔjiīń tɔ́gən ō, kadə̄ rīn ɓārəń dɔ nang tə́ laā malang ō.

1 TESALONIK 2:16

Nin̄-ɔgə̄n̄jí kɔjə nápar de kə́ rang gə̄ Najə̄ kə́ Majə kadə̄ ajən̄neé ō, a tɔ̄lə̄n̄ ta yá̰a̰ rāādə́ kə́ majaĺ i tītə̄ ń noō dejə ō. Banī Nə́ɓā gān̄g sarya dɔdə́ tə́ ta tɔ̄l̄ ta tə́.

Makətūbə̄ ń Pol ndang adə̄ Rom gə̄ ní 9:17

I beé n Nə́ɓā ədań Parao̰ najə̄ ń ndangən̄ kem makətūbūú na: I mā n m-úniī yā kɔjəń tɔ́gə́ḿ ō, yā kadə̄ rīḿ ɓārəń dɔ nang tə́ laā malang ō ní.

2 PIYER 2:3

Sɔɔ̄ń rāā ta nar kə́ kemdə́ tə́ ní, ngé ndóō de gə̄ yá̰á̰ kə́ rɔ̄kum aĺ gə̄ ngeé ń toō, a ndóōn̄sí najə̄ kə́ tūr̄ gidə kɔ̄ɔ́ kə kum kedēé gə̄ yā kəsańsí. Banī a gāngə̄n̄ sarya dɔdə́ tə́ ngɔr ō, a nujən̄ sedə́ sák sák ngɔr ō.

PĀ GƏ̄ 90:11

I náā n asə ger̄ tɔ́gə wōn̄g yāí ní? Deē ń ɓōĺ ndílí ngá̰ý ní a ger̄ wōn̄g yāí majə!

TƏ́DA 14:18

Kɔ́ɔ̄ɓē i de kə́ nge rāā wōn̄g láẃ aĺ ō, nge rāā kem majə ngá̰ý ō, nge kəndā njan dɔ yá̰á̰ kə́ gōtə́ aĺ kə́ deē rāā tə́ ō, dɔ dum̄ naā yā deē tə́ ō. Banī deē ń najə̄ əhɔn̄ ní, a mbəre najə̄ dɔn tə́ kɔ̄ɔ́ aĺ ō, yá̰á̰ kə́ majaĺ gə̄ ń bəra ngán gə̄ rāān̄ ní, a ənda ngáńdə́ gə̄ ō, ngán kaadə́ gə̄ ō, kaa gugūdə́ gə̄ ō, kaa dɔgədə́ gə̄ ō najə̄n tə́.

TƏ́DA 14:11

Kɔ́ɔ̄ɓē əda Moijə na: I ndɔ̄ kə́ rá tə́ n a asə gír de gə̄ toō mbātə́m̄ ní? m̄-rāā yá̰á̰ kə́ yáā gə̄ malang kə́ ɔjən̄ tɔ́gə́ḿ kə̄ ndágá dɔ dáńdə́ tə́, ba i rə́ngáý tə́ n a ənīn̄ kemdə́ yā kadə̄m̄ ní?

1 TESALONIK 5:9

Tɔdɔ̄ Nə́ɓā əndājí i yā kadə̄ wōn̄g yān əsō dɔjí tə́ alé, banī i yā kadə̄ j-ajiī kə ta kūl̄ Kɔ́ɔ̄ɓē yājí Jeju Kərist ń

TA KƏLA 15:16

Ngán kaaí gə̄ kə́ nge ko̰ sɔ́ a télən̄ yā reē loo ń toō tə́ laā, tām̄ majaĺ yā Amor gə̄ asə kadə̄ m̄-tə̄ɓańdə́ kɔ̄ɔ́ aĺ ɓáý, tɔdɔ̄ mān̄ dɔ loon alé.

2 PIYER 3:15

Majə kadə̄ ī-rāāī tə́gā ta kə́ dan i ngá̰ý yā Kɔ́ɔ̄ɓē yājí i ta róbə́ kə́ kadə̄ ájiīneé tə́! Ngōkó̰ó̰jí kə́ kó tár yājí ń i Pol ní, ndang adə̄sí kə gō kum kedə̄ ń Nə́ɓā adə̄n ní i tītə̄ ń noō ō.

2 PIYER 2:9

Kumən na Kɔ́ɔ̄ɓē asə kɔr̄ de kə́ ngé rāā yá̰a̰ kə gō ń ni-ndigə ní gə̄ kum yá̰a̰ nāā tə́ ō, asə ngɔ̄m̄ de kə́ gōtə́ aĺ gə̄ yā rāādə́ yá̰á̰ kə́ tōr̄ ndɔ̄ gān̄g sarya tə́ ō.

1 PIYER 3:20

Kumən na ɔjə i ndíl de gə̄ ń kété mbātə́n̄ ta Nə́ɓā, dan ń Nə́ɓā a tə́gań tan ɓáý ndɔ̄ gə̄ ń Noe a rāań to bo tə́ ní. I de kə́ sḛ́ý beē gə̄, adə̄ malang ɓáa i deē sɔ́sɔ́ ngóy n udən̄ kem toó ajən̄neé ní.

Makətūbə̄ ń Pol ndang adə̄ Rom gə̄ ní 1:18

Nə́ɓā ndi dɔɔ́ dɔ rā̰ tə́ rāāń wōn̄g kə yá̰a̰ malang kə́ majaĺ ō, kə́ gō tə́ aĺ ō ń de gə̄ rāān̄ ní. Tɔdɔ̄ nin̄-ɔgə̄n̄ najə̄ kə́ rɔ̄kum rāā kəla sɔɔ̄ń yá̰a̰ rāādə́ kə́ majaĺ gə̄.

NŌŌ RƆ̄ 3:22

I kem majə yā Kɔ́ɔ̄ɓē kə́ ta ngóyn gətóo. Ni-a̰a̰ kum tō ndoō yā de gə̄ ngándáńg.

Makətūbə̄ ń Pol ndang adə̄ Rom gə̄ ní 9:20

Banī ḭ̄ deē i náā á kadə̄ ī-nējī naā najə̄ kə Nə́ɓāá ní? Yá̰á̰ ń kɔdə̄ əɓā kə jīneé ní a tél a əda kɔdə̄ na ké i tām̄ rí tə́ áké kɔdə̄ əɓān beé wa a?